خان مادرىد كوماندىسىنىڭ يېڭى ئەسىرىدىن بۇيانقى ئەڭ ياراملىق 25توپ.....

sensiz

ئۆزەم پەرەز قىلغان بويىچە 25 ئادەمنى تىزىپ چىقتىم، چوڭ تېزىملىك 25 كىشلىك بولغاچقا 25ئادەمنىلا تاللىدىم
ۋارتار1. كاشىلىياس
كاشلىياسقا نىسبەتەن ئارتۇرقچە سۆزلەش ھاجەتسىز. شەك شۈبھىسىزكى ئۇ مادرىد تارىخدىكى ئەڭ قالتىس ۋارتار. ئۇ بۇرۇنقى ۋە ھازىرقى ئەڭ قالتىس سەپ شەكلىدە بار بولغان بىردىن بىر توپچى. مادرىدقا ياردەملىشىپ 8- ۋە 9-قېتىملىق ياۋرۇپا ئۇزغۇنلۇق لوڭقىسىغا ئېرىشكەن توپچىلاردىن كۆپىنچىسى مادرىدتىن ئايرىلدى ،ياكى ئاساسەن دېگۈدەك چېكىنپ بولدى.لېكىن 10- قېتىملىق ئۇزغۇنلۇق لوڭقىسىدىكى تۆھپىكارلاغا قارايدىغان بولساق قولىغا كوماندا يەڭ بەلگىسىنى تاقىغان كاپىتاننىڭ مادرىدنىڭ دەرۋازىسىنى ساقلاۋاتقانلىقىنى كۆرەلەيمىز.مادرىد ئۈچۈن ياشلىق ھاياتىنى بېغىشلىغان بۇ كاپىتانغا ھۆرمەت. ئۇ مادرىد ۋە ئىسپانىيە تارىخىدىكى ئەڭ قالتىس ۋارتار .
بېكلەر2. ئىۋان خېرگۇرا
مادرىدتىكى قالتس ئوتتۇر بېك ، ھېرروغا ئوخشاش ئارقا بەلدىن ئوتتورا بېكقا ئالماشقان توپچى، مۇداپىيەسنىڭ قاراملىقى بىلەن مەشھۇر.مادرىد ئامالسىز قالغان ۋاقىتلاردا ھالقىلىق توپ ئۇرۇپ مادرىدنى غەلبىگە باشلىغان توپچى بولۇپمۇ 2001-2002 مۇسابىقە پەسلىدە ساھىبخان مەيداندا بەيرېنگە ئۇرغان توپى ناھايىتى قىممەتلىك ئىدى. 8 يىللىق مادىرد ھاياتىدا 30 توپ ئۇرغان، ھازىرقى راموسمۇ دەل شۇنىڭ مىجەزىنى تارتقان.
3. مارسېلو
ئۆز ۋاقتىدا جەنۇبى ئامرىكىدىكى ئۈچ ياشنىڭ ئىچدە ئەڭ قارشى ئېلىنمايدىغىنى مارسېلو ئىدى،لېكىن ئەڭ ئۇقۇق قازانغىنىنىڭ مارسېلو بولىدىغىنىنى كىممۇ ئويلاپ باققان. يەنە كىلىپ كوماندىدىكى ئۈچۈنچى كاپىتان.ئۆز ۋاقتىدا ئالدى مۇداپىئە ۋە ئارقا بەل ئوينىغان مارسىلو مادىرىقا كەلگەن ھامان سول بېكلىك ۋەزىپىسىنى تاپشۇرۇپ ئالغان، مۇداپىئەدە سەل يوچۇق كۈرنگەندەك قىلسىمۇ لېكىن ھۇجۇمغا بولغا پايدىسى، توپ ئېلىپ مېڭىشلىرى، ئۆلچەملىك پاس بېرىش قاتارلىق ماھارەتلىرى بىلەن ھازىرقى زاماندىكى بىرنچى سول بېك قاتارىغا تىزىلغان . بولۇپمۇ 2013-2014 مۇسابىقە پەسلى ئۇزغۇنلۇق ھەل قىلغۇچ مۇسابىقىدە ئۇرغان بىر توپى بىلەن دۈشمەنلەرنى پۈتۈنلەي ئەل قىلغان. ماھارىتى بۇرۇنقى ماھىرلارغا يەتمىسىمۇ ، داۋاملىق شۇلارغا يىتىش ، ئۇلاردىن ئېشىش ئۈچۈن داۋاملىق تىرىشىۋاتىدۇ.
4.مېركىل سالگادو
ئىلگىركى رەئىس سانس نىڭ كۈيئوغلى يېڭى ئەسرىدكى مادرىدنىڭ ئەڭ ياخشى ئوڭ بېكى، كارلوسنىڭ مادرىدا بولىشى سەۋەبلىك مەيدانغا كۆپ چىقالمىغان.لېكىن ھۇجۇمغا بولغان پايدىسى كۆپ،پاس بېرىشتە راموستىن يۇقىرى تۇرىدۇ.فىلورىندىنو ئىككىنىچى قېتىم رەئىس بولغاندا كوماندىدىن ئايرىلغان.
