| ئومۇمى يازمىسى: |
ھوقۇق چېكى: 1 |
| جۇغلانمىسى: 5376 |
تۆھپىسى: سەر |
|
ھازىرقى زامان پۇتبولىنىڭ تېز تەرەققى قىلىشىغا ئەگىشىپ، پۇتبولنىڭ كەسىپلىشىشى بارغانسىرى تېزلەشمەكتە. كەسپى پۇتبولچىلارنىڭ تېخنىكىلىرىنىڭ ئۆسۈشىگە ئەگىشىپ، تاكتىكىلار رولىنى جارى قىلدۇرماقتا. پۇتبول تاكتىكىلىرنىڭ چوڭقۇرلىشىشىغا ئەگىشىپ، ئەنئەنىۋى ئورۇنلارغا يېڭىچە تەلەپلەرنى قويماقتا، ھەمدە يېڭىچە تاكتىكىلار ۋە ئويناش ئۇسۇلى بارلىققا كەلمەكتە. مەسىلەن : كىشىلەرنىڭ مەسلىكى كېلىدىغان تولۇق ئېقتىدارلىق ئوتتۇرا مەيدان توپچىلىرى، ھۇجۇمسىمان يان مۇداپىئەچىلەر، يالغان 9-نۇمۇر قاتارلىقلار.
ھۇجۇم ۋە مۇداپىئە ئارىسىدىكى تولۇق ئىقتىدارلىق ئوتتۇرا مەيدان
ئوتتۇرا مەيدان، ھۇجۇمدىكى ئۈچ رايۇن ۋە مۇداپىئەدىكى ئۈچ رايۇن ئوتتۇرسىنى كۆرسىتىدۇ، يەنى ھۇجۇم ۋە مۇداپىئەنى ئۇلاشتىكى ھالقىلىق رايۇن، مۇسابىقىلەشكۈچى ئىككى تەرەپ كۆرىشى ئەۋجىگە چىقىدىغان رايۇن. بۇ رايۇندا ھەركەت قىلىشقا ئادەتلەنگەن توپچىلار ئادەتتە ئوتتۇرا مەيدان توپچىسى ۋەياكى قىسقارتىلىپ ئوتتۇرا مەيدان دەپلا ئاتىلىدۇ. بۇرۇن، كىشىلەر ئوتتۇرا مەيدان توپچىلىرىنى ئوتتۇرا مەيدان ۋە ئوڭ، سول قانات دەپ ئاتاپ كەلگەن. ئەمما توپ مەيدانىدىكى ئورۇن ناملىرىنىڭ تېخىمۇ ئېنىق بولشىغا ئەگىشىپ، يەنە ھۇجۇمسىمان ئوتتۇرا مەيدان (ئالدى بەل، يان ھۇجۇمچى)، تەشكىللەشچان ئوتتۇرا مەيدان(ئالدى بەل ۋە نەخ ئوتتۇرا مەيدان)، مۇداپىئەسىمان ئوتتۇرا مەيدان (ئارقا بەل) پەيدا بولدى. قىزقارلىقى شۇكى، بۇ تالانتلىق ئوتتۇرا مەيدان توپچىلىرى يالغۇز ئوتتۇرا مەيداندىلا مەيدان تەشكىللىمەستىن، مۇسابىقە رېتىمىگە ئاساسەن ئالدىغا بېسىپ ھۇجۇمغا ياردەملىشىدۇ ۋە ياكى ئارقىغا يېنىپ مۇداپىئەگە ياردەملىشىدۇ.
ھۇجۇم مۇداپىئەدىكى تەڭپۇڭلۇق تەكىتلىنىۋاتقان مۇشۇ كۈنلەردە، ھۇجۇم مۇداپىئە ئوتتۇرسىدىكى زىددىيەت پۇتبول پەلسەپىسى ئايلىنىپ كىتەلمەيدىغان تېمىلارنىڭ بىرسى بولۇپ قالدى. ئەگەر ئوتتۇرا مەيدان توپچىلىرى ھۇجۇمغا كۈچەپ كەتسە، مۇداپىئەچىلەرگە بېسىم بولۇپ قالىدۇ، ئەكسىچە بولغاندا، ھۇجۇمچىلار ئاسانلا قارشى تەرەپ مۇداپىئەچىلىرنىڭ مۇداپىئە رايۇنىغا كىرىپ قېلىپ رولىنى جارى قىلدۇرالمايدۇ. ھۇجۇمنى توختىتىپ قويىدۇ. شۇڭا ھازىرقى زامان پۇتبولىدىكى ئوتتۇرا مەيدان توپچىلىرنىڭ ۋەزىپىسى توپنى ئارقا سەپتىن ھۇجۇمچىغا سەپ بېرىشلا ئەمەس، ئۇلارنىڭ مەيداندىكى رولىنى بوش چاغلاشقا بولمايدۇ، ئۇلار ھەم ھۇجۇمغا ھەم مۇداپىئەگە تەڭ قاتنىشىشى كېرەك. شۇڭا يېڭىچە ئوتتۇرا مەيدان تولۇق ئىقتىدارلىق ئوتتۇرا مەيدان بارلىققا كەلدى. مۇسابىقىلەردە، تولۇق ئىقتىدارلىق ئوتتۇرا مەيدان توپچىلىرى مۇسابىقە رېتىمىگە ۋە تاكتىكىغا ئاساسەن ، بىر قېتىملىق مۇسابىقىدە ئارقا بەل، ئوتتۇرا مەيدان، ئالدى بەل، ۋە ياكى يان تەرەپلەردە پەيدا بولۇپ پاس بېرىشنى تاماملىشى مۇمكىن.
