|
ئەسسالامۇ ئەلەيكۇم !!!
ئارىسنال باش مەشقاۋۇلى ۋېنگىر ، يۆتكىلىش بازىرىدىكى توپچىلارنى قېزىپ ، ئاكتىپلىق بىلەن سېتىۋىلىپ ئىشلىتىپ كېلۋاتقان ، ئالدىن كۆرەر تېرىنىرلارنىڭ بىرسى .
لېكىن ئۇنىڭمۇ كۆزى تورلىشىپ ، توپچىلارغا توغرا باھا بىرەلمەي ، سېتىۋىلىش پۇرسىتىنى قولدىن بېرىپ قويغان چاغلىرىمۇ ، ئۇنى ئارماندا قويغان داڭلىق توپ چولپانلارمۇ ئاز ئەمەس ، س. رونالدو ، مېسسى ، ئىبرايىمۇۋىچ ، دىرۇگبا... قاتارلىق داڭلىق چولپانلارمۇ دەل شۇ توپچىلارنىڭ ئىچىدە . مېسسى 15 ياش ۋاقتىدا ، ئارسىنالغا .ئۇنى يۆتكەپ ئەپ
كېلىش پۇرسىتى كەلگەنىدى ، لېكىن ئۇ مېسسىنىڭ تەمىنات ۋە باشقا تەرەپلىرىدە بارسېلونا بىلەن بىرلىككە كېلەلمەي ، بۇ سودىدىن ۋاز كەچكەن .
يېقىندا ‹‹ كۈندىلىك خەۋەرلەر گېزىتى ›› ، ئارىسنالنىڭ ئېرىشەلمىگەن 11 توپچىدىن ئىنتايىن كۈچلۈك ھە قورقۇنۇشلۇق بىر سەپ شەكلى تۈزۈپ چىققان .
قاپقىچى : بوففىن مۇداپىئە : كارلوس ، پېك ، كومپانىي ، رېچاردىس ئوتتۇرا مەيدان : مېسسى ، ئالۇنسو ، يايا-تورى ، كىرىستىيانو . رونالدو ھۇجۇم : ئىبرايىمۇۋىچ ، دېروگبا
بوففىن . يېقىنقى يىللاردىن بۇيان ئىتالىيە كۇماندىسىنىڭ قاپقىچىسى بوففىن ئىزچىل ئۆزىنىڭ ناھايىتى ياخشى بولغان تۇراقلىق ئىپادىسى يۇقىرى سەۋيىسىنى ساقلاپ ، جارى قىلدۇرۇپ كېلۋاتقان مۇنەۋۋە قاپقىچى . ئارسنال ھازىر دەل مۇشۇنداق يۇقىرى سەۋىيىلىك بىر قاپقىچىغا ئىنتايىن ئىھىياجلىق ، 2004 يىلى ، بوففىن ئىپادە بىلدۈرۈپ ،
ئەگەر يۇۋېنتىس قوشۇلسا ئۆزىنىڭ ئارىسنالغا قوشۇلۇشنى ئۆمۈت قىلىدىغانلىقىنى ئېيىتقان ، لېكىن ئۇنىڭغا قىزىقمىغان ۋېنگىر بۇ سودىنى قىلىشنى خالىمىغان .
كارلوس . 2007-يىلى ، بىرازىلىيىلىك ئىستىقباللىق مۇداپىئەچى كارلوس ، رېئال مادىرىت بىلەن توختام ئىمزالىدى ، لېكىن ئۇ توختام ئىمزالاشتىن بۇرۇن ۋېنگىر يىتەكچىلىكىدىكى ئارىسنالنى تاللىغانىدى ، ئەمما ۋېنگىر بۇنىڭغا ھىشقانداق ئىپادە بىلدۈرمىدى ، ئەكسىچە ، بىرازىليىنىڭ يەنە بىر مۇداپىئەچىسى سانتوسنى قوشىۋالدى ، كارلوس ھازىر ئۆزىنىڭ ياراملىق توپچى ئىكەنلىكىنى ئىسپاتلىدى .
