مۇنبەرگە تەكلىپ! ( ھەممىڭلار كىرىڭلار )

بوغدا

   ئەسسالامۇ ئەلەيكۇم، مۇنبەر ئەھلى! كەمىنە بۇغدادىن سىزلەرگە ئوتلۇق سالام!

   مۇنبىرىمىز قۇرۇلۇپ ھازىرغىچە ئاز بولمىغان ئەگرى-تۇقايلىقلارنى بۆسۈپ ئۈتۈپ بۈگۈنكىدەك ھالەتكە يەتتى. ئەلۋەتتە نىجاتنىڭ ئۈزى بىر قوللۇق لاھىيەلىشى، بارلىق ئىقتىسادى چىقىملارنى ئۆز ئۈستىگە ئېلىشى، كەڭ پۇتبول سۈيەر مەستانىلەرنىڭ قوللاپ-قۇۋەتلىشى بىلەن كىچىكلىكتىن زورىيىپ دىيارىمىزدىكى ئەڭ چوڭ پۇتبول مۇنبىرىگە ئايلاندى. بۇ جەرياندا نۇرغۇن ئىسسىق-سۇغۇقلارنى باشتىن كەچۈردۇق. جىدەل-ماجرالارغا گۇۋاھچى بولدۇق. مۇنبەر ئىسلاھاتلىرىغا ئاكتىپ ئاۋاز قوشتۇق. كەڭ ساپالىق باشقۇرغۇچىلار قۇشۇنىمىز مىھنەتسىز قان-تەرىنى تۈكۈپ مۇنبىرىمىزنىڭ يۈكسىلىشىگە زور تۆھپىلەرنى قوشتى. تۈرلۈك سەۋەپلەرگە كۈرە تور تەرەققىياتىنىڭ تىزلىشىشى، ئۇقۇشماسلىق ۋە زىددىيەت قاتارلىق سەۋەپلەر تۈپەيلى ئۆي ئايرىپ چىكەتكەنلەرمۇ كۈرۈلدى. كەمىنە گەرچە مۇنبەردىكى ئاددى بىر ئەزا بولساممۇ مۇنبىرىمىزنى قىزغىن سۈيىمەن. كۈندىن-كۈنگە يۈكسىلىشىنى، روناق تېپىشىنى، شۇ ئارقىلىق پۇتبول ئۇرۇقلىرىنى كەڭ چېچىىپ دىيارىمىز پۇتبولچىلىقىنىڭ يۈكسۈلىشىگە تۈرتكە بۇلىشىنى چىن دىلىمدىن ئۈمۈد قىلىمەن. شۇ سەۋەپ يېقىندىن بىرى بەزى ئايىغى چىقماس مەسىلىلەر ئۈستىدە ئويلىنىشقا مەجبۇرى بۇلۇپ قالدىم.

   بەلكىم، بەزى تەكلىپ پىكىرلىرىم ئارتۇقچە ياكى ئەمەلىيەتكە ماسلاشمىغان بۇلىشى ھەتتا بەزى ئۇقۇشماسلىقلارنىمۇ كەلتۈرۈپ چىقىرىشى مۇمكىن. بىراق مەن مەجرۇھ دىللارنى ئاقارتقۇچى  بىر ئۇقۇتقۇچى بۇلۇش سالاھىيتىم بىلەن بۇ مەسىلىلەر ئۈستىدە توختالدىم. راستىنى دىگەندە بەزى بىر خىل روھى كىسەللىكنىڭ دىلىمىزدا يامراپ، روھىيتىمىزگە، ۋۇجۇدىمىزغا تەسىر كۆرسىتىشىدىن قورقتۇم. مەيلى قايسىمىز بۇلايلى، ھۇقۇقدار، پۇلدار ۋە ياكى گاداي بۇلايلى ھەممىمىز ياراتقۇچى ئالدىدا باپ-باراۋەر. باراۋەرسىزلىك پەقەت ئىنسان بىلەن ئىنسان ئوتتۇرسىدا كۈرۈلىدۇ.

تۇغۇلغاندا تەڭ ئىدۇق تەڭرى ئالدىدا،
ۋە لېكىن بىز تەڭ ئەمەس دەۋىر ئالدىدا.
كۈرەڭلەپ كەتمىگىن ئامەتلىرىڭگە،
تەڭ بۇلارمىز ئاخىرى قەبرە ئالدىدا.
  