5.سېرگىرو راموس
راموس پۇتبول دۇنياسىدىكى قىززىق نوقتىلىق مۇداپىيەچىللىنىڭ بىرى بۇلۇپ قېلىشى ئۇنۇڭغا بولغان بېسىمنى تېخىمۇ ئېغىرلىتىۋەتكەن شۇنداقتىمۇ ئۇ قەتئى بۇشاشماسلىق روھىنى يۇقۇتۇپ قويمىدى، دۆلەت كۇماندىسى ۋە كۇلۇپتا كەم بولسا بولمايدىغان ئەزالارنىڭ بىرى بۇلۇشى ئىپادىسىنىڭ تۇراقلىق بۇلىشى راموسنىڭ كەسپى ھاياتىدىكى ئەڭ يۇقرى پەللىسنى  كۈتىۋالدى . بولۇپمۇ 10- لوڭقىنىڭ ئەڭ چوڭ تۆھپىكارى دېيىشكە بولىدۇ.
6.فىرنەندو ھېررو
سانچېز چېكىنگەندىن كېيىن كاپىتانلىق ۋەزىپىسىنى تاپشۇرۇپ ئالغان. يېڭى ئەسىردىن بۇيانقى ئەڭ ياخشى كاپىتان .ئىسمى جىسمىغا لايىق پولات ئەزىمەت (ئىسمىنىڭ تەرجىمىسى پولات دىگەن مەنىدە).يىڭى ئەسىردىكى ئۈچ يىلدا ئارقا سەپ ئۇنىڭ تېخنىكىسى ۋە توپ تارتىۋلىشىنىڭ قالتسلىقى بىلەن تېخمۇ مۇكەممەل بولغان. ئىختىيارى توپ ۋە ئۇزۇن پاس جەھەتتىكى تالانتىمۇ خېلىلا ياخشى.
7.فابىئو كاناۋارو
يۇۋېنتۇسنىڭ تېلىفۇن ۋەقەسى ۋە كاپررو نىڭ مادرىدقا تېرنىر بۇلۇشى بىلەن مادرىدقا قېتىلغان.2006- زىدانىنى ئۆزى بىر قوللۇق مۇداپىئە قىلىش بىلەن دۆلىتىنى دۇنيا لوڭقىسىنىڭ چىمپىيونلىقىغا ئېرىشتۈرگەن.كاناۋارونى سۈپەتلەيدىغان بولساق ئۇنىڭ مۇداپىيەسى ھۇجۇمچىلارنىڭ قارا چۈشى،ئۇنىڭ مەيداندىكى تەمكىنلىكى،مەيداندىكى ئۇيۇشۇشچانلىقى كىشىنىڭ قايىللىقىنى قوزغايدۇ.خان جەمەتى مادرىد كوماندىسىنى ئارقىمۇ- ئارقا ئىككى قېتىم ئىسپانىيە بىرلەشمىسىنىڭ چىمپىيونى قىلغان .
8.پې پې
30 مىلىيون يۇقىرى باھا بىلەن مادرىدقا قېتىلغان پې پې نۇرغۇن كىشىلەرنى گۇمانلاندۇرۇپ قويغان، لېكن كوماندىغا كېلىپ تۇنجى قېتىملىق دۆلەت دېربىىسىدا ئېيتو بىلەن رونالدىنخونى مېخلىۋەتكەن پې پې ئۆزىنىڭ شۇ باھاغا يارايدىغانلىقىنى ئىسپاتلىغان. كاناۋارومۇ ئەگەر پې پې بىلەن ئۇزۇنراق توپ تېپىشكە پۇرسەت بولغان بولسا ئىككىمىزدىن تەشكىللەنگەن مۇداپىئە سېپى تارىخقا يېزىلغان بولاتتى دىگەن. بەزى ۋاقىتلاردا ئازراق قاراملىق قىلىپ قويسىمۇ لېكىن ھالقىلىق ۋاقتىلاردا ئۆزىنى ئىسپاتلىيالادۇ.
9.روبېرتو كارلوس
كونتىراۋ بىلەن مارسىلو ھازىرقى زاماندىكى ئەڭ داڭلىق سول بېك. لېكىن مەيلى ئىقتىدار ياكى نەتىجە جەھەتتىن بولسۇن ئۇلار بىر ئادەمنىڭ ئالدىدا شاگىرت ھېسابلىنىدۇ، ئۇ بولسىمۇ ئۇزۇن يىل مادرىد سول بېكنىڭ خوجىسى بولغان بىرازىلىيەلىك كارلوس.بىر سول بېك تۇرۇپ ئالتۇن توپ ۋە دۇنيا پۇتبول ئەپەندىلىك مۇكاپاتىدا ئىككىنچىلىككە ئېرىشكەن. ئۇنى مەغلۇب قىلغىنى بولسا تاشقى پىلانىت ئادىمى رونالدو. يىراق ئارلىقتىن توپ ئۇرۇش ۋە تېزلىكتە ھۇجۇم تەشكىللەش ئىقتىدارى ھەممىمىزنى قايىل قىلىدۇ.
