ئۈرۈمچى سەبىيلەر ياش-ئۆسمۈرلەر پۇتبول تەربىيەلەش مەركىزى

waskitbol

ئۈرۈمچى سەبىيلەر ياش-ئۆسمۈرلەر پۇتبول تەربىيەلەش مەركىزى 2012-يىلى 1-ئايدا قۇرۇلغان بولۇپ، ئۈچ يىلغا يەتمىگەن قىسقا ۋاقىت ئىچىدە ئىزچىل تۈردە ئۇيغۇر پۇتبولچىلىقى ئۈچۈن تۆھپە قوشۇپ كېلىۋاتىدۇ، بۇ تەربىيىلەش مەركىزىنىڭ قۇرغۇچىسى ئابلەتجان مەمەت ئۈرۈمچى تەنتەربىيە مەكتىپىنىڭ پۇتبول تېرىنېرى بولۇپ، ئۇزۇن يىللىق تەجرىبىگە، يۇقىرى سەۋىيىگە ئىگە، ئۇندىن سىرت يېتەكچى تېرىنېر ئابدۇللا ئەيسا 14-ئوتتۇرا مەكتەپنىڭ پېشقەدەم تەنتەربىيە ئوقۇتقۇچىسى، يېتەكچى تېرىنېر ئابدۇۋەلى ئېزىز 117-ئوتتۇرا مەكتەپنىڭ تەنتەربىيە ئوقۇتقۇچىسى، ۋاراتار تېرىنېرى ئالىمجان ئېزىز تەنتەربىيە ئوقۇتقۇچىسى بولۇپ، مانا بۇ مول تەجرىبە، يۇقىرى سەۋىيىگە ئىگە بولغان تېرىنېرلارنىڭ ئەستايىدىل، سىستىمىلىق مەشىقى ئاستىدا ئوقۇغۇچىلارنىڭ سەۋىيىسى كۈنسايىن يۇقىرى ئۆرلەپ، مۇسابىقىلەردە ئۇتۇق قازىنىپ، ئاتا-ئانىلارنىڭ بىردەك ياخشى باھاسىغا ئېرىشىپ، ھەممەيلەننىڭ ئىشەنچىسىنى قولغا كەلتۈردى.
ئۈرۈمچى سەبىيلەر ياش-ئۆسمۈرلەر پۇتبول تەربىيىلەش مەركىزى كوماندىسى ئۈرۈمچىدىكى ياش-ئۆسمۈرلەر كۇلۇبلار ئارا ئۆتكۈزۈلىدىغان مۇسابىقىلەردە ئىزچىل تۈردە غەلىبىنى ساقلاپ كەلگەن بولۇپ، ئۇندىن سىرت يەنە 2014-يىللىق دۇنيا پۇتبول لوڭقىسى مەزگىلىدە ئۆتكۈزۈلگەن «شىنجاڭ ياش-ئۆسمۈرلەر يەرلىك پۇتبول لوڭقىسىنى تالىشىش مۇسابىقىسى» دە چېمپيونلۇقنى قولغا كەلتۈردى.
كۇلۇبىمىز كىچىك پۇتبول چولپانلىرىنى يېتىشتۈرۈپ چىقىش مەقسىتىدە يىلبويى ئوقۇغۇچى قوبۇل قىلىمىز. ئوقۇغۇچى قوبۇل قىلىشتىكى ياش چەكلىمىسى 14-6 ياشقىچە بولۇشى كېرەك. (ئوغۇل ئوقۇغۇچىلار بىلەن چەكلىنىدۇ) قىشلىق مەشىق قىلىش ئورنى ئىتتىپاق يولى پارلاق يېنىدىكى پۇتبول زالى ئىچىدە بولىدۇ، قىشلىق مەشىق ۋاقتى ئوقۇش مەۋسۇمى ئارىلىقىدا ھەر شەنبە-يەكشەنبە ئۈرۈمچى ۋاقتى 12:00-10:00 گىچە، قىشلىق كانىكول مەزگىلىدە ھەر ھەپتىدە تۆت كۈن، ئۈرۈمچى ۋاقتى 12:00-10:00 گىچە، يازلىق مەشىق ئورنى 14-ئوتتۇرا ۋە 117-ئوتتۇرا مەكتەپلەردە بولۇپ، يازلىق ئوقۇش مەۋسۇمى ئارىلىقىدا شەنبە-يەكشەنبە ئۈرۈمچى ۋاقتى 5:00-3:00 كىچە، يازلىق كانىكول مەزگىلىدە ھەر ھەپتىدە تۆت كۈن، ئۈرۈمچى ۋاقتى سائەت 5:00-3:00 كىچە بولىدۇ، ھازىر بۇ كۇلۇبتا جەمئىي 45 نەپەر ئوقۇغۇچى بار بولۇپ، 9-6 ياشقىچە بولغان ئوقۇغۇچىلارغا قارىتا پۇتبولغا بولغان قىزىقىشىنى كۈچەيتىش مەقسىتىدە ئاساسلىقى ئويۇن خاراكتېرلىك مەشىق ئېلىپ بېرىلىدۇ. 14-9 ياشقىچە بولغان ئارىلىقتىكى ئوقۇغۇچىلارغا قارىتا ئاساسىي ماھارىتىنى پىشىقلاش مەشىقى ئېلىپ بېرىلىدۇ. بىر ئايلىق ئوقۇش پۇلى 300 يۈەن، كىيىم، توپ قاتارلىقلار تەمىنلىنىدۇ.
ئالاقىلاشقۇچى : ئابلەتجان مەمەت
TEL : 13999801015



