شىنجاڭ ئەزىمەتلىرىدىن غەلىبىلەر يامغۇردەك كەلمەكتە!

alhan

شىنجاڭ ئەزىمەتلىرىدىن غەلىبىلەر يامغۇردەك كەلمەكتە!


دۆلىتىمىزنىڭ ھەر جايلىرىدا ئوينىلىپ چوڭ رايون ھەل قىلغۇچ باسقۇچىغا كەلگەن، جۇڭگو پۇتبولچىلار جەمئىيىتى ئۇيۇشتۇرغان «كىم توپ شاھى» نامىدىكى خەلق ئىچى زال ئىچى پۇتبول مۇسابىقىسىدە، شىنجاڭ ئەزىمەتلىرىدىن غەلىبىلەر يامغۇر كەبى كەلمەكتە!

   

غەربىي رايون ھەل قىلغۇچ مۇسابىقىسى تۈنۈگۈن نىڭشيا خۇيزۇ ئاپتونۇم رايونى مەركىزى يىنچۈەندە باشلانغان بولۇپ، شىنجاڭدىن ۋەكىل بولۇپ چوڭلار گۇرۇپپىسىدا «شىنجاڭلىقلار» كوماندىسى، ئوتتۇرا مەكتەپ گۇرۇپپىسىدا ئۈرۈمچى شەھەرلىك ئۈچىنچى ئوتتۇرا مەكتەپ كوماندىسى، بالىلار گۇرۇپپىسىدا قەشقەر شەھەرلىك شامالباغ بازارلىق مەركىزىي باشلانغۇچ مەكتەپ كوماندىسى قاتناشتى.

  
تۈنۈگۈنكى مۇسابىقىلەردە ئۈچ گۇرۇپپىدىكى شىنجاڭ كوماندىلىرى ھەممە مەيدان ئۇتۇپ، ئۈچىلى كوماندا ھەل قىلغۇچقا كىردى، كوماندىلىرىمىزنىڭ غەربىي رايوننى قىرغىن قىلىپ دۆلەتلىك ھەل قىلغۇچ مۇسابىقىدە ئۆزىنىڭ ماھارىتىنى نامايەن قىلىشى ئاساسەن مۇقىملىشىپ قالدى!
  

ئەزىمەتلىرىمىزنىڭ تاللاش مۇسابىقىسىدىكى نەتىجىلىرى تۆۋەندىكىچە:
بالىلار گۇرۇپپىسىدا قەشقەر شەھەرلىك شامالباغ بازارلىق مەركىزىي باشلانغۇچ مەكتەپ كوماندىسى رەقىبىنى ئايرىم-ئايرىم 2:18 ،1:11 ،0:9 نەتىجىلەر بىلەن تارمار قىلدى.
  

ئوتتۇرا مەكتەپ گۇرۇپپىسىدا ئۈرۈمچى شەھەرلىك ئۈچىنچى ئوتتۇرا مەكتەپ كوماندىسى رەقىبىنى 1:14 ،1:4،(ئۈچىنچى مەيدان ئېنىق ئەمەس)نەتىجىلەر بىلەن قىرغىن قىلدى.


چوڭلار گۇرۇپپىسىدا «شىنجاڭلىقلار» كوماندىسى رەقىبىنى2:7 ،1:4،(ئۈچىنچى مەيدان ئېنىق ئەمەس)نەتىجىلەر بىلەن قىرغىن قىلدى.

  

ھەل قىلغۇچتا چوڭلار گۇرۇپپىسىدىكى «شىنجاڭلىقلار» كوماندىسىنىڭ رەقىبى نىڭشيا ۋەكىللەر كوماندىسى، بالىلىرىمىزنىڭ رەقىبلىرى بولسا ئوخشاشلا گەنسۇدىن كەلگەن ۋەكىللەر كوماندىسى.

