بارسىلونادا توپ تەپكەن گوللاندىيىلىكلەر !!!~

nayil

   ئەسسالامۇ-ئەلەيكۇم !!~ بارسىلونادا ئەزەلدىن مۇنەۋۋەر توپچىلار ئۈزۈلۈپ قالغان ئەمەس . شۇ مۇنەۋۋەر توپچىلار ئىچىدە گوللاندىيە توپچىلىرىنىڭ بارسىلوناغا قوشقان تۆھپىلىرىمۇ ئالاھىدە ئورۇن تۇتىدۇ . مەن تۆۋەندە بارسىلونادا توپ تەپكەن گوللاندىيىلىك توپچىلارنى تونۇشتۇرۇپ ئۆتىمەن .

   1 . يوھان .  كىرويېف        (     1973-يىلىدىن 1978-يىلغىچە     )



   1973-يىلى 8-ئاينىڭ 22-كۈنى ، كىرويېف رەسمىي تۈردە بارسىلونا بىلەن توختام ئىمزالىغان . كىرويېف بارسىلوناغا قوشۇلغان بىرىنچى يىلىلا بىرلەشمە لوڭقىسىنىڭ چىمپىيونلۇقىنى قولغا كەلتۈرگەن . كېيىنكى تۆت يىل ئىچىدە كىرويېف بارسىلونا بىلەن بىرلىكتە بىر قېتىم بىرلەشمە چىمپىيونلۇقى ۋە بىر قىتىم شاھلىق لوڭقىسى چىمپىيونلۇقىنى قولغا كەلتۈرگەن . 1978-يىلى 5-ئاينىڭ 27-كۈنى بارسىلونادا رەسمىي چېكىنگەنلىكىنى ئېلان قىلغان .

   2 . يوھان . نېسكېنىس      (     1974-يىلىدىن 1979-يىلىغىچە     )



   يوھان . نېسكېنىس 1974-يىلى بارسىلوناغا قوشۇلۇپ ، كىرويېف بىلەن قايتا سەبداشلىق ھاياتىنى باشلىغان . ئۇ بارسىلونادا ، بىر قېتىم ياۋروپا غالىپلار لوڭقىسى چىمپىيونلىقى ۋە بىر قېتىم شاھلىق لوڭقىسى چىمپىيونلۇقىنى قولغا كەلتۈرگەن . شۇنداقلا  ‹‹  ئىسپانىيە يىللىق پۇتبول پۇتبول ئەپەندىسى ›› شەرىپىگە ئېرىشكەن تۇنجى چەتئەللىك توپچى بولۇپ قالغان . ئۇ بارسىلونادىكى 5 پەسىللىك پۇتبولچىلىق ھاياتىدا 141 مەيدان مۇسابىقىغە قاتنىشىپ 35 توپ ئۇرغان .

   3 . رونالدو . كومان      (     1989-يىلىدىن 1995-يىلىغىچە     )



   كومان 1989-يىلى بارسىلوناغا قوشۇلغان . بارسىلونادىكى كومان پەقەت مۇستەھكەم مۇداپىيسى بىلەن داڭلىق بولۇپلا قالماي ، ئۇرۇپ كىرگۈزگەن نادىر توپلىرى بىلەنمۇ كىشىلەرنىڭ قەلبىدىن چوڭقۇر ئورۇن ئالغان . ئۇ بارسىلونادىكى پۇتبولچىلىق ھاياتىدا 192 مەيدان مۇسابىقىغە قاتنىشىپ 67 توپ ئۇرۇپ كىرگۈزگەن . كىشىلەر قەلبىدىن ھېلىھەم ئۆچمىگەن 1992-يىلدىكى ياۋروپا ئۇزغۇنلۇق ھەل قىلغۇچ مۇسابىقىسىدىكى ھەل قىلغۇچ توپى بىلەن بارسىلونانىڭ ياۋروپا ئۇزغۇنى بولۇش ئارزۇسىنى ئەمەلگە ئاشۇرغان ، شۇنداقلا بارسىلونا پۇتبول مەستانىلىرى قەلبىدىكى مەڭگۈلۈك قەھرىمانغا ئايلانغان . شۇ مەزگىلدىكى بىردىنبىر ئوخشىمىغان ئىككى كۇلۇبتا ياۋروپا ئۇزغۇنلۇق لوڭقىسىنى كۆتۈرگەن توپچى بولۇپ قالغان .