   ئالدىنقى قېتىم مۇنبىرىمىزنىڭ بىر مەزگىل تاقىلىپ قېلىشى، پۇتبولغا بولغان ئوتتەك ئىشتىياقنىڭ تەشنالىق تۈپەيلى شىنجاڭ فىفا تورىغا ئەزا بۇلۇپ كىردىم. بايقىدىمكى كىرگەنلەر مەنلا ئەمەسكەنمەن. يەنە ماڭا ئوخشاش پۇتبول سۈيەرلەر كىرىپتۇ. بۇ تور بەتتىكى 10 نەچچە كۈنلۈك ھايات ماڭا ئىككى مۇنبەر ئارتۇقچىلىقى ۋە كەمچىلىكى ئۈستىدە توختىلىش پۇرسىتىگە ئىرىشتۈردى. مەن كىيىن يەنە 11 ئادەم، پۇتبولچى، ھۇررا تور بەتلىرىنى زىيارەت قىلدىم. مۇنبىرىمىز ھەقىقەتەنمۇ باشقا مۇنبەرلەردىن زور پەرىقلىنىدىكەن. مەن يەنە بەزى يىتەرسىزلىكلەرنى تۇلۇقلاپ مۇنبىرىمىزنى تېخىمۇ مۇكەممەلەشتۈرۈش توغرىسىدا ئويلاندىم، ۋە ئۇشبۇ تىمىنى يېزىپ ئولتۇرۇپتىمەن. مىنىڭ تەكلىبىم تۆۋەندىكىچە:

1. مىدال مەسىلىسى.

  مىنىڭچە مۇنبەردە مىدال ئېسىشنى خالىمايدىغان بىرمۇ ئەزا يوق. ھەممىمىز مۇشۇ مەۋھۇم دۇنيادا ئىتراپ قىلىشقا ئىرىشىشنى، باشقىلار تەرپىدىن مۇئەييەنلەشتۈرلىشىمىزنى ئۈمۈد قىلىمىز. مەھمۇدىيەنىڭ ‹‹ مىدال ئېلىۋېلىڭلار ›› دىگەن تىمىسى قايناپ كەتتى. توغرا مەنمۇ مىدالىم بولسا دەپ ئۇيلايمەن. باشقىلارنىڭ كۈتۈرەلمىگۈدەك كۆپ مىداللىرىغا ھەۋەس قىلىمەن.

  يۈكسەل مىدالىنىڭ يۈتۈپ كەتكەنلىكى توغرىسىدا بىر تىما يازغان، ھېلىمۇ ئىسىمدە. بىراق ھازىر قارىسام بىر تال مىدالىمۇ يوق. مەھمۇدىيەنىڭ تىمىسىدىمۇ نۇرغۇن ئەزالارنىڭ نارازى بولغان ئىنكاسلىرىنى ئۇچراتتىم.

  بىر قىسىم ئەزالارنىڭ مۇنبەردىن ياتلىشىشنى مۇنبەردىكى ئورنىنىڭ مۇئەييەنلەشتۈرۈلمىگەنلىكىن، ئۆز ئەمگىكىنىڭ ئىتىبارغا ئېلىنماسلىقىدىن كۈرۈشكە بۇلىدۇ. مىنىڭچە بۇنىڭدىكى تۈپكى سەۋەپ دەل مىدال مەسىلىسى.

‹1› تەڭشەش. ھەممىمىزگە مەلۇم بۇ مەۋھۇم دۇنيا ئەسلىدىنلا رىئال دۇنيادىن پەرىقلىنىپ تۇرىشى كىرەك ئىدى. بىراق رىئال ئادەملەرنى مەنبە قىلغان بولغاچقا رىئال تۇرمۇشتىكى بەزى خۇسۇسىيەتلەرنى ئۈزىگە مۇستەھكەملىگەن. پەرىزىمچە ھازىر مۇنبەردە مىدال تارقىتىش ھۇقۇقىغا ئىگە ئەزا پەقەت ئىككى. يەنى نىجات بىلەن مەھمۇدىيە. ئۇمۇمى ئەزا سانى 13 مىڭغا، دائىمى ئەزا سانى 1000 غا يىتىدىغان مۇنبەرگە نىسپەتەن خىزمەت بېسىمى ئېشىپ كەتتىمۇ قانداق؟ يەنە كىلىپ نىجاتنىڭ باشقا ئىشلىرى كۆپ. ( تىللا تۇلۇقلاش، تىما تەستىقلاش، مۇنبەر سىستىما تەڭشىكى، دۇختۇرلۇق خىزمىتى، ئائىلە ۋاھاكازالار )  بۇنىڭغا نىسپەتەن مۇۋاپىق تەڭشەش ئېلىپ بېرىلسا.

