جۇڭگو پۇتبولچىلار جەمئىيىتى لوڭقىسى خەۋىرى

گىرمان

8-ئاينىڭ 6-كۈنى چۈشتىن كېيىن ئۈرۈمچى ۋاقتى سائەت « 5:30 » مىنوت ئۆتكەندە، 2014-يىللىق جۇڭگو پۇتبولچىلار ئۇيۇشمىسى تۆت كۈچلۈككە كىرىشتىكى بىر مەيدان مۇسابىقە ئېلىپ بېرىلىپ، بېيجىڭ ئامانلىق كوماندىسى ئۆز مەيدانىدا شەندوڭ لۇنىڭ كوماندىسىنى كۈتىۋالدى.
ئالدىنقى يېرىم مەيدان مۇسابىقە داۋاملىشىپ 34 مىنوت بولغاندا بېيجىڭ ئامانلىق كوماندىسىدىكى چەتئەللىك داڭلىق ھۇجۇمچى ئەلىتون قىيىنلىق دەرىجىسى يۇقىرى توپتىن بىرنى ئۇردى. شەندۇڭ لۇنىڭ كوماندىسمۇ كۈچلۈك ھۇجۇم قىلدى. كېيىنكى يېرىم مەيدان مۇسابىقە 74 مىنوتقا قەدەم قويغاندا شەندۇڭ لۇنىڭ كوماندىسى توپ كىرگۈزۈپ نومۇرنى تەڭلەشتۈرىۋالدى. بۇ توپنى چەتئەللىك ھۇجۇمچى دوس سانتوس كىرگۈزدى. كېيىن ھەر ئىككىلا كوماندا خېلى تىركەشكەن بولسىمۇ ئەمما توپ ئۇرالماي ئىككى تەرەپ 1 : 1 نەتىجە بىلەن تەڭلىشىپ قالدى. ھەمدە نۇقتا توپ جېڭىگە تەييارلاندى. بۇ جەڭدە شەندۇڭ لۇنىڭ 5 : 3، ئومۇمىي نومۇردا 6 : 4 نەتىجە بىلەن بېيجىڭ ئامانلىق كوماندىسنى شاللاپ كېيىنكى باسقۇچقا قەدەم قويدى. ( ئىككى كوماندىدىن بىردىن توپچى قائىدىگە خىلاپلىق قىلىپ قىزىل كارتا بىلەن مەيداندىن چىقىرىۋېتىلدى )

ئوخشاش بىر ۋاقىتتا ئېلىپ بېرىلغان يەنە بىر مەيدان مۇسابىقىدە شاڭخەي يېشىل بەلباغ كوماندىسى ئۆز مەيدانىدا شاڭخەي شېن شىن كوماندىسى بىلەن مۇسابىقىلەشتى. 90 مىنوتلۇق كەسكىن تىركىشىشتىن كېيىن شاڭخەي يېشىل بەلباغ كوماندىسى 4 : 2 نەتىجە بىلەن رەقىبىنى يېڭىپ  پۇتبولچىلار ئۇيۇشمىسى تۆت كۈچلۈككە كىرىپ كەتتى. شاڭخەي يېشىل بەلباغ كوماندىسىدىكى ئىككى چەتئەللىك توپچى ئىككىدىن توپ ئۇردى. قارشى تەرەپ كوماندىنىڭ چەتئەللىك ھۇجۇمچىسى ئىككى توپ كىرگۈزدى. يېرىم ھەل قىلغۇچتا شاڭخەي يېشىل بەلباغ كوماندىسى ئاۋال ساھىبخان كېيىن مېھمان مەيدانىدا جىياڭسۇ شۈنتىيەن كوماندىسى بىلەن ئوينايدۇ


