ۋانگال مورىنىئو ‹ ئۇستاز شاگىرت مۇھەببىتى ›

تۈمەن

ئاخشام ئوينالغان ئېنگلاند بىرلەشمىسى 9-ئايلانمىدا مانچېستېر بىرلەشمىسى ئۆز مەيدانى كونا تىرانفوردتا چىلسى كوماندىسىنى كۈتىۋالدى. مۇسابىقە جەريانىدا چىلسى كوماندىسىنىڭ تېرىنىرى مورىنىئو ئۈچ قىتىم ئاكتىپلىق بىلەن ۋاگالنىڭ ئالدىغا بىرىپ ئۇنىڭ بىلەن قۇچاقلىشىپ كۆرۈشتى، ئۇستاز شاگىرت ئوتتۇرسىدىكى مۇھەببەت نۇرغۇنلىغان مەستانىلەرنى تەسىرلەندۈردى.

مۇسابىقە باشلىنىشتىن ئىلگىرى، كونا تىرانفورد مەيدانىنىڭ تەنھەركەتچىلەر ئۆتۈشمە يولىدا، كىيىم ئالماشتۇرۇش ئۆيىدىن چىققان مورىنىئو ئاكتىپلىق بىلەن ئۆزىنىڭ ئۇستازىنى ئېزدەپ تىپىپ ئۇنى چىڭ قۇچاقلاپ ۋانگالدىن ھال سورىغان، مو تەلۋە ئۆزىنى تۇتالماي بىر قولىدا ۋانگالنىڭ بوينىغا ئىسلىپ يەنە بىر قولىدا ئۇنىڭ مۈرىسىنى چىڭ تۇتىۋالغان،
ۋانگالمۇ مورىنىئونى قۇچاقلاپ ئۇنىڭ دۈمبىسىگە يىنىك ئۇرۇپ قويۇپ ئۇنىڭدىن ئەھۋال سورىغان.

ئىككىنچى قىتىمدا، ۋانگال ئۆتۈشمە يولدىن چىقىپ مانچېستېر بىرلەشمىسىنىڭ تېرىنىرلار سەھنىسىگە كەلگەندە، مورىنىئو چىلسى كوماندىسىنىڭ تېرىنىرلار سەھنىسىدىن مانچېستېر بىرلەشمىسىنىڭ تېرىنىرلار سەھنىسىگە كىلىپ، ۋانگالنىڭ كەينىدىن ئۇنىڭ مۈرىسىگە يىنىك ئۇرۇپ قويغان، ۋانگال چۈچۈپ كەينىگە قاراپ مورىنىئونى كۆرۈپ ئۇنىڭغا كۈلۈمسىرەپ قارىغان، بۇ قىتىم ئىككەيلەن يەنە چىڭ قۇچاقلىشىپ ئەھۋال سوراشقان. ئۇستازىدىن ئەھۋال سوراپ بولۇپ مورىنىئو ئۆز كوماندىسىنىڭ تېرىنىرلا ئورنىغا كىتىپ قالغان.

پۈتۈن مۇسابىقە ئاخىرلاشقاندىن كىيىن مورىنىئو ئادىتى بويىچە كىيىم ئالماشتۇرۇش ئۆيىگە قاراپ ماڭماي ئۇدۇل ۋانگال تەرەپكە قاراپ مىڭىپ ۋانگالنىڭ يىنىغا كىلىپ ئۇنى قۇچاقلىۋالغان، بۇ قىتىم ئۇ ۋانگالنىڭ يۈزىنى سىلاپ، ئۇنىڭ قۇلىقىغا بىر نىمىلەرنى دەپ كىيىم ئالماشتۇرۇش ئۆيىگە كىتىپ قالغان. بۇ قىتىمقى مۇسابىقىدە مورىنىئو ئۆزىگە ئوخشىماي قالغان، ئېنگىلاند بىرلەشمىسىدە ساناقلىقلا بىر قانچە ئادەم مورىنىئونىڭ قىزغىن مۇئامىلىسىگە ئېرىشكەن. شۇنىمۇ بىلىشىمىز كىرەككى مورىنىئو ئارسىنال تېرىنىرى ۋىنگىرنى مەغلۇپ بولغان تېرىنىر، مانچېستېر شەھرىنىڭ تېرىنىرى پىلگەيرىنى ئالدامچى دەپ ئۇلار بىلەن ئۇرۇشۇپ كەتكەن. پەقەت ۋانگاللا مورىنىئونىڭ ھۆرمىتىگە ۋە قىزغىن مۇئامىلىسىگە ئېرىشكەن.
ئەمىلىيەتتە مۇسابىقىدىن ئىلگىرىلا مورىنىئو ۋانگالغا بولغان ھۆرمىتىنى ئىپادىلەشكە باشلىغان. مورىنىئو ‹ ۋانگال ناھايىتى موھىم، ئۇ ماڭا پۇرسەت بەرگەن، ئەگەر كەسپى ھاياتىمدىكى ئەڭ موھىم ئادەمنى تاللاپ چىق دىيىلسە ۋانگال دەل ئاشۇ ئادەملەرنىڭ بىرى › دىگەن. ۋانگالمۇ  ‹ مورىنىئو دائىم مەن بىلەن روبسون ( ۋىللىيام روبسون ئەنگىلىيە تارىخىدىكى ئەڭ ئۇتۇق قازانغان تېرىنىرلارنىڭ بىرى ) نىڭ ئۇنىڭغا بولغان تەسىرى توغرۇلۇق سۆزلىشىدۇ، مەن بۇنىڭدىن بەك تەسىرلىنىمەن، كۆپىنچە ۋاقىتلاردا مورىنىئو ئۆزىگە تايىنىدۇ، مەن ئۇنىڭ بۇ تەرىپىنى ياقتۇرىمەن. ماڭا نىسبەتەن ئۇ ماڭا ناھايىتى ئالاھىدە › دىگەن.