كىشىنى تېخىمۇ ھاياجانغا سالىدىغىنى شۇكى، سىزنىڭ تېلىۋىزور ئالدىدا ئولتۇرۇپ ئەزىمەتلىرىمىزنىڭ ماھارىتىدىن ھۇزۇر ئېلىشىڭىز چۈش ئەمەس! ھەل قىلغۇچ مۇسابىقىنى مەركىزىي تېلىۋىزىيە ئىستانسىسى  تەنتەربىيە قانىلى 27-چېسلا ئۈرۈمچى ۋاقتى10:35 تە نەق مەيداندىن تارقىتىدۇ، شۇڭا بۇ ھاياجانلىق مىنۇتلاردىن ھەممە پۇتبول سۆيەرلەرنىڭ بەھىرلىنىشى ئۈچۈن قىممەتلىك ۋاقتىڭىزنى چىقىرىپ كۆرۇپ قويۇڭ ۋە  قوللاشنى ئۇنتۇپ قالماڭ .  
  

داۋىس

چۈشەندۈرگۈچى شىنجاڭ كوماندىسىنى ماختىغىدەك سۈپەت تاپالماي ھېرىپ كەتتى .

bulgun

مۇبارەك بولسۇن ، يىڭى يىلدا يىڭىچە نەتىجە بىلەن غەلبە قازىنىشڭلارغا تىلەكداشمەن .

ھەمراھ

بۈگۈنكى  مۇسابىقىسىنىمۇ  قىتىپ  يوللىۋەتمەي!


ھەممىسىدە  چىمپىيۇن  بولدى!

ھۇررا!

يۇلغۇن

بەسەيلەرگە دەرىس ئۆتۈپ قويۇپتۇ ئەزمەتلىرىمىز ئاللاھ ئىشلىرىمىزغا ئاسانلىق بەرگەي

رونالدو77

ئىشلىرى ئوڭۇشلۇق بولسۇن ！ھۇررا ئەزمەتلەر

ئارىف

مەنمۇ بايام تېلۋىزوردا كۈرۈپ بەك ھاياجانلاندىم.شىنجاڭنى تۇنۇتىدىغان ياخشى سەھنە بولدى.

HoPe157

داۋاملىق تېرىشىش كىرەك.....چېمپىيۇنلۇق بىزلەرگە مەنسۇپ......................!!

HoPe157

بۇيىل 2015يىللىق جۇڭگۇ ب دەرىجىلەر پۇتبول بىرلەشمىسىگە ھەرەمباغ كوماندىسى كىرەلىدىمۇ يا  خەۋەر بولسا خەۋەردار قىلىپ قويۇڭلار بىزلەرنى................

مالدىنى

HoPe157 يوللىغان ۋاقتى  2014-12-27 15:58
بۇيىل 2015يىللىق جۇڭگۇ ب دەرىجىلەر پۇتبول بىرلەشمىسىگە  ...

ھەرەمباغ نىڭ ب دەرىجىگە تېزىملىتىش سالاھىيىتى يوقكەن ، بىرلام ئامال ئالدىنقى يىلى ئىشتىن سىرتقى بىرلەشمىگە قاتناشقان خاتىرە كوماندىسىنىڭ سالاھىيىتىنى سېتىۋىلىپ ئاندىن ب غا تېزىملىتىش

ئىلىم

مالدىنى يوللىغان ۋاقتى  2014-12-27 18:33
ھەرەمباغ نىڭ ب دەرىجىگە تېزىملىتىش سالاھىيىتى يوقكە ...

سەۋەبى  نىمەكەن.خاتىرە  كوماندىسى  دىگەن  قايسى  كۇلۇپ  كىمنىڭ  .بىلسىڭىز  دەپ  بەرمەمسىز

تۇتىيا

ئىلىم يوللىغان ۋاقتى  2014-12-27 19:46
سەۋەبى  نىمەكەن.خاتىرە  كوماندىسى  دىگەن  قايسى  كۇلۇپ  ...

