ئۈرۈمچى شەھەرلىك 5 - باشلانغۇچ كوماندىسى يەنە غەلبىگە ئېرىشتى

داۋىس

سۇمرۇغ بېيجىڭ ۋاقتى 7 - ئاينىڭ 21 - كۈنى خەۋىرى
    2014 -يىللىق ‹‹ شاھلىق فارفۇر لوڭقىسى ›› مەملىكەتلىك ياش - ئۆسمۈرلەر مەكتەپلەر  ئارا چىمپىيۇنلۇق لوڭقىسنىڭ ھەل قىلغۇچ مۇسابىقىسىنىڭ باشلىنىش مۇراسسىمىسى مەملىكەتلىك ئولىمپىك تەنھەركەت مەيدانىدا داغدۇغۇلۇق باشلانغان . باشلانغۇچ مەكتەپ گۇرۇپپىسى مۇسابىقىسىدە ئالدىنقى ئىككى نۆۋەتلىك چىمپىيۇنى بولغان ئۈرۈمچى شەھەرلىك 5 - باشلانغۇچ مەكتەپ كوماندىسى رەقىبىنى 8- 0 نەتىجە بىلەن يېڭىپ ياخشى باشلىنىشنى باشلىۋالغان .
   بۇ قېتىملىق مۇسابىقە ئىككى گۇرۇپپىغا بۆلۈنگەن بولۇپ ، بىرسى 2001 - يىلىدىن كېيىن تۇغۇلغان باشلانغۇچ مەكتەپ گۇرۇپپىسى ، بىر كوماندىدا 8 ئادەم  ، پۈتۈن مەيدان ۋاقتى 60مىنۇت .  تۈنۈگۈن باشلانغان باشلانغۇچ مەكتەپلەر ئارا مۇسابىقىدە ئالدىنقى نۆۋەتلىك چىمپىيۇن ئۈرۈمچى شەھەرلىك 5 - باشلانغۇچ كوماندىسى بىلەن كۇنمىڭ شەھەرلىك غەربىي تاغ رايۇنلۇق شۇلىن 2 - باشلانغۇچ مەكتەپ كوماندىسى ئوتتۇرسىدا ئېلىپ بېرىلغان . مۇسابىقە باشلىنىپ ئۈرۈمچى شەھەرلىك 5 - باشلانغۇچ مەكتەپ كوماندىسىدىكى كىچىك ئەزىمەتلەر بىر - بىرى بىلەن شۇنداق ياخشى ماسلىشىپ ئالدىنقى مەيداندىلا رەقىبىنى  ھالسىرتىپ قويغان .
   مۇسابىقە باشلنىپ ئۇزۇن ئۆتمەي ، ئۈرۈمچى شەھەرلىك 5 - باشلانغۇچ كوماندىسى بىرتوپ ئۇرۇپ ئۈستۈنلۈككە ئېرىشكەن . كەينىدىن ئارقا ئارقىدىن توپ ئۇرۇپ ئالدىنقى مەيداننى 4 - 0 نەتىجە بىلەن ئاخىرلاشتۇرغان . كېيىنكى مەيدان باشلىنىپلا ئۈرۈمچى شەھەرلىك 5 - باشلانغۇچ كوماندىسى يەنە بىر توپ ئۇرۇپ مۇسابىقە نەتىجىسىنى 5 - 0 قىلغان . شۇلىن 2 - باشلانغۇچ مەكتەپ كوماندىسىنىڭ تېرىنىرى ئالدىنقى مەيداندا مەيدان سىرتىدا تۇرۇپ توختىماي كوماندا ئەزالىرىغا ۋارقىراپ مەيداننى تەشكىللىگەن . لېكىن ئاخىرغا كەلگەندە زاپاس ئەزالار ئورۇندىقىغا بېرىپ ئولتۇرۇپ قالغان .
   كەينىدىن ئۈرۈمچى شەھەرلىك 5 - باشلانغۇچ كوماندىسى ئاساسلىق ئەزالىرىنى ئالماشتۇرۇپ چۈشۈرۋەتكەن بولسىمۇ توپ كىرگۈزۈش توختاپ قالمىغان . ئارىلىقتا شۇلىن 2 - باشلانغۇچ مەكتەپ كوماندىسىنىڭ بىر خىزمەتچىسى مەيداندىكى ئەزالىرىغا :‹‹ ھەرگىز بوشاپ قالماڭلار ، غەيرەت قىلڭلار ›› دەپ مەدەت بەرگەن . ئاخىرقى مۇسابىقە ۋاقتىدا شۇلىن 2 - باشلانغۇچ مەكتەپ كوماندىسى  يەنە ئۈچ توپ كەتكۈزۈپ 0-8 نەتىجە بىلەن  ئۈرۈمچى شەھەرلىك 5 - باشلانغۇچ كوماندىسىغا يېڭىلىپ قالدى .
   ئۈرۈمچى شەھەرلىك 5 - باشلانغۇچ مەكتەپ كوماندىسى مەملىكىتىمىزدىكى ياش - ئۆسمۈرلەر كوماندىلىرى ئىچىدە ئەڭ نامى بار كوماندا بولۇپ ،2012 - يىلى باشلانغان  مەملىكەتلىك ياش - ئۆسمۈرلەر مەكتەپلەر ئارا چىمپىيۇنلۇق لوڭقىسنىڭ مۇسابىقىلىرىدە ئىككى نۆۋەتلىك چىمپىيۇنلۇق قولغا كەلتۈرگەن . ھالبۇكى بۇ ئۇلارنىڭ ئەڭ ياخشى نەتىجىسىلا ئەمەس بولۇپ ، 2013 - يىلى ئۆتكۈزۈلگەن مۇسابىقىلەردە ئۇلار پۈتۈن مەملىكەت ئىچىدە كىشنى ھەيران قالدۇردىغان نەتىجىلىرى بىلەن قىزىق نۇقتىغا ئايلانغان .
   2013 - يىلى 7 - ئايدا ئۆتكۈزۈلگەن ۋېي فاڭ ‹‹ ئۈمىد لوڭقىسى ›› مۇسابىقسىدە ئۈرۈمچى شەھەرلىك 5 - باشلانغۇچ مەكتەپ كوماندىسى قالتىس نەتىجىلىرى بىلەن  u13 گۇرۇپپىسىنىڭ چىمپىيۇنلۇقىنى قولغا كەلتۈرگەن . ئۇلار 7 مەيدان مۇسابىقىنىڭ ھەممىسدە ئۇتۇپ ، جەمئىي 43 توپ ئۇرۇپ 3 توپ كەتكۈزگەن . بۇنىڭدىن باشقا كورىيە بىلەن ئىككى مەيدان مۇسابىقىدە 14 توپ ئۇرۇپ 1 توپ كەتكۈزگەن .كېيىن ياپونىيە كوماندىسىنىمۇ 2 - 1 نەتىجە بىلەن ئۇتقان ، لېكىن ياپونىيە كوماندىسى بۇ نەتىجىگە قايىل بولماي يەنە بىر مەيدان مۇسابىقە ئوينىغان بولسىمۇ لېكىن 0-2 نەتىجە بىلەن يەنە ئۈرۈمچى شەھەرلىك 5 - باشلانغۇچ كوماندىسىغا ئۇتتۇرۋەتكەن .

