پۇتبولچىلار چېكىنگەندىن كېيىن (1)

ئابلەتجان

   پۇتبول ياش تەنھەرىكەت. بۇ نېمە دېگەن گەپ؟ ئۇ چېلىشىش، يۈگۈرەش، سۇ ئۈزۈش قاتارلىق تۈرلەرگە قارىغاندا ناھايىتى كېيىن پەيدا بولغان «بالا تەنھەرىكەت» تۈرى. ئەڭ مۇھىمى، ئۇ نەۋقىران ياشلار ئوينايدىغان تۈر. تەنھەرىكەتچىنىڭ يېشى مەلۇم باسقۇچقا كەلگەندە، ئادەتتە 35 ياشلار ئەتراپىدا چىملىق بىلەن خوشلىشىدۇ.
  دېمەك، تەنھەرىكەتچىلەر ھاياتىنىڭ تېخى يېرىمىنى ياشاپ بولمايلا، «ياشلا» ئىشسىز قالىدۇ. ئەمىسە، ئۇلار چېكىنگەندىن كېيىن زادى نېمە ئىش قىلىدۇ؟ تاپقان پۇللىرىنى يەپ ياتامدۇ؟ پۇتبولغا مۇناسىۋەتلىك تۈرلەر بىلەن شۇغۇللىنامدۇ؟
پۇتبولچىلارنىڭ ئىچىدە تىرېنېر بولغانلار، ۋاسىتىچى، كوماندا يېتەكچىسى، پۇتبول ئەمەلدارى ۋە سىياسىيون بولغانلار بار.
   مەن بۈگۈن پۇتبولدىن چېكىنگەندىن كېيىن ھەرخىل كەسىپلەر بىلەن شۇغۇللانغان تەنھەرىكەتچىلەرنى تونۇشتۇرىمەن. ئۆزۈم پىششىق بىلىدىغان، پاكىتلىرىم ۋە ماتېرىيالى تولۇق بولغان تەنھەرىكەتچىلەرنى تونۇشتۇرۇش ئۈچۈن، ئاساسەن دېگۈدەك مىلان بىلەن مۇناسىۋەتلىك تەنھەرىكەتچىلەرنى مىسال قىلدىم. يەنە كېلىپ مىلاننىڭ تەنھەرىكەتچىلىرىنىڭ سەرگۈزەشتىسى ياۋروپادىكى ھەرقانداق بىر كۇلۇبنىڭكىدىن نوچى. بۇنى تۆۋەندىكى مىسالدىن بىلىسىلەر.



  1 .تىرېنېر بولۇش.

  تىرېنېرلىق پۇتبولچىلارنىڭ چېكىنگەندىن كېيىنكى تاللايدىغان ئەڭ مۇھىم، شۇنداقلا ئەڭ كۆپ تاللايدىغان خىزمەتلەرنىڭ بىرىنچىسى.
بىر كەسپىي پۇتبولچى، بولۇپمۇ ئەڭ يۇقىرى دەرىجىدىكى مۇسابىقىنى ئەڭ يۇقىرى سەۋىيەدە ئوينىغان تەنھەرىكەتچى ئۈچۈن، ئۆزىنى بېغىشلىغان پۇتبول مەيدانىدا داۋاملىق قېلىش ھەقىقىي ياخشى تاللاش.
كىرۇيىفتىن مارادوناغىچە، بېككىنپوۋېلدىن زوفقىچە، گۇئاردىئولادىن ئىنزاگىغىچە بولغان بىر تۈركۈم داڭدارلار ئەڭ داڭلىق تەنھەرىكەتچىدىن تىرېنېرغا ئايلىنىشنىڭ ئەڭ ياخشى ئۈلگىسىنى ياراتقان.
90 – يىللاردىن ھازىرغىچە بولغان مىلان تەنھەرىكەتچىلىرىگە قاراپ باقايلى:


  ۋان باستېن: 2002  – يىلىدىن باشلاپ ئاياكىسنى، 2004 – يىلىدىن 2008 – يىلىغىچە گوللاندىيەنى يېتەكلىگەن، ھازىر گوللاندىيە زەردارى ئاركىمار كۇلۇبىنىڭ تىرېنېرى.



گۇللېت: 1996 – يىلى چېلسىنىڭ ھەم تەنھەرىكەتچىسى ھەم تىرېنېرى بولغان.



رېجكارد: 2000 – يىلى گوللاندىيەنىڭ، 2003 – يىلى بارسېلونانىڭ تىرېنېرى بولغان.



ئەنچېلوتى: 1993 – يىلىدىن تارتىپ تىرېنېرلىق ھاياتىنى باشلاپ، ئىلگىرى – كېيىن بولۇپ، رېيجىنا، پارما، يۇۋېنتۇس، مىلان، چېلسى، پارىژ ۋە رېئال مادىردنىڭ تىرېنېرى بولغان.