ھازىرغىچە رولىنى يوقاتمىغان ئوتتۇرا مەيدان
تولۇق ئىقتىدارلىق ئوتتۇرا مەيدان (Box to Box Midfielder)، خەت بويىچە چۈشەنسەك، ھۇجۇمغا قاتنىشىدىغان، مەيدان تەشكىللەيدىغان ۋە مۇداپىئەگە قاتنىشىدىغان ئوتتۇرا مەيدان توپچلىرىنى، ئادەتتە نەخ ئوتتۇرا مەيدان (CM) توپچىلىرىنى كۆرسىتىدۇ، ئەمما مۇتلەق ئەمەس. بەزىدە ھۇجۇم ۋە مۇداپىئەگە تەڭ قاتنىشىدىغان تەشكىللەشچان ئالدى بەللەرنى، ئارقا بەل ياكى ئوڭ سول قاناتلارنى ئۇچرىتىمىز، بۇ پەقەت ئوتتۇرا مەيدان توپچىلىرىنىڭ مەيداندىكى بوشلۇق ۋە ئورۇنغا ئاساسەنئۆزىنىڭ ئىقتىدارىنى تېخىمۇ ياخشى جارى قىلدۇرىشى ئۈچۈندۇر.
شىۋىنسىتايگىر بولسا بۇ قېتىملىق دۇنيا لوڭقىسدا ئىپادىسى ياخشى بولغان تولۇق ئىقتىدارلىق ئوتتۇرا مەيدان توپچىلىرىنىڭ بىرسى ھېسابلىنىدۇ. مۇنداقچە قىلىپ ئېيتقاندا گېرمانىيەنىڭ چىمپىيون بولىشىنى ئۇنىڭ تۆھپىسىدىن ئايرىپ ئېيتىشقا بولمايدۇ. شىۋىنسىتايگىر ئوتتۇرا مەيدان، ئارقا بەل، سول قانات قاتارلىق ئورۇنلاردا ئوينىيالايدۇ. ھەر تەرەپتىن يېتىشكەن تېخنىكىسى، كۆزگە كۆرۈنگەن يۈگۈرۈش ئىقتىدارى، كەڭ بولغان كۆزىتىش دائىرسى، ياخشى بولغان ئومۇمى ۋەزىيەتكە بولغان قارىشى ۋە ئېگىلمەس روھى، ئۇنى مۇنەۋۋەر تولۇق ئىقتىدارلىق ئوتتۇرا مەيدان توپچىسىغا ئايلاندۇرغان. دۆلەت كوماندىسىدا بولسۇن ۋە ياكى كۇلۇپتا بولسۇن، ھۇجۇمغا ئۆتكەندە چىرايلىق مەيدان تەشكىللەپلا قالماستىن، چىرايلىق پاسلارنى تاشلايدۇ، ۋاقتى كەلسا ئالدىغا بېسىپ ھۇجۇم پېسى تاشلايدۇ ۋە ياكى يىراقتىن توپ ئۇرىدۇ. ھۇجۇم مۇداپىئەگە ئالماشقاندا، تېز سۈرەتتە ئارقىغا يېنىپ مۇداپىئەگە ئاكتىپ قاتنىشىدۇ.
