| ئومۇمى يازمىسى: |
ھوقۇق چېكى: 1 |
| جۇغلانمىسى: 2114 |
تۆھپىسى: سەر |
|
بۇ يازمىنى ئاخىرىدا ablatjan تەھرىرلىگەن. ۋاقتى 2014-12-25 14:01
قىشلىق يۆتكىلىش بازىرىغا ئاز قالدى. ھەممە كۇلۇب پورتماللىرىنى تەييارلاپ، يەڭلىرىنى شىمايلاپ، سۆھبەت ئۈستەللىرىگە پاكىستاننىڭ داستىخىنىنى تىزىپ تەييار بولدى.
مىلان يەنىلا ئۆزگىچە قىزىق نۇقتىدۇر. رېئال مادرىد، ئىككى مانچېستىر كۇلۇبى قاتارلىقلار پۇلنىڭ بىرلىكىنى 10 مىليون دوللار قىلىپ ئىشلىتىۋاتقاندا، مىلان يەنىلا پۇل بىرلىكى ئىشلەتمەي، ۋېلسىپىتكە مىنىۋېلىپ، ئىجارە بېرىش، مائاش تۆۋەنلىتىش، توختام توشقۇزۇش قاتارلىق ھەر خىل ئۈنۈملۈك ۋاسىتىلەردىن پايدىلىنىپ، يۇقىرى دەرىجىدىكى سۆھبەتلىشىش، سودىلىشىش ماھارىتى بىلەن ئادەم ئەكەلمەكچى بولۇۋاتىدۇ.
مىلان قانىلىنىڭ بۈگۈن سەھەردىكى خەۋىرىگە ئاساسلانغاندا، مىلان كۇلۇبىنىڭ ئىجرائىيە رەئىسى جالىيانى تۈنۈگۈن مادرىد رىقابەت كۇلۇبى بىلەن بىرلىككە كەلگەن، يەنى توررېس ئانا كۇلۇبى مادرىد رىقابەتكە 18 ئايلىق ئىجارە بىلەن قايتىدىغان، رىقابەت كۇلۇبىغا تېخى بۇ يىل يازدا 19 مىليون ياۋرولۇق باھادا يۆتكىلىپ كەلگەن ئىتالىيەلىك يان ھۇجۇمچى چېرچىمۇ 18 ئايلىق ئىجارە شەكلى بىلەن مىلانغا قوشۇلىدىغان بولغان.
مۆجىزە شۇكى: توررېس بۇ يىل يازدا مىلانغا ھەقسىز قوشۇلغان، يەنى ئىجارە شەكلىدە قوشۇلغان. مۇئاشىنى چېلسىدىكى 10 مىليوندىن 3 مىليون 500 مىڭ ياۋروغا چۈشۈرگەن. مىلان يۆتكىلىش ھەققى تۆلىمىگەن. ئەمما مىلان 15 مىليون ياۋروغا چېرچىنى قوشۇۋالماقچى بولغان بولسىمۇ، مادرىد رىقابەتكە تەڭ كېلەلمەي ئۇنى قوشۇۋالالمىغان. ئارىدىن ئالتە ئاي ئۆتۈپ، ئىشلار تېزلا ئۆزگەرگەن. توررېس مىلاندا 13 مەيدانغا يېقىن مۇسابىقىگە قاتنىشىپ ئاران 1 توپ كىرگۈزگەن، مىلان دېربىيىسىدىن كېيىن ئۇ مەيدانغا چىقىپ باقمىغان، ئىنزاگى ئۇنىڭدىن ۋاز كەچكەن. چېرچىنىڭ مادرىدتىكى ئەھۋالىمۇ بوش بولغان. شۇنىڭ بىلەن قاقۋاش جالىيانى كاللىسىنى ئىشلىتىپ، توررېسنى زاپاس ئەزاغا تولۇقلاشنى ئۈمىد قىلغان مادرىدقا توررېسنى بېرىۋىتىپ، ئۇنىڭ يۇقىرى مۇئاشىدىن قۇتۇلۇپ، ئۆزى 15 مىليونغىمۇ ئېلىپ كېلەلمىگەن چېرچىگە ئاسانلا ئىگە بولۇپ، ئۇنى ئازغىنە مائاش بىلەن جىق ئىشلارغا سالماقچى بولغان. بۇ سودا ئىنگىلاند، ئىسپانىيە ۋە ئىتالىيە قاتارلىق ئۈچ بىرلەشمىگە چېتىلىدۇ. چۈنكى، توررېس يەنىلا چېلسىنىڭ ئادىمى.
ئەگەر، بۇ سودا راستىنلا ئەمەلگە ئېشىپ قالسا، جالىيانىڭنىڭ ھاياتىدىكى يەنە بىر مۇھىم سودا ھېسابلىنىدۇ.
|
|
ۋاقتى: 2014-12-25 13:23:35
تېما كۆتۈرۈش
تېما چوققىلاش
تېما تاقاش
变色卡
ئىگىسى
