بۇ يازمىنى ئاخىرىدا FC-Messi تەھرىرلىگەن. ۋاقتى 2014-12-10 18:29
«خاتىرە پۇتبول كۇلۇبى» ئوقۇغۇچى قوبۇل قىلىشنى باشلىدى
«خاتىرە پۇتبول كۇلۇبى» قۇرۇلغاندىن تارتىپ ھازىرغىچە، شىنجاڭدىكى ھەر قايسى پۇتبول كۇلۇبلىرى ئارىسىدا تېز كۆزگە كۆرۈنۈپ، قوشۇن قۇرۇلۇشىنى كۈچەيتىپ، رايونىمىز ۋە مەملىكەت دائىرىسىدە ئاز بولمىغان شان-شەرەپلەرنى قولغا كەلتۈرۈپ، خەلقىمىزنىڭ بىردەك ئېتراپ قىلىشىغا ئېرىشتى. 2014-يىللىق شىنجاڭ ئىشتىن سىرتقى پۇتبول كۇلۇبلىرى مۇسابىقىلىرىدە كۆرۈنەرلىك نەتىجىلەرنى قولغا كەلتۈرۈپ، خېنەن رايونىدىكى مەملىكەت دائىرىسى بويىچە ئۆتكۈزۈلگەن ئىشتىن سىرتقى كۇلۇبلار مۇسابىقىسىنىڭ قاتنىشىش سالاھىتىگە ئېرىشتى. ۋە بۇ تۈردىكى مۇسابىقىگە رايونىمىز بويىچە 10 يىلدىن كېيىن يەنە بىر قېتىم قاتناشقان بىردىنبىر كۇلۇب بولۇپ قالدى.
كۇلۇبىمىز بۇ قېتىم رايونىمىز پۇتبولچىلىقىنى تېخىمۇ راۋاجلاندۇرۇش، قوشۇن قۇرۇلىشىنى تېخىمۇ زورايتىش، رايونىمىز پۇتبول مايسىلىرىنى بايقاش، تەربىيەلەپ چىقىش مەقسىتىدە، رەسمىي تۈردە دەسلەپكى قەدەمدىكى ئوقۇغۇچى تەربىيەلەش سىنىپى تەسىس قىلدى.
تەربىيەلەش ئوبىيكتلىرى 5 ياشتىن 25 ياشقىچە بولغان پۇتبولخۇمارلارغا قارىتىلغان بولۇپ، گۇرۇپپىلارغا بۆلۈپ تەربىيەلەش ئېلىپ بېرىلىدۇ.
تەربىيەلەش سىنىپىنىڭ ياش گۇرۇپپا بۆلۈنىشى تۆۋەندىكىچە:
1. 5 ياشتىن 10 ياشقىچە بىر گۇرۇپ.
2. 10 ياشتىن 15 ياشقىچە بىر گۇرۇپ.
3. 15 ياشتىن يۇقۇرىلار بىر گۇرۇپ.
تەربىيەلەش سىنىپىنىڭ كەسىپ گۇرۇپپا بۆلۈنىشى تۆۋەندىكىچە:
1. ۋارىتار تەربىيەلەش گۇرۇپپىسى؛
2. پۇتبول ماھارەت گۇرۇپپىسى؛
تەربىيەلەش سىنىپىمىزنىڭ مەشقاۋۇللار گۇرۇپپىسى تۆۋەندىكىچە:
1. ئابدۇمىجىت ئابدۇرېشىت.