   4 . رېچارد . ۋېزگې     (     1991-يىلىدىن 1993-يىلىغىچە     )



   كىچىكلا نام قازانغان ‹‹ ئالتۇن ئۆسمۈر ›› رېچارد . ۋېزگې ، بېرىگكامپ ۋە بىرايىن . رويلار بىلەن ‹‹ يېڭى ئۈچ قىلىچۋاز ›› دەپ تەرىپلەنگەن . 1993 - 1991 -يىلىغىچە بارسىلونادا توپ تەپكەن ۋېزگې ، ‹‹ چۈش كوماندىسى ›› نىڭ ئاساسلىق تۆھپىكارلىرىنىڭ بىرى ھېسابلىنىدۇ .

   5 . دېبور ئاكا-ئۇكىلار     (    1999-يىلىدىن 2000-يىلىغىچە ، 1999-يىلدىن 2003-يىلىغىچە     )



   دېبور ئاكا-ئۇكىلار گوللاندىيە دۆلەت كوماندىسى ۋە بارسىلونا كوماندىسىدىكى داڭلىق قوشكېزەك توپچىلار . ئىنىسى رونالدو . دېبورنىڭ مەيداندىكى ئورنى ھۇجۇمسىمان ئوتتۇرا مەيدان ۋە ھۇجۇمچى . ئاكىسى فىرانك بولسا ئوتتۇرا مۇداپىيىچى بولۇپ ، ئوڭ قانات مۇداپىيە ئورنىدىكى ئىپادىسىمۇ ئىنتايىن قالتىس . كەسپى ھاياتىدا ئاكىسى فىرانكنىڭ ئۇتۇقلىرى ئىنىسىدىن ئۈستۈن تۇرىدۇ . 1998-يىلىدىكى فىرانسىيە دۇنيا لوڭقىسى مۇسابىقىسىدىكى دېبورنىڭ ئىپادىسى ھەممىنىڭ كۆزىنى چاقناتقان .

   6 . جوردى . كىرويېف     (      1993-يىلىدىن 1996-يىلىغىچە     )



   1974-يىلى تۇغۇلغان كىچىك كىرويېف دەسلەپكى مەزگىللەردە زور ئۈمىدلىك چولپان دەپ قارالغان ، ئۇنىڭ بارسىلونادىكى قىسقىغىنە ھاياتى دادىسىغا سېلىشتۇرۇشقا ھەقىقەتەن ئاجىز كېلىدۇ . دادىسىنىڭ بارسىلونا تېرىنېرلىقىدىن ئايرىلىشىغا ئەگىشىپ كىچىك كىرويېف بارسىلونادىن ئايرىلىپ ، مانچىستېر بىرلەشمىسىگە قوشۇلىدۇ . لېكىن كۆپىنچە ۋاقتى سېرتا كۇلۇبىدا ئىجارە ھالەتتە توپ تېپىش بىلەن ئۆتىدۇ . 2000-يىلى ئالاۋېس كۇلۇبىغا قوشۇلىدۇ ، بىراق بۇ كۇلۇبنىڭ دەرىجە چۈشۈپ كېتىشى كىچىك كىرويېفنى يەنە سەرگەردانلىق يولىغا ھەمراھ قىلىپ قويىدۇ ۋە ئىسپانىيىلىكلەر كۇلۇبىغا قوشۇلىدۇ . 2006-يىلىغا كەلگەندە سەرگەردانلىقنىڭ داۋامى ئوكرائىنا مىتالورگ كۇلۇبىغا مەركەزلىشىدۇ . ئەپسۇس ، بۇ كۇلۇبغا قوشۇلۇپ ئۇزۇن بولماي يارىلىنىپ ، ئاخىرى چېكىنىشنى قارار قىلىدۇ . ھازىر كىچىك كىرويېف دادىسىنىڭ نامىدىن پايدىلىنىپ پۇل تېپىشقا كىرىزىپ كەتتى . ھازىر ئۇ ئىسپانىيەدە كىرويېف نامىدىكى ئاياق تىجارىتىنى قىلماقتا .


