ئاتلىتكا مادرىدنى چۈشۈنەمسىز ؟

تۈمەن

ئاتلىتكا مادرىد پۇتبۇل كۇلۇبى ئىسپانىيە ئا دەرىجىلىك بىرلەشمىدىكى كوماندا بولۇپ، ياۋرۇپا پۇتبۇل ساھەسىدىكى كۈچلۈك كوماندىلارنىڭ بىرى.
ئاتلىتكا مادرىد پۇتبۇل كۇلۇبى ئىسپانىيە ئا دەرىجىلىك بىرلەشمىدىكى نەتىجىسى ئۈچىنچى ئورۇندا تۇرىدىغان كوماندا. چېمپىيونلۇق قىتىم سانى، كىرىم جەھەتتە خانلىق مادرىد بىلەن بارسىلونانىڭ كەينىدىلا تۇرىدۇ. 10 قىتىم ئىسپانىيە بىرلەشمىسىنىڭ چېمپىيونلىقىغا، 2 قىتىم ياۋرۇپا چېمپىيونلۇق لوڭقىسىدا ئىككىنچىلىككە، 2 قىتىم ياۋرۇپا
بىرلەشمە لوڭقىسىنىڭ چېمپىيونلىقىغا، 2 قىتىم ياۋرۇپا دەرىجىدىن تاشقىرى لوڭقىسىنىڭ چېمپىيونلىقىغا، 1قىتىم دۇنيا كۇلۇبلار لوڭقىسىنىڭ چېمپىيونلىقىغا ئېرىشكەن.
2014-يىلى دالىيەن ۋەندا گورۇھىنىڭ باش مۇدىرى ۋاڭ جيەن لىن ئاتلىتكا مادرىد كۇلۇبىغا مەبلەغ سالغان. ۋاڭ جيەن لىن كۇلۇبنىڭ 20 پىرسەنت پايچىكىنى سىتىۋىلىپ،
50 مىليون ياۋرۇ مەبلەغ سالغان.

كوماندا تارىخى
1903-يىلى، ئاتلىتكا مادرىد پۇتبۇل كۇلۇبى بىلباۋ رىقابەت پۇتبۇل كۇلۇبىنىڭ تارماق كۇلۇبى ئىدى، ئەينى ۋاقىتتىكى كىيىمى ئاق ۋە كۆك رەڭلىك كىيىم ئىدى، 1911-يىلى
كۇلۇب ئاق قىزىل رەڭلىك مايكا، كۆك رەڭلىك پۇتبۇل ئىشتىنىغا ئۆزگەرتكەن. ئۇلارنىڭ يىڭى كىيىمى مەستانىلەر تەرىپىدىن كىرلىك كىيىم دەپ ئاتالغان.
( ئەينى ۋاقىتتا كۆپۈنچە ئىسپانىيەلىكلەر يوتقان كىرلىكىگە قىزىل ئاق كىرلىك ئىشلىتەتتى ).
1921-يىلى كۇلۇب رەسمى ھالدا بىلباۋ رىقابەت كۇلۇبىدىن ئايرىلىپ چىققان. 1923-يىلىغا بارغاندا كۇلۇبنىڭ بىرىنچى مەيدانى Metropolitano مەيدانىنى قۇرۇپ چىققان. ( شەھەر ئادىمى دىگەن مەنىنى بىلدۈرىدۇ ).
1939-1940-يىلى مۇسابىقە پەسلى كوماندا نامىنى Atlético Aviación دەپ ئۆزگەرتكەن. ( ئىسپان تىلىدا رىقابەتنى تەڭشەش دىگەن مەنىدە ).
ھازىرقى مەيدانى ( Estadio Vicente Calderón ) ۋىسىنتى كالدىرون مەيدانى 1966-يىلى ياسالغان بولۇپ، 57 مىڭ تاماشىبىن سىغىدۇ، مەيدان نامى ئەينى
ۋاقىتتىكى كۇلۇب رەئىسى ئىسمىنىڭ قىسقارتىلمىسى بىلەن ئاتالغان.



