ئۇزغۇنلۇق، ئۆزۈڭنى تۇتۇۋال

ئابلەتجان

   بۇ پەسىللىك ياۋروپا ئۇزغۇنلۇق بىرلەشمىسى 3 - ئايلانمىسىنىڭ بىرىنچى مۇسابىقە كۈنىدىكى سەككىز مەيدان مۇسابىقە بارچە توپ مەستانىسىنى ھەيران قالدۇردى. 7 دە 0، 7 دە 1، 6 دە 0، 4 دە 3 دېگەندەك مۇسابىقىلەر توپ مەستانىلىرىنىڭ ھەزىم قىلىش ئىقتىدارىغا جەڭ ئېلان قىلدى. پارىژ سان - ژىرمان كوماندىسىنىڭ رەقىبىنى ئاران 1 دە 0 ئۇتۇشى بۈگۈنكى ئادەمنى خىجىل قىلىدىغان بىر مەيدان غەلىبە بولۇپ قالدى.
  بۈگۈن سەھەردىكى سەككىز مەيدان مۇسابىقىدە جەمئىي 40 توپ كىرگەن بولۇپ، ئوتتۇرا ھېساب بىلەن بىر مەيدانغا 5 تىن توغرا كەلدى، بۇنى دەرىجىدىن تاشقىرى نىسبەت، شۇنداقلا ئەسەبىيلىك دېيىش مۇمكىن.
  بۈگۈن سەھەردىكى بۇ 8 مەيدان مۇسابىقىنىڭ نەتىجىسى ئەمەلىيەتتە تاسادىپىيلىق ئەمەس. ئۇزغۇنلۇق لوڭقىسى ئەزەلدىن توپ كىرىش نىسبىتى يۇقىرى، بەك قىزىيدىغان مۇسابىقە ئىدى. بىز ئۇزغۇنلۇقنىڭ دۇنيادىكى سەۋىيەسى ئەڭ يۇقىرى، ئەڭ قىزىيدىغان، تېخنىكا سۈپىتى ئەڭ يۇقىرى مۇسابىقە ئىكەنلىكىنى، بۇ جەھەتتە دۇنيا لوڭقىسى بىلەن ياۋروپا لوڭقىسىنىڭمۇ ئالدىدا ئىكەنلىكىنى چوڭقۇر ھېس قىلدۇق.
  ئۇزغۇنلۇق، ئۆزۈڭنى سەل تۇتىۋال، بىز بەك جىددىيلىشىپ، ھاياجانلىنىپ كەتتۇق....

بۈگۈن سەھەردىكى ۋاراتارغا كىرگەن 40 توپنىڭ كۆرۈنۈشلىرى:




يېقىنقى يىللاردىكى ئۈچ داڭلىق "7:1" بولغان مۇسابىقە: ئاھ خۇدا، ئىككىسى رىمغا مۇناسىۋەتلىك ئىكەن.
1. مانچېستېر بىرلەشمىسى 1:7 رىم
  2006-2007 مۇسابىقە پەسلى ئۇزغۇنلۇق لوڭقىسىنىڭ چارەك ھەل قىلغۇچ مۇسابىقىسنىڭ ئىككىنچى ئۇچرىشىشىدا مانچېستېر بىرلەشمىسى بىرىنچى ئۇچرىشىشتا 2 دە بىر يېڭىلىپ قېلىشتەك قىساسىنى 7 دە 1 بوغۇزلاش ئارقىلىق ئېلىپ، ھەيۋىسىنى نامايان قىلغان ۋە 8 دە 3 بولۇشتەك ئومۇمىي نەتىجە بىلەن يېرىم ھەل قىلغۇچ مۇسابىقىگە كىرگەن.



2. بىرازىلىيە 7:1 گېرمانىيە
  2014 - يىللىق دۇنيا لوڭقىسى پۇتبول مۇسابىقىسىنىڭ يېرىم ھەل قىلغۇچ مۇسابىقىسىدە، ساھىبخانا بىرازىلىيە كوماندىسى كۈچلۈك گېرمانىيە كوماندىسىغا 7 دە 1 نەتىجە بىلەن يېڭىلىپ، ئار - نومۇسقا قالغان.



3. رىم 1: 7 بايرېن مىيۇنخېن
2014- 2015 مۇسابىقە پەسلى ئۇزغۇنلۇق لوڭقىسىنىڭ گۇرۇپپا 3 - ئايلانمىسىدا رىم كوماندىسى ئۆز مەيدانىدا كۈچلۈك بايرېن كوماندىسىغا 1 دە 7 نەتىجە بىلەن يېڭىلىپ قالغان.

زېرەك

ablatjan يوللىغان ۋاقتى  2014-10-22 14:01
ئوبدانلا ئاياپ كېيىنكى مەيداندا پاسلا ئوينىدى، بىراز ...