partizan

ئەزىمەتلىرىمىزگە قايىلمىز،ئەقىقى ياش سالاھىيتى بىلەن ئويناپ تېخىمۇ ياخشى نەتىجىلەرنى قولغا كەلتۈرۈشىنى ئۈمىد قىلىمىز...

XATKAR886

يارايسىلەر شاكىچىكلەر، سىلەربىزنڭ پەخرىمىز ، داۋاملىق قىرغىن قىلىڭلار.

ئارىف

مۇشۇ بالىلاردىن خېلى چوڭ ئۈمىد كۈتىمەن. تېخىمۇ تىرشىڭلار 。

siptamix

مانا خوش خەۋەر ئالدىنقى يىرىم مەيداندا 4 توپ، كىيىنكى يىرىم مەيدانغا 4 توپ............يارايسىلە ئەزمەتلەر سىلەر بىزنىڭ پەخرىمىز...ئاللاھ داۋاملىق نۇسرەت ئاتا قىلسۇن

allayar

يارايسىلەر ئەزمەتلەر ، بۇلار چۇقۇم بىزنىڭ پۇتبول تەشنالىقىمىزنى قاندۇرۇدەك ئادەملەردىن بولۇپ يىتىشىپ چىقىدۇ .

مادىرىت

يارايسىلەر ،داۋاملىق ئالغا ....

خۇشخۇي

توپ ئۇرمىغاندىن پەقەت ۋارتارلا قالغان چىغۋا ،،،،،

bulgun

يارايسىلەر  ، گىرماننىڭ  رىكوتىنى  بۇزۇپ  تاشلاپسىلەر .  ۋەت .......

babur923

بەلكىم ۋارتارغا كىلدىغان توپ يوق زىركىپ ئۇخلاپ قالدىمكى

بىنزىما9

ياخشى نەتىجىلەرنى قۇلغا كەلتۈرشۈڭلارنى ئۈمۈد قىلمىز

چېمپىئون

ۋەتۋەركىنى چىقىرۋىتڭلار توپ دېگەننى ئايماي ئۇرۇپ