دۇنيادىكى داڭلىق پۇتبول ئاخبارات ئورۇنلىرى !!~

nayil

  ئەسسالامۇ-ئەلەيكۇم مۇنبەرداشلار !!~ ئۇلۇغ رامىزان كۈنلىرىڭلار مەنىلىك ئۆتكەي . مەقسەتكە كەلسەك ، ھەر بىر پۇتبولغا ئائىت بولغان خەۋەر ۋە ئۇچۇرلار ئەڭ ئالدى بىلەن داڭلىق ئاخبارات ۋاستىلىرى ئارقىلىق كېڭىيىدۇ ۋە بىز بىلەن يۈز كۆرۈشىدۇ . مەن تۆۋەندە بىزنى ، شۇنداقلا دۇنيادىكى ھەر قايسى پۇتبول مەستانىلىرىنى ئۆزىنىڭ ئەڭ يېڭى ئۇچۇرلىرى بىلەن تەمىنلەۋاتقان ئاخبارات ۋاستىلىرىنى تونۇشتۇرۇپ ئۆتىمەن !!!~

        1-قىسىم     :      ئىسپانىيەدىكى داڭلىق پۇتبول ئاخبارات ئورۇنلىرى




   1 . ماركا گېزىتى



   ‹‹ ماركا گېزىتى ›› ئىسپانىيەدىكى سېتىلىش تىراژى ئەڭ كۆپ تەنتەربىيە گېزىتى بولۇپ ھېسابلىنىدۇ . بۇ گېزىتنىڭ خەۋەر ئاساسى پۇتبولنى ئاساس قىلىدىغان بولۇپ ، قالغان تەنتەربىيە تۈرلىرى خەۋەرلىرىنى قوشۇمچە قىلىدىغان ئونۋېرسال گېزىت . ئۇلارنىڭ خەۋەر مەنبەسى ئىنتايىن كەڭرى بولۇپ ، پارتلاتقۇچ خەۋەرلەر بىرىنچى بولۇپ ماركا گېزىتىدە نامايان بولىدۇ . شۇنداقلا پۈتۈن دۇنيا پۇتبول مەستانىلىرى ئەڭ دېققەت قىلىدىغان ئاخبارات ۋاستىسى بولۇپ ھېسابلىنىدۇ . باش مەركىزى مادرېد شەھرىگە جايلاشقان .



   2008-يىلى ئىسپانىيەدىكى تارقىتىش تىراژى ئەڭ كۆپ بولغان تەنتەربىيە گېزىتى ‹‹ ماركا گېزىتى ›› 70 يىللىق تۇغۇلغان كۈنىنى ئۆتكۈزدى . تەنتەربىيە ساھەسىدىكى ئاز بولمىغان شەرەپلىك مىنۇتلار ، نۇرغۇنلىغان تەنتەربىيە ساھەسىدىكى گىگانت چولپانلار ۋە قەھرىمانلار بۇ گېزىتكە ئىزناسىنى قالدۇرۇپ كەتتى . 2004-يىلى ئامرىكا خەۋەر ئاخباراتچىلىق تەسۋېر لاھيىلەش جەمئىيىتى ( snd ) تەرىپىدىن ‹‹ دۇنيادىكى ئەڭ مۇنەۋۋەر لاھيىلەش مۇكاپاتى ›› غا نائىل بولدى .



   ‹‹ ماركا گېزىتى ›› نىڭ ئەڭ دەسلەپكى باشلانما تۈرى ژورنالچىلىق بولۇپ ، قۇرغۇچىسى مانوئېل . فېرنەندېس . كوئېستا ‹‹ رەسىم ›› ناملىق ژورنالنىڭ ئىگىلىك باشقۇرغۇچىسى ئىدى . ‹‹ ماركا گېزىتى ›› دەسلەپكى مەزگىلدە سەنئەتلىك لاھىيەنى ئاساس قىلىپ بازارغا سېلىنغان بولۇپ ، بۇ شۇ دەۋىردىكى ئەڭ مودا ، ئەڭ بازارلىق ھەپتىلىك گېزىت بولۇپ قالغان .
   1942-يىلى 11-ئاينىڭ 21-كۈنى ، ھەپتىلىك نوسخا قوش رەڭلىك 8 بەتلىك نوسخا لاھىيىسى بازارغا سېلىنىپ قالتىس غۇلغۇلا قوزغىغان ، شۇنداقلا شۇ دەۋىردىكى ئەڭ تىپىك رول ئۆتىگەن ئاخبارات ۋاستىسى بولۇپ قالغان . 1988-يىلىغا كەلگەندە ، رەڭلىك رەسىملىك نوسخىسىنى بازارغا سېلىپ ، زور قوللاش ۋە مەدەتلەرگە ئېرىشكەن . ۋە كۆپلىگەن ئوقۇرمەنلەرنىڭ ئالقىشىغا سازاۋەر بولغان .
   80-90 -يىللاردا ، ‹‹ ماركا گېزىتى ›› ئۆزىنىڭ رەڭدارلىقى ، لاھيىلىنىش نوسخىسىنىڭ مۇنەۋۋەرلىكى بىلەن ، پۈتكۈل ياۋروپادىكى 4 چوڭ تەنتەربىيە ئاخبارات ئورنى بولۇپ قالغان . يوللىغان خەۋەرلىرىنىڭ يېڭىلىقى ۋە جەلىپ قىلارلىقى بىلەن ئوقۇرمەنلىرى شىددەت بىلەن كۆپەيگەن . 1995-يىلىغا كەلگەندە ‹‹ ماركا گېزىتى ›› ئېنتىرىستاد خەت نۇسخىسىنى قوللىنىپ ، يېڭى دەۋىرگە خاس ئۇسلۇب بىلەن ئوقۇرمەنلەرگە سۇنۇلغان . 1997-يىلى ‹‹ ماركا گېزىتى ›› لاھيىلەش خىزمەت گۇرۇپپىسى ۋېگا مەدەنىيەت تارقىتىش ئورنى بىلەن ھەمكارلىشىپ ، يېڭى لاھىيە نوسخىسىنى تەييارلاپ چىققان . بۇ لاھىيە پۈتۈن دۇنيادىكى گېزىت لاھىيىسى جەھەتتە ئەڭ ئىلغار بولغان سەۋىيىسىنى نامايان قىلغان . 2002-يىلىغا كەلگەندە ‹‹ ماركا گېزىتى ›› ، ئۈزلۈكسىز ئۆزگۈرۈپ تۇرۇۋاتقان بازار ئېقىمى ۋە ئوبراز تەسىرىگە قارىتا ، گېزىت بېشىدىكى ‹‹ marca ›› نىڭ ئورنىغا باش ھەرىپ ‹‹ m ›› نى ئىشلەتكەن . ئىككى يىل ئۆتمەيلا يەنە ‹‹ ئەڭ مۇنەۋۋەر كۈندىلىك گېزىت لاھىيىلەش مۇكاپاتى ›› غا ئېرىشكەن .




