‹‹ ياۋروپا تەنتەربىيىسى ›› باھالىغان 10 مۇنەۋۋەر ياش پۇتبولچى !!!~

nayil

   ۋاڭيى تورى خەۋىرى



   نوپۇزلۇق ئاخبارات ئورنى بولغان ‹‹ ياۋروپا تەنتەربىيىسى ›› ، ھازىرقى پۇتبول سەھنىسىدىكى 10 مۇنەۋۋەر ياش پۇتبولچىنى باھالاپ چىققان . ( 1992-يىلى 1-ئاينىڭ 1-كۈندىن كېيىن تۇغۇلغانلار ) . نېيمار بۇ قېتىملىق باھالاشتا بىرىنچى ئورۇنغا تىزىلغان .

   1 . نېيمار    (   بارسىلونا   )



   نېيمار تېخى 23 ياشقىمۇ كىرمىدى . لېكىن ئۇ ھازىرقى پۇتبول سەھنىسىدىكى دائڭلىق چولپانغا ئايلىنىپ بولدى . ئۇنىڭ مەيلى بارسىلونادىكى ئىپادىسى بولسۇن ۋە مەيلى بىرازىلىيە دۆلەت كوماندىسىكى ئىپادىسى بولسۇن ، ئۇنىڭ ئەڭ مۇنەۋۋەر توپچىلار قاتارىدا ئىكەنلىكىنى ئىسپاتلاپ بولدى . ئۇ ھازىر دۆلەت كوماندىسنىڭ كاپىتانى ، شۇنداقلا دۆلەت كوماندىسىغا ۋەكالىتەن 60 مەيدان مۇسابىقىغە قاتنىشىپ 42 توپ ئۇرۇپ ، بىرازىلىيە تارىخدىكى مەرگەنلەر قاتارىدا 5-ئورۇنغا تىزىلدى . ئۇنىڭغا يەنە ۋاقىت ، پۇرسەتلەر كۆپ .

   2 .  پوگبا    (   يۇۋېنتۇس   )



   يۇۋېنتۇسقا كېلىپ قايتا تاۋلانغان پوگبا ياۋروپا پۇتبول سەھنىسىدىكى ئەڭ مۇنەۋۋەر ئوتتۇرا مەيدان توپچىسىغا ئايلاندى . پوگبا ھازىر يۇۋېنتۇسنىڭلا ئەمەس فىرانسىيە كوماندىسىنىڭمۇ ئوتتۇرا مەيدان يادروسى ھېسابلىنىدۇ .

   3 .  گوتېز    (   بايرېن مىيونخېن   )



   گوتېزنىڭ 2014-يىلىنى ئىنتايىن غەلبىلىك بولدى دىيىشكە بولىدۇ . ئۇ بايرېن مىيونخېن كوماندىسنىڭ گىرمانىيە بىرلەشمىسى چىمپىيونى ۋە گىرمانىيە لوڭقىسى چىمپىيونلىقىنى قولغا كەلتۈرۈشىدە ئاز بولمىغان تۆھپىلەرنى قوشقان . دۆلەت كوماندىسىدا بولسا دۇنيا لوڭقىسى ھەل قىلغۇچ مۇسابىقىسىدىكى ھالقىلىق بىر توپى بىلەن گىرمانىيىنىڭ قايتا دۇنيا لوڭقىسى چىمپىيونى بولۇشىنى بەلگىلىگەن .

   4 .  كورتوۋا    (   چېلسى   )



   كورتوۋا ھازىرقى داڭلىق قاپقىچىلار قاتارىدا ئالدىنقى بەش مۇنەۋۋەر قاپقىچىنىڭ بىرى . بۇنىڭ دەلىلى دەل ئالدىنقى پەسىلدىكى مادرېد ئاتلېتكا كوماندىسىدىكى ئېسىل ئىپادىسى ۋە بۇ پەسىلدىكى چېلسى كوماندىسىدىكى مۇقىم ئىپادىسى . ئۇ چېلسىغا كېلىپلا ، چېلسىنىڭ تۆھپىكار قاپقىچىسى چېخنى سىقىپ چىقىرىپ ئۇنىڭ ئورنىغا كوماندىنىڭ بىرىنچى قاپقىچىلىق ئورنىغا دەسسىگەن .