ئابدۇمىجىت ئابدۇرېشىت 1995 - يىلىدىن 1998 - يىلىغىچە ئۈرۈمچى شەھەرلىك 14 - ئوتتۇرا مەكتەپنىڭ تۇلۇقسىز پۇتبول سىنىپىدا ئوقىغان. 1998 - يىلىدىن 2001 - يىلىغىچە ئۈرۈمچى شەھەرلىك 14 - ئوتتۇرا مەكتەپنىڭ تولۇق ئوتتۇرا پۇتبول سىنىپىدا ئوقىغان. 2001 - يىلىدىن 2006 - يىلىغىچە شىنجاڭ ئۇنۋىرستىتىدا ئوقىغان. 2007 - يىلى شىنجاڭ نېفىت باشقۇرۇش ئىدارىسىگە خىزمەتكە چۈشكەن. ئابدۇمىجىت ئابدۇرېشىت تېرىنىر كىچىكىدىن باشلاپ ھازىرغىچە، مەملىكەت ئىچى ۋە خەلقئارالىق مۇسابىقىلەرگە كۆپ قېتىم قاتنىشىپ، شىنجاڭ پۇتبولچىلىقى تەرەققىيات خىزمەتلىرىدە رولىنى ئاكتىپ جارى قىلدۇرۇپ، رايونىمىز ۋە دۆلىتىمىز ئۈچۈن كۆپلىگەن شان – شەرەپلەرنى قولغا كەلتۈرۈشتە، مۇھىم تۆھپىلەرنى قوشۇپ كەلمەكتە. تۆۋەندە ئابدۇمېجىت تېرىنېرنىڭ بىر قىسىم شەرەپ گۇۋاھنامىسى ۋە خاتىرە سۈرەتلىرى بېرىلدى:
2. شىرئەلى ئابدۇراخمان. (ۋارىتار تېرىنېرى)
شىرئەلى ئابدۇراخمان كىچىكىدىن باشلاپ ھازىرغىچە 20 يىللىق ۋارىتار تارىخىغا ئىگە تەجرىبىلىك تېرىنېر بولۇپ، 2003 – يىلى سۇڭچىڭلىڭ پۇتبول تەربىيەلەش مەكتىپىدە ۋارىتار تېرىنىرلىق خىزمىتى ئۆتىگەن. بىر يىلدىن كېيىن ۋارىس پۇتبول تەربىيەلەش مەكتىپىدە ئوخشاش تۈردىكى تېرىنىرلىق خىزمىتىنى ئۆتىگەن. ئۇ ھازىرغىچە شىنجاڭ كوماندىسى، خاتىرە پۇتبول كوماندىسىغا ۋاكالىتەن مەملىكەت دائىرىسىدىكى چوڭ تىپتىكى مۇسابىقىلەرگە كۆپ قېتىم قاتنىشىپ، ياخشى نەتىجىلەرنى قولغا كەلتۈرگەن. ئۇ ھازىرمۇ خاتىرە پۇتبول كۇلۇبىمىزدا تېرىنېرلىق خىزمىتىنى ئۆتەپ كەلمەكتە.
3. كاندىدات تېرىنېرلار:
ئابدۇشۈكۈر بەكرى، قاسىم مۇختەرجان.
تىزىملاش ۋاقتى: 2014 – يىلى 12 – ئاينىڭ 10 – كۈنىدىن باشلىنىدۇ.
تەربىيەلەش ۋاقتى: شەنبە-يەكشەنبە.
تىزىملاش ئورنى:
1. ئۈرۈمچى شەھەر شىنخۇا جەنۇبىي يولى لاڭرۇن تيەنچېڭ ئولتۇراق رايونى 1 – بىنا 1 – كورپۇس 301 – ئىشخانا.
2. ئۈرۈمچى تەڭگە تاغ سودا سارىيى ئۈچىنچى قەۋەت B15 – دۇكان. (خاتىرە تەنتەربىيە بۇيۇملىرى دۇكىنى)
تىزىملىتىش تېلېفۇن نومۇرى:
2809833 – 0991
13999141002 | 
ۋاقتى: 2014-12-10 18:14:37
تېما كۆتۈرۈش
تېما چوققىلاش
تېما تاقاش
变色卡
........................................... ئۆتۆپ كەتتى 
ئىگىسى
