تەڭرىتاغ يىلپىزى كوماندىسى ئېغىر مەغلۇپ بولدى!

خاتىرە

    2014-يىلى 11-ئاينىڭ 1-كۈنى ئۈرۈمچى ۋاقتى 12:00 دە 2014-يىللىق جۇڭگو ئا دەرىجىلىك بىرلەشمىسى 30-ئايلانما مۇسابىقىسى ئوينالدى. بۇ مەيدان مۇسابىقە شىنجاڭ كوماندىسىنىڭ بۇ پەسىللىك ئەڭ ئاخىرقى مەيدان مۇسابىقىسى بولۇپ ھېسابلىنىدۇ. شىنجاڭ تەڭرىتاغ يىلپىزى كوماندىسى مېھمان مەيدانىدا چېڭدۇ تىيەنچېڭ كوماندىسى بىلەن مۇسابىقە ئوينىدى.نەتىجىدە شىنجاڭ تەڭرىتاغ يىلپىزى كوماندىسى 1-4 نەتىجىدە چېڭدۇ تىيەنچېڭ كوماندىسىغا ئۇتتۇرۇپ قويدى.

   بۇ پەسىل ئا دەرىجىلىك بىرلەشمە تۇنجى قېتىملىق ئۇچىرىشىش مۇسابىقىسىدە ئىككى كوماندا 2014-يىلى 7-ئاينىڭ 19-كۈنى ئۇچىراشقان. شىنجاڭ كوماندىسى ساھىبخان مەيداندا 1-0 نەتىجىدە غەلبە قىلغان. چېڭدۇ تىيەنچېڭ كوماندىسى ساھىبخان مەيدان تۆت مەيدان ئۇتۇپ، ئۈچ مەيدان تەڭلىشىپ، يەتتە مەيدان ئۇتتۇرغان. ھازىرغىچە بولغان 29 مەيدان مۇسابىقىدە بەش مەيدان ئۇتۇپ، سەككىز مەيدان تەڭلىشىپ، 16 مەيدان ئۇتتۇرۇپ 23 نومۇرغا ئېرىشىپ جۇڭگو ئا دەرىجىلىك بىرلەشمىدە 15-ئورۇندا تۇرىۋاتقان كوماندا.

   بۇ كوماندا ساھىبخان مەيدان 15 توپ كىرگۈزۈپ 19 توپ كەتكۈزگەن، ھازىرغىچە بولغان 29 مەيدان مۇسابىقىدە 25 توپ كىرگۈزۈپ، 44 توپ كەتكۈزگەن.
شىنجاڭ كوماندىسى سەككىز مەيدان ئۇتۇپ، ئون بىر مەيدان تەڭلىشىپ، ئون مەيدان ئۇتتۇرۇپ بىرلەشمىدە 35 نومۇرغا ئېرىشىپ جۇڭگو ئا دەرىجىلىك بىرلەشمىسىدە 9- ئورۇندا تۇرغان. مېھمان مەيداندا تۆت توپ كىرگۈزۈپ 12 توپ كەتكۈزگەن، ھازىرغىچە جەمئىي 28 توپ كىرگۈزۈپ، 29 توپ كەتكۈزگەن.

   مۇسابىقە باشلىنىپ 24-مىنۇتتا چېڭدۇ تىيەنچىڭ كوماندىسىنىڭ چەتئەللىك ماھىرى برايىس بىر توپ كىرگۈزدى. مۇسابىقە 28-مىنۇتىغا قەدەم قۇيغاندا لوسېنۋېن بىر توپ كىرگۈزۈپ نۇمۇر پەرقىنى چوڭايتتى. ئالدىنقى يېرىم مەيداندا چېڭدۇ تىيەنچىڭ كوماندىسى 2-0 نەتىجىدە ئۈستۈنلىككە ئېرىشتى. كىيىنكى يېرىم مەيدان مۇسابىقە باشلىنىپ 46-مىنۇتتا ياۋ شىيا بىر توپ كىرگۈزدى. مۇسابىقە 76-مىنۇتىغا قەدەم قويغاندا ياۋشىيا نۇقتا توپ كىرگۈزدى. ئەڭ ئاخىرىدا مۇسابىقە ئاياقلىشىدىغان ۋاقىتتا شىنجاڭ كوماندىسى بىر توپ كىرگۈزدى. ئاخىرىدا شىنجاڭ كوماندىسى مېھمان مەيدان 4-1 نەتىجىدە مەغلۇپ بولۇپ، 2013\\2014-مۇسابىقە پەسىللىك جۇڭگو ئا دەرىجىلىكلەر بىرلەشمىسىنى ئاياقلاشتۇردى.

