رېئال مادرىد تالانتلىق ياش--ماركو ئاسېنسىئو نى قوشۇۋالدى

باھادىر · ۋاقتى: 2014-12-6 13:19:33

بۇ يازمىنى ئاخىرىدا باھادىر تەھرىرلىگەن. ۋاقتى 2014-12-6 13:21

ماركو ئاسېنسىئو بۇ مۇسابىقە پەسلى ئاخىرلاشقۇچە ماللوركا كۇلۇبىدا تۇرىدۇ.

   شۇ يەر ۋاقتى 12-ئاينىڭ 5-كۈنى چۈشتىن كېيىن، رېئال مادرىد كۇلۇبى ئۆز ئورگان تورىدا يېڭى توپچىنىڭ قوشۇلغانلىقىنى ئېلان قىلدى. ئەسلى بايانات تۆۋەندىكىچە:

   "رېئال مادرىد كۇلۇبى ماللوركا كۇلۇبى بىلەن ماركو ئاسېنسىئونىڭ يۆتكىلىش ئىشىدا بىرلىككە كېلىپ بولدى، ئاسېنسىئو كەلگۈسى ئالتە يىلدا رېئال مادرىد ئۈچۈن خىزمەت قىلىدۇ. بۇ توپچى ماللوركا كۇلۇبىدا بۇ مۇسابىقە پەسلى ئاخىرلاشقۇچە تۇرىدۇ."

   "ماركا گېزىتى" نىڭ ئاشكارلىشىچە، ئاسېنسىئونىڭ يۆتكىلىش ھەققى 3.9مىليون ياۋرۇ بولۇپ، كېلەر يىلى يازدا رەسمىي ھالدا كۇلۇبقا قوشۇلىدىكەن، شۇ ۋاقىتتا ئەنچېلوتتى ئۇنىڭ رېئال مادرىد 1-سەپ كوماندىسىدا قالىدىغانلىقى ياكى ئىسپانىيە بىرلەشمىسىدىكى باشقا كۇلۇبلارغا ئىجارىگە بېرىدىغانلىقىنى قارار قىلىدىكەن.

ماركو ئاسېنسىئو(Marco Asensio)، ئۇ 1996-يىلى 1-ئاينىڭ 21-كۈنى تۇغۇلغان، بوي ئىگىزلىكى 170cm، ئىسپانىيە، گوللاندىيە قوش دۆلەت تەۋەلىكىگە ئىگەن. سول پۇتتا توپ تېپىشكە ئادەتلەنگەن. ئۇ ماللوركا ياشلار مەشىق بازىسىدىن چىققان، شۇنداقلا ئىسپانىيە 19 ياشلىقلار ياشلار دۆلەت كوماندىسىنىڭ ئەزاسى. مەيداندىكى ئورنى ھۇجۇمسىمان ئوتتۇرا مەيدان، سايە ھۇجۇمچى ۋە كىراي ئورنىنىڭمۇ ھۆددىسىدىن چىقالايدۇ. بۇ مۇسابىقە پەسلىدە ئىسپانىيە ب دەرىجىلىكلەر بىرلەشمسىدە ماللوركا كوماندىسىغا ۋاكالىتەن 14 مەيدان مۇسابىقىگە قاتنىشىپ 3 توپ ئۇرۇپ 6 ياردەم پاس بەرگەن. دۆلەت ياشلار كوماندىسىدا 2 مەيدان مۇسابىقىدە 3 توپ كىرگۈزگەن.

مەنبە: رېئال مادرىد ئورگان تورى، "ماركا گېزىتى"، ۋىكىپېدىيە

باقاۋۇل · ۋاقتى: 2014-12-6 13:30:23

تىخى ياشلام بالىكەن ، كەلگۈسىدە چاقىنىشىدا ئۈمۈد زور .

