بۇ يازمىنى ئاخىرىدا ankar528 تەھرىرلىگەن. ۋاقتى 2015-2-15 18:48
ئەسسالامۇ ئەلەيكۇم !!
پارىژدىن تۆت ئاساسلىق توپچى يارلاندى
سېنا تەنتەربىيىسى خەۋىرى، 2-ئاينىڭ 15-كۈنى سەھەردە ئېلىپ بېرىلغان، فىرانسىيە ئا دەرىجىلىكلەر بىرلەشمىسىنىڭ پارىژ سانت ژېرمان كۇماندىسى بىلەن كائېن كۇماندىسى ئوتتۇرسىدىكى مۇسابىقىدە، تۆت ئاساسلىق ئەزاسىنىڭ يارلىنىشى بىلەن، ئاخىرىقى ۋاقىتلاردا 9 ئادەم بىلەن قالغان پارىژ ئۈچ مىنۇت ئىچىدە، ئىككى توپ كەتكۈزۈپ،2:2 نەتىجە بىلەن تەڭلىشىپ قالدى.
پارىژ كۇماندىسىنىڭ ئوتتۇرا مەيدان يادروسى كابايى، مۇسابىقە باشلىنىپ 16 مىنۇت بولغاندا يارلىنىپ، مەيداندىن ئايرىلدى، بىرازىلىيىلىك يەنە بىر ئوتتۇرا مەيدان توپچىسى ماركېنىئوسمۇ، يېرىم مەيدان ئاخىرلىشىپ، دەم ئېلىش ۋاقتىدا پۇت چوڭ مۇسكۇلىدىن مەسىلە كۆرۈلۈپ، ئالماشتۇرۋېتىلدى. كېيىنكى يېرىم مەيداندا، سېرگې ئولېر بىلەن كىچىك لوكاس يارلاندى، ئۇلار يارلانغاندا پارىژنىڭ ئادەم ئالماشتۇرۇش سانى توشۇپ كەتكەنلىكتىن، ئامالسىز 9 ئادام بىلەن قالدى.
مۇسابىقىدىن كېيىن، پارىژ سانت ژېرمان كۇماندىسىنىڭ تېرىنىرى بۇلانىك مۇنداق دېدى :‹‹ مۇسابىقىدە يارلانغان تۆت نەپەر توپچىمىز، كېلەر ھەپتىدىكى چېلسى بىلەن بولغان ئۇزغۇنلۇق شاللاش مۇسابىقىگە قاتنىشالمايدۇ، يەنە بىر توپچى ماتويېدىمۇ تەكشۈرۈپ قارار قىلىشقا مۇھتاج، بۇ ناھايىتى ئەپسۇسلىنارلىق ئىش بولدى، چېلسى ناھايىتى كۈچلۈك، ئۇنىڭغا تاقابىل تۇرۇش تەس، لېكىن بىزنىڭ توپچىلاردا بىر خىل شىجائەت بار، ياخشى ئىپادىسىنى جارى قىلدۇرۇپ، چېلسى ئۈستىدىن غەلبە قىلىشقا تىرىشىمىز››.
ناسىرى :‹‹ ئۇ ئەركەك ئەمەس، مەن ئەمدى فىرانسىيە دۆلەت كۇماندىسىغا قايىتمەيمەن››
فىرانسىيە پۇتبول ھەيئىتى ئورگان تورى، دۆلەت كۇماندىسى تېرىنىرى دېسچامپس بىلەن توختام ئۇزارتقانلىقىنى ئېلان قىلدى، توختام ۋاقتى 2018-يىللىق پۇتبول مۇسابقىسى تۈگىگىچە بولىدۇ.
بۇ خەۋەر، مانچېستىر شەھىرى كۇلۇبىنىڭ ئوتتۇرا مەيدان توپچىسى ناسىرى ئۈچۈن شۇم خەۋەر بولدى، چۈنكى ئۇ ئەمدى دۇنيا لوڭقىسى مۇسابىقىلىرىگە قاتنىشىشتىن مەھرۇم قىلىشى مۇمكىن.
ناسىرى ‹‹كۇماندا گېزىتى››نىڭ زىيارىتىنى قوبۇل قىلغاندا مۇنداق دېدى:‹‹ ئۇ ئەركەك ئەمەس، دۇنيا لوڭقىسى مۇسابىقىسىگە قاتنىشالماسلىق ھاياتىمدىكى ئەڭ ئازاپلىق ئىش، دېسچامپس ماڭا زىيانكەشلىك قىلدى، مەن بىرازىلىيە دۇنيا لوڭقىسى مۇسابىقىسىگە قاتنىشىشىم كېرەك ئىدى، لېكىن ئۇ مېنىڭ پۇرسىتىمنى يۇق قىلدى، مەن بۇ ئىشنى مەڭگۈ ئۇنۇتمايمەن››.
ئۇ يەنە مۇنداق دېدى:‹‹ ئەگەر مەن دېسچامپس بىلەن يۈ تۇرانە سۆزلەشسەم، ئۇنىڭ نېمە ئويلاۋاتقىنىنى، نىمە ئۈچۈن مېنى دۇنيا لوڭقىسى پۇتبول مۇسابىقىسىگە قاتناشتۇرمىغانلىقىغا ئەركەكتەك جاۋاب بېرىشىنى تەلەپ قىلىمەن››.
ناسىرى ئالدىنقى يىلى 11-ئايدا ئوكىرائىنا بىلەن دۇنيا لوڭقىسى سالاھىيەت مۇسابىقىسىدە ئاساسلىق ئەزا بۇلۇپ، مەيدانغا چىققان، لېكىن ئىپادىسى ياخشى بولمىغانىدى، شۇنىڭدىن كېيىن ناسىرى دۆلەت كۇماندىسىنىڭ چوڭ تىزىملىكىگە كىرەلمىدى.ئۇنىڭ سەۋەنلىكلىرىمۇ ئاز ئەمەس، 2008-يىلىدىكى ياۋروپا لوڭقىسى پۇتبول مۇسابىقىسى مەزىلىدە ئۇ سەبداشلىرىدىن ھېنىرى ۋە گالاس بىلەن دېيىشىپ قالغان، مۇشۇ سەۋەبلىك 2010-يىلدىكى دۇنيا لوڭقىسى مۇسابىقىسىگە قاتنىشالمىغان، 2012-يىلىدىكى ياۋروپا لوڭقىسى مۇسابىقىسى تۆت كۈچلۈككە كىرىش مۇسابىقىسىدە، ئىسپانىيىگە ئۇتتۇرۋەتكەندىن كېيىن، بىر مۇخبىرنى تىللاپ ئۈچ مەيدان مۇسابىقىدىن چەكلەنگەن.
| 
ۋاقتى: 2015-2-15 18:46:28
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2015-2-15 18:53:05
ئىگىسى