   2007-يىلىغا كەلگەندە ‹‹ ماركا گېزىتى ›› ، ئىسپانىيە ‹‹ دۇنيا گېزىتى ›› بىرلەشمە نەشىرىياتى تەرىپىدىن سېتىۋېلىنىپ ، ئەسلى قىياپىتىنى ساقلىغان ئاساستا ، يەرلىك ئالاھىدىلىكنى ئۆزىگە مۇجەسسەملىگەن مۇكەممەل ھالەتتە مەيدانغا كەلدى . گېزىت باش يېزىقى يەنىلا ‹‹ marca ›› غا ئۆزگەرتىلىپ ، بەت سانى بەش بەت قىلىپ بېكىتىلدى . يېزىق شەكلى بولسا tetling غا ئۆزگەرتىلدى . ئوخشىمىغان تۈر خەۋىرى ئوخشىمىغان رەڭدە ئىپادىلىنىدىغان بولدى . مەسىلەن : بارسىلونا كۇلۇبىغا مۇناسىۋەتلىك خەۋەرلەر كۆك-قىزىل رەڭدە ، خانلىق مادرېد كۇلۇبىغا مۇناسىۋەتلىك خەۋەرلەر بىنەپشە رەڭدە ئىپادىلىنىدىغان بولدى .









    2 . ‹‹ as  گېزىتى ››





   ‹‹ as گېزىتى ›› بولسا ، ئىسپانىيە ئاخبارات گۇرۇھى pirisa شېركىتى باشقۇرۇشىدىكى داڭلىق پۇتبول ئاخبارات ئورنى بولۇپ ، 1967-يىلى 12-ئاينىڭ 6-كۈنى قۇرۇلغان . قۇرغۇچىسى لوئېس . مونتېل . بالانزات . باش مەركىزىنىڭ تۇرۇشلۇق ئورنى مادرېد شەھىرى albasanz چوڭ كوچىسى 14 -نومۇر 4-بېنا .
   pirisa گۇرۇھى بولسا 1972-يىلى جېسوس . دې . پولانكا تەرىپىدىن قۇرۇلغان بولۇپ ، ھازىر سۇمرۇغ گۇرۇھىغا قارايدۇ .




   ‹‹ as گېزىتى ›› پۇتبول ئاخباراتچىلىقىدىكى يەنە بىر داڭلىق ئورگان . بۇ گېزىتنىڭ قەغەز ماترىيالى ئالىي سۈپەتلىك قەغەزدىن ئىشلەنگەنلىكى بىلەن داڭلىق بولۇپلا قالماي ، سۈپەتلىك ۋە ئىنچىكە بولغان ئىسپانىيە بىرلەشمىسى ، ياۋروپا شۇنداقلا پۇتۇن دۇنيا پۇتبول ئاخباراتچىلىقىدىكى بىلەن كۆزگە كۆرۈنگەن .
   ‹‹ as گېزىتى ›› نىڭ رەڭگى ئوچۇق ۋە جەلىپ قىلارلىق بولۇپ ، رەسىم مۇقاۋا لاھيىسىمۇ ئۆزگىچىلىككە ئىگە . شۇ سەۋەبتىن ، كەڭ پۇتبول مەستانىلىرىنىڭ قوللىشى ۋە ئالقىشىغا مۇيەسسەر بولغان .




   ‹‹ as گېزىتى ›› پۇتبول خەۋىرىنى ئاساس قىلىدىغان گېزىتى بولۇپ ، سەۋەبى 1996-يىلدىن بۇيان پۇتبول تۈرى جەلىپ قىلىش كۈچى ۋە ئېشىش سۈرئىتى ئەڭ تېز تەنھەرىكەت تۈرى بولۇپ قالدى . شۇ سەۋەبتىن ‹‹ as گېزىتى ›› نىڭ تىراژى ئون نەچچە يىلدىن بۇيان ئۈزلۈكسىز ئېشىپ ، ھازىرقى كۈندىلىك سېتىلىش مىقدارى 200 مىڭ پارچە بولۇشتەك يۇقىرى سېتىلىش مىقدارىنى ساقلاپ كەلمەكتە .