   7 . داننى . موللېر     (     1988-يىلى     )



   داننى . موللېر كىشىلەرگە تازا تونۇشلۇق ئەمەس . كىرويېفنىڭ بارسىلونا تېرىنېرلىقىنى قولىغا ئېلىشى بىلەن بىر قىسىم گوللاندىيەلىك توپچىلار لاماسسىيا ۋە بارسىلونا كوماندىلىرى تەركىبىگە قوشۇلۇشقا باشلىغان . داننى . موللېرمۇ دەل مۇشۇلارنىڭ بىرسى . داننى . موللېر شۇ ۋاقتىدا كىرويېفنىڭ قىزىنىڭ ئوغۇل دوستى ئىدى . لېكىن بارسىلونا بىرىنچى كوماندىسىغا ئۆرلىشىگە توسالغۇ بولۇۋاتقان كۈچلۈك رەقىبى دەل بىلانوۋا ئىدى . كېيىنكى ۋاقىتلاردا ئۇنىڭ كىرويېفنىڭ قىزى بىلەن بولغان مۇناسىۋىتىنىڭ ئۈزۈلۈشى ۋە ئىپادىسىنىڭ بىلانوۋاغا يەتمەسلىكى سەۋەبىدىن بارسىلونادىن ئايرىلغان .

   8 . مايكول . رېزگېر     (     1997-يىلىدىن 2004-يىلىغىچە     )



   مايكول . رېزگېر گوللاندىيە زەردارى ئاياكېس كوماندىسى مەشىق بازىسىدىن چىققان مۇنەۋۋەر توپچىلارنىڭ بىرى . ئۇ 12 ياش ۋاقتىدا ئاياكېس ئۆسمۈرلەر كوماندىسىغا تاللانغان . 1990-يىلى ئاياكېس بىرىنچى كوماندىسىغا ئۆرلەپ چىققان . 1996-يىلىغا كەلگەندە ئىتالىيە بىرلەشمىسى زەردارى مىلان كۇلۇبىغا يۆتكەلگەن . بىراق يارىلىنىش ۋە مىلان شەھرىگە كۆنەلمەسلىك سەۋەبىدىن ئىپادىسى تازا تۇراقلىق بولمىغان . مىلاندىكى مۇۋاپىقىيەتسىز بىر پەسىلنى ئۆتكۈزۈپ بولۇپ ، بارسىلونا قوشۇلغان . ئۇ بارسىلوناغا كەلگەندىن كېيىن ھەقىقى تۈردە ئۆزىنى نامايان قىلىپ ، بارسىلونا مەستانىلىرىنى قايىل قىلغان . ئۇ بارسىلونادىكى يەتتە يىللىق كەسپىي ھاياتىدا 2 قېتىم بىرلەشمە چىمپىيونلۇقى ۋە بىر قېتىم شاھلىق لوڭقىسى چىمپىيونلۇقىنى قولغا كەلتۈرگەن .

   9 . رود . خېسىپ     (     1997-يىلىدىن 2000-يىلىغىچە     )



   رود ، خېسىپ 8 يېشىدا گوللاندىيە زەردارى ئېيىنخوۋېن كۇلۇبى ئۆسمۈرلەر كوماندىسىغا قوشۇلغان . 1997-يىلىغا كەلگەندە بارسىلونا كۇلۇبىغا قوشۇلۇپ ، بارسىلونا مەستانىلىرى قەلبىدىكى تۆھپىكار قاپقىچىغا ئايلانغان . 1998-يىلى 4-ئاينىڭ29-كۈنى ، بۇ بارسىلونا قاپقىچىسى بارسىلونانىڭ تارىخىنىڭ بىر قىسىمىغا ئايلانغان . ئۇنىڭ مالوركا توپچىسى ئېسكورېسانىڭ تەپكەن نوقتا توپىنى توسۇۋېلىشى ، بارسىلونانى 39 يىلدىن كېيىنكى يەنە بىر قېتىملىق قوش تاج كىيىش شەرىپىگە ئېرىشتۈرگەن .