‹2› مىدال سانىنى، تۈرىنى كۆپەيتسەك







‹3› بىر قىسىم مىداللارنى ئۈزىمىز ئەجرىمىزگە، ئەمگىگىمىزگە، قىممىتىمىزگە ئاساسەن ئۈزىمىز ئىلتىماس قىلالايدىغان قىلىپ تەڭشەلسە. بۇنىڭدا ماڭا نىمىشقا بەرمەيسەن، ماڭا بىرىلمىدى دىگەندەك مەسىلىلەردىن قۇتۇلغىلى بۇلىدۇ. لازىم بولمىسا ئىلتىماس قىلمىسىلا بۇلىدۇ. لازىم بولسا باشقىلاردىن سورىماي ئۈزى ئالالايدۇ. ئەلۋەتتە بۇنىڭغا مەلۇم چەك بىكىتىش. مەسىلەن: نادىر تىما يازغۇچى مىدالى، تەلەپ: نادىر تىمىسى 10دىن كۆپ، توردىكى ۋاقتى 200 سائەت، تىما سانى 100دىگەندەك. مۇنبەر دىموگراتىيەسىنى ھەقىقى يۇسۇندا ئەمەلگە ئاشۇرۇش.

  ئەگەر مۇنبەر ئوبىروتىغا تەسىر يىتىدۇ دەپ قارالسا تەلەپكە مەلۇم مىقداردىكى تىللا سانىنى قوشساق. ئەلۋەتتە 6 ئايلىق، 3 ئايلىق مىداللارغا نىسپەتەن، يەنە كىلىپ مۇنبىرىمىزنىڭ مالىيە تەرەققىياتى ئۈچۈن ئۇنچىلىك ئىشلار چوڭ مەسىلە ھىساپلانمايدۇ. ئەقەللىسى مەن قوللايمەن.

‹4› بۇ جەھەتتە چۇقۇم تىما سۈپىتى، مەزمۇنىغا ئالاھىدە ئەھمىيەت بىرىش كىرەك. پاخال، ئەھمىيەتسىز، كۈچۈرۈلگەن تىمىلارنى قەتئى چەكلەش.

‹5› ئايرىۋاشلاش.
  يەنى بىر قىسىم مىداللارنى تىللاغا، مۇنبەر پۇلىغا ئايرىۋاشلاش خىزمىتىنى ئەمەلگە ئاشۇرۇش، شۇ ئارقىلىق پۇل پاخاللىقىنىڭ ئالدىنى ئېلىش.
  ھازىرغىچە 3 قېتىملىق مۇنبەر بانكىسى ئىسلاھاتىغا گۇۋاھچى بوپتىمەن. ھازىرقى پۇل سىستىمىمىزدا مۇنبىرىمىزنى باشقا مۇنبەرلەرگە ئۆرنەك قىلشقا ئەرزىيدۇ. باشقىلاردا پۇل پاخاللىقى زىيادە ئېغىركەن.








2. تاۋكا

  مۇنبەر پۇلى گەرچە مەۋھۇم جىسىم بولسىمۇ مۇنبەرداشلارنىڭ قىزغىنلىقى، ئىنتىلىشى ئالاھىدە يۇقىرى. تاۋكا پۇتبول سۈيەرلەرنىڭ ئۆز زىھنى قابىلىيتىنى، تەۋەككۈلچىلىك ئىدىيەسىنى سىنايدىغان سورۇن. تۈرلۈك سەۋەپلەرگە كۈرە مۇنبىرىمىزدە نىجاتتىن باشقا بۇ ئىشنى قىلىدىغان ياكى قىلىش ھۇقۇقى بىرىلگەن ئەزا يۇق. بۇ ھۇقۇق بىر قىسىم مۇنبەر باشقۇرغۇچىلىرىغا بىرىلسە. بىز خالىغان ۋاقىتتا، ئۈزىمىز خالىغان كوماندىغا تىكەلىسەك دىگەن ئۈمۈدتىمەن.






3. مۇنبەر ئۈندىدار سالۇنى قۇرۇش.