ئوخشاشلا، فىرانسىيە كوماندىسىدىكى پوگبا، ئىتالىيە كوماندىسىدىكى پىرلو، ئىسپانىيە كوماندىسىدىكى ئالونسۇ، كىرودىيە كوماندىسىدىكى مۇدىرىچ، گوللاندىيە كوماندىسىدىكى كۈيت، بىرازىليە كوماندىسىدىكى رامىرىس، ئېنگىلاند كوماندىسىدىكى جېرراد قاتارلىقلار بۇ قېتىملىق دۇنيا لوڭقىسىدىكى مۇنەۋۋەر تولۇق ئىقتىدارلىق ئوتتۇرا مەيدان توپچىلىرى ھېسابلىنىدۇ. ئۇنىڭدىن باشقا ئېنگىلاند بىرلەشمىسىدىكى رامزى(رامسەي)، ياياتۇرى، ئىتالىيە بىرلەشمىسىدىكى دېروسسى، بۇرۇنقى بارسىلونا توپچىسى فابرىگاس قاتارلىقلارمۇ بار.
مودا سەپ شەكىللىرىدىكى ئوتتۇرا مەيدان
442 دەك ئورۇنلىرى پاراللىل كەلگەن سەپ شەكلىدە، ئوتتۇردىكى ئىككى توپچى ھۇجۇم ۋەزىپىسىنى ئۆز ئۈستىگە ئالىدۇ، ئىككى يان قاناتتىكى توپچىلار بىر قەدەر ئېغىر بولغان ھۇجۇم ۋەزىپىسىنى ئۈستىگە ئالىدۇ، شۇڭا ئوتتۇرىدا تۇرغان ئىككى ئوتتۇرا مەيدان توپچىسىغا بولغان بېسىم ئېغىر بولىدۇ، شۇڭلاشقا ئوتتۇرا مەيدان توپچىلىرىنىڭ تېخنىكىسىنىڭ ھەر تەرەپتىن يېتىشكەن بولىشىنى تەلەپ قىلىدۇ. شۇنداق بولغاندا ھۇجۇم ۋە مۇداپىئەدىكى بوشلۇقنى تولۇقلاپ كېتەلەيدۇ.
سەپ شەكلى ئېنقىلابىغا ئەگىشىپ، ئوتتۇرا مەيدان توپچىلىرى پاراللىل تۇرىدىغان 442 سەپ شەكلى مودىدىن قالدى، ئوتتۇرا مەيدان توپچىلىرى ئىقتىدارلىق بولۇشقا قاراپ يۈزلەندى. 4231 سەپ شەكلىدەم ئارقا بەل توپچىلرى ئوتتۇرا مەيداندىن توپ ئۈزىۋېلىش ۋە ئارقا سەپنى قوغداش رولىنى ئۆتەيدۇ. ئالدى بەل توپچىسى بولسا زېھنىنى ھۇقۇم تەشكىللەشكە قارتىدۇ. 433 سەپ شەكلىدە، مۇداپىئەگە مايىل ئارقا بەل توپچىسى ۋە ھۇجۇمغا مايىل ئالدى بەل توپچىسى بار بولىدۇ. شۇڭلاشقا يېڭى سەپ شەكلىدە ئوتتۇرا مەيدان توپچىلىرىنى قانداق ئىشلىتىش تېرىنىرلارنىڭ بېشىنى قاتۇرىدغان بىر مەسلە بولۇپ قالدى.
4231 سەپ شەكلى ئاساسىدىكى تاكىتىكا سېستىمىسىدا، ھۇجۇمچى ئەڭ ئالىدا تۇرىدۇ، ئالدىدا ئۆزى يالغۇز تۇرغاچ ئاسانلا قارشى تەرەپ مۇداپىئە سېستىمىسىغا كىرىپ قېلىپ ۋارتارغا توپ تېپىشى تەسكە توختايدۇ، بۇ ۋاقىتتا ئارقىدىكى 3 نەپەر ھۇجۇمسىمان ئوتتۇرا مەيدان توپچىلىرى ئالدىغا بېسىپ چەكلەنگەن رايۇن ئەتراپىدا ھۇجۇمغا كۈچ بېرىشى ۋە تولۇقلىشى مۇھىم بولىدۇ. ھۇجۇمنىڭ ئارقىمۇ-ئارقا بولىشى ۋە قاتلاملىشىنى ساقلاش ئۈچۈن، يان بېكلار ئالدىغا بېسىپ ئويناپ، يان ھۇجۇمچىلار بولغان ئالاقىنى ساقلايدۇ. ئارقا سەپتىكى مۇداپىئەنى تولۇقلاش ئۈچۈن تېرىنىر بىر نەپەر مۇداپىئەسىمان ئوتتۇرا مەيدان توپچىسى يەنى ئارقا بەل توپچىسى قالدۇرۇپ قويىدۇ. يەنە بىر نەپەر ئوتتۇرا مەيدان توپچىسى ئالدىغراق سۈرۈلۈپ ئارقىغا تارتىلغان ئوتتۇرا مەيدانچىلىق ۋەزىپىسنى ئۈستىگە ئېلىپ ئوتتۇرا مەيدان تەشكىللەيدۇ ۋە تەڭشەيدۇ. ۋەزىيەتكە قارتا ئالدىغا بېسىپ ھۇجۇمغا قاتنىشىدۇ. ھۇجۇم مۇداپىئەگە ئالماشقاندا بۇ ئوتتۇرا مەيدان توپچىسى ئارقىغا يېنىپ ئىككى ئارقا بەل مۇداپىئە سىزىقىدا تۇرۇپ قارشى تەرەپ ھۇجۇمىنى بىتچىت قىلىدۇ. بايرىندا، شىۋىنسىتايگېر ئوتتۇرا مەيدانلىق ۋەزىپىسنى تولۇق ئادا قىلىدۇ، يەنە ئىتالىيە دۆلەت كوماندىسىدىكى پىرلومۇ بار.