06-07 مۇسابىقە پەسلىدە ئۇنىڭ سەۋەنلىكىدىن مۇسابىقە باشلىنىپلا توپ كىرىپ كەتكەن،لېكىن كېيىن ھالقىلىق بىر توپنى ئۇرۇپ كىرگۈزۈپ قىممەتلىك ئۈچ نۇمۇرنى قولغا كەلتۈرگەن.مۇسابىقە پەسلى ئاخرىلاشقاندىن كېيىن كۇلۇپ بىلەن بىرلىككە كېلەلمەي ئون يىللىق مادرىد ھاياتىنى ئاخىرلاشتۇرغان.
ئوتتۇر مەيدان10.داۋىد بېكخام
ئىختىيارى توپ ۋە ئۇزۇن پاس ئۇستىسى.ئۇ ھەممىنىڭ چۇقۇنىدىغان ئوبىكتى ئەمەس،ھەم  قېلىچتەك ھۇجۇمچى  ئەمەس  پەقەت ئاددى پۇتبولچى خالاس. ئۇ ئېنگىلادنىڭ 20 يىلدىن بۇيانقى ئەڭ ياخشى توپچىسى .ئىلگىرى مادىرىدقا ياردەملىشىپ نۇرغۇن شەرەپلەرگە ئېرىشكەن.
11.لۇيىس فېگو
2000- يىلى فېگو رېكورت يارىتىپ ئەشەددى دۈشمەن  بارسېلونا كوماندىسىدن يۆتكۈلۈپ كەلگەن. فولورىندىنونىڭ سامان يولى جەڭ كېمىسىنىڭ بىرىنچى ئوقى،كەلگەن تۇنجى يىلىلا ئىسپانىيە بىرلەشمە لوڭقىسىنىڭ چېمپىيونلىقىغا ئېرىشىپ، ئۇزغۇنلۇقتا تۆت كۈچلۈككىچە كىرگەن. ئاشۇ يىللىق ئىپادىسىگە تاينىپ خان مادرىد كوماندىسىدىكى تۇنجى دۇنيا پۇتبول ئەپەندىسى بولۇپ، بارسېلونانىڭ ھەيۋىسىنى يەرگە ئۇرغان.
12.زىدانى
مادرىد مەستانىلىرىنىڭ قارشىدا زىدانى پەقەت رىۋايەتلىك چولپان دىستىفانونىڭ كەينىدىلا تۇرغان . ئۇنىڭ توپ تەپكىنىنى ، توپ ئېلىپ ئادەم ئالداشلىرىنى كۆرۈشنىڭ ئۆزىمۇ بىر خىل ھوزۇر.ئۇ مادرىدقا قوشۇلغان يىلى ئۆزىنىڭ ئۇچقۇر توپى بىلەن مادىرىدنى 9-قېتىملىق ئۇزغۇنلۇق لوڭقىسىغا ئېرىشتۈرگەن.ئىككىنچى يىلىلا بىرلەشمە لوڭقىسى چېمپىيونى ۋە  ئۈچۈنچى قېتىم دۇنيا پۇتبول ئەپەندىسى مۇكاپاتىغا ئېرىشكەن .چېكنگەنلىكىنى ئېلان قىلغاندىن كېين ئۈزىنىڭ توختامدىكى قېلىپ قالغان بىر يىللىق ئىش ھەققىدىنمۇ ۋاز كېچىپ كۆپنىڭ ھۆرمىتىگە سازاۋەر بولغان.ئاخىرىدا زىدانىنىڭ ئىشلىرىنىڭ ئۇتۇقلۇق بۇلۇشىنى خان جەمەتى مادرىتتىكى خىزمىتىنىڭ ئۇتۇقلۇق بۇلىشىنى شۇنداقلا بالىسى ئىنزو نىڭ زىدانىنىڭ ئىزىنى بېسىشىنى ئۈمۈت قىلىمەن زىدانى سەن مەڭگۈ مەستانىلىرىڭ قەلبىدە ئۇنتۇلمايسەن.
13.كىلاد ماكىلەيلا
مادرىد يېڭى ئەسىردىن بۇيانقى ئەڭ ياخشى مۇداپىئەسىمان ئوتتورا بەلنىڭ بىرى. ئۇنىڭ توپ تارتىۋېلىش، مۇداپىئە قىلىش، ئۈنۈملۈك پاسا تاشلاشلرى ئۇنىڭ تالانتىنى نامايەن قىلىپ بولغان.پەقەت ئۇ بولغاچقىلا مادرىد توختىماي چېمپىيون بولغان .ئۇنى كەتكۈزىۋېتىش فولورىندىنونىڭ ئەڭ چەڭ خاتالىقى ھېسابلىنىدۇ.
14. دىمارىيا