   5 .  ۋېراتتى    (   پارىژ سېنت-ژېرمان   )



   ۋېراتتى 2012 - يىلى يازلىق يۆتكۈلۈشتە پارىژ سېنت-ژېرمان كۇلۇبىغا قوشۇلغان . شۇ مەزگىلدە ۋېراتتى ھېچكىمگە تونۇشلۇق بولمىسىمۇ ، لېكىن ھازىر كوماندىسىنىڭ ئەڭ موھىم ئەزاسىنىڭ بىرىگە ئايلاندى . ئۇ ھەم ئىتالىيە دۆلەت كوماندىسىنىڭ ئاساسلىق ئەزاسى ، شۇنداقلا پېرلونىڭ ئىزباسارى دەپ تەرىپلىنىۋاتقان توپچى .

   6 .  ۋارانې    (   خانلىق مادرېد   )



   ۋارانې خانلىق مادرېد كوماندىسى مۇداپىيە سېپىدىكى ئۈمىدلىك ياش . فىرانسىيە كوماندىسى ۋە خانلىق مادرېد كوماندىسىنىڭ كەلگۈسى مۇداپىيە سەركىسى . ئۇ بۇ يىل خانلىق مادرېد كوماندىسى بىلەن بىرلىكتە 4 لوڭقا ساھىبى بولدى . شۇنداقلا فىرانسىيە كوماندىسى بىلەن دۇنيا لوڭقىسىغا قاتناشتى .

   7 .  ئالابا    (   بايرېن مىيونخېن   )



   ئالابا بولسا گىرمانىيە بىرلەشمىسىدىكى ئەڭ مۇنەۋۋەر سول قانات مۇداپىيىچى ، شۇنداقلا دۇنيا پۇتبول سەھنىسىدىكى ئەڭ مۇنەۋۋەر سول قانات مۇداپىيىچىنىڭ بىرسى ھېسابلىنىدۇ . ئۇنىڭ ھۇجۇم ۋە مۇداپىيىدىكى تەڭپۇڭلۇقى كوماندا بىر پۈتۈن گەۋدىسىگە ئىنتايىن ماسلاشقان . ئۇ كۆپ قىرلىق جەڭچىنىڭ بىرسى . ئۇ يەنە ئارقا بەل ، سول كىراي ئورۇنلىرىدىمۇ ئىنتايىن قالتىس ئىپادە كۆرسىتەلەيدۇ .

   8 .  كېكو    (   مادرېد ئاتلېتكا   )



   كېكونىڭ 2014-يىلى خۇددى چۈشكە ئوخشايدۇ . ئۇ مادرېد ئاتلېتكا كوماندىسى بىلەن بىرلىكتە بارسىلونا ۋە خانلىق مادرېد كۇلۇبلىرى ئۈستىدىن غالىب كېلىپ بىرلەشمە لوڭقىسىنى ئېگىز كۆتۈردى . شۇنداقلا ياۋروپا ئۇزغۇنلۇق مۇسابىقىسىنىڭ كۆمۈش شاھلىق ئورنىغا نائىل بولدى . ئۇ مادرېد ئاتلېتكا كوماندىسىدىلا ئەمەس ، ئىسپانىيە دۆلەت كوماندىسدىمۇ موھىم ئەزا ھېسابلىنىدۇ . بوسېكنىڭ نەزىرىدىكى ئۇ شاۋېنىڭ ئىز باسارى دەپ تەرىپلەنمەكتە .

   9 .  ئېسكو    (   خانلىق مادرېد   )



   ئېسكو بولسا 2012-يىللىق ياۋروپا ‹‹ ئالتۇن ئۆسمۈر ›› مۇكاپاتى ساھىبى . 2013-يىلى 30 مىليون ياۋرولۇق باھا بىلەن خانلىق مادرېدقا قوشۇلغاندىن بېرى ئۇرۇندۇققا ھەمراھ بولۇپ كەلدى . لېكىن بۇ پەسىلدىكى ئۇنىڭ ئىپادىسى كۆزنى چاقناتتى . ئۇنىڭ تېخىنىكىسىنىڭ ئالاھىدە بولۇشى ۋە تالانتى خانلىق مادرېد كوماندىسىغا ئالاھىدە كۈچ ئېلىپ كەلدى . ئىسپانىيە دۆلەت كوماندىمۇ ئۇ كەلگۈسى يادرولۇق توپچىنىڭ بىرى ھېسابلىنىدۇ .