زېرەك

4-1ئۇتتۇرۇپ قويدى. نەخ مەيدان كۆردۈم......
رىپىر ئوبدانلا چېلىپ قويدى.....
دەي دېسەم گەپ جىق، چېڭدۇ دەرىجە چۈشۈپ كىتىدۇ، ئا بىرلەشمىدىكى ئەڭ ئاخىرقى مەيدان ساھىبخان مەيدانى. چوقۇم ئۇتىشى كېرەك بولۇپ قالدى.
مەستانىلەرنىڭ قەلبىنى يەنىلا چەتئەللىك توپچىلار چۈشىنىدىكەن. 6- نۇمۇرغا ھۆرمەت. شىنجاڭ كوماندىسىنىڭ باشقا ئەزالىرى تۈزۈك يېقىن كەلمايلا كېتىپ قالدى، 6-نۇمۇر ئالدىمىزغا كېلىپ كۆزىگە ياش ئېلىپ تۇرۇپ (راست جۇمۇ ئاشۇرۋەتمىدىم) چاۋاك چېلىپ كېيىمىنى سوۋغا قىلىۋىتىپ كىرىپ كەتتى. بىزنىڭ بالىلار توغۇرلۇق گەپ قىلغۇم يوق.

رىپىرنىڭ، ساھبخاننىڭ قارىسىغا كەتتى. شىنجاڭ كوماندىسى ھۇجۇمغا ئۆتكەندە ئۆزى ئەكىرگەن توپتىن باشقىسىنىڭ ھەممىسىنى ئوفسايىتقا چېلىۋەتتى، ۋارتاردىن باشلىغان توپقىمۇ ئوفسايىت چالغىنىغا نېمە دەي. نۇقتا توپنىمۇ چېڭدۇنىڭ 40ياشلىق ماھىرىنى ئۇرىۋالسۇن دەپلا ئەپ بەردىدە.

جونىي بىرقانچە پۇرسەتنى قولدىن بېرىپ قويدى،  قارشى تەرەپنىڭ 10-نومۇرىدەك كۈچ بېرەلمىدى.

توۋلاۋېرىپ ئۈنۈم پۈتۈپ قالدى، ھېلىگىچە رەسىملىرىمنى توردىن تېپىۋالاي.

تىروي

شىنجاڭ كوماندىسىنىڭ بۇ پەسىللىك بىرلەشمە مۇسابىقىلىرى ئاياقلاشقان ئوخشىمامدۇ...؟
9-دەرىجە بولسا يامان ئەمەس...........

laqin1

يەنە يىڭلىپتۇدە يىلپىزلا.

ئوسكار

ئېنىقتى .  

ماھىرچاق

دەرىجە چۈشۈپ كەتمەس بۇ خەق ...... ئەگەر دەرىجە چۈشۈپ كەتمىسلا كېلەركى پەسىل ئۈمۈد بار ........

خاتىرە

شۇ  بۇ پەسىل ياخشى نەتىجە ئالالمىدى ، ئەرگوڭدا ئوينىغان ھەر قىتىمقى مۇسابىقىسىنى كۆرىمەن ، ئىشقىلىپ ئىپادىسى تازا دىگەندەك ئەمەس !!!!

زەردار007

ئېغىر مەغلۇپ بولدى دېسە مەن تېخى 7 ،.    8 توپ يەپكەتكەن ئوخشايدۇ دەپتىمەن  ئاران 4 توپ كەنغۇ.  نورمال ئىش بۇلارغا  

diil-zat

مەنمۇ 7-8 توپ كەتكۇزۇپ قويغان ئوخشايدۇ دەپتىم ، ئالدىنقى 10 نىڭ ئىچىدە باركەن ھەنىم بولسا

ھەمراھ

دەرىجە ساقلاپ  قاپتۇدە ،- ئاسلانچاقلار!

خاتىرە

بۇرۇن يەڭگەن كوماندىدىن يىڭىلىپ قالسىغۇ مەيلى شۇ بەكلا چوڭ پەرىق چىقىپتۇ دىسە ...