   10 . ۋېنىستون . بوگاردې     (     1997-يىلىدىن 2000-يىلىغىچە     )



   1998 \ 1997 -يىللىق مۇسابىقە پەسلىدە بوگاردې مىلانغا قوشۇلغان . لېكىن بۇ مۇداپىيىچى مىلاندىكى مۇداپىيەچى ئورنىدىكى رىقابەتنىڭ كۈچلۈك بولۇشى سەۋەبىدىن 3 ئايدىن كېيىنلا بارسىلونا كۇلۇبىغا قوشۇلغان . ئۇ يۇرتىدىكى تۆۋەن دەرىجىلىك بىرلەشمىدە پۇتبولچىلىق ھاياتىنى باشلىغان . شۇ ۋاقىتتىكى بوگاردې ھۇجۇمچى بولۇپ ، توپ ئۇرۇش ئۈنىمىنىڭ يۇقىرىلىقى بىلەن ئاياكېس كوماندىسىنىڭ دېققىتىنى تارتقان . ئاياكېس كوماندىسىغا قوشۇلغاندىن كېيىن ئۇنىڭ مۇداپىيە ئېڭىنىڭ يۇقىرىلىقى بىلەن ئوتتۇرا مۇداپىيىچى ئورنىنى سىناق تارىقىسىدە ئويناپ تېرىنېرنىڭ ئېتراپ قىلىشىغا ئېرىشكەن ۋە شۇندىن بۇيان ئوتتۇرا مۇداپىيىچى بولۇپ ، كەسپىي ھاياتىنىڭ ئاخىرىغىچە ئوتتۇرا مۇداپىيىچى بولۇپ ئوينىغان . ئۇ بارسىلونادىن ئايرىلغاندىن كېيىن چېلسىغا قوشۇلۇپ ، چېلسىدىن چېكىنگەن . ئۇ ھازىر گوللاندىيىدىكى ھەر خىل روك مۇزىكا كېچىلىكلىرىنىڭ ئۇيۇشتۇرغۇچىسى .

   11 . بودۋېن . زېندېن     (     1998-يىلىدىن 2000-يىلىغىچە     )



   1997-يىلى زېندېن گوللاندىيە بىرلەشمىسى ‹‹ يىللىق ئەڭ مۇنەۋۋەر ماھىر ›› شەرىپىگە ئېرىشكەن . 1998-يىلى فىرانسىيە دۇنيا لوڭقىسى مۇسابىقىسغا قاتناشقان . دۇنيا لوڭقىسى مۇسابىقىسىدىن كېيىنلا بارسىلوناغا قوشۇلغان . بارسىلونادىكى ئىپادىسىمۇ ئىنتايىن ياخشى بولغان . ھەممەيلەنگە تونۇشلۇق بولغان بۇ چولپان چېلسى ، لىۋېرپول قاتارلىق داڭلىق كوماندىلاردىمۇ توپ تەپكەن . كېيىن ئۇ بېنتېسنىڭ ياردەمچىسى بولۇپ چېلسىنى يېتەكلىگەن .

   12 . فېلىپ . كوكۇ     (     1998-يىلىدىن 2004-يىلىغىچە     )



  ئۇ  1999 \ 1998-يىللىق مۇسابىقە پەسلىدە بارسىلوناغا قوشۇلغان . ئۇ بارسىلونا بىلەن بىرلىكتە بىر قېتىم بىرلەشمە چىمپىيونلۇقىنى قولغا كەلتۈرگەن . ئۇنىڭ ئوتتۇرا مەيداننى كونتىرول قىلىشى ، ئارقا بەلدىكى قاتتىق مۇداپىيىسى ، يىراقتىن توپ ئۇرۇش ئۈنىمىنىڭ يۇقىرىلىقى بۇ كۆپ قىرىق جەڭچىنى تېلا بارسىلونانىڭ بىر ھۆجەيرىسىگە ئايلاندۇردى . كوكۇ ھەممىگە تونۇشلۇق بارسىلونا جەڭچىسى . 2004-يىلى 6-ئايدا ئۇ بارسىلونادىن ئايرىلىپ كونا ئائىلىسى ئېيىنخوۋېن كۇلۇبىغا قايتىدۇ . ئۇ بارسىلونادىكى 6 پەسىل جەريانىدا ، 203 مەيدان بىرلەشمە مۇسابىقىسىغا قاتنىشىپ 31 توپ ئۇرغان . ئۇزغۇنلۇق مۇسابىقىسىدا 42 مەيدان مۇسابىقىغا قاتنىشپ 5 توپ ئۇرغان . ئۇيۇشما لوڭقىسى مۇسابىقىسىغا 5 مەيدان قاتنىشىپ 1 توپ ئۇرغان .