1950-يىلدىن 1959-يىلىغىچە
1950-يىلى 4-ئاينىڭ 15-كۈنى كۇلۇب تىرىنىرى گىلەندىز سانچىز 11مىليون 800 مىڭ پىستا باھا بىلەن ھۆكۈمەتتىن ئىجارە ئىلىپ ئىشلىتىۋاتقان پۇتبۇل مەيدانى
( پايتەخت تەنتەربىيە مەيدانى )نى سىتىۋالغان. پۇتبۇلچىلارمۇ ئۆزىنىڭ مەيدانىغا ئىگە بولغاندىن كىيىن روھلىنىپ 22 مەيدان مۇسابىقىدە 87 توپ ئۇرغان، كوماندىمۇ شۇ
يىلى ئىسپانىيە بىرلەشمىسىنىڭ چېمپىيونى بولغان.
مەيداننى سىتىۋىلىشقا نۇرغۇن مەبلەغ ئاجراتقاچقا، شۇ پەسىلدىن كىيىن كۇلۇب توپچى سىتىش ئارقىلىق ئىقتىسادى كىرزىسنى ئوڭشىغان. ئاتلىتكا مادرىدنىڭ نەتىجىسىمۇ
تۆۋەنلەپ كەتكەن. 1951-1952-مۇسابىقە پەسلىدە بىرلەشمىدە 4- ئورۇنغا چۈشۈپ قالغان.
1952-1953-مۇسابىقە پەسلى داڭلىق پۇتبۇلچىلار ئاز كوماندىدا ياردار ئەزالار كۆپۈيۈپ كىتىپ، سەپ شەكلى قالايمىقانلىشىپ بىرلەشمىدە 8-ئورۇنغا چۈشۈپ قىلىپ
نەچچە يىلدىن بۇيانقى ھۆكۈمرانلىق ئورنىنى تاتقۇزۇپ قويغان. كىيىنكى پەسىل 11-ئورۇنغا چۈشۈپ قالغان. 1954-1955-پەسلىدە 8-بولغان.
ئۇدا ئىككى پەسىل بىرلەشمىدە 5- بولغاندىن كىيىن، شۇ ۋاقىتتىكى كۇلۇب رەئىسى جاۋېر-بارروسو كوماندا نەتىجىسىنى ياخشىلاش ئۈچۈن مەبلەغ سالماقچى بولغان.
1957-1958-مۇسابىقە پەسلى باشلىنىشتىن ئىلگىرى ۋىنگىرىيەلىك چولپان پىتىرنى قوشۇۋالغان، شۇ پەسىل كوماندابىرلەشمىدە ئىككىنچى بولغان.