   مۇنبىرىمىزدە سۈپەتلىك، مەزمۇنلۇق تىما يازىدىغانلار ئاز ئەمەس. بىز ھازىرقى ئەڭ ئۇمۇملاشقان ئالاقە قۇرالى ئۈندىدارنىڭ دوستلار چەمبىرىكى ئىقتىدارىدىن پايدىلىنىپ ئىسىل تىمىلىرىمىزنى تەشۋىق قىلساق. بۇنىڭ ئۈنىمى چۇقۇم ياخشى بۇلىدۇ. شىنجاڭ فىفا تورىدا مۇشۇنداق مەخسۇس سالۇن قۇرۇلغان.

4. تىما سۈپىتىگە، ئىملاغا ئالاھىدە ئەھمىيەت بىرىش.

  مۇنبىرىمىزنى باشقا پۇتبول مۇنبىرى بىلەن سېلىشتۇرغاندا بۇ جەھەتتە زور ئۈستۈنلۈككە ئىگە دەپ قاراشقا بۇلىدۇ. بىز تېخىمۇ ئىلگىرلىگەن ھالدا ئەنئەنىمىزنى ساقلاپ، ئۆز تىل-يېزىقىمىزنى قوغدىساق دىگەن ئۈمۈدتىمەن. مۇناسىۋەتسىز، كۈچۈرۈلگەن، مەزمۇنى ساغلام بولمىغان تىمىلار بىردەك ئۈچۈرۈلسە. يوللىغۇچىغا ئالاھىدە ئەسكەرتىش بىرىلسە، قايتا سادىر بولسا مۇۋاپىق جازالاش قوللانساق.

تەۋسىيە: /thread-43240-1-1.html


5. ID نۇمۇرى چىقىدىغان قىلىپ تەڭشەلسە، تىما سانىغا ئۇلىنىش بىرىلىپ بىۋاستە تىمىلىرىمىزنى كۈرەلىسەك.

مۇنبەرنىڭ ئىسىم ئۆزگەرتىش ئىقتىدارى قۇشۇلغاندىن كىيىن بەزى ئەزالار ئىسم ئۆزگەرتتى، بىز ID نۇمۇرىدىن پايدىلىنىپ كىملىكىنى ئاسانلا پەرىقلەندۈرەتتۇق. يەنە يىڭى سىستىمىغا كۆچكەندىن كىيىن تىما سانىدىكى ئۇلىنىش بىكار قىلىنغان ئوخشايدۇ. يەنى ئىلگىرى يازغان پايدىلىنىش قىممىتىگە ئىگە تىمىلىرىمىزنى ئىزدەش بەكلا قۇلايسىز بۇلۇپ قالىدىكەن.


   باشقىلارنىڭ قىممەتلىك پىكىرلىرىنى ئوتتۇرىغا قۇيۇشىنى، نىجات باشچىلىقىدىكى مۇنبەر باشقۇرغۇچىلىرىنىڭ پىكىرىمنى ئويلىنىپ بېقىشىنى ئۈمۈد قىلىمەن.

tarimi

مادىرد، بارسىلونا، رىم، يۇۋېنتۇس، مىلان تەنتەربىيە گېزىتلىرى تۈكرۈرۈك  ئۇرۇشى ۋە يالغان يۆكىلشى  خەۋەرلىرى ئارقىلىق كىرىم قىلىدۇ.
ئۇلارنىڭ خەۋەرلىرى بىر تەرەپكە زىيادە بەك ئېغىپ كەتكەن.

بۇ مۇنبەر  نۇرغۇن  ئەسىرلەر ئىلگىرى ئۇنۋېرسال مۇنبەر ئىدى، ھەممە بىرلەشمىنىڭ  مەستانىلىرى ۋە  ھەممە  ئۇنۋېرسال  ساھەنىڭ خەۋەرلىرى يوللىنىدىغان، خەۋەر  تېمىلار  ۋە  مەستانىلەر  رەڭدارلىققا ئىگە ئىدى.