تۇيۇقسىز بۆسۈش ۋە ئارلىق پاس تاشلاش قاتارلىقلار بۇ توپچىنىڭ تالانتىنى نامايەن قىلىپ ھەممەيلەننىڭ قوللىشىغا ئېرىشكەن.مۇھىم بولغان مۇسابىقىلەردە ئۆزىنى نامايەن قىلغان. بولۇپمۇ يېقىنقى ئىككى قېتىملىق شاھلىق لوڭقىسى ھەل قىلغۇچ مۇسابىقىسى ۋە بۇ قېتىملىق ئۇزغۇنلۇق ھەل قىلغۇچ مۇسابىقىسىكى ئەڭ چوڭ تۆھپىكار.ئۇنىڭ ئايرىلىشىنى ھېچ كىم خالمىسىمۇ لېكىن مەلۇم سەۋەبلەر تۈپەيلىدىن ئايرىلىشقا مەجبۇر بولدى.
15.گۇتى
مادىرىد ياشلار بازىسىدىن چىققان  توپچىلىق ھاياتىدا زاپاس ئەزا بولۇپ ئۆتكەن، مەيدانغا چۈشكەن ۋاقتى بەك ئاز بولسىمۇ لېكىن ناھايىتى ھالقىلىق ۋاقتلاردا ئەسقاتقان.
16.شابى ئالونسو
2009- يلى سامان يولى جەڭ كېمىسىنى قايتا قۇرۇش مەزگىلىدە ئالونسو ئۆزى ئىلتىماس قىلىپ مادرىدقا قېتىلغان.مورىنئو مەزگىلىدە كوماندىنىڭ يادروسىغا ئايلانغان، ئۇنىڭ ئوتتورا مەيدانىدىن توپ ئۈزۈۋېلىش، ئۆلچەملىك پاس يەتكۈزۈشلىرى، ھۇجۇم ۋە مۇداپىئە گە بولغان تەڭپۇڭلىقى قاتارلىق جەھەتلەردە پۈتكۈل مەستانىلەرنىڭ قوللىشىغا ئېرىشكەن.ئەنچىلودى مەزگىلىدە بولسا ئوتتورا مەيداندا مودرىچ بىلەن بىرگە ئوتتورا مەيدان تەڭپۇڭلىقىنى تەڭشەپ گىرمانىيە كوماندىلىرىنى قىرغىن قىلغان.ئۇزغۇنلۇق ھەل قىلغۇچ مۇسابىقىدە بېل نىڭ توپى چۈشۈشى بىلەن ئادەتتە ناھايىتى سالماق ئالونسو ئۆزىنى تۇتىۋالالمايلا مەيدانغا چۈشكەن، بۇنىڭدىن ئۇنىڭ بۇ كوماندىغا قانچىلىك مېھرى بارلىقى بىلىۋالغىلى بولىدۇ. گەرچە مادرىد تىن ئايرىلغان بولسىمۇ لېكىن بىز مەستانىلەرنىڭ قەلبىدە يەنىلا ئوتتورا مەيداننىڭ ئەڭ ياخشى قوماندانى.
17.لۇكا مودرىچ
2013- يىلى مادرىدقا قوشۇلغاندىن كېين 4231 سەپ شەكلىدە ئورۇن چىقماي قالغان. لېكىن ئالتۇن ھامان پارقىرايدۇ دىگەندەك مانچىستىر بىرلەشمىسى بىلەن بولغان مۇسابىقىدە ھالقىق بىر توپ ئۇرۇپ مانچىستىرنى شاللىۋەتكەندىن كېيىن بارا بارا مەيدانغا چىقىش پۇرسىتىگە ئېرىشكەن.ئەنچىلودى كەلگەندىن كېين 433 سەپ شەكلىدە ئاندىن ئۆزىنى نامايەن قىلىشقا باشلىغان.باسا، بەيرېن، دورتموند، ئاتلىتكا مادرىد لار بىلەن بولغان مۇسابىقىدە تالانتىنى تولۇق جارى قىلدۇرۇپ 10-قېتىملىق ئۇزغۇنلۇق لوڭقىسىنىڭ چوڭ تۆھپىكارى بولغان. كەلگىنىگە ئۇزۇن بولمىغان بولسىمۇ لېكىن بىز مەستانىلەرنىڭ قوللىشىغا ئاللىقاچان ئېرىشىپ بولدى.