1960-يىلدىن 1969-يىلىغىچە
1960-1961-مۇسابىقە پەسلى ئاتلىتكا مادرىدنىڭ ئىپادىسى ياخشى بولغان، بىرلەشمىدە خانلىق مادرىدنىڭ كەينىدىلا تۇرۇپ 2- بولغان. شاھلىق لوڭقىسىدا بولسا
قاتتىق تىرىشىپ 3-2 نەتىجە بىلەن خانلىق مادرىدنى مەغلۇپ قىلىپ چېمپىيون بولغان.
1962-1963-مۇسابىقە پەسلى بىرلەشمىدە 3-بولغان. 1963-يىلى 5-ئاينىڭ 15-كۈنى ياۋرۇپا غالىبىيەتچىلەر لوڭقىسىنىڭ ھەل قىلغۇچ مۇسابىقىسىدە 5-1 نەتىجە
بىلەن توتتىنھام رىس كوماندىسىغا ئۇتتۇرۇپ قويغان.
1964-يىلى كۇلۇب Manzanares دەرياسى بويىغا بىر مەيدان قۇرۇپ، مەيدان نامىنى ۋىسىنتى كالدىرون مەيدانى دەپ ئاتىغان.
1965-1966-مۇسابىقە پەسلى ياۋرۇپا غالىبىيەتچىلەر لوڭقىسىغا قاتنىشىپ، يىرىم ھەل قىلغۇچ مۇسابىقىدە دورتموند كوماندىسى تەرىپىدىن مەغلۇپ قىلىنغان.
1966-1967-مۇسابىقە پەسلىدىن ئىلگىرى بىلباۋ رىقابەتتىن يۆتكۈلۈپ كەلگەن گاراتى بىرلەشمىدە 14 توپ ئۇرۇپ شۇ پەسىلنىڭ مەرگىنى بولۇپ، ئۈمۈدسىزلەنگەن
مەستانىلەرگە ئازراق بولسىمۇ تەسەللى بىرىدۇ.
1969-1970-مۇسابىقە پەسلى كۇلۇبنىڭ رىۋايەتلىك ۋارتاسى مارسىل-دومىنگو كوماندىغا تىرىنىر بولۇپ كىلىدۇ. ئۇ كوماندىنى يىتەكلەپ 6-قىتىم بىرلەشمە چېمپىيونلىقىغا ئېرىشىدۇ. مەستانىلەر كالدىرون مەيدانىدا گۈلخان يىقىپ غەلبىنى تەبرىكلەيدۇ، گاراتى بىرلەشمىدە 16 توپ ئۇرۇپ ئەڭ كۆپ توپ ئۇرغان توپچى بولۇپ
قالىدۇ.

1970-يىلدىن 1979-يىلىغىچە
1970-1971-مۇسابىقە پەسلى بىرلەشمىدە 3-بولۇش سالاھىتى بىلەن ياۋرۇپا چېمپىيونلۇق لوڭقىسىغا قاتنىشىدۇ، لىكىن يىرىم ھەل قىلغۇچتا ئاجاكىس تەرىپىدىن
شاللىنىپ كىتىدۇ.گاراتى بىرلەشمىدە 17 توپ ئۇرۇپ ئۈچىنچى قىتىم ئەڭ كۆپ توپ ئۇرغان توپچى بولۇپ قالىدۇ.
1971-1972-مۇسابىقە پەسلى بىرلەشمىدە 4-بولىدۇ. شاھلىق لوڭقىسىنىڭ ھەل قىلغۇچ مۇسابىقىسىدە 2-1 نەتىجە بىلەن ۋالۇنسىيە كوماندىسىنى يىڭىپ 4-قىتىم
شاھلىق لوڭقىسىغا ئېرىشىدۇ.
1972-1973-مۇسابىقە پەسلى بىرلەشمە چېمپىيونى بولۇپ، 7-قىتىم بىرلەشمىنىڭ چېمپىيونلىقىنى قولغا كەلتۈرىدۇ.
1974-1975-مۇسابىقە پەسلى بىرلەشمىدە 6-بولۇپ قالدۇ. شاھلىق لوڭقىسىدا خانلىق مادرىدقا ئۇتتۇرۇپ قويۇپ ئىككىنچى بولىدۇ.
1975-1976-مۇسابىقە پەسلى بىرلەشمىدە 3-بولىدۇ. شاھلىق لوڭقىسىدا ساراگوس كوماندىسىنى يىڭىپ، 5-قىتىم شاھلىق لوڭقىسىغا ئېرىشىدۇ.
1976-1977-مۇسابىقە پەسلى بىرلەشمىدە چېمپىيون بولۇپ، 8-قىتىم بىرلەشمىنىڭ چېمپىيونى بولىدۇ.
1977-1978-مۇسابىقە پەسلى بىرلەشمىدە 6-بولىدۇ. 1978-1979-مۇسابىقە پەسلى بىرلەشمىدە 3-بولىدۇ.
1979-1980-مۇسابىقە پەسلى بىرلەشمىدە ئىقتىسادنىڭ تەسىرىگە ئۇچىراپ بىرلەشمىدە 13-ئورۇنغا چۈشۈپ قالىدۇ.