پۇتبول دىگەن  شۇنداق نەرسە بىر پەسىل بىر ترېنېر لوڭقا ئالىدۇ كېتىدۇ،
يەنە بىر پەسىل يەنە بىرسى لوڭقا ئالىدۇ كېتىدۇ.
بىردە بۇ كوماندا چوڭ نومۇر پەرقىدە مەغلۇپ قىلىدۇ، برىدە ئۆزى چوڭ نومۇر پەرىقىدە مەغلۇپ بولىدۇ.
پۇتبولدا  ئەزەلدىن  شۇنچە داڭلىق ئەۋلىيا ئەزەم ترېنېرلارنىڭمۇ  0-0 تەڭلەشمىگەن ، 1-0  ئۇتمىغان ياكى ئۇتتۇرۇپ  باقمىغان  ۋاقتى يوق ، ھەم  بىر كوماندا  ئۇدا 38 ئايلانما  ئۇتۇپمۇ كەتمەيدۇ.

ياۋروپادىكى ئۇ كوماندىلار  چوڭ  نومۇر پەرقتە ئۇتسا نىمە بولدى ئۇتتۇرسا نىمە بولدى.

مۇنبەردىكى  تايىنى يوق  ئاقماس  پاراڭلارنىڭ تولىلىقىدىن  مۇنبەردىكى  ئەزالار  ۋە  تېمىلارنىڭ  رەڭدارلىقىدا  كۆپ ئۆزگىرىش  بولۇپ  كەتتى دىيىشكە  بولىدۇ.

بۇ ئەركىن مۇبەر  قاقشاش  ئەركىنلىكىڭىز  بار  قاقشىسىڭىز  بولىدۇ. ياۋروپادىكى كاتولىكلار ۋە باشقا كوماندىلارنى تىللىسىڭىز بولىدۇ لىكىن سىز  نىجاتقا  مۇنبەر  قۇرۇشۇپ  بەرگەنما، ئۆزىڭىزنىڭ شۇ بايانلىرىنىڭ  بۇ مۇنبەرنىڭ ئۇنۋېرساللىقىغا رەڭدارلىقىغا  تەسىر كۆسىتىۋاتقانلىقىنى  ئۇنتۇلۇپ قالماسلىقىڭىز  كېرەك.
ھەقىقى مۇنبەرگە كۆيىنىدىغان بىر پۇتبول مەستانىسى  بولسىڭىز .
بۇ يەردە بىر كوماندىنىڭ ئۇتقىنىغا چىدىمايدىغان كىشلەر يوق. لىكىن شۇنداق قاملاشمىغان پىسپاس پاراڭلىرىڭىزنىڭ مۇنبەرگە تەسىر قىلۋاتقانلىقىنى ئويلىشىڭىز كېرەك.
بۇ مۇنبەر ئۇنۋېرساللىقىنى، مەستانىلەر  ۋە  تېما  رەڭدارلىقىنى ساقلاپ  قالغىنى ياخشى.
ياۋروپادىمۇ  پەقەتلا  بىر كۇلۇپ مەستانىلىرى ئارىسىغا كىرىۋېلىپ پاراڭ قىلسا پۇتبول لۇكچەكلىرى ئارىسىدا  تاياق دۇمبا يەيدۇ. ئۆزىنىڭ مەستانىلەر  توپىدا  نىمە پاراڭ قىلسا بولىۋېرىدۇ. قاقشامدۇ، قارشى تەرەپ مەستانە كوماندىلارنى تىللامدۇ دىگەندەك.
لىكىن  بۇ خەنزۇلارنىڭكىدەك  ئايرىم كۇلۇپنىڭ مەستانىلەر  مۇنبىرى ياكى ئايرىم كۇلۇپنىڭ پۇتبول لۈكچەكلىرى سورۇنى ئەمەس.
بۇ يەككە بىر قانچە كوماندا  مەستانىلىرىنىڭ  مەستانىلەر  مۇنبىرىمۇ  ياكى  ئۇنۋېرسال پۇتبول  مۇنبىرىمۇ...
بۇ مۇنبەرنىڭ نەچچە ئەسىر ئىلگىرىكى ئۇنۋېرسال  مەستانىلەر  سورۇنى ئىكەنلىكىنى ئۇنتۇلۇپ قالماسلىق كېرەك .

