رىئال مادرىد گېرمانىيە مەشقاۋۇلىغا يېقىنلاشتى

missi2

2015-يىلى 2-ئاينىڭ 19-كۈنى سەھەردە رىئال مادرىد قارشى تەرەپ مەيدانىدا شاللىك 04 كوماندىسى بىلەن مۇسابىقىلىشىدۇ. ئۇزغۇنلۇق گۇرۇپپا مۇسابىقىسى ۋە ئىسپانىيە بىرلەشمىسىدە ئالدىنقى بىر مەزگىل قالتىس ئىپادىسى بىلەن ماڭغان رىئال مادرىدنىڭ يېڭى يىل كىرگەندىن بۇيانقى نەتىجىسى دىگەندەك ياخشى بولماي قالدى. شاللىك 04كوماندىسى بىلەن بولغان مۇسابىقە يېتىپ كېلىش ئالدىدا مادرىد كوماندا ئەزالىرىغا شۇنداقلا مەشقاۋۇل ئەنچىلوتتىغا كېلىۋاتقان بېسىم ھەقىقەتەن كىچىك ئەمەس.



رىئال مادرىد 0-4نەتىجىدە مادرىد ئاتلىتىكىغا ئۇتتۇرۋەتكەندىن كېيىن رىئال مادرىد كۇلۇب يۇقىرى قاتلىمىدىكى بىرقىسىم كىشىلەر رەئىس فىلورېنتىنوغا ئەنچىلۇتتىنى ئىشتىن بوشۇتۇش ھەققىدە تەكلىبلەرنى بەرگەن. ئۇلار مادرىدنىڭ ھازىرقىدەك ئەھۋالغا چۈشۈپ قىلىشىغا مەشقاۋۇل مەسئۇل بولۇشى كېرەك دەپ قارىغان. ئۇلارنىڭ قارىشىچە ئەنچىلوتتى بىرقىسىم ئەزالارنى ئالماشتۇرۇپ ئىشلىتىشنى بىلمىگەنلىكتىن ھازىرقىدەك كەڭ دائىرىلىك يارىدارلارنىڭ بارلىققا كېلىشىگە سەۋەبچى بولغان.
ئىسپانىيە تاراتقۇلىرىدا  مادرىد ب كوماندىسىنىڭ مەشقاۋۇلى زىدانى ئەنچىلوتتىنىڭ ئورنىغا قويۇلۇشى مۇمكىن دەپ خەۋەرلەر بېرىلگەن بولسىمۇ ئەمما ئىتالىيە تاراتقۇلىرىنىڭ خەۋەر قىلىشىچە بۇلتۇر گېرمانىيەنى يىتەكلەپ دۇنيا چىمپىيۇنى قىلغان لىفمۇ مادرىدنىڭ مەشقاۋۇل تاللاش دائىرىسىگە كىرگەن.

ئەنچىلوتتىنىڭ رىئال مادرىدتىكى توختام ۋاقتى  2016-يىلى يازدا ئاخىرلىشىدۇ، ئۇ گەرچە مادرىد كۇلۇب تارىخىدىكى 10-قېتىملىق ياۋروپا ئۇزغۇنلۇق لوڭقىسىسنى ئېلىشىغا تۆھپە قوشقان بولسىمۇ كوماندىنىڭ يېقىنقى بىر مەزگىلدىكى ناچار ئىپادىسىدىن  كۇلۇب يۇقىرى قاتلىمى  شۇنداقلا مەستانىلار  رازى بولۇشمىغان. ئەگەر ئەنچىلوتتى كوماندىغا يىتەكچىلىك قىلىپ بۇ خىل پاسسىپ ئەھۋالنى ئۆزگەرتەلمىسە فىلورېنتىنو  گېرمانىيە مەشقاۋۇلى لىفنى ئىشلىتىشى مۇمكىن. دىققەت قىلىشقا تىگىشلىك يېرى شۇكى 55ياشقا كىرگەن لىفنىڭ گېرمانىيە دۆلەت كوماندىسى بىلەن بولغان توختام مۇددىتىمۇ 2016-يىلى يازدا توشىدۇ.
لىف ئىسپانىيە پۇتبولىغا بەك ئامراق بولۇپ ‹‹ دۇنيا تەنتەربىيە گېزىتى››نىڭ زىيارىتىنى قوبۇل قىلغاندا :‹‹ ئۆزىنىڭ بارسېلونا بىلەن  مادرىدتىن ئىبارەت ئىككى  كوماندىنىڭ مۇسابىقىسىنى دائىم كۆرۈپ تۇرىدىغانلىقىنى ،ئۆزى يىتەكلىگەن گېرمانىيە كوماندىسىنىڭمۇ بارسېلونا ۋە ئىسپانىيە كوماندىسىنىڭ بىر قىسىم ئامىللىرىنى قوبۇل قىلغانلىقىنى ›› بىلدۇرگەن.