1980-يىلدىن 1989-يىلىغىچە
1980-1981-مۇسابىقە پەسلى بىرلەشمىدە 3-بولىدۇ. 1981-1982-مۇسابىقە پەسلى بىرلەشمىدە 8-بولىدۇ. كىيىنكى پەسىلمۇ 3-بولىدۇ.
1983-1984-مۇسابىقە پەسلى بىرلەشمىدە 4-بولىدۇ. 1984-1985-مۇسابىقە پەسلى بىرلەشمىدە 5-بولىدۇ لىكىن شاھلىق لوڭقىسىنىڭ ھەل قىلغۇچ مۇسابىقىسىدە
بىلباۋ رىقابەت كوماندىسىنى 2-1نەتىجىدە يىڭىپ، 6-قىتىم شاھلىق لوڭقىسىنىڭ چېمپىيونلىقىغا ئېرىشىدۇ.
1987-يىلى 3-ئاينىڭ 27-كۈنى كۇلۇبنىڭ داڭلىق رەئىسى ۋىسىنتى كالدىرون يۈرەك كىسىلى بىلەن ئالەمدىن ئۆتىدۇ.

1990-يىلدىن 1999-يىلىغىچە
1990-1991-مۇسابىقە پەسلى بىرلەشمىدە 2-بولىدۇ. كوماندا ۋارتاسى ئابىل-رىسىنو 1275 مىنۇت توپ كەتكۈزمەسلىك رىكورتى يارىتىدۇ.
1991-1992-مۇسابىقە پەسلى بىرلەشمىدە چېمپىيون بولىدۇ. ھوجۇمچى مانولو 27 توپ ئۇرۇپ ئەڭ كۆپ توپ ئۇرغان توپچى بولۇپ قالىدۇ.
1993-1994-مۇسابىقە پەسلى بىرلەشمىدە 12-بولىدۇ. 1994-1995-مۇسابىقە پەسلى بىرلەشمىدە 14-بولۇپ قالىدۇ.
1995-1996-مۇسابىقە پەسلى يۈگۈسلاۋىيەلىك رادىمىر-ئانتىك كوماندىنى قايتىدىن رەتلەپ چىقىدۇ. ئاتلىتكا مادرىدنىڭمۇ كۇلۇب تارىخىدىكى ئەڭ چاقنىغان ۋاقتى
بولۇپ قالىدۇ. شۇ پەسىل بىرلەشمىنىڭ ھەم شاھلىق لوڭقىسىنىڭ چېمپىيونلىقىغا ئېرىشىدۇ.
1996-1997-مۇسابىقە پەسلى بىرلەشمىدە 3-بولىدۇ. ئالدىنقى پەسىل چېمپىيونلۇق سالاھىتى بىلەن ياۋرۇپا چېمپىيونلۇق بىرلەشمىسىگە قاتنىشىدۇ. لىكىن يىرىم ھەل
قىلغۇچ مۇسابىقىدە ئاجاكىس كوماندىسى تەرىپىدىن شاللىنىپ كىتىدۇ.
1999-2000-مۇسابىقە پەسلى بىرلەشمىدە 19-بولۇپ كۇلۇب تارىخىدىكى ئەڭ ناچار نەتىجىنى يارىتىپ 70 يىلدىن كىيىن يەنە بىر قىتىم ب بىرلەشمىگە چۈشۈپ كىتىدۇ.

2000-يىلدىن 2009-يىلىغىچە
2001-2002-مۇسابىقە پەسلى ئاتلىتكا مادرىد قاتتىق تىرىشىش ئارقىلىق قايتىدىن ئىسپانىيە ئا بىرلەشمىسىگە قايتىپ كىلىدۇ.
2004-يىلى كۇلۇبنىڭ 17 يىللىق رەئىسى جىساس-جىل كىسەل سەۋەبىدىن ئالەمدىن ئۆتىدۇ.

