| ئومۇمى يازمىسى: |
ھوقۇق چېكى: 1 |
| جۇغلانمىسى: 2304 |
تۆھپىسى: سەر |
|
مانچېستېر بىرلەشمىسى چىلسى بىلەن بولغان مۇسابىقىدە 1-1 نەتىجە بىلەن تەڭلىشىپ 1 نومۇرغا ئېرىشتى، قىزىل ئالۋاستىنىڭ ئېرىشكىنى يالغۇز بىر نومۇر ئەمەس، ئۇلارنىڭ ئېرىشكىنى 1-ئايدىكى قىشلىق يۆتكىلىش بازىرىدا 1- بولۇپ قوشۇۋالماقچى بولغان توپچى.
بۇ توپچىنىڭ كىم ئىكەنلىكىنى ئارتۇقچە سۆزلەپ يۈرۈشنىڭ ئورنى يوق، ئۇ توپچى دەل بارسىلونا كوماندىسىنىڭ ئىلگىرىكى ۋارتاسى ۋالدىس. چىلسى بىلەن بولغان مۇسابىقىدە ۋالدىس كۆرۈش سۇپىسىدا ئولتۇرۇپ مۇسابىقە كۆرگەن، ئۇنىڭ يىنىدىكىسى دەل قىزىل ئالۋاستىنىڭ كاپىتانى رۇنىي. ۋالدىس مانچېستېر بىرلەشمىسىنىڭ توپچىلىرى بىلەن بىللە مۇسابىقە كۆرۈپ، بىرلىكتە مۇسابىقىنى تەھلىل قىلىپ، بىرلىكتە مۇسابىقە ئەھۋالىنى كۈزىتىپ، بىرلىكتە كوماندىغا مەدەت بىرىپ ئالدىنئالا ئۆزىنىڭ قىزىل ئالۋاستىنىڭ بىر ئەزاسى ئىكەنلىكىنى ئىسپاتلىغان. رۇنىي قاتارلىق كوماندىداشلىرىمۇ ئۇنى كوماندىنىڭ بىر ئەزاسى دەپ قارىغان.
بۇ يىل 32 ياشقا كىرگەن ۋالدىسنىڭ بارسىلونا كۇلۇبى بىلەن بولغان توختامى 6-ئايدا توشقان بولۇپ، ھازىر بىر ئەركىن توپچى. ئۇ بۇ يىل 3-ئايدا يارلانغان بولۇپ، ھازىرغىچە داۋالىنىپ كەلگەن، موناكو كۇلۇبىمۇ ئۇنىڭ بىلەن توختام ئېمزالىمىغان.
‹ كۈندىلىك پوچتا گىزىتى › نىڭ ئاشكارلىشىچە؛ ۋالدىس ھازىر مانچېستېر بىرلەشمىسىنىڭ ئەزالىرى بىلەن بىرلىكتە مەشىقنى باشلىغان بولۇپ، مانچېستېر بىرلەشمىسى ۋالدىسنىڭ ئەھۋالىنى كۈزىتىۋىتىپتۇ، ئۇلار يەنە قىشلىق بازاردا ۋالدىسنى قوشىۋىلىش ئۈچۈن بىر پارچە توختام تەييارلىغان، پەيشەنبە كۈنى ۋالدىسنىڭ ۋاكالەتچىسى بىلەن مانچېستېر بىرلەشمىسى سۆھبەت ئېلىپ بارغان.
‹ كۈندىلىك پوچتا گىزىتى › نىڭ ئاشكارلىشىچە؛ ۋالدىسنىڭ ۋاكالەتچىسى گىناس-كارباخار مانچېستېر بىرلەشمىسىگە بىر جەدىۋەل تاپشۇرغان بولۇپ، مانچېستېر بىرلەشمىسىنىڭ يۇقىرى قاتلىمىدىكىلەر تامغا بىسىپ بولغان، تېرىنىر ۋانگال ئىككى ھەپتە ئىچىدە تامغىسىنى بىسىپ مۇقۇملاشتۇرۋەتسىلا ۋالدىس قىزىل ئالۋاستىنىڭ بىر ئەزاسىغا ئايلىنىدىكەن.
‹ كۈندىلىك پوچتا گىزىتى › نىڭ ئاشكارلىشىچە ۋالدىسنى لېۋىرپۇل كۇلۇبى قوشىۋالماقچى بولغان بولۇپ، لىكىن مۇشۇ ھەپتە لېۋىرپۇل كوماندىسىنىڭ تېرىنىرى روجىرىس بۇ سودىدىن ۋاز كەچكەن. بۇنىڭ سەۋەبى بولسا لېۋىرپۇل كۇلۇبى ۋالدىس بىلەن توختام تۈزۈشتىن ئىلگىرى ۋالدىسنى چاقىرىپ كوماندا ئەزالىرى بىلەن تۆت كۈنلۈك سىناق مەشىقىگە قاتناشتۇرۇپ ئۇنىڭ ئىپادىسىنى كۆرۈپ باقماقچى بولغان، لىكىن ۋالدىس ئۇلارنىڭ تەلىپىنى رەت قىلغان. |
-
|
ۋاقتى: 2014-10-27 15:03:07
تېما كۆتۈرۈش
تېما چوققىلاش
تېما تاقاش
变色卡