433 سەپ شەكلى ئاساسىدىكى تاكتىكا سېستىمىسىدا، تولۇق ئىقتىدارلىق ئوتتۇرا مەيدان توپچىلىرىنىڭ ھۇجۇم ۋە مۇداپئە پىرىنسىپى ئاساسەن ئوخشاش بولىدۇ، ئوخشىمايدىغنى، بارسىلونا ۋەكىللىدىكى 433 سەپ شەكلىدە، يالغان 9-نۇمۇر ئورنىنىڭ مەۋجۇت بولىشى، ئوتتۇرا مەيدان توپچىلىرغا كەڭ بولغان ھۇجۇمغا قاتنىشىش بوشلۇقى يارىتىپ بېرىدۇ، مىسال: مېسسىدە بويى پاكار تېخنىكىلىق كەلگەن توپچىلار ئوتتۇرا ھۇجۇمچىلىق ۋەزىپىسىنى ئۈستىگە ئالغاندا، داۋاملىق ئارقىغا چىكىنىپ توپ ئالىدۇ، بىرسى كەڭ بولغان توپ ئېلىش بوشلىقىغا ئىرىشىش بولسا، يەنە بىرسى مۇداپىئەچىدىن بىرنى ئەگەشتۈرۈپ ئەكىتىپ قارشى تەرەپ مۇداپىئەسىنى ئاجىزلاشتۇرۇش ئۈچۈندۇر، ئوتتۇرا ھۇجۇمچىنىڭ ئارقىغا چېكىنىش، ئالدى بەل ۋە يان ھۇجۇمچىلارنىڭ ئالدىغان بېسىشىدەك تاكتىكىدا، شاۋى ۋە فابرىگاستەك ئوتتۇرا مەيدان توپچىلىرنىڭ تاشلىغان پاسلىرىنىڭ مۇھىملىقى ئاسانلا كۆرىۋالالايمىز. ئەلۋەتتە، پۇرسەت پىشىپ يېتىلگەندە ئوتتۇرا مەيدان توپچىلىرى ۋارتارغا توپ ئۇرۇش پۇرسىتىگىمۇ ئېرىشەلەيدۇ.
خاتىمە
تولۇق ئىقتىدارلىق ئوتتۇرا مەيدان توپچىلىرنىڭ يىتىشىپ چىقىشى، كوماندىنىڭ ھۇجۇم ۋە مۇپىئەسىگە نۇرغۇنلىغان تاللاشلارنى بەردى. ھازىر، بىرقانچە توپ كونتىرول قىلىشى يۇقرى بولغان كوماندىلار، ھۇجۇمغا ئۆتكەندە پۇت ئاستى تېخىنىكىسى ياخشى بولغان ئارقا بەل توپچىلىرىنى ھۇجۇمغا قاتناشتۇرۇپ، ھۇجۇمغا ئۆتكەنلەر سانىنى ئاشۇردى، ئارقا بەل توپچىلىرنىڭ ئىقتىدارىنىڭ ئېشىشىغا ئەگىشىپ، ھۇجۇم ۋە مۇداپىئەنى بىر بالداق يۇقرى كۆتۈردى. سىزمۇ توپ ئوينىغاندا كوماندىدا كەم بولسا بولمايدىغان ئوتتۇرا مەيدان توپچىسى بولۇشنى ئارزۇ قىلامسىز؟
پۇتبول بىلىمىمنىڭ كۆپ بولماسلىقى سەۋەبىدىن بۇ ماقالىنى تەرجىمە قىلىشتا سەل قىينىلىپ قالدىم، خاتا كەتكەن جايلار بولسا تەكلىپ بېرىشىڭىلارنى ئۈمىد قىلىمەن. |
باھالاش
-
باھا خاتىرىسى
|
ۋاقتى: 2014-7-30 13:38:37
تېما كۆتۈرۈش
تېما چوققىلاش
تېما تاقاش
变色卡
ئىگىسى