دونادونى: ھازىرغا قەدەر لىۋونو، گىنويا، ناپلېس ۋە پارما قاتارلىق كۇلۇبلارنى ۋە 2008 – يىلى ئىتالىيە دۆلەت كوماندىسى يېتەكلىگەن.



تاسودى: 2001 – يىلىدىن باشلاپ ھازىرغىچە مىلاننىڭ ياردەمچى تىرېنېرى بولۇپ كېلىۋاتىدۇ.



كوستاكۇتا: 2008 – يىلى ئىتالىيە ب دەرىجىلىكتىكى مەنتوۋا كۇلۇبىغا تىرېنېر بولۇپ، تىرېنېرلىق ھاياتىنى باشلىغان.



سىدورىف: 2014 – يىلى 1 – ئاينىڭ 16 – كۈنى چېكىنىپ، 1 – ئاينىڭ 17 – كۈنى مىلاننىڭ تىرېنېرىغا ئايلانغان.



ئىنزاگى: 2012 – يىلى يازادا چېكىنىپ، ئىككى يىل مىلان ياشلار كۇلۇبىنىڭ تىرېنېرى بولغان، 2014 – يىلى 7 – ئايدىن باشلاپ مىلاننىڭ تىرېنېرى بولۇپ كەلمەكتە.



يەنە تېخى مىلاندا 14 يىل توپ تەپكەن مەشھۇر تىرېنېر تىراپاتونى، مىلاندا داڭق قازانغان ۋە كېيىن مىلاننى غەلىبىگە يېتەكلىگەن كاپېلو قاتارلىقلارمۇ بار.
   كولۇمبۇ، گالى، بىروجى قاتارلىق يەنە نۇرغۇن كىشىلەر قىسقارتىلدى.


كىيىنكى بۆلۈمى

جاغىستاي120

ياخشى تېما بۇپتۇ ، ئەجرىڭىزگە رەخمەت .
توپچىلار ئىچىدە ، چېكىنگەندىن كېيىن رېپىر بۇلغانلارمۇ بارمىدۇ ؟

ئاخىرلاشتۇرغۇچى

2-3-سى يوقما

خاتىرە

مەن تىخى تاپقان پۇلى كىيىنكى ئۆمرىگە يىتىدىغان بولغاندىكىن ھىچ ئىش قىلمامدىكىن دەپتىكەنمەن ....

ئابلەتجان

ئاخىرلاشتۇرغۇچى يوللىغان ۋاقتى  2014-10-24 23:25
2-3-سى يوقما

ئاۋۋال ماۋۇنى ئوقۇپ يادلىسىلا جۇمۇ قارىم...3.،4. سىمۇ بار تېخى

مەھمۇدىيە

ئابلەتجان  ئۇكام  بىزنىڭ  دىماتىيۇچۇ  .ئۇنىڭغا  پىكىرىڭىز  بار  ئوخشىمامدا

ئاخىرلاشتۇرغۇچى

ablatjan يوللىغان ۋاقتى  2014-10-24 23:26
ئاۋۋال ماۋۇنى ئوقۇپ يادلىسىلا جۇمۇ قارىم...3.،4. سىمۇ با ...

يادلايدىغان ئىش باما تېخى ،ئۇندا بولسا مەن سەل نېرى تۇراي

ئاخىرلاشتۇرغۇچى

مەھمۇدىيە يوللىغان ۋاقتى  2014-10-24 23:31
ئابلەتجان  ئۇكام  بىزنىڭ  دىماتىيۇچۇ  .ئۇنىڭغا  پىكىرىڭ ...

سىلەرنىڭ قاچان دىماتىيۇ دەپ ئادىمىڭلار بار

XATKAR886

ۋاي ھەمىسى مىلان خاندانلىقى تۆھپەكارلىرىكەنغۇ ،  ۋان باستېن ،گۇللېت، رېجكارد گارت ئۈچ گوللاندىيەلىك چولپان مىلان تۆھپەكارى ، مۇشۇلاربەكەرەك بىلىدىكەنمەن ، چىكىنگندىن كىيىن نىمش قىلغىنى بىلىپ كەتميتىم بىلدۇق.مانا . گاتتۇسو ئىتالىيە بىرلەشمىسىدىكى بىركۇلۇپقا تېرىنىر بولغانتى قايسى كۇلۇپتى.

بۇلارنىڭ ھەمىسى چىكىنگەندىن كىيىن تېرىنىر بۇلۇپتۇ، يەنە باشقلار......  

خانزاد1

ئىنزاگىنىڭ خىلى تالانتى باردەك كۆردۈم

ئابلەتجان

مەھمۇدىيە يوللىغان ۋاقتى  2014-10-24 23:31
ئابلەتجان  ئۇكام  بىزنىڭ  دىماتىيۇچۇ  .ئۇنىڭغا  پىكىرىڭ ...

ئاساسەن مىلاننى ئاساس قىلدىم، تاللاش ھوقۇقۇمغۇ باردۇ؟؟

خانزاد1

ئىنزاگىنىڭ خىلى تالانتى باردەك كۆردۈم