10 يىلدىن كېيىنكى ئەڭ كۈچلۈك كوماندا

ئابلەتجان

سىنا تورى خەۋىرى: بۈگۈن (2025 - يىلى 2 - ئاينىڭ 1 - كۈنى) سەھەردە ئۆتكۈزۈلگەن 2024-2025 - يىللىق ئىتالىيە ئا دەرىجىلىكلەر بىرلەشمىسىنىڭ 20 - ئايلانمىسىدىكى ھەممە كۆز تىككەن مىلان دېربىيسى ناھايىتى قىزىدى. مىلان 0 گە قارشى 3 نەتىجە بىلەن ئېنتىرنى مەغلۇب قىلدى.
    ئالدىنقى يېرىم مەيداندا مىلان كوماندىسىدىكى پېشقەدەم ماھىر مېسسى بىر نۇقتا توپ كىرگۈزدى. كېيىنكى يېرىم مەيدان مۇسابىقىدە يەنە بىر پېشقەدەم ماھىر كىرىستىيانو رونالدو ئىككى يىلدىن بۇيانقى تۇنجى ئىختىيارىي توپىنى كىرگۈزدى. مېسسىنىڭ ئورنىغا ئالمىشىپ چىققان، مىلانغا تۆتىنچى قېتىم قايتىپ كەلگەن بالوتېلى 78 - مىنۇتتا باش توپ كىرگۈزدى. ئېنتىردىن كاۋاخال قىزىل كارتىغا ئۇچراپ مەيداندىن چىقىرۋېتىلدى، ئاگۈيرو يەكمۇيەك توپتىن بىرنى كىرگۈزەلمىدى. مېسسى يېقىنقى بىر يىلدىن بۇيان 8 - قېتىم يارىلىنىپ، مەيداندىن چۈشۈرۋېلىندى. بۇ ئۇنىڭ ئالدىنقى يىلى 4 - ئايدا پېيى ئۈزلۈپ كەتكەندىن كېيىنكى يەنە بىر قېتىم يەڭگىلرەك يارىلىنىشى ھېسابلىنىدۇ...
  
2024 - 2025 - يىللىق مۇسابىقە پەسلىدىكى مىلان كوماندىسىغا نەزەرىڭلارنى ئاغدۇرغايسىلەر:

  مىلاننىڭ مەيدانى: سىلۋىئو بېرلۇسكونى مەيدانى. 2020 - يىلى پۈتۈپ ئىشقا كىرىشتۈرۈلگەن. سىغىدىغان تاماشىبىن 45 مىڭ. مەرھۇم كۇلۇب رەئىسى بېرلۇسكونىنى مەڭگۈ ئەسلەش ئۈچۈن قويۇلغان نام.

رەئىس: بارابارا بېرلۇسكونى. (مەرھۇم رەئىسنىڭ ئامراق قىزى). نۆۋەتتكى ياۋروپادىكى ئەڭ داڭلىق رەئىس. گىرۇزىيە رەھبىرى كالادزې ۋە فىلورېنسىيەنىڭ ھازىرقى تىرېنېرى پاتونىڭ ئىلگىرىكى مەشۇقى. ھازىرقى ئېرى ئىتالىيە زۇڭلىسى رېنزې.


  
كۇلۇب ئىجرائىيە ئەمەلدارى: پاۋلو مالدىنى. مىلان تارىخىدىكى ئەڭ قالتىس تەنھەرىكەتچىكلەرنىڭ بىرى. مىلانغا رەئىس بولغان ئۈچ يىلدىن بۇيان مىلاننى ئەسلىدىكى ھالىتىگە ئېلىپ كېلىش ئۈچۈن بەزى سىياسەتلەرنى يولغا قويۇۋاتىدۇ.



    كۇلۇب دېرىكتورى: ئاندىرى شېۋىچىنكو. مىلان تارىخىدىكى يەنە بىر ۋەكىللىك شەخس. 20 يىل بۇرۇنقى ياۋروپا پۇتبول ئەپەندىسى. ئالدىنقى يىلى ئۇكرائىنانىڭ زۇڭتۇڭلۇق ۋەزىپىسىدىن ئىستېپا بەرگەندىن بۇيان، مىلانغا قايتىپ كېلىپ، كوماندىنىڭ دېرىكتورلۇق ۋەزىپىسىنى ئىشلەۋاتىدۇ.