   ‹‹ as گېزىتى ›› ھەر يىلى يىل ئاخىرىدا ، بىر يىلدا بىر ئۆتكۈزۈلىدىغان ، تەنتەربىيە مۇكاپاتى تارقىتىش مۇراسىمى ئورۇنلاشتۇرىدۇ . ھەر قايسى ئوقۇرمەنلەرنىڭ بېلەت تاشلىشى ئارقىلىق يىللىق ئەڭ مۇنەۋۋەر پۇتبولچى سايلاپ چىقىلىدۇ . 2011-يىللىق ‹‹ as گېزىتى ›› ئۆتكۈزگەن تەنتەربىيە مۇكاپاتى تارقىتىش مۇراسىمىدا ، بۇ مۇكاپاتنىڭ ساھىبى خانلىق مادرېدتىكى پورتۇگالىيىلىك پۇتبول چولپىنى كىرىستىيانو . رونالدو بولغان .







   3 . ‹‹ پۇتبول ئەپەندىسى ›› ژورنىلى




   ئىسپانىيە ‹‹ پۇتبول ئەپەندىسى ›› ژورنىلى بولسا ، ئىسپانىيەدىكى ئەڭ نوپۇزلۇق پۇتبول ژورنىلى ھېسابلىنىدۇ . ئىسپانىيە پۇتبول ئەپەندىسى نامزاتىنى باھالاش ۋە مۇكاپاتلاش مۇراسىمىنى دەل مۇشۇ ژورنال 1976-يىلى تەسىس قىلغان . بۇ ژورنال دەسلەپتە تەسىس قىلغان تۈرلەر ئەڭ مۇنەۋۋەر ئىسپانىيىلىك توپچى ، ئەڭ مۇنەۋۋەر چەتئەللىك توپچى ۋە ئەڭ مۇنەۋۋەر تېرىنېر قاتارلىقلار ئىدى . 1986 \ 1985 -يىللىق مۇسابىقە پەسلىدىن باشلاپ ، ئەڭ تېز ئىلگىرلىگەن توپچى ۋە ئەڭ مۇنەۋۋەر رېپېر مۇكاپاتىنىمۇ قوشۇپ تەسىس قىلدى .






   بۇ مۇكاپات تەسىس قىلىنىپ ھازىرغىچە ، ئىلگىرىكى خانلىق ماندرېد كاپىتانى رائۇل 5 قېتىم ‹‹ ئەڭ مۇنەۋۋەر ئىسپانىيىلىك توپچى ›› مۇكاپاتنىڭ ساھىبى بولۇپ ، ئەڭ كۆپ مۇكاپاتلانغۇچى بولۇپ كېلىۋاتىدۇ . بارسىلونا كۇلۇبىدىكى ئارگېنتىنالىق داڭلىق توپچى مېسسى بولسا 4 قېتىم ‹‹ ئەڭ مۇنەۋۋەر چەتئەللىك توپچى ›› ساھىبى بولغان . ئىلگىرىكى گىرمانىيە توپچىسى ئۇلى . سىتېلاكمۇ 4 قېتىم بۇ مۇكاپاتنىڭ ساھىبى بولغان . پورتۇگالىيە گىگانت چولپىنى فىگو بولسا بۇ مۇكاپاتقا 3 قېتىم ئېرىشكەن . ‹‹ ئەڭ مۇنەۋۋەر تېرىنېر ›› مۇكاپاتىغا ئەڭ كۆپ ئېرىشكۈچى بولسا ، ئىلگىرىكى خانلىق مادرېد كوماندىسى تېرىنېرى لوئېس . مولوۋنېي بولۇپ ، 4 قېتىم ‹‹ ئەڭ مۇنەۋۋەر تېرىنېر ›› مۇكاپاتىغا ئېرىشكەن . ئۇنىڭدىن قالسا 2-ئورۇندا تۇرىدىغىنى كېلېمېنتى ، ئىرورېتا ۋە گۇاردىئولا بولۇپ ، 3 قېتىم ‹‹ ئەڭ مۇنەۋۋەر تېرىنېر ›› مۇكاپاتى ساھىبى بولغان .










   4 . ‹‹ دۇنيا تەنتەربىيە گېزىتى ››




   ‹‹ دۇنيا تەنتەربىيە گېزىتى ›› 1906-يىلى 2-ئاينىڭ 1-كۈنى قۇرۇلغان بولۇپ ، باش مەركىزى ئىسپانىيە نىڭ كاتالونىيا رايونىغا جايلاشقان . بۇ گېزىت بارسىلونا كۇلۇبى خەۋەرلىرى تۈسىنى ئالغان داڭلىق گېزىت . ئۇنىڭ تارىخى ئۇزۇنلا بولۇپ قالماي ، خەۋەر سۈرئىتىنىڭ تېزلىكى ۋە ئىخچام ، مەزمۇنلۇقلىقى بىلەنمۇ داڭلىق . سېتىلىش ۋە تارقىتىلىش تىراژى تەنتەربىيە گېزىتلىرى ئىچىدە ئالدىنقى قاتاردا تۇرىدۇ . بۇ گېزىتنىڭ ئوقۇرمىنى تەخمىنەن 366 مىڭ ئەتراپىدا بولۇپ ، كىشىلەر بۇ گېزىتنى ‹‹ بارسىلونا كۇلۇب گېزىتى ›› دەپمۇ ئاتاپ قويىدۇ .



