مادرىد بارسىلونانىڭ يەنە بىر رىكورتىنى بۇزدى

تۈمەن

بۈگۈن ئوينالغان كۇلۇبلار لوڭقىسى مۇسابىقىسىدە مادرىد 4-0 نەتىجىدە كۆك كىرىست كوماندىسىنى يەڭگەندىن كىيىن ئۇدا 21 مەيدان غەلبە قىلدى. بۇ نەتىجە دۇنيا جىنىس رىكورتىنىڭ 24 مەيدان ئۇدا غەلبە قىلىش رىكورتىدىن 3 مەيدانلا ئاز. ( بىرازىلىيەنىڭ كۇرىتىبا كوماندىسى 2011-يىلى ئۇدا 24 مەيدان غەلبە قىلغان ) مادرىدنىڭ بۇ 21 مەيدان غەلبىسىنىڭ 12 مەيدانى ئىسپانىيە بىرلەشمىسىدە، 6 مەيدانى ئۇزغۇنلۇقتا، 2 مەيدانى شاھلىق لوڭقىسىدا، 1 مەيدانى كۇلۇبلار لوڭقىسىدا.

بۇ 21 مەيدان مۇسابىقىدە مادرىد 79 توپ ئۇرغان بولۇپ، ھوجۇم كۈچى ھەقىقەتەن قورقۇنۇشلۇق. بۇ 79 توپتىن 28 توپنى رونالدو ئۇرغان بولۇپ، رونالدونىڭ ئۇرغان توپى خىلى كۆپ نىسبەتنى ئىگەللەيدۇ. بىنزىما 12 توپ ئۇرغان، بىل بىلەن رودىرىگىز 8دىن توپ ئۇرغان. ئۇنىڭدىن سىرت ئىرنەندىس، ئىسكو، ۋارانى، راموس، پىپى، مودرىچ، مارسىلو، كىروس، قىدرا قاتارلىق توپچىلارنىڭ ھەممىسى توپ ئۇرغان بولۇپ، مادرىدنىڭ توپچىلىرى بۇ پەسىل ئىچىلىپ كەتكەن.
كاسىلىياسنىڭ ئىپادىسىمۇ ياخشى بولغان. بىرلەشمىنىڭ ئالدىنقى ئايلانمىسىدا ۋە بۈگۈنكى كۇلۇبلار لوڭقىسىدا 2 نوقتا توپنى توسۇۋالغان. بۇ 21 مەيدان مۇسابىقىدە مادرىد كوماندىسى 12 مەيدان توپ كەتكۈزمىگەن. 21 مەيدان مۇسابىقىدە ئومۇمى 10 توپ كەتكۈزگەن.

مادرىد بارسىلونانىڭ ئۇدا 18 مەيدان غەلبە قىلىش رىكورتىنى خىلى بۇرۇن بۇزۇپ بولدى. بۈگۈن ئوينالغان كۇلۇبلار لوڭقىسى مۇسابىقىسىدىن كىيىن، مادرىدنىڭ 2014-يىللىق ئومۇمى كىرگۈزگەن توپ سانى 176گە يىتىپ، ئىسپانىيە پۇتبۇل ساھەسىدە يەنە بىر رىكورت ياراتتى. ئىسپانىيەنىڭ بىر يىل ئىچىدە ئەڭ كۆپ توپ ئۇرۇش رىكورتىنى بارسىلونا كوماندىسى ساقلاپ كىلىۋاتقان بولۇپ، بارسىلونا كوماندىسى 2012-يىلى 175 توپ ئۇرۇپ بۇ رىكورتنى ياراتقان، بۈگۈن مادرىد بۇ رىكورتنى بۇزۇپ تاشلىدى. مادرىدنىڭ يەنە بىر مەيدان كۇلۇبلار لوڭقىسى مۇسابىقىسى بولۇپ، بۇ رىكورتنىڭ قانچە توپتا توختىشى ئىنىق ئەمەس.

كۆكتۈرك

مادرىد ھازىر ئۆزىنىڭ يېڭى ئەسىردىن بۇيانقى ئەڭ ياخشى ھالىتىدە تۇرىۋاتىدۇ ، بىر بىردىن قالتىس رېكوتلار ، ئادەمنىڭ ئىشەنگۈسى كەلمەيدىغان سانلىق مەلۇماتلارنى قالدۇرۇپ مېڭىۋاتىدۇ ...
بولسايەنە تۆت مەيدان كۈچەپ  25 مەيدان ئۇدا غەلبە قىلىپ رېكوت پېكوت دېگەننى نەچچە ئون يىلغىچە يېڭىلانمايىغان قىپلىۋەتسە بولاتتى
ئالغا مادرىد!!!