  

تىرېنېر: كاكا. كاكا مىلاننىڭ ئەڭ مەشھۇر تەنھەرىكەتچىلىرىنىڭ بىرى، 17 يىل بۇرۇنقى دۇنيا پۇتبول ئەپەندىسى. 2018 - يىلىدىن باشلاپ، سان - پاۋلو، فىرانسىيەنىڭ لىئون، ئىنگىلادنىڭ نيۇكاستېل، ئىسپانىيەنىڭ سېۋىلىيا قاتارلىق كۇلۇبلىرىغا يېتەكچىلىك قىلغان. بىرازىلىيە بىرلەشمە لوڭقىسىغا بىر قېتىم، فىرانسىيە بىرلەشمە لوڭقىسىغا ئىككى قېتىم، ئىنگىلاند ئۇيۇشما لوڭقىسىغا بىر قېتىم ئېرىشكەن، ئالدىنقى پەسىلدە سېۋىلىيە كوماندىسىنى ياخشى يېتەكلىيەلمىگەچكە يېرىم يولدا ئىشتىن بوشۇتۇلغان. ئەمما، بۇ يىلقى مىلاندىكى رولى ياخشى بولۇۋاتىدۇ.  ئۇنىڭ 352 سەپ شەكلى نۆۋەتتە ياۋروپانى ئەڭ ھەيران قالدۇرغان سەپ شەكلىدۇر.



   ئاساسلىق ئەزالار:

ۋاراتار: نۇيېر. (39 ياش). مىلانغا كەلگەن 3 يىلدىن بۇيان ئىزچىل ياخشى ئويناۋاتىدۇ. بۇ پەسىلدىمۇ ھەر بىر مەيداندا ئوتتۇرا ھېساب بىلەن ئىككىدىن خاتالىق ئۆتكۈزۈۋاتىدۇ. بۇ ئۇنىڭ 10 يىل بۇرۇنقى 5 مەيداندا بىر خاتالىق ئۆتكۈزۈشىدەك نىسبەتتىن سەل يۇقىرى، خالاس.



ئوتتۇرا بېك: سىلۋا. (41 ياش). بۇ تياگو سىلۋانىڭ مىلانغا ئۈچىنچى قېتىم قايتىپ كېلىشى. بۇ پەسلىنىڭ ئالدىنقى 19 مەيداندا 11 قېتىم مەيدانغا چىققان، ئىككى قىزىل كارتا يېگەن، قارشى تۆت نۇقتا توپ قويۇپ بەرگەن.  



ئوتتۇرا بېك: خۇملىس. (37 ياش). خۇمىلىس بۇ يىل مەيدانغا ئەڭ تولۇق چىققان ماھىرلارنىڭ بىرى ھېسابلىنىدۇ. بۇ پەسلىدە 19 مەيداننىڭ ھەممىسىگە قاتناشقان بولۇپ، كوماندىنىڭ ئەڭ غوللۇق ماھىرلىرىنىڭ بىرى بولۇپ قالغان.



سول بېك: ئالابا. (33 ياش). ئالابا كوماندىدىكى ئەڭ ياش ۋە غوللۇق ماھىرلارنىڭ بىرى. مىلانغا كەلگەن يەتتە يىلدىن بۇيان ئۆز ئورنىنىڭ ھۆددىسىدىن تولۇق چىقىۋاتىدۇ. گەرچە يېقىنقى ئۈچ يىلدىن بۇيان بىر قېتىممۇ تۆھپە پاس بەرمىگەن، بىرمۇ توپ ئۇرمىغان بولسىمۇ لېكىن مۇداپىيەدە ياخشى تۇرىۋاتىدۇ.