   يېڭى قۇرۇلۇپ دەسلىپىدە ، ھەپتىلىك گېزىت شەكلىدە نەشىرگە تەييارلانغان بولۇپ ، ھەر ھەپتىدە بىر قېتىم تارقىتىلغان . 1929-يىلىغا كەلگەندە ، كۈندىلىك گېزىت شەكلىگە ئۆزگەرتىلىپ ، كۈندە بىر قېتىم تارقىتىلغان . ئىسپانىيەنىڭ داڭلىق تەنتەربىيە گېزىتى بولۇش سۈپىتى بىلەن ، ‹‹ دۇنيا تەنتەربىيە گېزىتى ›› سېتىلىش دائىرىسى پۈتۈن ئىسپانىيەنىڭ ھەممە يېرىنى قاپلىغان . شۇنىڭ بىلەن بىرلىكتە ، ‹‹ دۇنيا تەنتەربىيە گېزىتى ›› ئىسپانىيەدىكى تارىخى ئەڭ ئۇزۇن تەنتەربىيە گېزىتى ھېسابلىنىدۇ . پۈتكۈل ياۋروپا بويىچە 2- تارىخى ئۇزۇن تەنتەربىيە گېزىتى بولۇپ ھېسابلىنىدۇ .





   ‹‹ دۇنيا تەنتەربىيە گېزىتى ›› نىڭ باش شىتابى ئىسپانىيەنىڭ بارسىلونا شەھرىگە جايلاشقان بولۇپ ، جېرخارت گۇرۇھىغا قاراشلىق ئاخبارات ئورنى . بۇ گېزىت ئاساسلىقى بارسىلونا كۇلۇبىغا مۇناسىۋەتلىك خەۋەرلەرنى ئالدىن تاللاش قىلىپ تارقىتىدۇ . شۇنداقلا يەنە ئىسپانىيە ۋاسكېتبول بىرلەشمىسى خەۋىرى ، موتسېكىلىت مۇسابىقىسى خەۋىرى ، مۇسابىقە ئاپتومۇبىل خەۋەرلىرىنىمۇ تارقىتىدۇ .




   ‹‹ دۇنيا تەنتەربىيە گېزىتى ›› ۋە ‹‹ ئىسپانىيە كۈندىلىك تەنتەربىيە گېزىتى ›› بولسا كاتالونىيا رايونىدىكى ئەڭ ئاساسلىق ئاخبارات ئورۇنلىرى ھېسابلىنىدۇ . شۇنداقلا ئىسپانىيە تەنتەربىيە ئاخباراتچىلىقىدا يۈكسەك ئابرويغا ۋە تارىخقا ئىگە داڭلىق ئاپاراتلار ھېسابلىنىدۇ .











  
          2-قىسىم     :     ئىتالىيەدىكى داڭلىق پۇتبول ئاخبارات ئورۇنلىرى





   1 . ‹‹ مىلان تەنتەربىيە گېزىتى ››



   ‹‹ مىلان تەنتەربىيە گېزىتى ›› ئىتالىيەدىكى تارقىتىلىش مىقدارى ۋە ئوقۇلۇش مىقدارى ئەڭ يۇقىرى بولغان كۈندىلىك گېزىتلەرنىڭ بىرى . شۇنداقلا تارقىتىلىش تىراژى ئەڭ كۆپ تەنتەربىيە گېزىتى .



   ‹‹ مىلان تەنتەربىيە گېزىتى ›› ياۋروپادىكى تارىخى ئەڭ ئۇزۇن تەنتەربىيە گېزىتىنىڭ بىرى بولۇپ ، بىرىنچى قېتىملىق باسمىسى 1896-يىلى 4-ئاينىڭ 3-كۈنى تارقىتىلغان . بۇ بىرىنچى سان ‹‹ مىلان تەنتەربىيە گېزىتى ›› دە ، ئېچىلىش ئالدىدا تۇرغان تۇنجى نۆۋەتلىك ئافىنا ئولېمپىك تەنھەرىكەت يىغىنىنىڭ ئېچىلىش مۇراسىمى خەۋىرىنى باسقان . شۇندىن كېيىنكى 100 يىلدىن ئارتۇق ۋاقىت ئىچىدە ، بۇ گېزىتنىڭ ئاخبارات دائىرىسى ئاساسەن ھەممە تەنتەربىيە تۈرلىرىگە كېڭەيگەن . پۇتبول تۈرى بولسا بارا-بارا بۇ گېزىتنىڭ ئاساسى خەۋەر نوقتىسى بولۇپ قالغان . ھەر سان باسمىسىدىكى پۇتبول خەۋەرلىرىنىڭ نىسبىتى %50 دىنمۇ ئېشىپ كەتكەن . بۇ گېزىتنىڭ ئاساسى پۇتبول ئۇچۇر نوقتىسى يەنىلا مىلان شەھىرىدىكى قوش شىر مىلان ۋە ئېنتر كۇلۇبىنىڭ خەۋىرىدىن ئىبارەت . 2006-يىلىدىكى ياۋروپانى زىل-زىلگە سالغان ‹‹ تېلفۇن ۋەقەسى ›› نى دەل بۇ گېزىت بايقاپ ، ئىز قوغلاپ ئاخبارات ئېلان قىلغان .