بارچۇق

xah-diyar يوللىغان ۋاقتى  2015-2-17 13:48
ھەممە ئىشنى  ئەنچېلوتتىدىن كۆرگىلىمۇ بولمايدۇ،بەزى ئى ...

بىرەسى تىرنىر يارىمىدى دىمىگەندۇ، پۇتبول مەستانىسى مەن دەپ يۈرىۋاتقان سىلەمۇ كۆرگەنسىلە ھىچ بولمىسا خەۋەرلىدىن مادرىدتا زاپاس ئەزالار زاپاس بۇلىۋىردىغان ئاساسلىقلار ئاساسلىق بۇلىۋىردىغان ۋەزيەتنىڭ كىم تەرپىدىن شەكىللىنىۋاتقىننى؟

بولسا كۆيدۈرگۈچى ئىنكاسلارنى ئازراق يېزىشساق

xah-diyar

ھەممە ئىشنى  ئەنچېلوتتىدىن كۆرگىلىمۇ بولمايدۇ،بەزى ئىشلاردا توپچىلارنىڭمۇ مەسۇليىتى بار،رېئال مادرىدقا
ئەنچېلوتتىدەك تېرىنىرمۇ يارىمىسا ئۇنداقتا كىم يارا؟مويىس بىلەن بوئاس تېرىنىر بولۇپ باقسا قانداق بولار؟

xah-diyar

ساداقەت يوللىغان ۋاقتى  2015-2-17 13:54
بىرەسى تىرنىر يارىمىدى دىمىگەندۇ، پۇتبول مەستانىسى م ...

خەۋەرلەردىن كۆرمىدىڭلىمۇ سىلى تېرىنىر يارىمىدى دمىگەن بىلەن فېلورېنتونىڭ ئەتراپىدىكىلەر دېگەننىڭ
گېپى بار،يارىغان بوسا ئالماشتۇرىدىغاننىڭ گېپى چىقارمىدى؟ياخشى خوتۇننى ھېچكىم قويۇپ بەرمەيدۇ،ئۆزەڭلارنى
ئەنچېلوتتىنىڭ ئورنىدا قويۇپ تەھلىل قىلىپ بېقىڭلار،ھەر قانداق يەدە جەڭگە ئاۋال ئاتنىڭ ياخشىسى چۈشىدۇ،
ياخشى ئات ھېرىپ قالغاندا ياكى يارلانغاندا زاپاسلارغا ئاندىن نۆۋەت تىگىدۇ،ناۋادا سىلىنى مادرىدقا تېرىنىر قىلىپ قويسا
رونالدو راموسلارنى ئولتۇرغۇزۇپ قويۇپ زاپاس ئەزالارنى مەيدانغا چۈشۈرۈشۈڭلار مىنىڭچە يەتتە قات تاغنىڭ نېرىسىدا،
مىنىڭ ئىنكاسىمنى كۆيدۈرگۈچ ئىنكاس دېسەڭلار زادى قانداق ئىنكاس يازساق بولار؟

