| ئومۇمى يازمىسى: |
ھوقۇق چېكى: 1 |
| جۇغلانمىسى: 396 |
تۆھپىسى: سەر |
|
خوندانىڭ بۇ پەسىلدىكى ئىلغار ئىپادىسى يالغۇز مىلان توپ مەستانىلىرىنىلا ئەمەس بەلكى بارلىق دۇنيا توپ مەستانىلىرىنى ھەيران قالدۇردى، ھازىر ئۇ جەمئىي ئالتە توپ كىرگۈزۈپ يۇۋېنتۇسدىكى تېۋېز ھەم ناپولىدىكى كاللېجونلار بىلەن بىللە بۇ پەسىللىك ئىتالىيە بىرلەشمىسى مەرگەنلەر قاتارىدا 1-ئورۇندا تۇرماقتا.
داڭلىق تەنتەربىيە تاراتقۇسى(bleacherreport) نىڭ سەھىپە يازغۇچىسى خوندانىڭ بۇ پەسىلدە پارتىلىشىدىكى بەش نېگىزلىك سەۋەبنى تەھلىل قىلدى:
1.ئىنزاگى بىلەن بولغان مۇناسىۋىتى
ئىنزاگىنىڭ بۇ پەسىلدە خونداغا مەيداندىكى تولۇق ئەركىنلىكنى بېرىشى ئۇنىڭ ئېچىلىشىدىكى مۇھىم بىر سەۋەب، مەيلى يان كىراي ئورنىدا بولسۇن ۋە ياكى ئالدى بەل ئورنىدا بولسۇن، خوندا مەيداندىكى ئەھۋالغا قارىتا ئۆزنىڭ ئورنىنى ۋە ۋەزىپىسىنى ئۆزگەرتىشتەك ئەركىن ئادەم ئىمتىيازىغا ئىگە بولغاندىن كېيىن ئۇنىڭ ئىپادىسىدىمۇ ئالاھىدە يۇقىرلاش بولغان.
2.شەخسىي تۇرمۇش جەھەتتىكى ئۆزگىرىش
ئالدىنقى پەسىلدە مىلانغا يېڭى قوشۇلغاندا خوندا مېھمانسارايدا تۇراتتى، تۈزۈك دوسىتتىمۇ يوقتى، ئىتالىيە تىلىنى سۆزلەشنىمۇ بىلمەيىتتى. لېكىن ھازىر ئۇنىڭ مىلان شەھىرىنىڭ مەركىزى ئاۋات رايونىدا ئۆيى بار بولدى. بەلكىم باشقىلارنىڭ نەزىرىدە بۇنىڭ ئانچە چوڭ تۈرىتكىلىك رولى بولماسلىقى مۇمكىن، لېكىن خونداغا نىسبەتەن ئۇنداق ئەمەس، ئائىلىنىڭ ئىللىقلىقىدىن بەھرىمان بولغان خوندانىڭ كۈندىلىك مەشىقلەردىكى ئىپادىسى كۈندىن-كۈنگە ياخشى بولۇشقا باشلىدى، ئۇ يەنە بېكھامنىڭ مىلان كوماندىسىدا توپ تېپىۋاتقان ۋاقتىدىكى شەخسىي شوپۇرىنى ئۆزىگە تەكلىپ قىلدى، شۇنداقلا ياپونىيىدىن ئۆزى ئىشىنىدىغان فىزىكىلىق داۋالاش مۇتەخخەسىسىنى تەكلىپ قىلىپ ئۆزىنىڭ تېخىمۇ ساغلام ھالدا مىلانغا ئەڭ چوڭ ئۈنۈم يارىتىشىغا ئاساس سالدى.
3.ئىتالىيە بىرلەشمىسىدىكى ھۇجۇمى ئەڭ كۈچلۈك كوماندا مىلان
يېڭى پەسىللىك ئىتالىيە بىرلەشمىسى باشلانغاندىن بۇيان مىلان جەمئىي 16 توپ كىرگۈزدى، ئىككىنچى ئورۇندىكى رىم بىلەن يۇۋېنتۇس بولسا ئوخشاش 14 توپ كىرگۈزدى، ئەلۋەتتە، ئىنزاگىدەك توپچىلىق ھاياتىدا پۈتۈن ياۋروپا پۇتبول ساھەسىنى لەرزىگە سالىدىغان ئالدى ھۇجۇمچىنى كوماندىنىڭ تېرېنېرى قىلىپ بېكىتكەندىن كېيىن بۇنىڭ ھېچقانداق ھەيران قالارلىق يېرى يوق ئىدى.