   تۆۋەندىكىسى ‹‹ مىلان تەنتەربىيە گېزىتى ›› نىڭ بىرىنچى باسمىسى


   مىلان تەنتەربىيە ئاخباراتچىلىقى 1896-يىلى 4-ئاينىڭ 3-كۈنى ( جۈمە ) رەسمىي قۇرۇلغان . خوجايىنى ئېدۋاردو .سونزوگنۇ . ( بۇنىڭدىن باشقا ciclista 尼姆Hoقايىنى ) . تەھرىر گۇرۇپپىسى مىلان شەھرىنىڭ pasquirolo چوڭ كوچىسىغا جايلاشقان . بۇ گېزىتنىڭ قۇرغۇچىسى بەش نەپەر شېرىكتىن تەشكىل تاپقان . ئۇلار : ئوگېنئو . كامېللو . كوستاگمانا  ،  ئېلىسو . رېۋېرا  ،  ئا . س . بالانكې ( باش تەھرېر )  ، ئېنرېكو . تارلارېنى ( تەھرېر ، كاتىپ )  ،  گېنو . تاۋېككىيا ( تەھرېر ) قاتارلىقلار . ئەڭ دەسلەپدە قوش ھەپتىلىك خەۋەر بېسىشنى ئاساس قىلغان بولۇپ ، گېزىت رەڭگى سۇس يېشىل رەڭلىك ، 4 بەتلىك نوسخا بىلەن بازارغا كىرگەن . ئۇ ۋاقىتتىكى ‹‹ مىلان تەنتەربىيە گېزىتى ›› ۋىلىسپېت تۈرىنى ئاساس قىلاتتى . رەسىم بېسىش تېخنىكىسىمۇ يوق ئىدى .




   ‹‹ مىلان تەنتەربىيە گېزىتى ›› نىڭ ئىككى سەر لەۋھەسى بار بولۇپ ، ئۈستىدىكىسى la Gazzeta dello sport  بولۇپ ، تۆۋەندىكىسى ll ciclista e la tripletta . گېزىتجە يەنە قوشۇمچە قىلىپ : ‹‹ بىزنىڭ گېزىت ئىشلىشىمىزگە تۈرتكە بولغان ئىككى ئۇلنى نامايان قىلدۇق ، ئەمەلىيەتتە بۇ گېزىت ھەقىقى مەنىدىن ئېيىتقاندا ئىجادى گېزىت ئەمەس . ئۇ tiripletta di torino نىڭ داۋامى ، شۇنداقلا ciclista نىڭ تولۇقلىمىسى . ›› دەپ ئىزاھات بەرگەن .
   بۇ گېزىتنىڭ باشقا بەتلىرىدە ، ئىتالىيەدىكى ئەڭ قىززىق نوقتا بولۇۋاتقان تەنھەرىكەت تۈرلىرى توغرىسىدا ئاخبارات بېرىدۇ . ئۇ يەنە ئىتالىيەدىكى بىردىن بىر ھەممە تەنتەربىيە ساھەسى ئۇچۇرى بېرىدىغان ئاخبارات ئورنى . بۇ گېزىت ۋىلىسپىت تەنھەرىكىتىدىن باشقا يەنە ، ئوۋ ئوۋلاش ، بەيگە ، نەيزىۋازلىق ، مۇسابىقە كېمىسى ، قارىغا ئېلىش ، يېنىك ئاتلىتكا ..... قاتارلىق نۇرغۇنلىغان تۈرلەردە ئاخبارات بېرىدۇ . بىرىنچى قېتىملىق تارقىتىش تىراژى 20 مىڭ پارچە . قوش ھەپتىلىك تۈزۈلمىدە بولۇپ ، ھەر ھەپتىنىڭ دۇشەنبە ۋە جۈمە كۈنى نەشىردىن چىقىدۇ . چۈنكى مۇسابىقىلەرنىڭ كۆپىنچىسى شەنبە ، يەكشەنبە ، چارشەنبە ، پەيشەنبە ئوينىلىدۇ .









   2 . ‹‹ تورېن تەنتەربىيە گېزىتى ››  (  tutto sport  )



   ‹‹ تورېن تەنتەربىيە گېزىتى ›› باش شىتابى تورېنغا جايلاشقان بولۇپ ، كىشىلەر تەرىپىدىن ‹‹ يۇۋېنتۇس كۇلۇبى گېزىتى ›› دەپمۇ ئاتىلىدۇ . بۇ گېزىت رىم nes گۇرۇھى قارمىقىدا بولۇپ ، پەقەت تورېن ئەتراپىدىكى رايونلارغىلا تارقىتىلىدۇ .
   بۇ گېزىت يۇۋېنتۇس كۇلۇبى ۋە تورېن كۇلۇبىنىڭ قوللىغۇچىسى بولۇپ ، %70 خەۋەر يۇۋېنتۇس ۋە تورېن كۇلۇبىنىڭ خەۋىرىدىن تەشكىل تاپىدۇ . ئەمەلىي سېلىشتۇرمىغا ئاساسلانغاندا ، بۇ گېزىت تورېن كۇلۇبىغا ئەڭ يېقىن دىيىشكە بولىدۇ . چۈنكى بۇ گېزىتنىڭ قۇرغۇچىسى رېناتو . كاسالبورى 1949-يىلىدىكى ئايروپىلان چۈشۈپ كېتىش ۋەقەسىدىكى تورېن كۇلۇب ئەزالىرى ئىچىدىكى بىرى ئىدى . تەنتەربىيە گېزىتلىرىگە سېلىشتۇرغاندا بۇ گېزىت بىر قەدەر كىچىك ھېسابلانسىمۇ ، لېكىن سۈپەت جەھەتتە يەنىلا ئالدىنقى قاتاردىكى گېزىتلەر قاتارىدا تۇرىدۇ .