1997-يىلدىن 2000- يىلىغىچە ۋانگال بىلەن مورىنىئو بارسىلونا كۇلۇبىنىڭ تېرىنىرلار گورۇپپىسىدا تۇرغان، شۇ مەزگىللەردە ۋانگال مورىنىئوغا كۆپ ياردەم قىلىپ ئۇنى تەربىيلەپ چىققان، مورىنىئومۇ بىر قەدەم بىر قەدەمدىن ھازىرقى ھالىتىگە يىتىپ تېرىنىرلىق ھاياتىنى باشلىغان،بۈگۈنگە كەلگەندە مورىنىئو ئۇتۇق قازىنىش نەتىجىسىنى ۋانگالدىن ئايرىپ قارىيالمايدۇ، ۋانگالغا بولغان ھۆرمىتىنى، رەھمىتىنى ئاخشام قۇچاقلاپ ئىپادىلىدى.

shemsherwaz

مورىنىھو ئۆز ئۇستازىنى بەكلا ھۆرمەتلەيدىكەن.

LFP

ئاخشام مەنمۇ شۇ مىنۇتلارنى كۆرۇپ تەسىرلەنگەن ئىدىم . ئۇستاز شاگىرت مۇناسىۋىتى بەك تەسىرلەندۇردى . ئالغا مورىنھۇ

پولات123

مەنمۇ مۇسابىقە تۈگىگەندە مۇرنھۇنىڭ ئۇددۇل قايتىپ كەتمەي ئاتايىن ۋانگالنىڭ قىشىغا چىقىپ كۆرۈشىكىنىگە ھەيران قالغانتىم     ئەمما تۈنۈگۈنكى مۇسابىقە ئوت قىززىدى ھە ،

خانزاد1

ھازىر ئىنگىلاند بىرلەشمىسىدىكى ئارسىنال بىلەن چىلىسىنىڭ نۇمۇر پەرقى قانچىدۇ؟  ئاخشام دىروگبامۇ قالتىس ئوينىدى ئەڭ ئاخىرقى مىنۇتلاردا قىزىل ئالۋاستىلارغا تەلەي كۈلۈپ باقتى...

exaniq

تەلۋىنى ئاچچىقىدا ئۇدۇلللا كىرىپ كىتىدىغان بولدى دىسەم ئاتايىن كۇرۇشكىلى باردى، ئاخشام چېلسىنىڭ مانچىستىرنى قىرغىن قىلغىنىنى كۇرگۇم بارتى . ئەپسۇس .....

ئىلىم

ئاخشامقى  ۋانپىرسىنىڭ توپى چېلسى مەستانىلىرىنىڭ يۇرۇگىنى غەش قىلدى، غەلبە قولغا كىلىپ بولغان ،

laqin1

ئۇستاز شاگىت كۆرۈشكەن دەقىقىلىرى نىمدىگەن تەسىرلىك.

مەھمۇدىيە

ھۈنەر،  قىلساڭ گۇل ئۈنەر. قىلمىساڭ، كاساڭغا  يانتاق ئۈنەر دەپ  ئۇستازىنىڭ  دۇئاسىنى  ئالغان  چاۋاشكەن بۇ

ئاتلان7

ئۆزىل بقلەنمۇ ئۆتكەن پەسىل قۇچاقلىشقپ كۆرشىپ كەتكەن بۇ.

rahman123

ھەجەپ تەسىرلەندىم. مورىنھونى بۇنداق قىلار دەپ ئويلىماپتىكەنمەن.

فەيسەل

مۇرىنھۇ ئىسىل تېرنىر جۇمۇ