2010-يىلىدىن ھازىرغىچە
2011-2012-مۇسابىقە پەسلى ئاتلىتكا مادرىد ياۋرۇپا بىرلەشمە لوڭقىسىنىڭ ھەل قىلغۇچ مۇسابىقىسىدە ئوخشاش بىرلەشمىدىن كەلگەن بىلباۋ رىقابەت كوماندىسىنى
3-0 نەتىجىدە يىڭىپ چېمپىيونلۇققا ئىرىشىدۇ. 2012-يىلى 8-ئاينىڭ 31-كۈنى 4-1 نەتىجە بىلەن چىلسى كوماندىسىنى يىڭىپ ئىككىنچى قىتىم ياۋرۇپا دەرىجىدىن
تاشقىرى لوڭقىسىنىڭ چېمپىيونلىقىغا ئېرىشىدۇ. مۇسابىقىدە فالكاۋ قالپاق كىيىدۇ.
2013-2014-مۇسابىقە پەسلى بىرلەشمىنىڭ 38-ئايلانمىسىدا 1-1 نەتىجە بىلەن بارسىلونا بىلەن تەڭلىشىپ 3 نومۇر پەرقى بىلەن بىرلەشمىنىڭ چېمپىيونلىقىغا يەنە
بىر قىتىم ئېرىشىدۇ.

ئېرىشكەن نەتىجىلىرى
1939-1940-، 1940-1941-، 1949-1950-، 1950-1951-، 1965-1966-، 1969-1960-، 1972-1973-، 1976-1977-، 1995-1996-،
2013-2014- مۇسابىقە پەسىللىرى ئىسپانىيە بىرلەشمىسىنىڭ چېمپىيونى. ( 10 قىتىم )

2001-2002-مۇسابىقە پەسلى ئىسپانىيە ب بىرلەشمىسىنىڭ چېمپىيونى.
1959-1960-، 1960-1961-، 1964-1965-، 1971-1972-، 1975-1976-، 1984-1985-، 1990-1991-، 1991-1992-، 1995-1996-،
2012-2013-مۇسابىقە پەسلى شاھلىق لوڭقىسىنىڭ چېمپىيونى. ( 10 قىتىم )

1940-،1951-،1985-،2014-يىللىرى ئىسپانىيە دەرىجىدىن تاشقىرى لوڭقىسىنىڭ چېمپىيونى.

1961-1962-مۇسابىقە پەسلى ياۋرۇپا غالىبىيەتچىلەر لوڭقىسىنىڭ چېمپىيونى.

2009-2010-، 2011-2012-مۇسابىقە پەسلى ياۋرۇپا بىرلەشمە لوڭقىسىنىڭ چېمپىيونى.


2010-،2012-يىللىرى ياۋرۇپا دەرىجىدىن تاشقىرى لوڭقىسىنىڭ چېمپىيونى.

كوماندىغا تۆھپە قوشقان داڭلىق توپچىلار
1. فالكاۋ  
فالكاۋ 1986-يىلى 2-ئاينىڭ 10-كۈنى كولۇمبىيەدە تۇغۇلغان. 2011-يىلى پورتو كۇلۇبىدىن ئاتلىتكا مادرىدقا قوشۇلغان.2013- يىلى 60 مىليون ياۋرۇ باھا بىلەن
موناكو كۇلۇبىغا قوشۇلغان. فالكاۋ مادرىد رىقابەتنىڭ 3 يىل ئىچىدە 2 -قىتىم ياۋرۇپا بىرلەشمە لوڭقىسىنىڭ چېمپىيونلىقىغا ئېرىشىشىگە ياردەم بەرگەن. 2012-يىلى
8-ئاينىڭ 31-كۈنى چىلسىنى 4-1 نەتىجە بىلەن يەڭگەن ياۋرۇپا دەرىجىدىن تاشقىرى لوڭقىسىنىڭ ھەل قىلغۇچ مۇسابىقىسىدە قالپاق كىيىپ چېمپىيونلۇققا ئېرىشىشكە
ياردەم بەرگەن. 2012-يىلى 12-ئاينىڭ 10-كۈنى بىر مەيداندا 5 توپ ئۇرۇپ، ئاتلىتكا مادرىد تارىخىدىكى 54 يىلدىن بۇيان تۇنجى قىتىم بىر مەيداندا 5 توپ ئۇرغان
توپچى بولۇپ قالغان. فالكاۋ سىمونىي يىتەكلىگەن ئاتلىتكا مادرىدنىڭ ‹ ئەڭ قالتىس 9-نومۇرلۇق توپچىسى › بولۇپ قالغان.
2013-يىلى 6-ئاينىڭ 1-كۈنى 60 مىليون باھا بىلەن فىرانسىيەنىڭ موناكو كۇلۇبىغا يۆتكەلگەن.