رىئال مادرىد مەستانىلىرىلا ئەمەس بايرىننىڭ كونا مەستانىلىرىمۇ گۇاردىئالانى ئانچە ياقتۇرۇپ كەتمەيدۇ. گۇئاردىئالانى ئەمەس گۇئاردىئالا تۇتقان كوماندىنىڭ ئويناش ئۇسلۇبىنى ياقتۇرۇپ كەتمەيدۇ. بۇنى مورىنىيوغا باغلىۋېلىش تازا ئاقىلانىلىك ئەمەس. ھاينىكىس قولىدىكى بايرىن، كىلوپ قولىدىكى دورتموند، مورىنىيو قولىدىكى رىئال مادرىد ۋە چېلدى، روجىس قولىدىكى لىۋىرپۇللارنى رىئال مادرىد مەستانىلىرى ياقتۇرىدۇ، ئۇلارنىڭ ئويناش ئۇسلۇبىنى ياقتۇرىدۇ، ھەم شۇنداق ئوينىغان مۇسابىقىلەرنى كۆرۈشكە كۆنگەن.
بۇمۇ خۇددى بارسىلونا مەستانىلىرنىڭ تىكى تاكىغا ئانراق بولۇپ مورىنىيونى ئۆچ كۆرگىنىدەكلا ئىش.

مىسسي730

نىمىس تانكىلىرى 2-دۇنيا ئۇرشىنى پۇتبول مەيدانىدا باشلىۋىتىپتۇ.

ئابلەتجان

رەئېس يوللىغان ۋاقتى  2014-10-22 13:55
نىمىس تانكىلىرى ئاياپ قويۇشنى پەقەتلا بىلمەيدۇ.

ئوبدانلا ئاياپ كېيىنكى مەيداندا پاسلا ئوينىدى، بىرازىلىيەگىمۇ كېيىنكى مەيداندا يول قويغان.
يەنە بىرى، بەزىدە ئاشۇنداق ساۋاپ تۇرمىسا، رېئال مادرىدنىڭ مەستانىلىرى گۇئادىئولانى تازا يارىتىپ كەتمەيدىكەن...
  قىزىق ئىش، چېلسى ئاجىز كوماندىنى 6 توپ ئۈستۈنلۈكتە، ئۆز مەيدانىدا يەڭسە قالتىس، گۇدىئولا قارشى تەرەپنىڭ مەيدانىدا، كۈچلۈك كوماندىنى 6 توپ ئۈستۈنلۈكتە يەڭسە يۈز - خاتىرە قىلىشنى بىلمەيدۇ، دېيىلىدۇ. بۇنى نېمە دەپ چۈشەنسەك بولار؟؟

turgunjan

8 مەيداندا 40  توپ  
رىكوت يىڭلىنىپتىدە  ؟

Sherlock

رىمنى خېلى ئىش تېرىيدۇ دەپ ئولتۇرغانلا كۆپ ئىدى،لېكىن گۇرۇپپا مۇسابىقىسىدىلا ئۆزىنى يوقىتىپ قويدى دىيىشكە بولىدۇ ، بۇ تانكىلار يا خەقنىڭ مەيدانىدا ئازراق يۈزخاتىرە بىلەن ئويناشىنى ياختۇرمايدۇ.
رىمغا قارىسا ئادەمنىڭ ئىچى ئاغرىپ قالىدىكەن.

shemsherwaz

نىمىس تانكىلىرى ئاياپ قويۇشنى پەقەتلا بىلمەيدۇ.

babur923

كان ئىشچىلىرى كوماندىسدىكى ئادىريانو دىگەن توپچى قالتىس ئويناپ قويۇپتىغۇ!بىر مەيداندا 5 توپ   ئىككى پاس قالتىس نەتىجە!

turgunjan

مانچىستىر بىلەن مادرىدقا ئامەت ئۇتۇق تىلەيمەن   
مانچىستىرنىڭ بۇ فىلمىنى كۆرۈپ بىر قىسمىلا بوپ قالدىم

زېرەك

بۇ يىل كۈچ پەرقى زور، ھەر بىر گۇرۇپتا دېگۈدەك بىردىن ئاجىز كۇلۇپ بار. ئەمما زە رىمنىڭ بۇنداق ئۇتتۇرىشىنى ھېچكىم ئويلىمىغاندە.

ballack16

2008-2009 ئوزغۇنلۇق مۇسابىقىسىدە 36 توپ چۈشۈپ ياۋرۇپا ئوزغانلىق قالپاق يەڭگۈشلىگەندىن كىيىنكى رىكورت بارلىققا كەپتىكەن ، ئاخشام بۇ رىكورت بۇزۇلدى .

يەنە بىر رىكورت : ئوزغانلىق مۇسابىقىسىدە مىھمان مەيداندا ئالدىنقى يىرىم مەيداندىلا 5 توپ ئۇرۇش رىكورتىنى بايرىن ئەمدىلا يارىتىپ تۇرىشىغا 4 مىنۇت ئۆتمەيلا كانچى قاسماقلا بۇزۇپ 6 توپقا كۆتۈرۋىتىپتۇ .

بەگزادە

ئەڭ ئىسىل كۆرۇنۇشلەرنى يوللاپسىلە ئابلەتجان .... تەشەككۇر !

تۇمشۇق

رىمنىڭ زاپاس ئەزالار سۇپىسىدىكى توپچىلارنىڭ چىرايىغا قاراپ ئىچىم ئاغرىپ قالدى ،  بايرېنغا شاللاش باسقۇچىغا قەدەم قويغاندا باھا بىرەيلى

shemsherwaz

بۇ گۇ سۇمبۇلنى ياراتمىغان ئىش ئەمەس، بۇنى مادرىد مەستانىلىرىنىڭ مو تەلۋىدىن ئۈمۈد ئۈزەلمىگەنلىكى دەپ چۈشىنىشكە بولىدۇ.