18.گارس بېل
رونالدودىن قالسىلا يۇقىرى باھادا يۆتكەلگەن بۇ توپچى نۇرغۇن ئادەمنى ساراسىمىگە سېلىۋەتكەن، ھەتتا ساختا مال دېگۈچىلەرمۇ بولغان. يىراقتىن توپ ئۇرۇش ۋە يۇقىرى سۈرئەتكە تايىنىپ رونالدو يوق ئەھۋال ئاستىدا بارسېلونانى شاللاپ شاھلىق لوڭغىسىغا ئېرىشكەن،ئۇزغۇنلۇق ھەل قىلغۇچ مۇسابىقىسىدە ئادەم ھەيران قالغۇدەك 15 كېلومىتىر يۈگۈرۈپ يەنە ھالقىلىق توپتىن بىرنى ئۇرۇپ ئاتلىتكا مادرىدنى تەسلىم قىلغان.
ھۇجۇمچىلار19.فىرنەندو مورىنتىسئۇزغۇنلۇق لوڭقىسىدىكى چوڭ تۆھپىكار، رائۇلنىڭ يېقىن دوستى. ۋارتارغا توپ تېپىش، پاس تاشلاشلىرى ئادەتتىكىچە بولسىمۇ، لېكىن ئۇرۇن ئېلىشى ناھايىتى ياخشى.
2002 -يىلى رونالدونىڭ كېلىشى بىلەن بارا بارا زاپاس ئەزا بولۇپ قېلىپ كوماندىدىن ئايرىغان.
20.ۋان نىستورولوي
چەكلەنگەن رايون قاتىلى ۋان نىستورولوي ئەينى ۋاقىتتا فورگوسىن بىلەن كېلىشەلمەسلىك سەۋەبىدىن 2006- يىلى مادىرىدقا قوشۇلۇپ شۇ يىلدىكى ئەڭ ئوڭۇشلۇق سودىلارنىڭ بىرى بولۇپ قالغان. ئەينى چاغدا كاپىرو قوماندانلىق قىلغان مادىرىد كوماندىسى دەرىجە ساقلاپ قېلىش ئۈچۈن تىرىشىۋاتقان كوماندا بىلەن تۇتۇشۇپ نۇمۇر ئېلىشقا پەقەت ئامال قىلالمىغان ئاخىرىدا  ۋان نىستورولوي توپىغا تايىنىپ مەغلۇب قىلىپ چېمپىيون بولغان.
21. كىرىستىيانو رونالدو
2009-يىلى 6-ئاينىڭ 10-كۈنى، مانچىستېر بىرلەشمىسى كۇلۇبى ئۆز تورىدا، خان جەمەتى مادىرىد كۇلۇبىنىڭ دۇنيا رىكورتىنى بۇزۇپ 80 مىليون فوندستېرلىڭلىق قويغان باھاسىنى قوبۇل قىلغانلىقىنى ئېلان قىلدى.  7-ئاينىڭ 6-كۈنى، س.رونالدو رەسمىي خان جەمەتى مادىرىد ئەزاسى سۈپىتىدە بېرناۋۇ مەيدانىدا پەيدا بۇلۇپ، مەيداندىكى 80 مىڭ توپ مەستانىلىرىگە ئۆزىنىڭ 9-نومۇرلۇق كىيىمىنى نامايەن قىلدى.شۇنىڭدىن تارتىپ ئۇنىڭ مادرىدىتىكى ھاياتى باشلاندى. ۋە مورىنئو بىلەن بىرگە ئەينى ۋاقىتتىكى تەڭداشسىز ئالەم كوماندىسىنىڭ ھۆكۈمرانلىقىنى ئاغدۇرۇپ تاشلاپ ئىساپانىيە بىرلەشمىسىدىكى توپ ئۇرۇش ئۈنىمى ئەڭ يۇقۇرى يۇقۇرى ھۇجۇمچىغا ئايلاندى.  تېزلىك ، پاس ، كاللا توپ ئىختىيارى توپ قاتارلىق ھەممە جەھەتلەردە تەڭ يېتىشىپ چىققان توپچى بۇلۇش سۈپىتى بىلەن ھازىرقى زاماندىكى ئەڭ داڭلىق توپچى بۇلۇپ قالدى.