مەشىقتىن بۇرۇنقى بەدەن قىزىتىش مەشىقى- قەدەم ئېلىش ھەرىكىتى



تېرىنېرلارنىڭ ئەستايىدىل يېتەكچىلىكى ئاستىدا ئوقۇغۇچىلار زور قىزغىنلىق بىلەن مەشق ئېلىپ بارماقتا.



بىر يۈرۈش مەشقتىن كېيىنكى بەدەن بوشىتىش ھەرىكىتىدە ئوقۇغۇچىلار ئويۇن ئوينىماقتا.


[
مەزكۇر كۇلۇب پۇتبول ساھەسىدىكى يېتىشكەن تەنتەربىيە ئوقۇتقۇچىلار قوشۇنىدىن تەشكىل تاپقان.

alhan

ئورنى نەدىكىن بۇ مەكتەپنىڭ

alhan

ئورنى نەدىكىن بۇ مەكتەپنىڭ

alhan

ئورنى نەدىكىن بۇ مەكتەپنىڭ

ئىلىم

alhan يوللىغان ۋاقتى  2014-12-7 23:01
ئورنى نەدىكىن بۇ مەكتەپنىڭ

[ئالدىيماي تۇيۇڭ دەپ بېردۇ ، بەك جىددىيلىشىپ كەتىڭىزمۇ

genral

ئەلخان بىگىم  بەك  ھاياجانلىنىپ  كەتكەن  ئۇخشايدۇ،شۇڭا خۇشاللىغىدا  ئىنكاستا قالپاق كىيۋىتىپتۇ

XATKAR886

بىزنىڭ سابىق 14-ئوتتۇرا مەكتەپ ھازىرقى ئۈرۈمچى شەھەرلىك تۇلۇق ئوتتۇرامەكتەپ
ئابدۇۋەلى بىلەن ئويناپ قۇياتتۇق.

XATKAR886

alhan يوللىغان ۋاقتى  2014-12-7 23:01
ئورنى نەدىكىن بۇ مەكتەپنىڭ

ئۇلامبايدا

پارتىزان

بولىدىغان مەكتەپكەن !    بىزنىڭ ھازىرقى ئەھۋالىمىزدا مۇشۇنچىلىك مەكتەپنى ۋۇجۇتقا چىقارماقمۇ ئاسان ئەمەس !

miradil

مۇبارەك بولسۇن، ئاللا ئوغۇل پەرزەنت ئاتا قىلسا ئوقۇتىمەن ئىنشائاللا.

بۈرگە

ئاللاھ ئىشلىرىڭلارغا ئۇتۇق ھەم بەركەت بەرسۇن.