ئومۇمى يازمىسى: |
ھوقۇق چېكى: 1 |
جۇغلانمىسى: 15 |
تۆھپىسى: سەر |
|
9-ئاينىڭ 18-كۈنى ۋاڭيى تەنتەربىيەسى خەۋىرى نۇر تورى تەرجىمىسى: تۈنۈگۈن ( 9-ئاينىڭ 17-كۈنى ) ئارگېنتىنالىق چولپان مېسسىنىڭ بارسېلونا كوماندىسىغا كەلگىنىگە دەل 14 يىل بولغان خاتىرە كۈنى. تۆت نۆۋەتلىك «ئالتۇن توپ» مۇكاپاتنى ئالغان بۇ دەرىجىدىن تاشقىرى ھۇجۇمچى بارسېلونا كوماندىسدا ئۆچمەس ئىزىنى قالدۇردى. بۇ يەردە سەبداشلىرى، مەشقاۋۇل ۋە توپ مەستانىلىرىنىڭ قوللىشىغا ۋە ھۆرمىتىگە ئېرىشتى. مېسسى 2000-يىلى 9-ئاينىڭ 17-كۈنى بارسېلونا كولۇبىغا كەلگەندىن بۇيان ھازىرغا قەدەر ئالتە قېتىم ئىسپانىيە ئا دەرىجىلىكلەر بىرلەشمىسنىڭ چىمپىيونى ۋە ئۈچ قېتىم ياۋروپا چىمپىيونلۇق بىرلەشمىسنىڭ چىمپىيونى بولدى. ئۇنىڭدىن باشقا كۆپلىگەن شەرەپلەرگە ئېرىشتى. ھەمدە مۇشۇ نەتىجىسى بىلەن دۇنيا پۇتبول تارىخىدا ئېرىشكەن شەرىپى ئەڭ كۆپ توپچى بولۇپ قالدى.
2000-يىلى 9-ئاينىڭ 17-كۈنى 13 ياشقا كىرگەن مېسسى بارسېلونا كولۇبىنىڭ لاماسىيا توپچى تەربىيلەش مەركىزىگە قوبۇل قىلىنغان بولۇپ، شۇنىڭدىن باشلاپ ئۆزىنىڭ رىۋايەتلىك يولىنى باسقان. مېسسى مۇنداق دىگەن: «مەن 2000-يىلى 9-ئاينىڭ 17-كۈنى بارسېلوناغا كەلدىم. بۈگۈن مېنىڭ بارسېلونا كولۇبىغا كەلگەن 14 يىللىق خاتىرە كۈنۈم. كوماندىدىكى سەبداشلىرىمغا، مېنى قوللىغان بارلىق كىشىلەرگە رەھمىتىمنى بىلدۈرىمەن. سىلەر بىلەن ھەمىكارلىشىپ ناھايىتى ياخشى ۋاقىتلارنى ئۆتكۈزدۈم»
2004-يىلى مېسسى بىرىنچى سەپ كوماندىغا تاللىنىپ چىقىپ قالتىس ئىپادىسى بىلەن دۇنياغا تۇنۇلدى. ھازىر مېسسىنى پەقەت كىرىستىئانو رونالدو بىلەنلا سېلىشتۇرۇشقا بۇلىدۇ. مېسسى مۇشۇ 14 يىل جەريانىدا بارسېلونا كوماندىسغا ۋاكالىتەن 460 مەيدان مۇسابىقىگە قاتنىشىپ 367 توپ كىرگۈزگەن.
|
|