بۇ يەرنى باشقا كوماندا مەستانىلىرىنى يەكلەيدىغان سورۇنغا ئايلاندۇرغىلى نىجاتقا مۇنبەر قۇرۇشۇپ بەرمىگەنلىكىڭلارنى ئۇنتۇلۇپ قالماڭلار.
مۇنبەرنىڭ  رەڭدارلىقى ۋە  تېمىلارنىڭ سۈپىتى، مۇنبەرنىڭ  ئىچىدىكى  ئىنكاسلارنىڭ  ساپاسى  يۇقىرى بولسا  90 دىن كېيىنكى كىچىلەردىن  باشقىمۇ  دۇنيا لوڭقىسى مۇسابىقىسى مەزگىلى خەۋەر كۆرگۈسى كەلگەن  چوڭلارمۇ  كىرىپ  قويىدۇ.
كىچىك بالىنىڭ پارىڭى  تولا بولسا  چوڭلار ئۆزىچە بۇنداق سورۇندىن  يالتىيىپ قالىدۇ.
مۇنبەر  ئۇنۋېرسال مەستانىلەر مۇنبىرى ، 7-ياشتىن 70  ياشقىچە ھەممە ئادەمگە ماس كەلگۈدەك  مۇنبەر بولسا  مۇنبەرنىڭ  تەرەققىياتىمۇ  ياخشى  بولىدۇ.
چوڭلار كىرمىسە،  مۇنبەرنىڭ  تېما سۈپىتى ، رەڭدارلىقى ياخشى بولمىسا ئېقىم مىقدارىغا تەسىر بولىدۇ.
نىجات مۇنبەر شۇ  گۇگېلنىڭكىدىن  باشقا ئېلان قويالمايدۇ، كىرىم  يولىغىمۇ  تەسىر  بولىدۇ.

پارتىزان

ئىنكاسنى توللۇق ئوقۇپ چىقتىم ...ھەممەيلەننىڭ پىكىرى ئورۇنلۇق بوپتۇ !  تارىمى خېلى جىنى بار گەپنى قىپتۇ !  بىر قاراشقا گىپى سەل قاتتىق تەككەندەك قىلغان بىلەن !   يەنە دىسە يەنە شۇ  مۇنبەرداشلار دىگەن نۇرغۇن تەكلىپ پىكىرنىڭ ۋۇجۇتقا چىقىشىغا يەنىلا خەلىق پۇلى كىتىدۇ ..ياكى ۋاقىت ۋە تېخنىكا كىتىدۇ !  مۇنبەر ئۈچۈن جان كۆيدۈرۋاتقان يېڭى ئەزالارمۇ خېلى كۆپۈيۈپ قالدى !  ئاشۇلارنىڭ كۆرسەتكەن تىرىشچانلىقىغا رىغبەتلەندۈرۈشنى ئۇنتۇپ قالمىساق !   ئۇنىڭدىن باشقا ماۋۇ مەستانىلىرى مۇنبەردىن يوقاپ كىتىۋاتقان زەردار كۇلۇبلارنىڭ خەۋەرلىرى بولسا ئېغىر كۆرمەي يوللاپ قويساڭلار !  مۇنبەردە ھازىر .. مادرىد بىلەن بارسىلونانىڭ ، ئېنگىلانىد كۇلۇبلىرىنىڭ خەۋەرلىرى خېلى توللۇق يوللىنىۋاتىدۇ ..ئىتالىيە ، گېرمانىيە ، فىرانسىيە ، پورتىگال ،تۈركىيە ،گوللاندىيە ،روسسىيە بىرلەشمىسىنىڭ خەۋەرلىرى بەكلا ئازلاپ كىتىۋاتىدۇ !  كىم يوللىسا بولىۋىرىدۇ بۇنداق خەۋەرلەرنى !  سەن ماۋۇ كۇلۇبنىڭ مەستانىسى تۇرۇپ ئاۋۇ كۇلۇبنىڭ خەۋەرلىرىنى يوللاپ يۈرۈپسەنغۇ دىگەن گەپلەر چاقچاق بولسىمۇ چىقىپ قالمىسا !  

tarimi

英超“亡国”：英足总学韦迪
http://sports.163.com/14/0514/02/9S61VR7A000506UA.html

2013年中超商业价值报告
http://sports.163.com/13/1205/03/9FA6GESH000506UA.html

皇马公开宣称债务达5.41亿 赚钱最多花销也最大
http://bbs.hupu.com/3721413.html

世界杯奇事新版A到Z：一生一次 上帝之手前传
http://2014.sina.com.cn/news/arg/2014-05-24/0002920.shtml


سىنا، سوخۇ، ۋاڭيى، خۇپۇلارنىڭ تەنتەربىيە سەھپىسىنىڭ  رەڭدارلىقى بەك يۇقىرى.
نۇرغۇن كىشلەر ئۇن مۇنبەرنىڭ باش سەھپىسىدىن تەنتەربىيە دىگەن يەرنى تاللاپ  خەۋەر كۆرگەندىن  باشقا  ، تەنتەربىيەنىڭ  ئىچىدىكى  ھەرخىل  رەڭدار سەھپىلەرنى  كۆرمىگەن  بولىشى  مۇمكىن.
شۇ مۇنبەرلەرنىڭمۇ  ھەممىسىنىڭ  دىگۈدەك  专题 تېما،  ئانالىز تېما، رەسىملىك يۇمۇر تېما...نادىر  تەرجىمە  تېما  نۇرغۇن  سەھپىسى بار.