بارچۇق

مىنىڭمۇ بۇ ئادەمگە بولغان بىردىن بىر نارازلىقىم ئاساسلىق ئەزالار يارلانمىغىچە زاپاس ئەزالارغا پۇرسەت يوق دىيەرلىك، ئادەم ئالماشتۇرشىغۇ يادا بۇلۇپ كەتتى
ئىختىدارىدىن گۇمانلانمايمەن ئۈزى ياخشى كۈيۈمچان مەسئۇلىيەتچان تىرنىر، بىراق ئې ئۇرۇندۇقتا ئولتۇرغانلارنىمۇ ئويلىشىش كىرەك ئىدى، ئۇلارمۇ مادرىدقا نۇرغۇن ئارزۇ ئارمانلارنى كۆڭلىگە پۈكۈپ كەلگەن بالىلار، ھازىر مادرىد ياۋرۇپادىن توپچى قۇشۇۋالىمەن دىسە توپچىلار ئېنىقلا ئىككىلىنىپ قالىدۇ ئەمدى
ئاساسلىق ئەزالارنىڭ يارلىنىۋىرشىمۇ ئادەم كۈچىدىن ئورتاق پايدىلانمىغانلىقىدىن كىلىپ چىقىۋاتىدۇ، كۈشلۈك يامان رەقىبلەردىن باشقىللىرغا ھىچ بولمىغاندا بىردىن زاپاس بۇلىۋاتقانلارنى ئاساسلىق ئەزا قىلىپ چۈشۈرگەن بولسىچۇ كاشكى

مادرىد مەستانىسى بولماق بەك تەس، مادرىدنىڭ بىر ئەزاسى بۇلۇشمۇ ئىنتايىن تەس ئەنچىلوددى ......

زېرەك

بىز ئەنچىلوتتىغا قايىل، ئۇ بىر تېرىنىر ئېرىشىشكە تېگىشلىك نەرسىلەرنىڭ ھەممىسىگە ئېرىشىپ باققان،  ھەم كوماندىسىنى ئېرىشتۈرگەن بۇنىسى راست. ئەمما بىزگە لازىملىقى ئەنچىلوتتىنىڭ ئۆتمىشى ئەمەس بەلكى ھازىرى.

c.lo7

لىف كەلسە مادرىد ئۆزىنى ئوڭشاپ كىتەلەيتى

XATKAR886

مەن يەنىلا ئەنچىلودىنى قوللايمەن، ئەنچىلودى ئۈزىنى ئىسپاتلاپ بولغان، زىدانى تېخى خام، لىف قانداق بۇلاركى....

Putbolqak

yarlinix mu bir sawap hamma mas uliyatni an semiz ga artip koysa bolmas

laqin1

ئەتچىلوتىمۇ بولدىغان تىرنىر مادرىتنى ئومدان باشقۇرىۋاتىدىغۇ، لىفنى بىزنىڭ مادرىتقا كەلسۇن دىسەڭلا بىزمۇ تالشىمىز. بىزمۇ لىفقا ئۆرۈلدۈق كىلىڭە بولدى لىف باساغىلا.

تىروي

ئازغۇنلۇق تىمىلىرى قىزىئىپ كىتىدغان بولدىدە ئەمدى
باسىلونا مەستانىلىرىنىڭ رونالدونى ھاقارەتلىگەنلىك خەۋىرى بار ئىكەن،يازسام مۇنبەر جىدەل بۇلۇپ كەتمىسۇن دەپ يازمىدىم

0524

مېنىڭچە لوف ئەنچىلودىچىلىك تۇتالمايدۇ مادرىدنى، بىزنىڭ بۇ تېرىنىر ئاي سى مىلانغا ماس كېلەتتى.

جاغىستاي120

ئەنچېلودىنىڭ تاكتىكىسىدىكى ئاجىزلىق تەرىپى ئاساسلىق توپچىلىرى يارلانغاندا ئۆز ئىپادىسىنى تاپتى،  ئاجىز كۇماندىلار بىلەن ئوينىغاندا 3-4 زاپاس ئەزانى مەيدانغا چىقىرىپ،  ئۇلارغىمۇ پۇرسەت بېرىشى كېرەك ئىدى،  بۇنداق قىلىش زاپاس ئەزالارنىڭمۇ جەڭگىۋارلىقىنى ئاشۇرۇش، ئۆز-ئارا ماسلىشىشچانلىقىنى كۈچەيتىش، تەجىربە توپلاش، كۇماندىنىڭ ئومۇمى ساپاسىنى ئاشۇرۇشقا پايدىلىق ئىدى.

ئەنچېلودىنىڭ ھالقىلىق ۋاقىتلاردىمۇ ئادەم ئالماشتۇرۇشقا ئىتىبار بەرمەيدىغانلىقىغا ھەيرانمەن.

missi2

تىروي يوللىغان ۋاقتى  2015-2-17 14:02
ئازغۇنلۇق تىمىلىرى قىزىئىپ كىتىدغان بولدىدە ئەمدى
باس ...

تىش تۇرۇڭ ،مەنمۇ شۇڭا يازمىدىم