   13 . پاترېك . كىلويۋېرت     (     1998-يىلىدىن 2004-يىلىغىچە     )



   كىلويىۋېرتنىڭ بارسىلونا قوشۇلۇشى بارسىلونا ھۇجۇم سېپىگە يېڭىچە ھاياتى كۈچ بېغىشلىغان . ئۇ بارسىلوناغا قوشۇلغان بىرىنچى پەسلىلا كوماندا بىلەن بىرلىكتە بىرلەشمە چىمپىيونلۇق لوڭقىسىنى كۆتۈرگەن . ئۇنىڭ بارسىلونادىكى پۇتبولچىلىق ھاياتىنى مۇۋاپىقىيەتلىك بولدى دەپ قاراشقا بولىدۇ . كىشىلەر تەرىپىدىن ئىشەنچلىك چولپان سانالغان بۇ چولپان ۋاقىتنىڭ ئۆتۈشى بىلەن بۇرۇنقى ئىپادىسىگە قايتالماي ، بىر نەچچە كۇلۇب ئالمىشىپ ئاخىرى ئېيىنخوۋېنغا قايىتىپ توپ تەپكەن .

   14 . مارك . ئوۋېرماس     (     2000-يىلىدىن 2004-يىلىغىچە     )



   2000-يىلى بۇ ‹‹ ئۇچقۇر پالۋان ›› 36 مىليون ياۋرولۇق يۇقىرى باھا بىلەن ئارسىنال كۇلۇبىدىن بارسىلوناغا قوشۇلغان ، شۇنداقلا شۇ ۋاقىتتىكى يۆتكۈلۈش باھاسى ئەڭ يۇقىرى گوللاندىيىلىك توپچى ۋە بارسىلونادىكى يۆتكۈلۈش باھاسى ئەڭ يۇقىرى توپچى بولۇپ قالغان . 2004-يىلى 7-ئاينىڭ26-كۈنى ، مارك ئوۋېرماس بارسىلونادا يارىلىنىش سەۋەبىدىن رەسمىي چېكىنگەنلىكىنى ئېلان قىلغان . بۇ 31 ياشلىق چولپان مۇشۇنداق بالدۇرلا چىملىقتىن ئايرىلغان . ئۇ مۇخبېرلارنى كۈتۈۋېلىش يىغىنىدا : ‹‹ مېنىڭ پۇتبولچىلىق ھاياتىم ئاخىرلاشتى . مېنىڭ تىزىمنىڭ يارىلىنىشى ماڭا كۆپ قولايسىزلىقلارنى ئېلىپ كەلدى ۋە ئەسلىدىكى ئىپادەمنى تېپىشىمغا ئەڭ چوڭ توسالغۇ بولدى . مېنىڭ بارسىلونا كۇلۇبى بىلەن يەنە بىر يىللىق توختامىم بار . لېكىن مەن بۇ بىر يىللىق توختام ئۈچۈن ھېچ قانداق ھەق تەلەپ قىلمايمەن !~ ›› دەپ ئىپادە بىلدۈرگەن .

   15 . ۋان . بىرونكخوست     (     2003-يىلىدىن 2007-يىلىغىچە     )



   2004 \ 2003-يىللىق مۇسابىقە پەسلىدە ، ۋان . بىرنكخوست ئارسىنالدىن بارسىلوناغا قوشۇلغان . ئۇ بارسىلوناغا قوشۇلغان تۇنجى پەسىلدىن باشلاپلا بارسىلونانىڭ سول قانات مۇداپىيە ئورنىنىڭ ھۆددىسىدىن چىقىپ تېزلا مەيداندىكى ئورنىنى مۇستەھكەملىگەن . ۋان . بىرونكخوست كۆپ قىرلىق جەڭچى بولۇپ ئوتتۇرا مەيداندىكى ھەر قايسى ئورۇنلارنىڭ ھۆددىسىدىنمۇ تامامەن چىقىپ كېتەلەيدۇ . رېجىكاردنىڭ كېتىشى بىلەن بۇ ئەڭ ئاخىرقى گوللاندىيە جەڭچىسى ئاز ۋاقىت ئۆتۈپلا بارسىئلونادىن ئايرىلغان .