مەستانىلەر  مۇنبەر ئەزالىرىنى قاچۇرۇپ، ئېقىم مىقدارىنى  تۆۋەنلىتىىشكە ئەمەس.
مۇنبەر كىرىمىنى يۇقىرى كۆتىرىشكە  ھەسسە  قوشسا، مىدالنى پۇلغا سېتىۋالماي ، ھەقسىز بەرسە،
نادىر تېما  يازغانلارغا  ھەق بەرسە  بولاتتى.
ھەم ئىشتىن سىرت مۇنبەرنىڭ تېخنىكىلىق ئىشلىرىغا مەسئۇل بولىدىغان ئادەمدىن بىرسىگە  ھەرخىل تېخنىكىلىق ئىشلارنى قىلغۇزسىمۇ  بولاتتى.
قاراپ باقساق خەنزۇچە تەنتەربىيە مۇنبەرلىرىنىڭ مەخسۇس دۇنيا لوڭقىسى مۇسابىقىسى ئايرىم  专题 سەھپىسى بار...ھەر قېتىملىق دۇنيا لوڭقىسى مەزگىلى شۇنداق رەڭدار تېمىلار  يوللىنىدۇ .

http://www.360doc.com/content/10/0628/10/547473_35696314.shtml
مۇشۇنداق  يېڭىلىقلارنى ئېلىپ كېلىشكىمۇ  ئىقتىساد ۋە تېخنىكىلىق ئىشلار پۇتلىشىپ قالىدۇ.


بەك ئۇزۇن ئىنكاس  يېزىۋەتتىم...90 دىن كىيىنكى بولساڭلارمۇ بۇ يەردە بىر كوماندا 10-0 ، 20-0 ئۇتقانغا بىرەر ئادەمنىڭ تۈكى تەۋرەپ قالمايدۇ.  مەستانە بولۇش سۈپىتىمىز  بىلەن ئازراق مۇنبەرنىڭ ھەرقايسى تەرەپلىرىنى ئويلىشىپ قويايلى ...
مۇھىت ياخشى بولسا تەرەققىياتمۇ بولىدۇ.

ئۈندىدار پەيدا بولۇپ نۇرغۇنلىغان سالونلار قۇرۇلۇپ شۇ سالونلارنىڭ بەزىسى جېنىدا يەتتە يىل بولغان مۇنبەردىن كۆپ كىرىم قىلىۋاتىدۇ.
خەۋەر، تېما كۆرسىڭىز ئېلان پۇتلاشمايدۇ.  مۇنبەرمۇ كىرىم قىلسا  ھەرخىل يېڭى تېخنىكىلىق  ئىشلار ئارقىلىق تېخىمۇ رەڭدارلىق ئېلىپ كەلسە سىزمۇ  كۆپلىگەن رەڭدار تېما  پائالىيەتلەردىن  ھۇزۇرلىنالايسىز  دىگەن گەپ.
بولسا باشقا ئۈندىدار سالونلىرىدەك  پۇتبول  مۇنبىرىمۇ ئۈندىدار سالونى قۇرۇپ ئېلان قوبۇل قىلىپ باشقا يوللاردىنمۇ  كىرىم مەنبىيى  كۆپەيسە  ياخشى بولاتتى.

adidas777

ئامېرىكا يوللىغان ۋاقتى  2014-6-1 00:55
بۇرۇنلاردا مونبەرگە  تەكلىپ دىگەندەك مۇشۇنداق بىر قات ...