جۇڭگو پۇتبولچىلار جەمىئىتىنىڭ يېڭى بەلگىلىمىسىگە ئاساسلانغاندا قاتنىشالمايدىكەنبىرىنچىدىن، 2015-يىلىدىن باشلاپ ب دەرىجىلىك بىرلەشمىگە كۇلۇب تەشكىللەپ، كوماندا قۇرۇپ ئۇدۇل قاتنىشىشكە خاتىمە بېرىلدى.
ئىككىنچىدىن، جۇڭگو پۇتبولچىلار جەمئىيىتىنىڭ چىقارغان ھۆججىتىگە ئاساسلانغاندا، 2015-يىللىق ب دەرىجىلىك بىرلەشمىگە قاتنىشىش سالاھىيىتى بار كۇلۇبلار تۆۋەندىكىچە:
(1) 2014-يىللىق ئا دەرىجىلىك بىرلەشمىدىن چۈشكەن ئىككى كۇلۇب.
(2) 2014-يىللىق ب دەرىجىلىك بىرلەشمىگە قاتناشقان كۇلۇبلار.
(3) 2014-يىللىق جۇڭگو ئىشتىن سىرتقى پۇتبول بىرلەشمىسى ئاخىرقى ھەل قىلغۇچىغا قاتناشقان 16 كۇلۇب.
(4) 2014-يىللىق جۇڭگو ئىشتىن سىرتقى بىرلەشمىسى چوڭ رايون ھەل قىلغۇچ بىرلەشمىسىگە قاتناشقان كۇلۇبلار.شۇڭا شىنجاڭدىن 2015-يىللىق ب دەرىجىگە قاتنىشىش سالاھىيىتى بار بولغان كۇلۇب پەقەت بىرلا، ئۇ بولسىمۇ جۇڭگو ئىشتىن سىرتقى پۇتبول بىرلەشمىسى چوڭ رايون مۇسابىقىسىگە تۇنجى بولۇپ قاتناشقان شىنجاڭ ئىشتىن سىرتقى كۇلۇبى-شىنجاڭ خاتىرە پۇتبول كۇلۇبى.
شۇڭا ھەرەمباغ پۇتبول كۇلۇبىنىڭ ئۆزىنىڭ ب دەرىجىلىك بىرلەشمىگە قاتنىشىش سالاھىيىتى يوق. لېكىن ئۇلار ب دەرىجىلىك بىرلەشمىگە قاتنىشىمىز دېسە يەنە بىر خىل ئامال بار، ئۇ بولسىمۇ سالاھىيەت سېتىۋىلىش، ھازىرقى ئەھۋالدىن قارىغاندا شىنجاڭ خاتىرە پۇتبول كۇلۇبىنىڭ تېخى ب دەرىجىلىك بىرلەشمىگە قاتناشقۇدەك ئىقتىسادىي كۈچى يوق، شۇڭا ھەرەمباغ شىنجاڭ خاتىرە كۇلۇبىنىڭ سالاھىيىتىنى سېتىۋىلىپ ب دەرىجىلىك بىرلەشمىگە قاتنىشىشنى ئىلتىماس قىلسا بولىدۇ ياكى ئىچكىرىدىكى بۇلتۇر ب دەرىجىلىك بىرلەشمىگە قاتناشقان كۇلۇبلارنىڭ سالاھىيىتىنى بىۋاسىتە سېتىۋالسىمۇ بولىدۇ.
2015-يىللىق ب دەرىجىلىك بىرلەشمىگە ئالدىن تىزىملىتىش ۋاقتى 12-ئاينىڭ 31-كۈنىگىچە، بۇ توغرىسىدىكى جاۋاپقا 31-چېسلا ئېرىشكىلى بولىدۇ.

Izilganyurak

ھۇررا ئەزمەتلەر غەلبە سىلەرگە مەنسوپ سىلەرگە ئۇتۇق تىلەيمىز ....بىزگە شەرەپ كەلتۇردۇڭلا ئالغا......!