ئوڭ بېك: دېسىلىئو. (33 ياش). دېسىلىئو مىلاندىكى ئەڭ پېشقەدەم ماھىر بولغاچقا، كوماندىدىكى ماھىرلار ئىچىدە ئەڭ ئابرويلۇق ھېسابلىنىدۇ. بۇ پەسىلدە نەس توپتىن ئاران بەشنى سادىر قىلدى.



ئارقا بەل:تونى كىروس. (35 ياش). كىروس يېڭى ئەسىر كىرگەندىن بۇيانقى پىرلودىن قالسىلا بۇ ئورۇننىڭ ھۆددىسىدىن ئەڭ ياخشى چىققان ماھىر ھېسابلىنىدۇ. بۇ پەسلىدە ئالدىنقى 18 مەيداندا مەيدانغا چىقىپ، بىر تۆھپە پاس بەردى، ھازىرغىچە توپ كىرگۈزمىدى. ھەر بىر مەيداندا ئوتتۇرا ھېساب بىلەن 20 دىن توغرا پاس بەردى.



ئارقا بەل: (34 ياش). تياگو بارسېلونا ۋە بايرېن، توتتىنھام، يۇۋېنتۇس، فەنەر باغچە قاتارلىق كۇلۇبلاردا دېگەندەك ئەتىۋارلانماي، مىلاندا ئۆز ئىپادىسىنى تاپتى. مىلانغا قېتىلغان 3 يىلدىن بۇيان ھەر پەسلىدە 3 ئەتراپىدا توپ كىرگۈزۈپ، 4 تىن تۆھپە پاس بېرىۋاتىدۇ.



ئوڭ ھۇجۇمچى: سىتېرلىڭ. (31 ياش). سىتېرلىڭ نۆۋەتتىكى دۇنيادىكى ئەڭ ياخشى بەش تەنھەرىكەتچىنىڭ بىرى. تېخى ئالدىنقى يىلىلا ئىنگىلاندتنى يېتەكلەپ ياۋروپا چېمپىيونلۇقىنى قولغا كەلتۈردى ۋە ئۆمرىدىكى ئىككىنچى ئالتۇنتوپىنى تاپشۇرۋالدى. بۇ پەسىلدە مىلان ئۈچۈن 6 توپ كىرگۈزۈپ، 8 تۆھپە پاس بەردى.



ئالدى بەل: لىئونېل مېسسى(38 ياش). 2022 - يىلى ئارگېنتىنا كوماندىسىنىڭ زاپاس ئەزاسى سۈپىتىدە دۇنيا لوڭقىسىغا قاتنىشىپ، چېمپىيون بولغان.  مېسسىنىڭ ئالدىنقى ئىككى يىلدىكى گۇاڭجۇ خېڭدادىكى ئىپادىسىنى "قاباھەت" دېيىشكە بولىدۇ. ئۇ بۇ پەسلىدە نەۋقىران چاغلىرىدا مىلانغا قېتىلىپ، ئۆزىنىڭ كەسپىي تارىخىدا يېڭى سەھىپە ئاچتى. بۇ پەسىلدە ئۇ 10 قېتىم مەيدانغا چىقىپ، جەمئىي 3 نۇقتا توپ كىرگۈزدى. ئىككى قېتىم يارىلاندى.



سول ھۇجۇمچى: رونالدو. (40 ياش). 2020 - يىلى مىلانغا ھەقسىز قېتىلغاندىن بۇيان ئىزچىل زاپاس ئورۇندقتا ئولتۇرغانىدى. نېيمار يارىلانغاچقا يېقىنقى ئىككى ئايدىن بېرى مەيدانغا چىقىپ ، 2 توپ كىرگۈزدى، بىر ياردەمچى پاس بەردى.



ھۇجۇمچى: ئىتۇربى. (32 ياش). ئىتۇربى بۇ پەسىلدە قايتىدىن چاقناپ، ئۆزىنىڭ ئىككى قېتىم ئالتۇنتوپ ئالغانلىقىنى ئىسپاتلىدى. بۇ پەسىلدە جەمئىي 11 توپ كىرگۈزدى.



