تۇرپان باھار پەسىللىك پۇتبول بىرلەشمىسى مۇۋەپپەقىيەتلىك ئاياغلا...

ئاتەش

بۇ يىل 3 – ئايدا باشلانغان تۇرپان باھار پەسىللىك پۇتبول بىرلەشمىسى 2 – ئىيۇن مۇۋەپپەقىيەتلىك ئاياغلاشتى. قايناق ھېسسىيات، گۈزەل ئەسلىمىلەرگە تولغان بىر پەسىللىك مۇسابىقە ئارقىلىق تۇرپان خەلقىنىڭ مەنىۋى تۇرمۇشى يەنىمۇ بېيىتىلدى. ئاتەش يۈرەك، پۇتبول سۆيەر قەلىبلەر كەينى – كەينىدىن مەيدانغا كەلدى، پۇتبول ئىشقىدا ۋاژىلداپ كۆيۈۋاتقان ياش بۇژغۇنلار يېتىشىپ چىقتى. كەسكىن رىقابەت ئارقىلىق ئازغىنە نومۇر پەرقى بىلەن چىمپىيۇنلۇقنى ۋە ئېسىل مەرگەنلىكنى قولدىن بېرىپ قويغانلىقىدىن ئۆكۈنۈش ۋە ئۆكۈنۈش ئىچىدىن قايتا غەيرەتكە كىلىشتەك ئېسىل كۆرۈنۈش، تەسىرلىك كارتىنىلار كىشىلەر قەلبىدىن چوڭقۇر ئورۇن ئالدى. قىسمەن ئىجتىمائىي سەۋەبلەرنى ھېسابقا ئالمىغاندا تۇمۇز ئىسسىق ياكى تۇپا – چاڭلىق ھاۋا رايى بولسۇن مۇسابىقە توختاپ قالماي ئۆز ۋاقتىدا ئېلىپ بېرىلدى. تاماشىبىنلارمۇ ئىمكانىيەتنىڭ بارىچە مەيدانغا بىللە ئېلىپ كىرىلدى.
تۇرپان باھار پەسىللىك سەككىز كىشىلىك پۇتبول بىرلەشمە مۇسابىقىسى جەمئىي 14 ئايلانما ئېلىپ بېرىلىپ، 56 مەيدان مۇسابىقە ئوينالدى. قاڭقىل، ئەلقىيا، فارخان، كارۋانچى، سەرناز، 2 – ئوتتۇرا، ئىتتىپاق، ياشلار بىرلەشمىسى قاتارلىق سەككىز كوماندا تىزىملىتىپ قاتناشتى. كوماندا ئەزالىرىنىڭ سانى 150 تىن ئاشتى. ئىلگىرى – كىيىن مۇسابىقىگە ئىشتىراك قىلغان تاماشىبىن سانى 10 مىڭغا يەتتى. مۇسابىقە، ئادىل، ھەققانىي بولۇش پىرىنسىپى بويىچە دوستانە ئېلىپ بېرىلدى.
2 – ئىيۇن 14 – ئايلانمىنىڭ ئەڭ ئاخىرقى بىر مەيدان مۇسابىقىسى ئاخىرلاشقاندىن كېيىن بارلىق كوماندا ۋە كوماندا ئەزالىرى مەيداننىڭ ئوتتۇرىغا يىغىلىپ، يېپىلىش مۇراسىمىنىڭ باشلىنىشىنى كۈتۈپ تۇردى.
تۇرپان ۋىلايەتلىك پۇتبولچىلار جەمئىيىتىنىڭ رەئىسى ئىسھاقجان لىتىپھاجىنىڭ رىياسەتچىلىكىدە مۇكاپاتلاش مۇراسىمى باشلاندى. ئىسھاقجان لىتىپھاجى بۇ پەسىللىك مۇسابىقە ئەھۋالىنى قىسقىچە خۇلاسىلەپ، كېيىنكى پەسىللىك بىرلەشمە مۇسابىقە ۋە تەكلىپ مۇسابىقە ئۇچۇرلىرىدىن كۆپچىلىكنى خەۋەردار قىلدى. رىپىرلار گۇرۇپپىسىنىڭ باشلىقى ۋەلى مۇئەللىم مۇكاپاتقا ئېرىشكەنلەر تىزىملىكىنى ئېلان قىلدى. مۇكاپاتقا ئېرىشكەن كوماندا ۋە شەخسلەر تۆۋەندىكىچە:
قاڭقىل تائاملىرى كوماندىسى ئېسىل ئىپادىسى بىلەن بىرلەشمىنىڭ چىمپىيۇنلۇقىغا؛
ئەلقىيا كوماندىسى ئىككى نومۇر پەرقى بىلەن ئىككىنچىلىككە؛
فارخان كوماندىسى ئۈچىنچىلىككە؛
2 – ئوتتۇرا مەكتەپ كوماندىسى تەنتەربىيە ئەخلاقى مۇكاپاتىغا؛
قاڭقىل تائاملىرى كوماندىسىدىكى پەرھاتجان نىياز 25 توپ بىلەن ئېسىل مەرگەن مۇكاپاتىغا؛
فارخان كوماندىسىدىكى سادىق يىتىلىۋاتقان ئەڭ تالانتلىق ياش پۇتبولچى مۇكاپاتىغا ئېرىشتى.
ئاخىرىدا بىرلەشمىنىڭ مۇۋەپپەقىيەتلىك ئۆتكۈزۈلۈشى ئۈچۈن ھەرقايسى كوماندىلارنى قۇرغان ياكى ئىقتىسادىي جەھەتتىن قوللىغان ئۈرۈمچى «كارۋانچى» خەلقئارا سودا چەكلىك شىركىتى، تۇرپان «قاڭقىل» مەززىلىك تائاملىرى شىركىتى، 2 – ئوتتۇرا مەكتەپ كوللېكتىپى، سەرناز توي گىرىمچىلىكى، «گوفۇ» قۇرۇلۇش ماتېرىياللىرى زاۋۇتى، يەككە تىجارەتچى غۇپۇرجان قاتارلىق مەرىپەتپەرۋەر كارخانىچىلارغا ۋە ئۆز يېنىدىن ئىقتىساد ئاجرىتىپ كوماندا تەشكىللىگەن، ئەلقەمجان، ئابدۇۋەلى، دىلشات، ئابدۇۋەلى، ئادىلجان، ۋاڭ جيەن، بارى قاتارلىقلارغا چوڭقۇر رەھمىتىمىزنى بىلدۈرىمىز.