   بۇ گېزىتنىڭ ئوقۇرمەنلىرى ‹‹ مىلان تەنتەربىيە گېزىتى ›› دەك كۆپ ۋە تارقاق بولمىسىمۇ ، ئاساسلىق ئوقۇرمەنلىرى تورېن توپ مەستانىلىرى ۋە يۇۋېنتۇس توپ مەستانىلىرىدىن تەركىب تاپىدۇ .









   3 . ‹‹ رىم تەنتەربىيە گېزىتى ››



   ‹‹ رىم تەنتەربىيە گېزىتى ›› نىڭ تەھرېر گۇرۇپپىسى ئىشخانىسى رېمدا بولغاچقا ، بۇ گېزىت ‹‹ رىم تەنتەربىيە گېزىتى ›› نامى بىلەن ئاتالغان . بۇ گېزىتنىڭ تارقىتىش رايون رەڭگى ئوخشىمايدىغان بولۇپ ، بۇ جەھەتتە ئۆزگىچىلىككە ئىگە . يەنى ، ئىتالىيەنىڭ شىمالىدىكى رايونلارغا بېسىلغان گېزىتنىڭ سەر لەۋھەسى يېشىل رەڭدە ئىپادىلەنگەن . ئىتالىيەنىڭ جەنۇبىدىكى رايونلارغا بېسىلغان گېزىتنىڭ سەر لەۋھەسى قىزىل رەڭدى ئىپادىلەنگەن .




   يېقىنقى يىللاردىن بۇيان ، رىمدىكى قوش شىرنىڭ ئىتالىيە بىرلەشمىسىدىكى نەتىجىسىنىڭ ياخشى بولۇشى ، شۇنداقلا ئورنىنىڭ پەيدىنپەي يۇقىرى كۆتۈرۈلىشىگە ئەگىشىپ ، ‹‹ رىم تەنتەربىيە گېزىتى ›› نىڭ تەسىر دائىرىسىمۇ ئۈزلۈكسىز كېڭەيدى . ‹‹ رىم تەنتەربىيە گېزىتى ›› نىڭ خەۋەر ئاساسى رىم كۇلۇبى بىلەن لازىئو كۇلۇبى خەۋەرلىرى بولۇپ ، مەخسۇس زىيارەت قىلىش مۇشۇ گېزىتتە بىرىنچى قېتىم نامايان بولىدۇ . بۇ گېزىت ئىتالىيە تەنتەربىيە ئاخبارات ساھەسىدە ‹‹ مىلان تەنتەربىيە گېزىتى ›› دىن كېيىن تۇرىدىغان بولۇپ ، ئىتالىيەنىڭ جەنۇبىدىكى بەزى رايونلاردىكى نوپۇزى ۋە تىراژى ‹‹ مىلان تەنتەربىيە گېزىتى ›› دىن ئۈستۈن تۇرىدۇ . كۈندىلىك تىراژى تەخمىنەن 200 مىڭدىن 300 مىڭ پارچىغىچە !!!~









     3 -قىسىم     :     فىرانسىيەدىكى داڭلىق پۇتبول ئاخبارات ئورۇنلىرى





   1 . ‹‹ فىرانسىيە پۇتبولى ›› ژورنىلى




   ‹‹ فىرانسىيە پۇتبولى ›› ژورنىلى فىرانسىيەدىلا داڭلىق بولۇپ قالماي ، پۈتكۈل ياۋروپادا نامى بار مەخسۇس پۇتبول ژورنىلى ھېسابلىنىدۇ . ھەپتىدە ئىككى قېتىم تارقىتىلىدىغان بولۇپ ، ئوقۇرمەنلەرنىڭ ياقتۇرۇپ كۆرۈشىگە مۇيەسسەر بولغان . بولۇپمۇ فوتۇ سۈرەت ئەسەرلىرى ، سانلىق سىتاتېسكىلار ۋە ياۋروپا بىرلەشمە خەۋەرلىرى بىلەن داڭلىق .
   ‹‹ فىرانسىيە پۇتبولى ›› ژورنىلى 1946-يىلى قۇرۇلغان بولۇپ ، ‹‹ ئالتۇن توپ ›› مۇكاپاتىنىڭ ھەمكارلاشقۇچىسى ، شۇنداقلا ھەر يىللىق ‹‹ ئالتۇن توپ ›› مۇكاپاتىنى ئېلان قىلىدىغان ئورگان ھېسابلىنىدۇ . ئۇنىڭدىن باشقا بۇ ژورنال ھەر بىر يىللىق ‹‹ فىرانسىيەدىكى ئەڭ مۇنەۋۋەر توپچى ›› نى باھالاپ چىقىدۇ .
   ‹‹ فىرانسىيە پۇتبولى ›› ژورنىلى 1956-يىلى ‹‹ ئالتۇن توپ مۇكاپاتى ›› نامزاتى تاللاشنى يولغا قويغان بولۇپ ، بۇ مۇكاپاتقا شۇ يىللىق ياۋروپادىكى ئەڭ مۇنەۋۋەر توپچى تاللاپ چىقىلىدۇ . بۇ توغرۇلۇق ۆكپ توختالمىساممۇ ، بۇ كۆپچىلىككە تونۇشلۇق مۇكاپات تۈرى .









