قاراتۇلپاردىكى «بۈركۈت »كەيلور ناۋاس

سىرداش

ئۆز دۆلىتىنىڭ ئىززەت –ھۆرمىتى ئۈچۈن جەڭ قىلىشنى كۆڭلىگە پۈككەنلەر توپلاشقان 2014-يىللىق بىرازىلىيە دۇنيا لوڭقىسى باشلىنىپ نۆۋەتتىكى يېرىم ھەل قىلغۇچ مۇسابىقە باسقۇچىغا كەلگۈچە رىقابەتنىڭ كۈچلۈكلىكى، تىركىشىشنىڭ كەسكىنلىكى، تېخنىكا سەۋىيەسىنىڭ يۇقىرلىقى بىلەن بىزگە ئاجايىپ ئونتۇلماس دەقىقىلەرنى سوۋغا قىلدى.
يۈكسەك دەرىجىدىكى ماسلىشىشچانلىق ئاساسىدا ئېلىپ بېرىلغان شىددەتلىك ھوجۇملارنى چىمىلىقتا پۇلات قورغان ياسىغان قاپقاۋۇللارنىڭ تەمكىنلىك بىلەن تارمار قىلغان كۈرۈنۈشلىرى ھەربىر توپ مەستانىسىنى ئاجايىپ گۈزەل ھىس تۇيغۇلارغا چۈمۈلدۈردى. مەنمۇ ئاشۇ ئونتۇلماس دەقىقىلەردە بىزنى ئاجايىپ ھىس –تۇيغۇغا چۈمۈلدۈرگەن قاپقاۋۇللارنىڭ سەركىسى بولغان ناۋاس ئۈستىدە توختىلىپ ئۈتىمەن.
قاراتۇلپاردىكى «بۈركۈت »كەيلور ناۋاس

ئىسمى : كەيلور ناۋاس
凯洛尔•纳瓦斯
Keylor Navas
دۆلىتى : كوستارىكا
توغۇلغان يۇرتى: ساينىت ئىسىدىرو
توغۇلغان ۋاقتى: 1986-يىلى 12-ئاينىڭ 15-كۈنى
بەدەن ئېغىرلىقى:66كىلوگىرام
بۇي ئىگىزلىكى: 1مىتىر80سانتىمىتىر
لەقىمى: بۈركۈت
توپ تەپكەن كولۇبلىرى: ئارباساد كولۇبى، لەيۋەنتى كولۇبى
كەسپى ئالاھىدىلىگى: تېخنىكىسى پۇختا، ئىنكاسى تىز

كەسپى ھاياتى
ناۋاس 2006-يىلى 8-ئايدا دۆلەت كوماندىسىغا تاللىنىدۇ لىكىن دۆلەت كوماندىسىغا ۋاكالىتەن تۇنجى مۇسابىقىگە 2يىلدىن كىيىن مەيدانغا چىقىدۇ ۋە 2009-يىلى ئۆتكۈزۈلگەن ئوتتۇرا –شىمالى ئامرىكا ۋە كارىب دېڭىزى رايۇنى دۆلەتلىرى لەۋھە تالىشىش مۇسابىقىسىدە دۆلىتىنى 4كۈچلۈكنى تاللاش مۇسابىقە باسقۇچىغا ئېلىپ كىرىدۇ، ئۈزىمۇ شۇ نۆۋەتلىك مۇسابىقىدىكى ئەڭ مۇنەۋەر ۋارىتار شەرەپلىك مۇكاپاتىغا ئېرىشىدۇ.

2010-يىلى ئىسپانىيەگە قەدەم قويغان ناۋاس ھازىر ئىسپانىيە Aدەرىجىلىك بىرلەشمىسىدىكى لەيۋەنتى كولۇبىدا توپ تىپىدىغان بولۇپ 2013-2014-مۇسابىقە پەسلىدە 37مەيدان مۇسابىقىدە39توپ كەتكۈزگەن، بۇنىڭ ئىچىدە 16مەيدان مۇسابىقىدە رەقىبىگە ئاق ۋاراق تاپشۇرغان. ھازىر كوستارىكا كوماندىسىنىڭ باش قاپقاۋۇلى.

تېخنىكا ئالاھىدىلىگى
ناۋاسنىڭ ۋارىتار ساقلاشتىكى تۈرلۈك تېخنىكىسى پۇختا بولۇپمۇ ئىنكاسى ئالاھىدە تىز بولۇپ دائىم ھەيران قالارلىق ئىپادىسى بىلەن خەتەرلىك توپلارنى توسۇپ كوماندىنى خەتەرلىك ھالەتتىن قوتقۇزۇپ قېلىشىغا قوشۇلۇپ مۇسابىقە مەيدانىدىكى ئېغىر –بېسىق سوغوققانلىقى كىشىلەرگە بىخەتەرلىك تۇيغۇسى بىرىدۇ.