بۈگۈن ئېلىپ بېرىلغان يەنە بىر مەيدان تۆت كۈچلۈككە كىرىش مۇسابىقىسدە جۇڭگو ئا دەرىجىلىكلەر بىرلەشمىسىدىكى چىڭداۋ سۇ كالىسى كوماندىسى ئۆز مەيدانىدا دەرىجىدىن تاشقىرىدىكى خېنەن قورۇلۇش كوماندىسنى كۈتىۋالدى. ئىككى كوماندا 90 مىنوتلۇق مۇسابىقە جەريانىدا بىردىن توپ كىرگۈزۈپ تەڭلىشىپ قالدى. كېيىن نوقتا توپ تېپىپ ئاخىردا چىڭداۋ سۇ كالىسى كوماندىسى 6 : 5 نەتىجە بىلەن خېنەننى شاللاپ تۆت كۈچلۈككە كىردى. چىڭداۋ كوماندىسىدىكى شاۋكەت، خېنەندىن ئابدۇۋېلى بۇ ئىككى قېرىندىشىمزمۇ مەيدانغا چىقتى.  ، تىرىشىپ ئوينىدى. ئىپادىسى ياخشى بولدى .  نوختا توپ تېپىش باسقۇچىدا ئابدۇۋېلى نوختا توپنى ئۇرۇپ كىرگۈزگەن بولسىمۇ ، تۇنجى توپنى چىڭداۋ دېڭىز كالىسى قاپقاقچىسى توسىۋالغانلىقى ئۈچۈن ، بۇ مەيدان مۇسابىقىدە چىڭداۋ دېڭىز كالىسىغا ئۇتتۇرۇپ قويدى ، شۇنداق قىلىپ شاۋكەت خىڭدانى كەينىگە تاشلاپ قويۇپ 4 كۈچلۈككە كىرىپ كەتتى .

8-ئاينىڭ 6-كۈنى چۈشتىن كېيىن سائەت « 3:30 » مىنوت ئۆتكەندە چىڭداۋ جوڭنېڭ كوماندىسى ئۆز مەيدانىدا جىياڭسۇ شۈنتىيەن كوماندىسى بىلەن مۇسابىقىلەشتى. دەسلەپتە چىڭداۋ جوڭنېڭ كوماندىسى توپ كىرگۈزۈپ ئۈستۈنلۈككە ئۆتتى. كېيىن جىياڭسۇ شۈنتىيەن توختىماي ھۇجۇمغا ئۆتۈپ ئىككى توپ ئۇردى. ھەمدە 2 : 1 نەتىجە بىلەن چىڭداۋ جوڭنېڭنى يېڭىپ تۆت كۈچلۈككە كىردى.
يېرىم ھەل قىلغۇچ :
شەندۇڭ لۇنىڭ vs چىڭداۋ سۇ كالىسى
شاڭخەي يېشىل بەلباغ vs جىياڭسۇ شۈنتىيەن


مەنبە  : نۇر تورى

ئۇچقۇنى

Qashqari يوللىغان ۋاقتى  2014-8-7 15:30
كەسپى پۇتبۇل مۇنبىرىنىڭ بولمىغاندىكىن ئۇنىڭ ئۇستىگە  ...

باشقىلار ئەجىر قىلىپ يازغان تىمىنى سىز قىينالمايلار بۇ يەرگە كۆچۆرۆپ ئەكىلىپ قويسىڭىز توغرا بولامدۇ ؟  نۇر تورىدىكى تىمىلارنى مەخسۇس موئاش ئالىدىغانلار يازىدۇ ،ئۇلارنىڭ ئەمگىكىگە ھۆرمەت قىلماي كۆچۆرۆپ قويسا توغرا بولماس .
خەنچە سەۋىيىڭىز بولمىسا سىزنى ھېچكىم تىما ياز دەپ زورلىمىدى ، باشقىلار يازغان تىمىنى ئوقۇسىڭىز ، ئىنكاس يازسىڭىز بولىدۇ  ،لىكىن تىما كۆچۆرۈشكە قەتئىي بولمايدۇ ( ئالاھىدە ئەھمىيەتكە ئىگە تىمىلار بۇنىڭ سىرتىدا )