   16 . ئېدگار . سىتېۋېن . داۋدېس     (     2004 -يىلى    )



   2004-يىلى ، داۋدېس كۇلۇب بىلەن مۇئاش مەسىلىسىدە بىرلىككە كېلەلمىگەنلىكتىن ، قىشلىق يۆتكۈلۈش بازىرىدا بارسىلوناغا ئىجارىگە بىرىۋېتىلدى . گەرچە داۋدېسنىڭ بارسىلوناندىكى كۈنلىرى ئىنتايىن قىسقا بولغان بولسىمۇ ، لېكىن بارسىلونا مەستانىلىرىنىڭ ياقتۇرۇشىغا مۇيەسسەر بولدى . 2004-يىلى داۋدېسنىڭ يۇۋېنتۇس كۇلۇبى بىلەن بولغان توختامى توشقانىدى . بارسىلونا بىلەن ئېنتېر ئىككىسى داۋدېسنى قوشۇۋېلىشقا ئاتلانغانىدى ، بىراق ئېنتېرنىڭ بېرىدىغان مۇئاشى بارسىلونادىن يۇقىرى بولغانلىقتىن داۋدېس ئېنتېرنى تاللىغانىدى .

   17 . ۋان . بوممېل      (     2005-يىلىدىن 2006-يىلىغىچە     )



   2005-يىلى ، بۇ ‹‹ كېچىكىپ ئېچىلغان گۈل ›› بارسىلوناغا ئەركىن توپچى ھالەتتە قوشۇلدى . قاۋۇل بەستى ، ئالاھىدە تېخىنىكىسى ، كۈزىتىش ئىقتىدارىنىڭ ئالاھىدە بولۇشى بىلەن بارسىلونا جەڭ سېپىدىكى موھىم ھالقىلىق جەڭچى بولۇپ قالغانىدى . ۋان . بوممېل بارسىلونادىكى بۇ بىر يىللىق پۇتبول ھاياتىدا بىرلەشمە ۋە ئۇزغۇنلۇق لوڭقىسىنى كۆتۈردى . كېيىنكى پەسىل زاپاس بولۇشنى خالىمىغان بۇ جەڭچى بايرېن مىيونخىن كۇلۇبىغا يۆتكۈلۈپ كەتتى .

   18 . ئىبراھىم . ئافېللاي     (    2010-يىلىدىن ھازىرغىچە     )



   2010-يىلى 12-ئاينىڭ 26-كۈنى ، ئىبراھىم . ئافىللاي 4 مىليون ياۋرولۇق باھا بىلەن بارسىلوناغا قوشۇلدى ۋە 2015-يىلىغىچە توختام تۈزدى . بارسىلونادەك ھۇجۇم سېپى كۈچلۈك كوماندىدا ئافىللاي تېخى نوتا ئەزا ئىدى . پېدرونىڭ زاپاس ئەزاسى سۈپىتىدە بىر قانچە مەيدان مۇسابىقىغە قاتنىشىپ بارسىلونا مەستانىلىرىنىڭ ئېتراپ قىلىشىغا ئېرىشتى . 2011-يىلى 9-ئايدا ئافىللاينىڭ تىزى يارىلىنىپ 6 ئاي دەم ئېلىشقا توغرا كەلدى . ئەمدىلا بارسىلونا سېپىگە سىڭىشىۋاتقان ۋە ئاساسى ئورۇن ئۈچۈن تىرىشىۋاتقان بۇ توپچى ئۈچۈن بۇ يارىلىنىش كۆپ نەرسىدىن مەھروم قىلىشى مۆمكىن ئىدى . 2012-يىلى 8-ئاينىڭ 31-كۈنى شارىك04 كوماندىسىغا ئىجارە شەكلىدە قوشۇلۇپ ، يارىلىنىش ۋە 04شارىك كۇلۇبى دوختۇرىدىن نارازى بولۇش سەۋەبلىك 2013-يىلى 2-ئاينىڭ 26-كۈنى بارسىلوناغا قايتىپ كەلدى . ھازىر ئۇ گىرىتسىيە بىرلەشمىسى زەردارى ئولىمپىكىياس كۇلۇبىغا بىر يىللىق ئىجارىگە بىرىۋېتىلدى . بارسىلونادىكى بىردىنبىر گوللاندىيىلىك ئافىلاي ئېسىل ئىپادىسى بىلەن بارسىلونا سېپىدىن يەنە ئورۇن ئالالامدۇ-يوق ؟؟ بۇنى پەقەت ۋاقىت بەلگىلەيدۇ .