TORAM7 · ۋاقتى: 2014-12-6 13:31:00

كىچىكلا تۇرۇپ خىلى ئىش قىپتۇ جۇمۇ بۇ تاز...

تۇمشۇق · ۋاقتى: 2014-12-6 13:45:00

ئالدىنقى قېتىم بارسىلونا قۇشىۋېلىشقا خېلى كۈچەپتىكەن ، لىكىن مۇۋاپىقىيەتلىك بولماپتۇ ، لىكىن ھازىرچە مادرېدتا توپ تىپەلمەيدۇ دىگەندەك گەپلەرنى كۆردۈممۇ قانداق، بۇ پەسىل ئاخىرلاشقاندىن كىيىنمۇ مالوكادا ئىجارە شەكلىدە توپ تىپەمۇ بۇ

پارتىزان · ۋاقتى: 2014-12-6 13:55:56

بارسىلونا قوشۇۋالغىلى ئازلا قالغان بالىتى بۇ ئەسلى ! توختامدىمۇ ئاساسەن بىرلىككە كىلىپ بولغان ! ئۆزىنىڭمۇ بارسىلونادا توپ تەپكۈسى بار ئىكەنتۇق ! بىراق كىيىن مالوركا كۇلۇبى باشتا دىيىشكەن باھادىن يېنىۋېلىپ باھانى ئۆستۈرۋالغانلىق سەۋەبىدىن بارسىلونا بۇ توپچىدىن ۋاز كىچىۋەتكەن ! شۇنىڭ بىلەن مادرىد تىزلىكتە تۇتۇش قىلىپ مالوركا كۇلۇبىنىڭ كۆڭلىدىكى باھادا بۇ توپچىنى قوشىۋالدى ! مادرىدتا چاقناپ كىتىشىنى ئۈمىد قىلىمەن !

bulgun · ۋاقتى: 2014-12-6 14:00:06

بەئەينى بىلنىڭ ئۆزىكەنغۇ بۇ بالا ....

پارتىزان · ۋاقتى: 2014-12-6 14:00:32

ئۇنىڭدىن باشقا ئەگەر مالوركا كۇلۇبى بۇ پەسىل ب دەرىجىدىن ئا دەرىجىگە ئۆرلەپ قالسا بۇ توپچى كىلەر پەسىلمۇ داۋاملىق مالوركادا قېلىپ بىر پەسىل ئىجارە شەكلىدە توپ تىپىدىغاننىڭ گىپى بار ! ھەمدە مادرىد رەئىسى مادرىد ب كوماندىسىدىكى بەزى توپچىلارنى مالوركاغا ئىجارە بىرىپ تۇرۇشقا ۋادە قىلغان ئوخشايدۇ ! ئەگەر دەرىجە ئۆرلىيەلمەي قالسا كىلەر پەسىل بېرنابۇدا كۆرىدىغان ئوخشايمىز !

بەگزات · ۋاقتى: 2014-12-6 14:55:57

سۈرئەت تازا شاش ئەمەسمۇ؟؟؟
ئامەت تىلەيمەن...

ئوۋۋىن · ۋاقتى: 2014-12-6 15:25:39

بوينى بەك چوڭ قاۋۇلمۇ يا ،

خۇشخۇي · ۋاقتى: 2014-12-6 16:11:36

كىلەچەك ئۈچۇن ئاساس سېلۋىتىپتۇدە

زېرەك · ۋاقتى: 2014-12-6 16:49:07

ئىختىيارى توپ ۋە سۈرئەت جەھەتتە ئالاھدىلىكى باردەك قىلىدۇ، يەنە تۈۋرۈك سوقاشتىمۇ باركەن راس

ھەمراھ · ۋاقتى: 2014-12-6 17:20:41

كەلگۈسى خىلى پارلاق چىراي!

رېئال مادرىد تالانتلىق ياش--ماركو ئاسېنسىئو نى قوشۇۋالدى

كۆرگەن سەھىپە