يەنە بىر خەۋەر: يېقىندا تۇرپان ۋىلايەتلىك پۇتبولچىلار جەمئىيىتى مۇدىرىيەت ئەزالىرىنىڭ نۆۋەت ئالمىشىش سايلىمى ئېلىپ بېرىلدى. پۇتبولچىلار جەمئىيىتىنىڭ سابىق رەئىسى جاڭ يۇڭ پەخرىي رەئىسلىككە، ھېسامىدىن پەخرىي رەئىسلىككە كۆرسىتىلدى. كاتىباتلار گۇرۇپپىسىنىڭ سابىق باش كاتىپى ئىسھاقجان لىتىپھاجى رەئىسلىككە؛ سابىق مۇئاۋىن باش كاتىپ فەرۇقجان باش كاتىپلىققا كۆرسىتىلدى. پۇتبولچىلار جەمئىيىتى ئۈچۈن ئىزچىل كۈچ چىقىرىپ كېلىۋاتقان ۋەلى مۇئەللىم، دولقۇن ئوسمان، پەرھاتجان نىياز قاتارلىقلار مۇئاۋىن رەئىسلىككە، خالمۇرات، مۇھەممەت ياقۇپ قاتارلىقلار مۇئاۋىن باش كاتىپلىققا كۆرسىتىلدى.

تۇرپان ۋىلايەتلىك پۇتبولچىلار جەمئىيىتى
2014 – يىلى 8 – ئىيۇن
بۇ پەسىللىك بىرلەشمە  ۋە مۇكاپاتلاش مۇراسىمىدىكى بىر قىسىم كۆرۈنۈشلەر قىسقىچە يوللاندى

سەنسىز

رەسىملەر قانداق چىقىپ قالدى ؟

ئاتەش

سەنسىز يوللىغان ۋاقتى  2014-6-8 19:50
رەسىملەر قانداق چىقىپ قالدى ؟

رەسىملەر مىنىڭكىدە نورمال، سىزنىڭكىدە قانداق چىقىۋاتىدۇ، چاتاق بولسا دەرھال ئوڭشاپ قويىمەن خاپا بولماي دەپ بېرىڭە. قانداقكەن؟

ئاتەش

دوستلار، تېمىنى ئۈندىدارىمغا ھەمبەھرىلىيەلمىدىم، «ئۈندىدارىڭىزنى ئېچىپ “发现” دىن “扫一扫” ئارقىلىق ئىكىلىك كودىنى سىكاننىرلىسىڭىزلا دوستلار چەمبىرىكىگە ھەمبەھرلىيەلەيسىز» دەپلا تۇرىدۇ، يا ئىككىلىك كودنى تاپالمايمەن، سىستېما شەكىللەندۈرمەيۋاتامدىغاندۇ يا؟ تور كۆرگۈچنى ئالماشتۇرۇپ سىناپ باقتىم بولمىسا، بىلىدىغانلار ياردەم قىلساڭلار بوپتىكەن.



مۇشۇنداقلا تۇرىدۇ.

سەنسىز

ئاتەش يوللىغان ۋاقتى  2014-6-8 19:55
دوستلار، تېمىنى ئۈندىدارىمغا ھەمبەھرىلىيەلمىدىم، «ئۈ ...

شۇ مېنىڭكىدىمۇ ئاشۇ سۇرەت ، تۇزخان تۇربىتىنىڭ ئادىرسى چىقىرلغان قۇنچاق

ئاتەش

ئوڭشاپ قويدۇم، ئەمدى تەستىقلىۋەتسىلا مىنىڭچە ئوڭشىلىدۇ.

turgunjan

قىرىنداشلىرىمغا ئامەت تىلەيمەن

missi0998

ياخشى باشلىنىش   تىخىمۇ كۆپلەپ ئۈتكۈزۈلسە ياخشى مۇشۇنداق مۇسابىقىلەرنى

XATKAR886

ئەڭ ياخشى مۇنەۋەر ۋارتانى تالىماپسىلەغۇ

putboljan2

قۇت بەلگىسى بوپ قويىدىكەن،ئۆزىڭىز لايھىلىگەنما؟

kuyaxoghli

قۇت بەلگىسى راست بەك ماس كەپتۇ...