2. توررىس
توررىس 1984-يىلى 3-ئاينىڭ 20-كۈنى ئىسپانىيەنىڭ مادرىد شەھرىدە تۇغۇلغان. 1995-يىلى 11 ياشلىق توررىس ئاتلىتكا مادرىدنىڭ ياشلار تەربىيلەش مەكتىپىگە
قوبۇل قىلىنغان. شۇ يىلى ئوخشاش ياشلىقلار مۇسابىقىسىدە كوماندا ئۈچۈن 55 توپ ئۇرغان. 2012-يىلى خانلىق مادرىدنىڭ تەكلىپىنى رەت قىلىۋەتكەن. 2000-يىلى
9-نومۇرلۇق كىيىمنى كىيىپ تۇنجى قىتىم بىرىنجى سەپ كوماندىسىغا چىققان.
2001-يىلى 5-ئاينىڭ 27-كۈنى 17 ياش 68 كۈنلۈك بولغان توررىس مۇسابىقىدە مەيدانغا ئاتلىتكا مادرىد تارىخىدىكى ئەڭ ياش مەيدانغا چىققان توپچى بولۇپ قالغان.
2003-2004-مۇسابىقە پەسلى توررىس بىرلەشمىدە 35 مەيدان مۇسابىقىگە قاتنىشىپ 19 توپ ئۇرغان. توررىس كوماندىغا ۋاكالىتەن 249 مەيدان مۇسابىقىگە قاتنىشىپ
91 توپ ئۇرغان. 2007-يىلى 7-ئاينىڭ 4-كۈنى 40 مىليون 500مىڭ ياۋرۇ باھا بىلەن لېۋىرپۇلغا قوشۇلغان.

3. ئاگۈيرۇ
ئاگۈيرۇ 1988-يىلى 6-ئاينىڭ 2-كۈنى ئارگىنتىنادا تۇغۇلغان. 2006-يىلى 5-ئاينىڭ 29-كۈنى 23 مىليون ياۋرۇ باھا بىلەن ئاتلىتكا مادرىدقا قوشۇلغان.
2007-2008-مۇسابىقە پەسلىدە ئىسپانىيە بىرلەشمىسىدە 19 توپ ئۇرۇپ، شۇ پەسىل بىرلەشمىدىكى 3- ئەڭ كۆپ توپ ئۇرغان توپچى بولۇپ قالغان.
2011-يىلى 8-ئايدا 38 مىليون فونىستېرلىڭ باھا بىلەن مانچېستېر شەھرىگە قوشۇلغان.

4. داۋىد-دىھىيا
دىھىيا 1990-يىلى 11-ئاينىڭ 7-كۈنى ئىسپانىيەنىڭ مادرىد شەھرىدە تۇغۇلغان. دىھىيا 10 ياش ۋاقتىدا ئاتلىتكا مادرىدنىڭ تەربىيلەش مەكتىپىكە قوبۇل قىلىنغان.
18 ياش ۋاقتىدا كەسپى توپچى بولۇپ قالغان. 2009-يىلى 19 ياشقا كىرگەندە بىرىنچى سەپ كوماندىسىغا چىققان. 2011-يىلى 17مىليون 800مىڭ فونىستېرلىڭ باھا
بىلەن مانچېستېر بىرلەشمىسىگە قوشۇلغان.