   
     4- گېرمانىيەدىكى داڭلىق پۇتبۇل ئاخبارات ئورۇنلىرى





   1 . ‹‹ توپ تەپكۈچى ›› ژورنىلى





   ‹‹ توپ تەپكۈچى ›› ژورنىلىنىڭ باش شىتابى نۇرىنبورگغا جايلاشقان بولۇپ ، بۇ ژورنال گېرمانىيەدىلا ئەمەس ، پۈتۈن دۇنيادىكى تارىخى ئەڭ ئۇزۇن پۇتبول ژورناللىرىنىڭ بىرى ھېسابلىنىدۇ . ھازىرغىچە 94 يىللىق تارىخقا ئىگە . تارقىتىلىش مىقدارى 400 مىڭ پارچىدىن ئارتۇق . ‹‹ توپ تەپكۈچى ›› ناملىق بۇ ژورنالنىڭ جوڭگودىكى خەنزۇچە نوسخىسى بولسا دۆلىتىمىزدىكى ئەڭ مۇكەممەل خەلىقئارا پۇتبول خەۋەرلەر ژورنىلى ھېسابلىنىدۇ .
   



   ‹‹ توپ تەپكۈچى ››         kicker

   ‹‹ توپ تەپكۈچى ›› ژورنىلى تارىخى ئۇزۇن داڭلىق پۇتبول ژورنىلى بولۇپ ، 94 يىللىق تارىخىقا ئىگە . بۇ جەرياندا بۇ ژورنال ئىزچىل پۇتبول ئاخباراتى بىلەن شۇغۇللىنىپ كەلدى . بۇ ژورنالنىڭ كەسىپچانلىقى ئىنتايىن يۇقىرى بولۇپ ، مەيلى پۇتبولچى ، تېرىنېر ، كۇلۇب ئەمەلدارلىرى ، بىرلەشمە ئۇيۇشتۇرغۇچى بولسۇن ، ۋە ياكى پۇتبول مەستانىلىرى بولسۇن بۇ ژورنالنى ئىنتايىن قىزىقىپ كۆرىدۇ . ‹‹ توپ تەپكۈچى ›› ژورنىلىنىڭ كەسىپچانلىقى ھوقۇقى ئالاھىدە بولۇپ ، بۇ ژورنالدىكى ماقالىلەرنى گېزىت ، رادىئو ئىستانسىسى ۋە تېلۋىزىيە ئىستانسىلىرى كۆپىنچە يۆتكەپ ئىشلىتىدۇ .

   ژورنال ئۇچۇرلىرى

   دۆلەت تەۋەلىكى   :   گىرمانىيە

   قۇرۇلغان ۋاقتى    :    1920 - يىلى

   بېسىلىش دەۋرى   :    ھەپتىدە قوش سان

   تاقىتىلىش تىراژى  :   400 مىڭ پارچە

   ئوقۇرمەنلەر توپى  :   2 مىليون 330 مىڭ

   تۇرۇشلۇق ئورنى   :    نورېنبورىگ

   ھازىرقى تەھرىرى  :    راينېر . خولېسكوخ

   توربەت چېكىلىش سانى   :   ئاي   \    1مىليون 210 مىڭ ئادەم قېتىم







  

   2 .   گىرمانىيە ‹‹ رەسىم ›› گېزىتى





   گىرمانىيە ‹‹ رەسىم ›› گېزىتى ، گىرمانىيە ۋە ياۋروپادا تارقىتىلىش مىقدارى ئەڭ كۆپ كۈندىلىك گېزىت بولۇپ ، پارچە سېتىشنى ئاساس قىلغان ئاممىباب گېزىت ھېسابلىنىدۇ .
   1957-يىلى ھامبۇرگدا ئاكسېر . شېبلېنگ تەرىپىدىن قۇرۇلغان . بۇ گېزىت رەسىم ۋە ئاممىباب خەۋەرنى ئاساس قىلىپ بېسىلىدىغان بولۇپ ، ھەر كۈنى نەچچە ئونلىغان تۈردە بېسىلىدۇ . چوڭ شەھەرلەردە يەنە يەرلىك نوسخىسىنىمۇ بېسىپ تارقىتىدۇ . 9- ۋە 13-باسمىسى بۇ گېزىتنىڭ شاھ ئورنىدىكى باسما تىراژى بولۇپ ھېسابلىنىدىغان بولۇپ ، بۇ تەنتەربىيە تۈرىنى ئاساس قىلىدىغان تەنتەربىيە ‹‹ رەسىم ›› گېزىتىدۇر . شېبلېنگ نەشىرىياتى تەرىپىدىن بېسىلغان بۇ ‹‹ رەسىم ›› گېزىتى توغرىسىدىكى سىتاتېسكىغا ئاساسلانغاندا ، بۇ گېزىتنىڭ ئاساس ئوقۇرمەنلىرى ئىشچىلار ۋە تۆۋەن تەبىقىدىكىلەر بولۇپ ، يۇقىرى سەۋىيىدىكى ۋە يۇقىرى قاتلامدىكى ئوقۇرمەنلەر %8.1 نى ئىگەللەيدۇ .