پېك . ئىسپانىيە ئوتتۇرا مۇداپىئەچىسى پېك ئىلگىرى ناھايىتى ئىقتىدارلىق مۇداپىئەچى ئىدى ، گەرچە ئۇ مانچېستىر بىرلەشمىسىگە قوشۇلغان بۇلسىمۇ ، ئارسنالنىڭ ئۇنى قوشىۋىلىش پۇرسىتى بار ئىدى ، بۇ ئىشمۇ مەلۇم سەۋەبلەر تۈپەيلى ئەمەلگە ئاشمىغان ، ۋېنگىر ئۇنىڭ ئورنىغا شىۋىتسىيىلىك سېندىروسنى كۇماندىغا يۆتكەپ كەلگەن ،لىېكىن بىر قانچە غەلبىسىز مۇسابىقە پەسىلىنى ئۆتكۈزگەندىن ، بۇ توپچى كۇماندىدىن كېتىپ قالغان ، بىراق پېك ياخشى ئىپادىسى بىلەن كۇلۇبقا كۈچ قوشۇپ ،ياۋروپا كۇلۇبلار لوڭقىسى ، ياۋروپا ئۇزغۇنلۇق لوڭقىسى ۋە بىر نەچچە قېتىملىق بىرلەشمە چىمپىيۇنلۇق لوڭقىسى قاتارلىق چوڭ لوڭقىلارغا ئېرىشتى .
كومپانى . ئۇ ھازىر مانچېستىر شەھىرىنىڭ ئاساسلىق مۇداپىئەچىلىرىنىڭ بىرسى ، ئۇمۇ ئەينى چاغدا ئارىسنالغا قوشۇلۇشقا ئاز قالغان ، لىكىن ۋېنگىر كۆز ئالدىدىكى 5 مىليۇن فۇنىستېرلىڭ يۆتكىلىش ھەققىنى ئويلاپ قىممەت كۆرگەن ، ئۇنىڭ ئورنىغا جولو نى سېتىۋالغان ، لىكىن بۇ توپچى تۇراقسىز ئىپادىسى بىلەن ئارىسنال مۇداپىئەسىنى
قانائەتلەندۈرەلمىگەن ، ئاخىرى ۋېنگىر بۇ توپچىنى كۇماندىدىن تازلىۋەتكەن ، كومپانى بۇلسا ئىزچىل تۇراقلىق ئىپادىسى بىلەن كۇماندىدا چاقناپ كەتتى .
رېچاردىس . سانىيانىڭ كۇماندىدىن ئايرىلىشى ، دېبوسنىڭ ئېغىر يارلىنىشى ئارسىنال ئوڭ مۇداپىئە ئورنىنى بوش قېلىشتەك پاسسىپ ئەھۋالغا چۈشۈرۈپ قويغان مۇشۇنداق قېيىن شارائىتتا ۋېنگىرنىڭ رېچاردېسنى سېتىۋىلىش پۇرسىتى بۇلسىمۇ ، بىر نەچچە قېتىم يۈز كۆرۈشكەن ھالەتتىمۇ ۋېنگىر ئۇنىڭغا قول سېلىش پۇرسىتىنى ئۆتكۈزۋەتكەن .
مېسسى . مېسسى بارىسلونا بىرىنچى سەپ كۇماندىسىغا ۋاكالەتەن مەيدانغا چىقىپ ھازىرغىچە بولغان 10 يىل ئىچىدە ، تۆت قېتىم ئالتۇن توپ مۇكاپاتىغا ئېرىشتى ، بارىسېلوناغا ھەمدەم بۇلۇپ ئۈچ قېتىم ياۋروپا ئۇزغونى بۇلدى ، شەخسى شان شەرەپلىرى ھېساپسىز ، مۇشۇنداق دەرىجىدىن تاشقىرى چۇلپاننىمۇ 15 ياش ۋاقتىدا ۋېنگىر قولدىن بىرىۋەتكەن ، ۋېنگىر ھازىر پۇشايمان قىلامدىغاندۇ ؟ ؟؟؟
خاۋېي . ئالونسو . ئۇ لېۋىرپول ئۈچۈن توپ تېپىۋاتقان چاغدا ، ئېنگىلاند بىرلەشمىسىدىكى مۇنەۋۋەر ئارقا بەل توپچىسى ئىدى ، بىر مەزگىل ئىچىدە ، بېنتىس ئالۇنسونىڭ ئورنىغا ئالماشتۇرۇشنى ئويلاشقان ، ئەينى ۋاقىتتا ئالونسۇ ۋېنگىرنى ئىزدەپ بارغان ، 15 مىليۇن فۇنىستېرلىڭ يۆتكۈلۈش ھەققى بىلەن ئارسنالغا يۆتكىلىشنى ئۈمۈت قىلىدىغانلىقىنى بىلدۈرگەنىدى ، ۋېنگىر بۇ سودىنى قىلىشنى خالىماي ، ئالۇنسونى نائۈمۈتدە قويغان ، ئۇزۇن ئۆتمەي ئالۇنسو رېئال مادىرىتقا قوشۇلغان ، دونياغا داڭلىق ئوتتۇرا مەيدان ماھىرى بولۇپ يېتىشىپ چىقتى .