5. رائۇل-گارسىيا  
رائۇل-گارسىيا 1986-يىلى 7-ئاينىڭ 11-كۈنى ئىسپانىيەدە تۇغۇلغان. رائۇل-گارسىيا 2007-يىلى 13 مىليون ياۋرۇ باھا بىلەن ئاتلىتكا مادرىدقا قوشۇلغان.
2014-يىلى 2-ئاينىڭ 19-كۈنى ئاتلىتكا مادرىد رائۇل-گارسىيا بىلەن 2018-يىلىغىچە توختام ئۇزارتقانلىقىنى ئىلان قىلغان.

XATKAR886

مەن پەقەتلا چۈشەنمەيتىم، مۇشۇ ئوتانچىلارنى ئەمدى چۈشەندىم بۇلۇپمۇ تارىخنى،

قايسى بىرتېمىدا ئوقۇغان،  مۇخپىر سىلەر نىمىشقا قوپال ئوينايسىلە، چۈنكى بىزدە رونالدو ،مېسسىدەك داڭلىق توپچىلار يوق

HAKKER

نادىر تىما

ئىلىم

ئا مەيداننىڭ ئورنى بەك ياخشى يەردىكىنا

مەھمۇدىيە

ئەجىرلىك  تىما  بوپتۇ

جاغىستاي120

جاپا چېكىپسىز ، ئالى ھەزرەتلىرى

نادىرلىشقا بىر بىلەت كەتتى.

ئەبرار

بۇلارنىڭ كۇلۇپ گىرىبىسىدا ، ئېيىقنىڭ رەسىمى تۇرىدۇ  ، شۇڭا بۇلار ئېيىقتەك ئوينايدىكەندە .
بۇلارنىڭ مۇسابىقىسىنى كۆرۇپ قويىمەن ، بۇلار مادرىد بىلەن چۇشكەندە بەك ۋەششىيلىشىدۇ ، باشقىلار بىلەن خىلى ئىلمى ئوينايدۇ  .

بىرازىلىيە

مەھمۇدىيە يوللىغان ۋاقتى  2014-11-28 17:39
ئەجىرلىك  تىما  بوپتۇ

تۇجاڭزىلىرىنى بىر بېسىۋەتمەملا...

تىروي

كۆزگە ئىلمىغان پۇتقا چۇماق دەپ كاساپەتلەر مادىرتنىڭ ‹‹قارا تۇپا››سىنى بېسىقتۇردى ئەمەسمۇ بىرلەشمە بېشىدىلا......................
بۇ يىلمۇ ئىز قوغلاپ كىلۋاتىدۇ.....بىرلەشمىدە......

بېرنابۇ

ياخشى تېما، نادىرلاشقا ئەرزىيدۇ. يەنىمۇ تىرىشىڭ!

تۈمەن

بېرنابۇ يوللىغان ۋاقتى  2014-11-28 18:10
ياخشى تېما، نادىرلاشقا ئەرزىيدۇ. يەنىمۇ تىرىشىڭ!

رەھمەت.

nayil

جاپا تارتىپسىز قېرىندىشىم !!~ راست ، بۇرۇندىن مادرىد ئاتلىتكىدا چولپانلار كەم بولغان ئەمەس .

مادرىد ئاتلىتكىدا توپ تەپكەن داڭلىق ھۇجۇمچىلاردىن  ۋىئېرى ، خاسسېلبايىنك ، دېگو . فورلان قاتارلىقلارمۇ بار . ئۇندىن باشقا ئارگېنتىنالىق سولارى ، كىلوچىنى  ، ماكسى . رودرېگېز ، سىموننى ، پورتۇگالىيىلىك مانىچې ، مىلان قاپقىچىسى ئابىيادى ، شاۋې . مورېنو ، ۋالېرون ، كېزمان قاتارلىقلارمۇ بار ...