خاتىرە پۇتبول كۇلۇبىدىن خۇش خەۋەر

FC-Messi

خاتىرە پۇتبول كۇلۇبىمىزدا بىر يىلدىن بۇيان تەربىيەلىنىپ كىلىۋاتقان ئابدۇمۇھەممەت مەمتىمىن بىلەن شادىمان يۈسۈپ قاتارلىق ئىككى ماھىرىمىز، مۇشۇ ئاينىڭ 7 – كۈنى، مەملىكىتىمىزدىكى تەسىرى خېلى چوڭ بولىۋاتقان، جۇخەي مىڭشى پۇتبول كۇلۇبى (珠海名实足球俱乐部) نىڭ تاللاش مەشىقىگە قاتناشقىلى يولغا چىقتى. ناۋادا بۇ ئىككى ماھىرىمىز بۇ قېتىمقى تاللاشتىن غەلبىلىك ئۆتۈپ قالسا، مۇشۇ كۇلۇب بىلەن كۇلۇبىمىز ئوتتۇرىسىدا رەسمىي ھالدا يۆتكىلىش توختامى ئىمزالىنىدۇ.

«خاتىرە پۇتبول كۇلۇبى» قۇرۇلغاندىن تارتىپ ھازىرغىچە، شىنجاڭدىكى ھەر قايسى پۇتبول كۇلۇبلىرى ئارىسىدا تېز كۆزگە كۆرۈنۈپ، قوشۇن قۇرۇلۇشىنى كۈچەيتىپ، رايونىمىز ۋە مەملىكەت دائىرىسىدە ئاز بولمىغان شان-شەرەپلەرنى قولغا كەلتۈرۈپ، خەلقىمىزنىڭ بىردەك ئېتراپ قىلىشىغا ئېرىشتى. شۇنىڭ بىلەن بىرگە 2014-يىللىق شىنجاڭ ئىشتىن سىرتقى پۇتبول كۇلۇبلىرى مۇسابىقىلىرىدە كۆرۈنەرلىك نەتىجىلەرنى قولغا كەلتۈرۈپ، خېنەن رايونىدىكى مەملىكەت دائىرىسى بويىچە ئۆتكۈزۈلگەن ئىشتىن سىرتقى كۇلۇبلار مۇسابىقىسىنىڭ قاتنىشىش سالاھىتىگە ئېرىشتى. ۋە بۇ تۈردىكى مۇسابىقىگە رايونىمىز بويىچە 10 يىلدىن كېيىن يەنە بىر قېتىم قاتناشقان بىردىنبىر كۇلۇب بولۇپ قالدى.
بۇ قېتىمقى يۆتكىلىش ئوڭۇشلۇق بولۇپ قالسا، كۇلۇبىمىزنىڭ ئىچكىرى ئۆلىكلەردىكى داڭلىق كۇلۇبلار بىلەن بولغان تۇنجى يۆتكىلىش بازىرى بولۇپ ھېسابلىنىدۇ. ئاخىرىدا بىز بۇ ئىككى ماھىرىمىزنىڭ ئۆز ماھارەتلىرىنى ياخشى جارى قىلدۇرىشىنى ۋە ياخشى نەتىجىلەرنى قولغا كەلتۈرىشىنى ئۈمىد قىلىمىز ۋە تىلەيمىز.

HoPe157

ياخشى ............جۇخەي مىڭشى پۇتبول كۇلۇبى  قايسى دەرىجىدىكى كوماندا..

جاغىستاي120

ئۇ كۇلۇب دەرىجىدىن تاشقىرى ياكى ئا دەرىجىلىك ىرلەشمىدە ئەمەسمۇ قانداق ؟ شۇ كۇلۇب تۇغۇرلۇقمۇ بىر ئاز چۈشەنچە بېرىۋەتكەن بولسىڭىز ياخشى بولار ئىدى.

FC-Messi

بۇ كۇلۇب ئا دەرىجىلىك كۇلۇب ئەمەس، لېكىن بەش كىشىلىك بىرلەشمىدە ئالدىنقى قاتاردا تۇرىدىكەن. بىزنىڭ بالىلارمۇ بېرىپ بوپتۇ، ماھىرلار كۇلۇبنىڭ تاللىشىدىن ئۆتۈپ قالسا، ئالدىمىزدىكى بەش كىشىلىك بىرلەشمىگە كىرىپ ئوينايدىكەن.

c.lo7

ئۇنداق  بولسا ياخشى بولاتتى

مىسسي730

ھىشقىلىپ ياخشى بوپتۇ

sarban

ياخشى باشلىنىش قىلۋاپتۇ

دىيارىم

    ئامەت ياربۇلسۇ ئەزمەتلەر!!!!!!