2014-يىللىق بىرازىلىيە دۇنيا لوڭقىسى پۇتبول مۇسابىقىسىدە دۇنيا ئەھلىنى ھەيران قالدۇرغان ناۋاس مۇسابىقە باشلىنىشتىن بورۇن بۇ قېتىملىق دۇنيا لوڭقىسى پۇتبول مۇسابىقىسى ئۈچۈن مەخسۇس چويلاتوپ مەشىقلىنىش ئوسۇلىنى قوللىنىدۇ. دۇنيا لوڭقىسى باشلىنىشتىن ئىلگىرى كوستارىكادا ناۋاسنىڭ ئىسپانىيەلىك چويلا توپ ماھىرى پابلو ئاندۇگار بىلەن بىرگەن مەشىق قىلغان كۈرۈنۈشلىرى بار سىن ھۆججىتى ئېقىپ يۈرگەن بولۇپ بۇن سىن ھۆججىتىدە پابىلو ئاندۇگار چويلا بىلەن توپنى ۋارىتارغا قارىتىپ ئۇرىدۇ، ناۋاس بۇ توپنى توسۇيدۇ، شۇ ۋاقىتتىكى توپنىڭ سائەتلىك سۈرئىتى 160كىلومىتىر بولۇپ ناۋاسنىڭ بۇ توپقا بولغان ئىنكاسىمۇ ناھايىتى يوقىرى بولىدۇ.


دۇنيا لوڭقىسى جەڭ نەتىجىلىرى
2014-يىللىق دۇنيا لوڭقىسى پۇتبول مۇسابىقىسىدە ناۋاسنىڭ ئىپادىسى ئالاھىدە ياخشى بولۇپ گۇرۇپپا مۇسابىقىسىدىن تارتىپ 8كۈچلۈك ھەل قىلغۇچ مۇسابىقىسىغىچە ناۋاس كىرىشكە تىگىشلىك 16توپتىن 14نى توسۇپ چىقىرىۋەتكەن بولۇپ توپ توسۇش ئۈنىمى %87گە يىتىدۇ.

تۇنجى مەيدان ئورۇگۋاي بىلەن بولغان گۇرۇپپا مۇسابىقىسىدە ناۋاس فورلان ۋە كاۋانىنىڭ بومباردىمانىنى ئۈنۈملۈك توسۇپ قالىدۇ. ئىككىنجى مەيدان ئىتالىيە بىلەن بولغان مۇسابىقىدە ناۋاس بالوتىلى، پىرلو ۋە كاسانولارنىڭ كىرىشكە تىگىشلىك 4توپىنى مۇۋاپپىقيەتلىك توسۇپ قېلىپ كوستارىكا كوماندىسىنىڭ نىجاتكارى بولۇپ قالىدۇ.

8كۈچلۈك مۇسابىقىسىدە ناۋاس پۇتۇن مۇسابىقە مەيدانىدىكى ئەڭ ئالدىراش ئادەم بولۇپ قالىدۇ يەنى ئۇ پۇتۈن مۇسابىقە تۈگىگىچە شىددەت بىلەن قىلىنغان 7قېتىملىق ھوجۇمنى ئۈنۈملۈك توساپ كوماندىسىنى نوقتا توپ تىپىش باسقۇچىغا ئېلىپ كىرىدۇ ۋە ئۈزىنىڭ قالتىس ئىپادىسى بىلەن 8كۈچلۈك كوماندا قاتارىغا كىرگۈزىدۇ. مۇسابىقىدىن  كىيىن خەلىقئارا پۇتبولچىلار بىرلەشمىسىمۇ ناۋاسنى بۇمەيدان مۇسابىقىدىكى ئەڭ مۇنەۋەر ماھىر قىلىپ باھالايدۇ.