22.ھىگۇۋايىن
2007- يىلى مادرىدقا قوشۇلغان .ئارگىنتىنالىق داڭلىق چولپان ھىگۇۋايىن مادىرىد كوماندىسىنىڭ يادرولۇق ھۇجۇمچىسى ئىدى ، ھىگۇۋايىن مادىرىد كوماندىسى ئۈچۈن توپ ئويناپ نۇرغۇن ھالىقىلىق توپلارنى ئۇرۇپ كوماندىغا ياخشىلىغان شان - شەرەپلەرنى قوشقان ، مادىرىد كوماندىسىنىڭ مەرگىنى بولۇپ ماڭغان، كېيىنچە مەلۇم سەۋەبلەر تۈپەيلى بىلەن مادرىدتىن ئايرىلغان بولسىمۇ لېكىن ئۇنىڭ سىماسى ھازىرمۇ بىز مەستانىلەر بىلەن بىرگە.
23. كەرىم بېنزىما
2009-يىلى فىرانسىيە بىرلەشمىسىدە نام قازانغان بېنزىما 35 مىلىيۇن ياۋرۇ باھا بىلەن ئىسپانىيە زەردارى خانلىق مادرېدقا قۇشۇلغان .بېل مادىرىدقا قوشۇلغاندىن باشلاپ bbc ھۇجۇم گۇرۇپپىسىنى تەشكىللەپ ياۋرۇپادىكى نۇمۇر ئېلىشى ئەڭ يۇقۇرى ھۇجۇمچىلاردىن بولۇپ قالدى. ھازىرقى بېنزىما ئاللاقاچان مادرېد ۋە فىرانسىيە دۆلەت كۇماندىسىنىڭ كەم بولسا بولمايدىغان ئاساسلىق ئەزاسىغا ئايلاندى .
24. رونالدو
ئۇ بولغاچقىلا ھازىرقى رونالدونى كىرىستىيانو رونالدو دەپ ئاتايمىز. يىڭى ئەسىردىن بۇيانقى مادرىدتىكى ئەڭ ياخشى ئوتتۇرا ھۇجۇم، بۆسۈپ ئۆتۈش ، ئادەم ئالداش ، تېزلىك ، قاتارلىق بىر قاتار تېخنىكىلىرى بىلەن مادرىدتىكى ھاياتىدا 100 دىن ئارتۇق توپ ئۇرغان.ئەگەر ئۇنىڭ يارلىنىشى باشقا پۇتبولچىلارنىڭكىدەك ئازراق بولغان بولسا بەلكىم رونالدو ھازىرقى زاماندا ھەممە ئىتراپ قىلغان 3-ئەۋلاد پۇتبول شاھى بولالىشى مۇمكىنتى .
25. رائۇل
رائۇل ئۈچۈن ئارتۇقچە سۆزلەش ھاجەتسىز. ھەر بىر مادرىدلىق بۇ بېرنابۇ شاھزادىسىنى ئوبدان تونۇيدۇ.مادرىدتا ئېرىشكەن شەرەپلىرى 6 قېتىملىق ئىسپانىيە بىرلەشمىسى چېمپىيۇنى(1995-،1997-،2001-،2003-،2007-،2008-يىل )، 4قېتىملىق ئىسپاتىيە دەرىجىدىن تاشقىرى لوڭقىسى( 1997-،2001-،2003-،2008-يىل )، 3 قېتىملىق ياۋروپا لوڭقىسى ئۇزغۇنى (1998-،2000-،2002-يىل )، 2 قېتىملىق تويوتا لوڭقىسى (1998-،2002-يىل)، 1 قېتىملىق ياوروپا دەرىجىدىن تاشقىرى لوڭقىسى (2002-يىل ).
ئەڭ كۈچلۈك سەپ شەكلى ئەمەلى كۈچلۈك
مادرىدقا بولغان سادىقلىقى بويىچە