ئۇچقۇنى

بۇندىن كىيىن تىما كۆچۆرمەڭ

زەردار007

‏كىرگەن ھەممە توپلارنى چەتئەللىك ماھىرلار كىرگۈزۈپتىگۇ

1414

بۇ جۇڭگۇ بىرلەشمىسىدە ھەنىم بولسا چەتئەللىك ماھىرلار بار ئىكەنتۇق بولمىغان بولسا ھەرقانداق مۇسابىقىدە توپ كىرمەي تەڭلىشىپلا نوقتا توپ جېڭىگە چۈشۈپ كېتەتتىكەن

تۈمەن

چەتئەللىكلەر بولمىغان بولسا قانداق قىلارتى

XATKAR886

ئا دەرىجىلىكلەر بىرلەشمىسىدىكى كوماندا دەرىجىدىن تاشقىردىكى كوماندىنى ئۇتۇۋالغان گەپما

قەشقەرىي

مانا بۇ جۇڭگۇ بىرلەشمىسى ئا دەرىجىلىكتىكى كوماندىلار دەرىجىدىن تاشقىرى بىرلەشمىسدىكى كوماندىلانى قارتىپ قويۇپ يىرىم ھەلقىلغۇچقا كىركەتتى. ھەي

كۇلۇب

زەردار007 يوللىغان ۋاقتى  2014-8-7 14:57
‏كىرگەن ھەممە توپلارنى چەتئەللىك ماھىرلار كىرگۈزۈپتى ...

بەسەي يولداشلار قانداقمۇ توپ كىرگۈزەلىسۇن.

زېرەك

قىززىق گەپ قىلدىكەنسىلە باللا، دۇنيادىكى قايسى بىرلەشمىدە چەتئەللىك يوقكەن ؟

زېرەك

قەشقەرىي يوللىغان ۋاقتى  2014-8-7 15:10
مانا بۇ جۇڭگۇ بىرلەشمىسى ئا دەرىجىلىكتىكى كوماندىلار  ...

جوڭگو بىرلەشمىسىدە ئاجىز كۇلۇپ يوق…

دۇل دۇل

بۇنىڭغا گۇاڭجو خىڭدا قاتناشماپتىما ؟

Qashqari

ئۇچقۇنى يوللىغان ۋاقتى  2014-8-7 14:56
بۇندىن كىيىن تىما كۆچۆرمەڭ

كەسپى پۇتبۇل مۇنبىرىنىڭ بولمىغاندىكىن ئۇنىڭ ئۇستىگە نۇر تورى ئۇيغۇرلارنىڭ ئەڭ چوڭ ئۇنىۋىرسال تورى بولغاندىن كىيىن مەنبەنى ئەسكەرتىپ يوللىساق نىمىشقابولمايدۇ ، خەنلەرنىڭكىنىلام مەنبەنى ئەسكەرتىپ تەرجىمە قىلىپ يوللاش شەرىتمۇ ، ھەممەيلەننىڭ شۇنداق يۇقىرى خەنچە سەۋيىمىز بارمۇ ، مىنىڭچە نۇر تورىمۇ بۇنىڭغا كايىپ كەتمەسلىكى بەلكى ئوزىنىڭ نام -شەرپىنىڭ ئىشىۋاتقانلىقى تۇپەيلى سۇكەتتە تۇرشى مومكىن قاچانغىچە ئۇيغۇر توربەتچىلىكرى بىر -بىرسىدىن قىزغىنىپ تەتۇر قارشىپ ئوتىدۇ ئۇنىڭ ئورنىغا بىر -بىرسىنى قوللاپ -قۇۋۋەتلەپ تەجىربىلىرىنى ئالماشتۇرۇپ بىر -بىرسىنى مۇكەممەللەشتۇرۇشكە ئەھمىيەت بەرسە بولمامدۇ .