8899kaysar

ئافىلاي ئەمدى باشقا كۇلۇپقا يۆتكەلمىسە  بولمىدى   

genral

ئافىلاي بىلەن دەيۋىستىن باشقىنى تۇنمايدىكەنمەن

ablatjan

كوكۇغا ھەممىدىن بەكرەك قايىلمەن. ئۇ ھەقتىكى تېماممۇ پات يېقىندا روياپقا چىققۇسى. كوماننىڭ يىراقتىن تەپكەن ھېلىقى توپى تاھازىرغىچە ئېسىمدە

nayil

ablatjan يوللىغان ۋاقتى  2014-9-20 15:43
كوكۇغا ھەممىدىن بەكرەك قايىلمەن. ئۇ ھەقتىكى تېماممۇ پا ...

تېمىڭىزنى ساقلايمىز !!~ كوكۇنىڭ مەيلى ئارسىنال ۋە مەيلى بارسىلونادىكى ئىپادىسى ھەقىقەتەن قالتىس بولغان .

7RoNALDo

ئافىللاي زايە كەتتى

جاغىستاي120

ئافىللەي بارىسلونادىن ئايرىلىپ بۇلدىغۇ

TIKI_TAKA

laqin1

ئافىلاي بارسىلونادىن ئىجارە شەكلىدە كىتىپتىكەندە.

nayil

laqin1 يوللىغان ۋاقتى  2014-9-20 16:26
ئافىلاي بارسىلونادىن ئىجارە شەكلىدە كىتىپتىكەندە.

بۇ يىل ساتىمىز دەپ يەنە بىر يىللىق ئىجارىگە بېرىۋەتتى . بولسا بارسىلونادا قېپ قالسا بولاتتى . ھازىر بارسىلونادىكى بىردىنبىر مۇسۇلمان توپچى مۇشۇ بولۇپ قالدىغۇ دەيمەن .

تنمتاس998

يكۇم مۇنبەرداشلار؟ مەن مۇنبەرگە سىرىتتىن قاتنىشىپ زىيارەت قىلۋاتقىلى 5يىلدىن ئاشتى. بىر يىرىم ئاينىڭ ئالدىدا مۇنبەرگە رەسمى ئەزا بوپ كىرگەن،ھەم ئازدۇر-كۆپتۇر تىمىلارنىمۇ يوللىغان .مۇنبەردىكى ئىسمىم    سۈكۈت998  ئېدى. بىراق مەخپى نۇمۇرنى ئۇنتۇپ قىلىش سەۋەبىدن  مۇنبەرگە كىرەلمىدىم. قانداق قىلسام  مەخپى نۇمۇرنى قايىتتۇرۇپ ئەكىلەلەيمەن؟
مۇشۇ ھەقتە مەسلىھەت بەرسەڭلار

تنمتاس998

ئەسسالامۇ ئەلەيكۇم مۇنبەرداشلار؟ مەن مۇنبەرگە سىرىتتىن قاتنىشىپ زىيارەت قىلۋاتقىلى 5يىلدىن ئاشتى. بىر يىرىم ئاينىڭ ئالدىدا مۇنبەرگە رەسمى ئەزا بوپ كىرگەن،ھەم ئازدۇر-كۆپتۇر تىمىلارنىمۇ يوللىغان .مۇنبەردىكى ئىسمىم    سۈكۈت998  ئېدى. بىراق مەخپى نۇمۇرنى ئۇنتۇپ قىلىش سەۋەبىدن  مۇنبەرگە كىرەلمىدىم. قانداق قىلسام  مەخپى نۇمۇرنى قايىتتۇرۇپ ئەكىلەلەيمەن؟
مۇشۇ ھەقتە مەسلىھەت بەرسەڭلار.