يايا-تورى . 2003-يىلى ۋېنگىر يايا-تورىنى يۆتكەپ كېلىشنى قارار قىلغان ، لىكىن ئۇنىڭ يۆتكۈلۈش رەسىميەتلىرىنى بېجىرىش ناھايىتى ئاۋارچىلىق بۇلۇپ ، ۋېنگىر بۇ ئاۋارچىلىقتىن قېچىپ ئۇ كوتىدىۋارلىقتىن ۋاز كەچكەن ، ھازىرقى يايا-تورى ئېنگىلاند دەرىجىدىن تاشقىرى بىرلەشمىسىدىكى نامى چىققان ،غۇللۇق ماھىرغا ئايلاندى ، ئالدىنقى پەسىل ئۇ بىرلەشمىدە 20 توپلۇق ئۆتكەلدىن ئۆتۈپ كەتتى ، ئەلۋەتتە ئۇ ئارىسنال سەپ شەكلىدە ئۆز ئىختىدارىنى جارى قىلدۇرالايتتى .
كىرىستىيانو . رونالدو . ئەينى ۋاقىتتا رونالدو تېخى پورتىگالىيە لېسبۇن رىقابەت كۇماندىسىدا ئىدى ، لوندۇنغا كېلىشتىن بۇرۇن ، ئارسنال رونالدۇغا ئۆزىنىڭ ئىسمى بېسىلغان ئارىسنال كۇماندىسىنىڭ كىيىمنى بەرگەن ، ئارىسنال 4 مىليۇنلۇق يۆتكۈلۈش ھەققى بىلەن ، لىسبۇن رىقابات كۇماندىسى بىلەن دەسلەپكى بىرلىككە كېلىپ بۇلغاندى ، لىسبۇن رىقابەت بىلەن مانچېستىر بىرلەشمىسىنىڭ مۇسابىقىسى تۈگۈگەندىن كېيىن توختام تۈزۈشكە كېلىشكەن ، بىراق شۇ مۇسابىقىدە س. رونالدونىڭ ئىپادىسى قالتىس بۇلۇپ ، فۇرگۇسۇننىڭ كۇماندىسىنى مەغلۇب قىلغان ، شۇنىڭ بىلەن فۇ بۇۋاي ئالدىن قول سېلىپ ، ئارىسنالنىڭ ئىشى ئەمەلگە ئاشمىغان .
ئىبرايىمۇۋىچ . ئۇنىڭ ھېكايىسىنىمۇ بۇرۇندىن باشلاشقا تۇغرا كېلىدۇ ، 19 ياش ۋاقتىدا ئۇ ، شىۋىتسىيە بىرلەشمىسىدىكى مارمو كۇلۇبىدا توپ ئوينايىتتى ، ۋېنگىرنىڭ ئۇنىڭغا كۆزى چۈشكەن ، 3مىليۇن فۇنىستېرلىڭلىق يۆتكۈلۈش ھەققى بىلەن ئارسنالغا يۆتكەشنى ئۆمۈت قىلغانىدى ، ۋېنگىر ئىبرايىمۇۋىچتىن ، توختام تۈزۈشدىن بۇرۇن بىر قېتىملىق مەشىق مۇسابىقىسىگە قاتنىشىشنى تەلەپ قىلغان ، لىكىن ئىبرايىمۇۋىچ : ‹‹ مەن ئەزەلدىن بۇنداق مۇسابىقىلەرگە قاتناشمايمەن . ›› دەپ چۇڭ سۆزلىگەن ، بۇنىڭدىن ئۆمۈتسىزلەنگەن ۋېنگىر بۇ تۆگىدىن ۋاز كەچكەن .
دىروگبا . ئۇ كەسپى ھاياتىدا ، ئارىسنال سەپ شەكىلگە قوشۇلۇش ئۆمۈدى بار ئىدى ، ۋېنگرمۇ بۇ توپچىنى كۆڭلىگە پۈكۈپ قويغاندى ، ماڭلو كۇماندىسىدا توپ تىپىۋاتقان دىروگبانىڭ باھاسى ئاران 100 مىڭ فۇنىستېرلىڭ بۇلۇپ ، بۇ باھا ئارسنال ئۈچۈن بەك ئەرزان ھېساپلىناتتى ، ۋېنگىر ئۇنىڭ بىر قانچە مەيدان مۇسابىقىسىنى كۆرۈپ ئىپادىسىدىن گۇمانلانغان ، ئۇنى ئارسىنالدىن ئىبارەت بۇ زەردار كۇلۇبقا ماس كەلمەيدۇ دەپ ئويلاپ سېتىۋىلىشتىن ۋاز كەچكەن ، چېلسى يۆتكەلگەن دىروگبا ۋېنگىرنى ھەسرەتتە قالدۇرۇپ ناھايىتى ئېچىلىپ كەتكەن .
| 
ۋاقتى: 2014-10-18 19:08:30
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2014-10-18 19:33:24