زاپاس ئەزالار: دېگيا (35 ياش)، لۇك شاۋ (30 ياش)، كىرسىتىيان مالدىنى (29 ياش)، سىترومان (35 ياش)، بالوتېلى (35 ياش)، شاراۋېي (33 ياش)....   

esel614

ئابلاتجاننىڭ ئىسمىنى كۆرۈپلام ئىچىنى ئاچقان،ئەپسۇس مىڭ ئەپسۇس.ما مۇنبەردە مەمتىمىن ھوشۇر بولغان بولسىدى .ئۆزىدىن نارازى بولغان بولاتتى.يارايسىز ئاغىنەم مۇشۇنداقلام ماڭسىڭىز كىيىن مەمتىمىن ھۇشۇردىن ئايرىلساقمۇ، بىزگە يەنە بىر قۇم باسقان شەھەرنى يازغىدەك ئادەم بار دەپ خاتىرجەم يۈرىمىز.بىرلا گەپ بولىسىزكەن دەپ قۇيدۇم ئۆزەمچە

ئابلەتجان

ئوسكار يوللىغان ۋاقتى  2015-1-29 23:47
چۈشەندۈرگۈچىمىزنىڭ بۇ سەپ شەكلى كېيىن ئەمەلگە ئاشسىمۇ ...

بۇ تېمىنى ئەمەلىيەتكە ياكى ئاشۇ تەنھەرىكەتچىلەرگە باغلىدىڭىزمۇ، بولدى يېڭىلدىڭىز... بۇنداق تېمىلارغا كۈلسىڭىز كۈلۈپ، بولـمىسا گەپ قىلـماي چىقىپ كەتسىڭىزلا بولىدۇ. سىز دېگەن قان ئالـماشتۇرۇشنىڭ ، ياشلاشتۇرۇشنىڭ مۇھىملىقىنى ياخشى بىلگەچكە يازغان قىزىقارلىق، ئاچچىق تېما بۇ ...
   قېنى كىم ئۆزىنىڭ كۇلۇبىنىڭ ئەيىبىنى قورقماي ئاچالايدۇ؟؟كىم ئۆزىنى ئۆزى مەسخىرە قىلالايدۇ؟؟كىم ياخشى كۆرۈش بىلەن ئاجىزلىقىنى ئېتراپ قىلىشنى تەڭ قىلالايدۇ ؟؟ مىلاننى مەڭگۈ قوللايمەن، خاتالىقى ۋە ئاجىزلىقىنى ھەممىدىن بەك تەن ئالىمەن، ئاقلىمايمەن.

ئايقۇت

ablatjan يوللىغان ۋاقتى  2015-1-30 19:32
رونالدونى ئانچە ياقتۇرمايمەن، لېكىن تولىمۇ قول قويىم ...

ھە  ....   ياقتۇرمايسىز لىكىن قول قۇيسىز ...
مەن بۇ سۈرەتىنى كورمەپتىكەنمەن  مەن كورگەن سۈرەتتە رونالدۇ بىر تام تۈۋىدە ئولتۇرۇپ ئازاپلانغان ھالدا بىر نەرسە ئىچىۋاتقان سۈرەتتى ..

ئابلەتجان

بوۋاي يوللىغان ۋاقتى  2015-1-29 23:37
ھا ھا ،  ئەپەندىم تېما يېزىشتىن بۇرۇن باشقىلارنىڭ سالا ...

سىز تېخى مېنىڭ ئالدىنقى مىلان ئېمپىراتورى دېگەن تېمامدىكى ئىنكاسىمغا جاۋاب بەرمىدىڭىز

玉苏浦

ما    سەپ   شەكىلى  قالتسكە    مىلەنگە   قاراپ    ئ‍ۆھۆمۇ     دىيەلمىگىدەك       ڭ

