ھىنرىنىڭ كەسپى ھاياتىدا ئېرىشكەن نەتىجىلىرى ،

shemsherwaz

12-ئاينىڭ 16-كۈنى فىرانسىيە دۆلەت كوماندىسى ۋە ئارسىنال كۇلۇبىنىڭ رىۋايەتلىك توپچىسى ھىنرى پۇتبۇلچىلىقتىن چىكىنگەنلىكىنى ئىلان قىلدى. تەنتەربىيە مىدىئالىرى ھىنرىنىڭ 21 يىللىق كەسپى ھاياتىدىكى نەتىجىلىرىنى ھىسابلاپ چىقتى.

ھىنرى كەسپى ھاياتىنى موناكو كۇلۇبىدىن باشلىغان. موناكودىن يۇۋىنتۇسقا، يۇۋىنتۇستىن ئارسىنالغا، ئارسىنالدىن بارسىلوناغا، بارسىلونادىن نىيۇيورك قىزىل كالا كوماندىسىغا يۆتكەلگەن. ھىنرى 1999-يىلى ئارسىنالغا قوشۇلغاندىن تارتىپ ئارسىنال كوماندىسىدا كەسپى ھاياتىنىڭ يۇقىرى باسقۇچىغا چىققان. ھىنرى ئارسىنالغا ۋاكالىتەن 376 مەيدان مۇسابىقىگە قاتنىشىپ 228 توپ ئۇرغان، ھازىرغىچە ئارسىنال تارىخىدىكى ئەڭ كۆپ توپ ئۇرغان توپچى. ھىنرى ئارسىنالدىكى ۋاقتىدا 2 قىتىم ئېنگلاند دەرىجىدىن تاشقىرى بىرلەشمىسىنىڭ چېمپىيونى، 3 قىتىم ئېنگلاند بىرلەشمە لوڭقىسىنىڭ چېمپىيونلىقىغا ئېرىشكەن. 2007-يىلى ھىنرى 19 مىليون فونىستېرلىڭ باھا بىلەن بارسىلونا كۇلۇبىغا يۆتكەلگەن. بارسىلونادىكى ۋاقتىدا 2 قىتىم ئىسپانىيە بىرلەشمىسىنىڭ چېمپىيونلىقىغا، 1 قىتىم شاھلىق لوڭقىسىنىڭ چېمپىيونلىقىغا، 2008-2009-مۇسابىقە پەسلى ئۇزغۇنلۇقنىڭ چېمپىيونلىقىغا ئېرىشكەن. فىرانسىيە دۆلەت كوماندىسىدا 1998-دۇنيا لوڭقىسىنىڭ چېمپىيونلىقىغا، 2000-يىلى ياۋرۇپا لوڭقىسىنىڭ چېمپىيونلىقىغا ئېرىشكەن. دۆلەت كوماندىسىدا 51 توپ ئۇرۇپ، ئەڭ كۆپ توپ ئۇرغان توپچى بولۇپ قالغان.

ھىنرى 21 يىللىق كەسپى ھاياتىدا 917 مەيدان مۇسابىقىگە قاتنىشىپ 411 توپ ئۇرغان. ھەرقايسى كۇلۇبلاردىكى ئىرىشكەن چېمپىيونلۇق سانى 16 قىتىم. دۆلەت كوماندىسىدا 3 قىتىم چېمپىيونلۇققا ئېرىشكەن.

ھىنرى 1977-يىلى 8-ئاينىڭ 17-كۈنى تۇغۇلغان. بۇ يىل 37 ياش. فىرانسىيە دۆلەت تەۋەلىكىدە.
ھەرقايسى كۇلۇبلاردا مەيدانغا چىققان ھەم توپ ئۇرغان سانى.
موناكو كوماندىسىدا 105 مەيدان مۇسابىقىدە 20 توپ ئۇرغان. يۇۋىنتۇستا 16 مەيدان مۇسابىقىدە 3 توپ ئۇرغان. 376 مەيدان مۇسابىقىگە قاتنىشىپ 228 توپ ئۇرغان. بارسىلونادا 80 مەيدان مۇسابىقىدە 35 توپ ئۇرغان. نىيۇيۇرك قىزىل كالا كوماندىسىدا 122مەيداندا 51 توپ ئۇرغان.
ھەرقايسى كۇلۇبلارغا ۋاكالىتەن ئومۇمى بولۇپ 769 مەيدان مۇسابىقىدە 360 توپ ئۇرۇپ 199 ياردەمچى پاس چىقارغان. دۆلەت كوماندىسىدا 123 مەيدان مۇسابىقىگە قاتنىشىپ 51 توپ ئۇرغان.

تۈمەن

ھەقىقەتەن بىر رىۋايەتلىك توپچى. ھىنرى ياراتقان نەتىجىلەرنى ئارسىنال مەڭگۈ ئۇنتۇپ قالمايدۇ. بىزمۇ ھەم شۇنداق.

ھەمراھ

يەنىلا دەيدىغىنمىم :

پۇتبۇلچى دىسە  دەرھال كۆز ئادىمغا كىلىدىغان 10  پۇتبۇلچىنىڭ  بىرسى!

يىشىل چىملىق سىنى مەڭگۈ ئەسلەيدۇ!
بولسا ئارسىنالغا قايتىپ كىلىپ  تىرنىر بولغىن!

genral

ئەينى ۋاقىتتىكى  ئېتتو،ھېنرى،رونالدىنھولاردىن تۈزۈلگەن  ھۇجۇم سېپى  راۋۇرۇس  بىر ھۇجۇمتى…ھەي  بىردىن  بىردىن  مۇشۇنداق  ئەسلەپ  قالمىز دە  توپچىلارنى

babur923

كۈنلەرنىڭ بىرىدە ئارسىنالغا تىرنىر بولسا ياخشى بولاتتى!

laqin1

ھىنرىنىڭ نەتىجىسى ئادەتتىكى نەتىجە ئەمەس.

c.ronaldo123

ھەي    بۇمۇ     چېكىندى     ساڭا    ھورمەت   ھېنرى  

-Roh

ھىنىرى ئارسىنالغا تېرنىر بولمايدىكەن .....ئامىركىدىكى 《كۆك ئاسمان پروگىرممىسى》غا دىكتور بولامىش

FC-Messi

شەخسىي تېخنىكىدا ھەر قاندىقىنى تاڭ قالدۇرىدىغان سەنئەتكار...ھەرىكەتلىرىنىڭ يېنىك ۋە گۈزەللىكى كىشىگە باشقىچە بولغان ھېسسىياتنى ئاتا قىلىدۇ. ھېنرى مەڭگۈ يېشىل چىملىقتىكى باش پىرسۇناژ... كېيىنكى ئىشلىرىڭغا ئۇتۇق تىلەيمىز.

تۇتىيا

بۇ ھازىر نەچچە ياش باللا

تۇتىيا

بۇ ھازىر نەچچە ياش باللا

c.ronaldo123

تۇتىيا يوللىغان ۋاقتى  2014-12-17 19:58
بۇ ھازىر نەچچە ياش باللا

37ياش