azaz

ياخشى

genral

ئىشلىرى  ئۇتۇقلۇق  بۇلسۇن

FC-Messi

   ئەسسالامۇ ئەلەيكۇم مۇنبەرداشلار. تۆۋەندە مەن بىر ئەمەلىي مەسىلىنى ئوتتۇرىغا قۇيۇپ ئۆتەي:
خاتىرە پۇتبول كۇلۇبىمىز مەيلى كىچىك بولسۇن - بولمىسۇن، كۇلۇبتىكى ھەر بىر ئەزا ھەر قانداق بىر نەرسىنىڭ كىچىكتىن زورىيىدىغانلىقىغا ئىزچىل ئىشىنىپ، ئۆزلىرىنىڭ قان - تەر تۆكىشى بىلەن، قىسقا ۋاقىت ئىچىدە ئانچە - مۇنچە بولسىمۇ ئېغىزغا چىققۇدەك زەررىچە نەتىجىلەرنى قولغا كەلتۈردى. ئەمما ئۆزىمىزنىڭ قېرىنداشلىرىدىن تەشكىللەنگەن بىر كۇلۇب (نامىنى ئاممىۋىي سورۇندا تىلغا ئالماسلىقنى قارار قىلدىم. ئايرىم ئۇچۇر يېزىڭ)، مۇشۇنىڭ بىلەن ئىككىنچى قېتىم چوڭ ئاممىۋىي تور سۇپىلىرىدا بىزگە ھاقارەت قىلىدىغان، كۆرەلمەيدىغان، ھەسەت خاراكتىرىدىكى بەزى گەپ سۆزلەرنى تارقاتقان ۋە داۋاملىق تارقاتماقتا. ناۋادا بۇ خىل ھاقارەت سۆزلىرى يەڭ ئىچىدە بولغان بولسا، كۇلۇبىمىزنىڭ ھېچقانداق ئوبرازىغا دەخلى يەتمىگەن ۋە كۇلۇبتىكى بارلىق جاپاكەش ئەزالارنىڭ قۇلىقىغا يەتمىگەن بولاتتى. خوش ئەمدى ئاساسىي گەپ نېمە دېگەندە، بۇ خىل ھاقارەت ۋە ھەسەت خاراكتىرىدىكى كۆرەلمەسلىك ئىدىيىسى يۇغۇرۇلغان سۆز جۈملىلەرنى بىز تۇنجى قېتىم ئاڭلىشىمىز ئەمەس، ئالدىنقى قېتىم خېنەنگە شىنجاڭدىكى كۇلۇبلارنىڭ ۋەكىلى سۈپىتىدە «ھۇجۇمغا ئاتلانغاندا»، دەل مۇشۇ كۇلۇب قۇتراتقۇلۇق قىلىپ، ھەرقايسى تور سۇپىلىرىدا مۇشۇنىڭدەك گەپ - سۆزلەرنى تارقاتقان. مانا بۇ قېتىممۇ ئىككى ئەزىمىتىمىزنىڭ يۆتكىلىش خەۋىرىنى ئاڭلىغاندىن كېيىن، چوڭ تور بېكەتلەردە ھاقارەت سۆزلىرىنى قايتا ياغدۇرغان.بەلكىم ئۇ كۇلۇبتىكى مۇشۇ گەپ - سۆزلەرنى قىلغان كىشى مۇنبىرىمىزگە ئەزا بولىشىمۇ مۇمكىن...
    ھەممىمىز قېرىنداش، ھەممىمىز بىر تۇپراقتا ياشايمىز. ئەجدادىمىزنى سۈرۈشتۈرۈپ كەلسەك ئۇرۇق-تۇققان چىقىشىمىز ھەقىقەت. ئەمما نېمىشقا پىتىشمايمىز؟ نېمىشقا بىر بىرىمىزنى قوللىمايمىز؟ نېمىشقا بىر بىرىمىزنىڭ نەتىجىلىرىدىن قىزغىنىمىز؟ نېمىشقا بىرىمىزنى بىرىمىز تۆۋەنگە تارتىشقا ھېرىسمىز؟! مەيلى بىزنىڭ كۇلۇب ئۆزىمىزنىڭ ئۇيغۇرىنىڭ كۇلۇبى بولماي، قېرىنداش مىللەتلەرنىڭ كۇلۇبى بولغان تەغدىردىمۇ، دۈشمەنلىك مەۋجۇد بولمىغان مۇھىتقا نېمە ئۈچۈن دۈشمەنلىك ئۇرۇقلىرىنى چاچىمىز؟! كۈندە مۇنبەردە ئاشۇ نەچچە مىڭ كلومېتىر يىراقلىقتىكى جۇھۇتلارنىڭ كۇلۇبلىرىنى دەپ بىر-بىرىمىز بىلەن قان چېچىشىپ، نۇرغۇن-نۇرغۇنلىرىمىزنىڭ كۆڭلىگە ئازار بېرىشىپ كېتىمىز-يۇ، ئۆز قېرىنداشلىرىمىزدىن تەشكىللەنگەن كۇلۇبىنى بۇنداق غاجاپ-تالايمىز؟!!!!!!!!!!
   تۇرۇپ بەزىدە ئۆزىمىزدىن كۆرمەي ئامالىمىز يوق ئىكەن. «يارىتىش مەندىن، يارىلىش ئۆزۈڭدىن» دېگەن سۆزگە قانچىلىغان ھېكمەت يۇشۇرۇنغىنىنى ئويلاپ باقايلى. بىزنىڭ بۇنداق بولىشمىز ھەرگىز سىرتنىڭ ئەمەس بەلكى ئۆزىمىزدىكىلا مەسىلە....
   مۇنبەرداشلارنىڭ بۇ قۇرلارنى ئوقىغاندىن كېيىن، نېمە دېمەكچى بولغانلىقىمنى چۈشىنىشىنى ئۈمىد قىلىمەن.