   10 .  سىتېرلىڭ    (   لىۋېرپول   )



   سىتېرلىڭ ئەمدىلا 20 ياشقا كىردى . ئالدىنقى پەسىلدە ئۇ ، لىۋېرپول كوماندىسى بىلەن بىرلىكتە بىرلەشمىدە ئىككىنچى بولۇشتەك ياخشى نەتىجىنى ياراتتى . بۇ پەسىل بولسا ئۇ لىۋېرپولنىڭ كەم بولسا بولمايدىغان ئەزاسىغا ئايلاندى . بۇ يېڭى يولتۇز 2014-يىللىق ياۋروپا ‹‹ ئالتۇن ئۆسمۈر ›› مۇكاپاتىنىڭ ساھىبى . شۇنداقلا ئېنگىلاند دۆلەت كوماندىسىنىڭ ئاساسلىق ئەزاسى ۋە كەلگۈسى ئۈمىدى .




                                                    تامام !!~ ھەممىڭلارنىڭ يېڭى يىلىغا مۇبارەك بولسۇن !!~ يېڭى يىلدا يېڭى نەتىجىلەر يار بولسۇن !!!~

januzay

جانۇزاي كىرمەپتۇدە

نېھال11

قارىسام ناھايىتى توغرا تاللانغاندەك قىلىدۇ  ، بۇلۇپمۇ  بىرىنچىدىن بەشىنچىسىگىچە نەقلا مەن ئويلىغانلىرى

ئارىف

بايرىن نىڭ مۇسابىقىسىنى كۆرسەم ،ھەر قېتىم كۈزۈمگە  ئالابا قۇساق سېلىپ قالغاندەك كۈرنىدۇ.  سىتېرلىڭ  بۇ يىلقى ياشلارنىڭ ئۈلگۈسى تۇرسا،ھەجەپ ئەڭ ئاخىرغا تىزلىپتۇيا.

ALXER828

ئەسسىلامۇ -ئەلەيكۇم پۇتبول مۇنبىرىدىكى بارلىق  مۇنبەرداشلار كەمىنە يېڭى ئەزا ئەلشىر 828دىن سىلەرگە سالام   .    پۇتبول مۇنبىرىنى سىرتتىن كورۇپ كىلىۋاتقىنىمغا تۆت  يىلچە  بولۇپ قاپتۇ،  بۈگۈن  تىزىملىتىپ  كىرىپتىمەن .   مۇنبەرداشلارنىڭ مىنى يېڭى  كۆرمەي  قىزغىن قارشى ئېلىشىڭلارنى ئۈمۈد قىلىمەن .   

p.ekram

ھەي مۇراتا كىرەلمەپتۇ

sarang

januzay يوللىغان ۋاقتى  2014-12-31 19:07
جانۇزاي كىرمەپتۇدە

جانۇزايغا خېلى بالدۇر،جانۇزاي ئارسىنالدىكى چامبېرلىن،ئېۋىرتوندىكى روس.باركېلىچىلىكمۇ ئىپادىسى بولمىسا بۇ تىزىملىككە قانداق كىرىدۇ قېرىندىشىم،

زەردار007

نېيمار دا ئۈمۈت زور. بولۇپمۇ دولەت كوماندىسدا خىلى ئش تەۋرىتىدۇ بۇ كەلگۈسىدە...

XATKAR886

  بۇلارنىڭ ئىچىدە ھەمىسىدىن نېيمارنىڭ كەلگۈسى پارلااق بۇلامىكىن دەيمەن.

ALXER828

ئىسكو بىلەن  سىتېرلىڭنىڭ   كىرگىنىگە  خۇشال بولدۇم  ،   ئىككىسىنىڭ  توپ  ئوينىشى بولۇپ  قويىدۇ  

ئەبرار

توغرا تاللاش بۇلۇپتۇ .

uchkur

تېرىشىڭلا ، غەلىبە تېرىشقانلارغا مەنسۈپ