تۈگىدى.

تۈمەن

ئاخىرى باردەك قىلىدىغۇ ؟

تەنجاڭ

9 غىچە باركەنغۇ؟

ئوتقاش

ئاخىرىنى  تېز يېزەپ يوللايلى

xah-diyar

ئىۋۇ مۇداپىيەدە توختىماي يوچۇق چىقىرىدىغان توباۋاش مىنىڭچە بۇ قاتارغا كىرىشكە لايىق ئەمەس.

diil-zat

ھىررو نى   مادرىد تېرىنىرلار قۇشۇنىغا كىلىدۇ دەۋاتقان ، قانداق بوپ كەتتى

ئوتقاش

diil-zat يوللىغان ۋاقتى  2014-12-9 14:28
ھىررو نى   مادرىد تېرىنىرلار قۇشۇنىغا كىلىدۇ دەۋاتقان  ...

مادرىد تېرىنېرلار گۇرىپىسىدا با

ccرونالدو

ئاخىرنى ساقلايمىز

muhsin

بۇنداق  ئاخىرى  بار  تېمىلار  ئىچىمنى  بەك  سىقۋېتىدۇ   .     چۇنكى  بەك  قىزىقىمەن  مۇشۇنداق  تېمىلارغا   يەنى تۇلۇق  بوسا   ،     تېما  ئىگىسى  تېزاراق يېزىپ  ئەۋەتەسىز   .  نادىر  تېما  بولۇشقا  مۇناسىپ  كېلىدىكەن   .   جاپا  تارتتىڭىز    ئاخىرىنى   كۇتىمىز  ئەمىسە.      

genral

ۋانىستىرلويمۇ  كىرەلەيدۇ  ھەقىچان بۇ  تىزىملىككە…

xah-diyar

genral يوللىغان ۋاقتى  2014-12-9 18:08
ۋانىستىرلويمۇ  كىرەلەيدۇ  ھەقىچان بۇ  تىزىملىككە…

ۋاننىستىرلوي.

HAKKER

داۋامى چىقسا نادىرلىنىپ قالدىغاندەك تۇرىدۇ