poyol

راس گەپ قىلسام يەنە بىر قىتىم قايىل بولدۇم بەكلا قىزقارلىق چېقىپتۇ

玉苏浦

ئ‍ابلەتجانمۇ   سەپ  شەكەنى   تۈزۇپ   بېقىپتۇ    ئ‍ۈزىچە…

بوۋاي

ھا ھا ،  ئەپەندىم تېما يېزىشتىن بۇرۇن باشقىلارنىڭ سالامەتلىكىنىمۇ ئويلاپ قويۇڭ دەيمە ، بالوتېلىنىڭ 4-قېتىم قايتىقىننى ئاڭلاپ كۈلۈپ بولاممايۋاتسام ، دېسلو دىگەن گۆش باشنىڭ 5 ياۋا توپ ئۇرغۇنىغا تاسلا قالدىم  دۇملا چۈشكىلى . ھازىرقى كۇلۇپ  پاتونىڭ بۇرۇنقى مەشۇقى  ھازىرقى ئىتالىيە زوڭلىسىنىڭ ئايالى قانداقمۇ ئېزىپ كەتمەي كۈلۈپ سالماي يېزىپ چىققانسىز . ھارمىغايسىز. . . بۈگۈنكى كۆڭۈلسىزلىكنى ئۇنتۇلدۇردىڭىز .رھمەت ...

@Messi

مىلان خاندانلىقى يەنە بىر قېتىم مەستانىلەرنى ھاڭ-تاڭ قالدۇرغىدەك ، ئۇ چاغدا سەن مادرىت ،مەن بارسىلونا ، سەن رونالدۇ ،مەن مىسسى مەستانىسى دىگەندەك جىدەللەر ئازلاپ قالدىغاندەك  

poyol

نىمە دىيشىمنىمۇ بىلەلمەتىمەن ھەقېقەتەن ئ‍ىسىل چېقىپتۇ ھاردۇق چىقتى لېكىن مەن بېر خاتالىقنى بايقاپ قالدىم ئ‍ەسلى ئ‍اگۇيرۇ دەيتۇققۇ دەيمەن ئ‍اتكاچلىق قېپ قويغان بولسام كەچۇرۋەتكەيلا

ئارىف

بېرلۇسكونى 5يىلدىن كىيىن ۋاپات بولىدۇ دىگەن گەپكەنيا ماۋۇ!ئۇنداق چاقچاق قىلمايلى. ئاشۇ چولپانلارنىڭ ئۈچتىن بىرى كەلگۈسىدە زادى شۇنداق ئۇرۇنغا ئىرشىشى مۇمكىن. لېكىن پاتو ئاۋۇ ئۇرۇنغا چىقىمەن دەپ ئەمدى خىيال قىلىپ يۈرمىسۇن.

سەھرا9

ئىجادچانلىق ۋە قەلەم كۈچىڭىز بەك مولكەن رەخمەت سىزگە ،   

خۇدا خالىسا ئاشۇ يللارغا ئۇۋلاشقايمىز !!

ئابلەتجان

poyol يوللىغان ۋاقتى  2015-1-29 23:43
نىمە دىيشىمنىمۇ بىلەلمەتىمەن ھەقېقەتەن ئ‍ىسىل چېقىپت ...

مەن ئەزەلدىن ئاكۇيرو دەيمەن. لاتىنچە ئاتىلىشىنى ئاتايمەن ئەزەلدىن ...

ئوسكار

چۈشەندۈرگۈچىمىزنىڭ بۇ سەپ شەكلى كېيىن ئەمەلگە ئاشسىمۇ نەتىجە يەنە شۇ .. ئابلەتجاننىڭ ھىسياتى چوڭقۇر ئىپادىلىنىپتۇ .. لېكىن شۇ مىلەن شۇ قاينام ھىسياتقا خۇشاللىقا ئىگە بولىمەن دەيدىكەن . قاننى راۋۇرۇس تازىلاپ  ياش ياخشى توپچىلارنى كىرگۈزۈش لازىم دەپ ئويلايمەن .
لېكىن  مىلەننىڭ ھازىرقى ئىقسادى ۋەزىيتگە نىسپەتەن تەسرەك  لېكىن كۈچەپ باقسىمۇ بەك قىممەت بولمىسىمۇ يېڭى نوتىلار جىققۇ.  بۇندا دېسەم قېرى توپچىلار ئاقمىدى دېگىنىم ئەمەس. كونا ئاياقنىڭ كىيىۋەرسە بىر يېردىن نەم تاتىدۇ يا سۇ ئۆتىدۇ خالاس......