ئەبرار

بۇنداق پارچە پۇرات رىكورتلارنى يولدا كېتىۋىتىپلا بۇزىۋەتكىنى بولىدۇ ، لېكىن مادرىتنىڭ ئون لوڭقىسىنى بۇزۇش ئۇچۇن ، ئالدىرغانغا بولمايدۇ ، بىر يىلدىن بىر يىلدىن كەلسىمۇ ئەڭ يېقىنلاشقىنى بەش يىلدا بۇزىدۇ .

تۇمشۇق

مادرېد ئالغان 10 لوڭقىنى بەزى كۇلۇپلارنىڭ ئېلىپ بۇلىشىغا يەنە قانچىلىك ۋاقىت كىتەركىن مادرېدنىڭ ئەڭ قالتىس رىكورتى مۇشۇ ،

دىيارىم

  ئ‍اخىرى بارسىلۇنانىڭ رىكۇرتىنى بۇزۇپ ، بارسىلۇنا بىلەن تىركەشكىدەك ھالەتكە يىتىپتۇدە ، مۇبارەك بولسۇن مادىرىت ، ( تىلفۇندا چىراي ئ‍ىپادىسى تاپالمىدىم تازا بىر )  ھى ھى ھى  

4231

مادرىدقا بۇ يىل زادى  گەپ توغرا كەلمەيدۇ.
كېچىدىكى كۇلۇپلار لوڭقىسى مۇسابىقىسىدە كاسىللاسنىڭ ئىپادىسى ئالاھىدە ياخشى بولدى. بىر نۇقتا توپنى توسۇۋالدى  ۋە بىرقانچە خەتەرلىك كىرىش ئېھتىمالى يوقىرى بولغان توپلارنى تۇسۇپ قالدى.ئەگەر  مادردنىڭ 2دە 0 ئالدىدا كېتىۋاتقان شارائىتتا ئاشۇ نۇقتا توپ چۈشۈپ كەتكەن بولسا ۋەزىيەتتە ئېھتىمال ئۆزگۈرۈش بۇلۇشى مۇمكىن ئىدى. بۇ كۆك كىرىست كۇلۇبىمۇ بەك ئاجىز كوماندىلاردىن ئەمەس ئىكەن.(ئاسىيا چىمپىيۇنىنى ئۇتۇپ،يېرىم ھەل قىلغۇچقا كىرگەن بولغاندىكىن.)

bughraoghli

قايسى رىكورت بار بۇزۇلمىغان دەپ ئىزدەپ سوراپ بۇزۋاتىدىغۇ زادى ،داۋاملىق مادرىد ،

babur923

رونالدو نىڭ پەقەت تەلىيى كەلمىدى! كاسىللاسنىڭ ئىپادىسى ئالاھىدە ياخشى بولدى! ئەگەر كاسىللاس بۇرۇنقى ئىپادىسىنى تىپىۋالسا بەك ياخشى بولاتتى! ئالغا مادرىد سىنىڭ ئالدىڭدا بۇزۇلمىغان رىكورتلار قالمىسۇن!

cR.7.

مادرىدنىڭ ئىپادىسى مۇشۇ ھالەتىلا ماڭسا  ئۇزغۇنلۇق  بىرلەشمە  شاھلىق  لوڭقىسى دىگەندەك لوڭقىلارنى دۇشمەننى         ىارتىپ قۇيۇپ ئىپ كىتىغان بولدى

cR.7.

مادرىدنىڭ ئىپادىسى مۇشۇ ھالەتىلا ماڭسا  ئۇزغۇنلۇق  بىرلەشمە  شاھلىق  لوڭقىسى دىگەندەك لوڭقىلارنى دۇشمەننى         ىارتىپ قۇيۇپ ئىپ كىتىغان بولدى

laqin1

بارسىلونانىڭ قانچىنچى ئەسىردە يارتىپ قويغان رىكوتى بولغىيتى.

buyuk

يىڭى-يىڭى رىكورتلارنى داۋاملىق يارتىشىڭنى ئۈمۈت قىلىمەن ! ئالغا مادىرىد !

alhan

تۇمشۇق يوللىغان ۋاقتى  2014-12-17 13:51
مادرېد ئالغان 10 لوڭقىنى بەزى كۇلۇپلارنىڭ ئېلىپ بۇلىشى ...

ئۇنى ئەپ كىتىدىغانلا تىخى تۇغۇلمىغاندۇ