   بۇ گېزىت ئونۋېرساللىقى ، خەۋەر سالمىقىنىڭ زور ۋە جەلىپ قىلارلىقى بىلەن داڭلىقلا بولۇپ قالماي ، يەنە تەنتەربىيە ساھەسىدىكى يېڭى ۋە پارتلاتقۇچ خەۋەرلىرى ۋە ئېنىقلىق دەرىجىسى يۇقىرى ۋە جەلىپ قىلىش كۈچىگە ئىگە رەسىملىرى بىلەن گېرمانىيە ۋە ياۋروپا ئاخباراتچىلىقىدا ئىنتايىن يۇقىرى ئورۇنغا ۋە يۈكسەك ئابرويغا ئىگە .








   5 -قىسىم   :    گوللاندىيە تەنتەربىيە ئەخبارات سەركىسى  :   ‹‹ خەلىقئارا پۇتبول ›› ژورنىلى





   ‹‹ خەلىقئارا پۇتبول ›› ژورنىلى بولسا ، گوللاندىيەدىكى ئەڭ نوپۇزلۇق ، مەخسۇس پۇتبول ئاخبارات ژورنىلى . بۇ ژورنال ھەر ھەپتىدە بىر قېتىم نەشىردىن چىقىدۇ . گوللاندىيە بىرلەشمىسى ۋە گوللاندىيە دۆلەت كوماندىسىغا مۇناسىۋەتلىك خەۋەرلەر بۇ ژورنال خەۋەرلىرىنىڭ %80 نى تەشكىل قىلىدۇ . بۇ ژورنالدىن ، گوللاندىيەدىكى يېڭى يولتۇزلار ، داڭلىق چولپانلارنىڭ مەخسۇس زىيارىتىنى دائىم ئۇچراتقىلى بولىدۇ . ئۇندىن باشقا دۆلەت سىرتىدىكى داڭلىق چولپانلارنىڭ خەۋەرلىرىمۇ بۇ ژورنالغا ھاياتى كۈچ ئاتا قىلغان .





   ‹‹ خەلىقئارا پۇتبول ›› ژورنىلىنىڭ يەنە بىر ئۆزگىچە ئالاھىدىلىكى شۇكى ، ئۇنىڭ رەسىملىرىنىڭ ئوچۇق ۋە نەپىسلىكى . پۇتبول چولپانلىرى ئىچىدە بۇ ژورنالنىڭ رەسىمگە تارتىشىنى رەت قىلىدىغانلىرى بەك ئاز چىقىدۇ . ‹‹ خەلىقئارا پۇتبول ›› ئاخباراتچىلىقى ، بۇ ژورنالدىن باشقا ساھەلەردىمۇ ئىپادىسى ئالاھىدە . كىرويېف بىلەن ھەمكارلىشىپ چىقارغان ئايلىق ژورنال ‹‹ 14-نومۇر ›› ژورنىلى ئەسەر مەزمۇنىنىڭ سەر خىللىقى ، شۇنداقلا ئەسلىمە خاراكتىرىنىڭ كۈچلۈك بولۇشى بىلەن ئوقۇرمەنلەر ئىچىدە خېلى غۇلغۇلا قوزغىغان .










     كۆپلىگەن داڭلىق ئاخبارات ئورۇنلىرىنىڭ ماترىيالى تولۇق بولمىغانلىقى ئۈچۈن ، كېيىنچە ماترىيال تولۇق بولغاندا داۋامى يوللىنىدۇ !!~ ھازىرچە تامام ...

مەھشەر

مۇنبەردىكى كۆڭۈلسىز جىدەللەرنىڭ كېلىش مەنبىيىمۇ دەل ........

精灵王子

قەشقەرگىزىتى  يوقكەنغۇ؟

سەبرى22

تولىمۇ ئەتراپلىق مول بىلىمگە تۇيۇنغان ئەسەر بۇلۇپتۇ.قەدىمىڭىزنىڭ توختاپ قالماسلىقىنى ئۈمۈد قىلىمەن،.

ئاتلان7

ئەجىرلىك تىما بوپتۇ خەۋەرلەرنىڭ مەنبەسىنىڭ تارىخنى بىلۋالغىنمىز ياخشى بولدى

XATKAR886

بىز خەۋەردار بۇلۇۋاتقان كۆپ ساندىكى پۇتبۇل خەۋەرلىرىنڭ كىلىش مەنبەسى دەل شۇ ، ماكا گېزىتى،

missi2

ناھايتى ياخشى تېما بوپتۇ،داۋامىنى داۋاملىق داۋاملاشتۇرۇپ داۋاملاشتۇرۇڭ

مەھشەر

قارىغاندا ئىنكاسىم بىرەرسىنى بىرقاندا قىلىپ تاشلىغان ئوخشايدۇ ...

dolantekin1981

精灵王子 يوللىغان ۋاقتى  2014-6-30 12:17
قەشقەرگىزىتى  يوقكەنغۇ؟

ئارىف

بۇ گىزىت مادىرنى بەك قوللامدىكىن دەپ ئويلايمە.

bojian

missi2 يوللىغان ۋاقتى  2014-6-30 12:25
ناھايتى ياخشى تېما بوپتۇ،داۋامىنى داۋاملىق داۋاملاشت ...

داۋامىنى داۋاملىق ، داۋاملاشتۇرىڭلار

بىنزىما9

ياخشى بۇپتو رەھمەت