4كۈچلۈكنى تاللاش مۇسابىقىسىدە ناۋاس ئۈزىنىڭ رىۋايىتىنى داۋاملاشتۇرۇپ گوللاندىيە كوماندىسىنىڭ ۋاسكىتبول مۇسابىقىسىدەك قىلىنغان ھوجۇملىرىنى بىر-بىرلەپ تارمار قىلىپ كوماندىسىنى يەنە بىر قېتىم نوقتا توپ تىپىش باسقۇچىغا ئېلىپ كىرىدۇ. ئەپسۇسلىنارلىقى ناۋاس بۇ قېتىم كوماندىسىنى غەلبىگە يىتەكلىيەلمەيدۇ، نوقتا توپنى تۇسالماسلىق، گوللاندىيە كوماندىسىنىڭ ئالمىشىپ چىققان ۋارىتارى كىلورنىڭ ئالاھىدە ئىپادىسى بىلەن ناۋاس ۋە كوماندىسىنىڭ بۇ قېتىملىق دۇنيا لوڭقىسى سەپىرى ئاخىرلىشىدۇ.

گەرچە 4كۈچلۈك كوماندا قاتارىغا كىرەلمىگەن بولسىمۇ ناۋاس بۇ مەيدان مۇسابىقىدە كىرىشكە تىگىشلىك بولغان 7توپنى مۇۋاپپىقيەتلىك توسۇپ چىقىرۋىتىپ خەلىقئاراپۇتبولچىلار بىرلەشمىسى تەرىپىدىن يەنە بىر قېتىم ئەڭ مۇنەۋەر ماھىر بولۇپ باھالىنىدۇ.

مۇسابىقە ئوچۇرلىرى

كولۇب
مۇسابىقە        چىققان       ۋاقتى    كەتكۈزگەن   توسقان  توسقان نوقتا   قۇتقۇزغان     ئالغان
پەسلى    مەيدان سانى    (مىنۇت)      توپى        توپى        توپى          توپى     كارتىسى
2011.2012     1             90           0           41          0             0          0
2012.2013     9             810          10         419         1             0          0
2013.2014     37          3250          39          1522       1             0          3

2014-يىللىق بىرازىلىيە دۇنيا لوڭقىسى
                 5            510           2          226         0             21         1


ناۋاسنىڭ نادىر كۈرۈنۈشلىرى
http://player.video.qiyi.com/4fae4a6048e192aec77f597d4be5a35f/0/0/v_19rrhkp43o.swf-albumId=254455400-tvId=254455400-isPurchase=0-cnId=17

زېرەك

گوللاندىيە بىلەن ئوينىغاندە ۋەھشى تۇرىۋەتتىدە، بولمىسا 90 مىنۇتنىڭ ئىچىدىلا بىر تەرەپ بولاتتى…
بۇ يىل باشقا ئورۇندىكى توپچىلارغا قارىغاندا ۋارتارلار بەكرەك چاقنىغان بىر يىل بولدى…
8 كۈچلۈككە كىرگەن كوماندىلار ئىچىدە كولۇمبىيەنىڭ ۋارتارسى بىر ئاز ئاجىز ئوخشايدۇ باشقا يەتتە كوماندا ۋارتارسىغا قارىغاندا…

ئارسىنال

سەل بۇيى پاكار بولمىغان بولسا ئىش باكەن بۇنىڭغا بۇنىڭ ھېچ بىر يۆتكىلىش خەۋىرى چىقمايدا

بەگزادە

بۇ يىل قاپقىچىلارنىڭ ماھارىتىنى كۆرىدىغان يىل بوپتۇ .....
مىكسىكا ۋارتاسى ئوچاۋىيا ، كەيلۇر ناۋاس    ...... يەنە خېلى كۆپقۇ

بىنزىما9

شاشكەن دىسە بۇمۇ

januzay

مېكسىكىنىڭ ۋارتاسى قايسى كۇلۇپتا ئۇينايدۇ،؟

چاھارباغ

januzay يوللىغان ۋاقتى  2014-7-11 10:22
مېكسىكىنىڭ ۋارتاسى قايسى كۇلۇپتا ئۇينايدۇ،؟

ئۇ ۋارتا ئەركىن توپچىكىن، شۇڭا مىلەن پۇرسەتنى چىڭ تۇتسا بولاتتى.

siptamix

بۇ ۋارتاغا قايىل بولماي ئامال يوقكەن

januzay

چاھارباغ يوللىغان ۋاقتى  2014-7-10 23:27
ئۇ ۋارتا ئەركىن توپچىكىن، شۇڭا مىلەن پۇرسەتنى چىڭ تۇت ...

ھە

سەنسىز

ياخشى تۇرىدىكە بۇ گۇي ئىنكاسى ئېتتىك .

bulgun

ئىنگىلاند  ئىتالىيەنى  شاللىۋىتىشتە  بۇنىڭ  تۆھپىسى  چوڭ   .

قەشقەرىي

مىكسىكىنىڭ ۋارتىرغا مەن قايىل بەك يامان نىمىكەن ئۇ