بالوتېلى كوماندىدىن ئايرىلغاندىن كېيىن ئىختىيارىي توپ ئۇرۇش سالاھىيىتىگە ئېرىشكەن خوندا يېڭى پەسىلدە ئۆزىنىڭ بۇ ئارتۇقچىلىقىنى تولۇق نامايەن قىلدى، ئۇنىڭدىن سىرىت كوماندىدىكى توررېس ۋە شاراۋېي قاتارلىق توپچىلار بىلەن بولغان ماسلىشىشچانلىقىمۇ كۈندىن-كۈنگە ئېشىپ باردى.
4.ئىتالىيە بىرلەشمىسىنىڭ تېخنىك-تاكتىكىلىرىغا كۆنۈشى
روسسىيە دەرىجىدىن تاشقىرى بىرلەشمىسى بىلەن ئىتالىيە بىرلەشمىسىنىڭ مۇسابىقىلىشىش مۇھىتىدا خېلى چوڭ پەرق بار، ئىتالىيە بىرلەشمىسى ئەزەلدىن ياۋروپادىكى مۇسابىقە تاكتىكىسىغا ئەڭ ئەھمىيەت بېرىدىغان بىرلەشمە دەپ قارىلىپ كەلگەن بولۇپ، دۇنيادىكى قىيىنلىق دەرىجىسى ئەڭ يۇقىرى بىرلەشمە بولۇپ ھېسابلىنىدۇ، 1957-يىلىدى باشلاپ، ئىتالىيە بىرلەشمىسىنىڭ تاق پەسىلىدە كىرگۈزگەن توپ سانى 30دىن ئاشىدىغان توپچى پەقەتلا بىر لۇكا-تونى. لېكىن ھازىرقى توپ كىرگۈزۈش ئۈنۈمىدىن قارىغاندا مۇشۇ روژدېستىۋا بايرىمىدىن بۇرۇنلا خوندانىڭ كىرگۈزگەن توپ سانى ئىككى خانىلىق سانغا يېتىشى مۇمكىن، ئۇنىڭ ئۈستىگە ساپ ئالدى ھۇجۇمچى ھېسابلانمىغان ئوڭ يان كىراي ئورنىدا بۇنداق نەتىجىگە ئېرىشمەك ھەقىقەتەن ئاسانغا توختىمايدۇ.
5.ئارام ئېلىش ۋاقتىنىڭ يېتەرلىك بولۇشى
بۇ يىل يانۋاردا مىلانغا قوشۇلۇشتىن بۇرۇن خوندا موسكىۋا قۇرۇقلۇق ئارمىيىسى كوماندىسىغا ۋاكالىتەن بىر پەسىللىك مۇسابىقىگە قاتناشقان ئىدى، ھېسابتا ئۇنى بىر پەسىللىك مۇسابىقىنى تۈگىتىپ ئارام ئالمايلا يەنە يېرىم پەسىللىك مۇسابىقىنى باشلىۋەتتى دېيىشكە بولاتتى. شۇ سەۋەبلىك يېڭى كوماندىغا قوشۇلغاندا ئۇنىڭ ئىپادىسى تازا ياخشى بولمىدى، تاراتقۇلارمۇ مۇشۇ پۇرسەتتىن پايدىلىنىپ مىلاننىڭ خوندانى قوشۇۋېلىشى پەقەتلا ئاسىيا بازىرىنى ئېچىش ئۈچۈن دېگەندەك خەۋەرلەرنى ئېلان قىلىشقا باشلىدى. لېكىن بىرازىلىيە دۇنيا لوڭقىسى مۇسابىقىلىرىنى تۈگىتىپ تولۇق ئارام ئېلىش پۇرسىتىگە ئىگە بولغان خوندا يېڭى پەسىلدە ئۆزگىچە يېڭى قىياپىتى بىلەن بارلىق كىشلەرنىڭ گۇمانىنى بىتىچىت قىلدى، ئۇ ھازىر مىلان كوماندىسى ئىچىدىكى ئەڭ ئالقىشقا ئېرىشىدىغان توپچىغا ئايلاندى
] |
|
ۋاقتى: 2014-10-21 21:38:22
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2014-10-21 21:48:30
ھە راست،دىماتو توررىس دىگەننى شارك06گە ئەكەتمەكچىكەن،بولسا مادسرىتتىن ئەكەلگەن قاپقىچىنىمۇ ئەكەتسە ،تىما يېزىپ ئۇزۇتۇپ قۇياتتىم.