ما گىپىڭلا بولىدۇ مانا...............................
   مەنمۇ 2008 دىن باشلاپ مۇشۇ كەمگۇچە توختىماي زىيارەت قىلىۋاتىمەن،ئىنكاس يىزىشلىرىمىز ئاز بولغان بىلەن ئوقۇشلىرىمىز بەك كوپ........................
   دىيىلگەن سوزلەر،يىزىلغان مەزمۇنلار،قىلماقچى بولغان ئىشلار ئەمەلىيلەشسە باشقىلارمۇ ئويلىغىنىنى دىگۇسى كىلىدۇ،بولمىسا ئىشەك قۇلىقىغا داپ چالسا خۇش ياقمىغاندەكلا ئىش شۇ ............
شۇڭا باشلىق بولغانلار ياخشى جاۋاپ،ئىنىق نەتىجە،مۇكەممەل قارارلارنى چىقارسا دەيمەن.........
    ما ئىشلارغا مەن مەسئۇل بولۇپ ھەل قىلاي ياكى سۇرۇشتۇرۇپ ئىنىق جاۋابىنى بىرەي يا بولىدۇ مانا،يا بولمايدۇ ئەنە دەيدىغان باشلىق كىرەك................
777

توپ تەپكۈچى

ياخشى گەپلەركەن ....تارىمىنىڭ سۆزلىرىمۇ ئۇرۇنلۇق .تارىمى دىگەن سەھپىدىكى مەخسۇس نادىر خەۋەرلەرگە كۆپ كۈچ كېتىدۇ ..مەن دائىم كۈرۈپ تۇرىمەن ..بىربىرىدىن ياخشى يېزىلغان خەۋەرلەر .. بىراق شۇنى تەرجىمە قىلىپ ئەكەلسە دوپپىسىنى يېنىغا قۇيۇپ ئولتۇرۇپ . .ماۋۇ بۇغدا ئويلانغۇدەك راۋرۇس تېمىدىن بىرنى خېلى ئەجىر قىلىپ يېزىپتۇ جۇمۇ . مەنمۇ بىلگىنىمنى ئوتتۇرغا مۇنازىرە قىلىپ باقاي دەيدىغان ئىش يوق  .ئىنكاس ئاز ....مەن ئىلگىرى بىر نەچچىنى تەرجىمە قىلغان ...ئەمما ئىنكاس ئىككى بەتكە بارماي پەسكە چۈشۈپ غايىپ بولدى ...مۇشۇنداق خەۋەرنى كۆرمىگەندىن كېيىن بىر بىرلەشمىنى بىر ئېغىز گەپ بىلەن خۇلاسىلەپ قۇيىدۇ .قارىسىغا تىللاپمۇ قۇيىدۇ ..ئەمىلىيەتتە ، مۇنبەردە ياخشى مۇلاھىزچى ۋە ئىنكاسچى بار .ئىككى قۇر گەپ يېزىشقا خوش ياقمىسا سىز داۋاملىق يازامسىز ...يېقىندا ئۈچ نادىر تېمامنى تېپىپ بېرىدىغان ئادەم چىقمىغاندىن كېيىن نادىر تېما يېزىشتىن رايىم قايتتى ..تەييارلاپ قويغان ماتىرياللىرىم شۇ پېتى تۇرىدۇ ..ئەمدى پىلانىمدامەنبەگە قارىماي كاللامدىن چىقىرىپ باشقىلارنىڭ كۆڭلىگە كېلەرمۇ دەيدىغان ئوينى چىقىرىپ تاشلاپ يۈز قارىماي غەلىتە ۋە تالاش تارتىش كەلتۈرىدىغان تېما يېزىشنى ئويلاۋاتىمەن .ئەمما ئۇرۇنلۇق يازىمەن .كۈتىرەلمەي ۋە ھەزىم قىلالماي مېنى تىللايدىغانلار تېخىمۇ كۆپىيىشى مۇمكىن ...بەرىبىر ..تەرجىمە خەۋەر يىتەرلىك ..بولدى بەس ئەمدى ....

يۈكسەل

مىدال ئىشىغا كەلسەك،شەخسەن مىنىڭ بوينىمدا 3تال مىدالنىڭ مۇقۇم تۇرۇپ باققىنىنى بىلمەيمەن. مانا ھازىر بىرىمۇ يوق. ئىلگىرى مىداللىرىم تولا يوقاپ كىتەتتى.سەۋەبى ئىنىق ئەمەس. كىيىن باشلىقلاغا ئەرزى قىلىپ يۈرۈپ ئاران ئالاتتىم،مانا ھازىر يەنە يوق شۇڭا ھازىر چاتتىقىم بولمايدىغان بولدى.مىدالسىزمۇ ئۆتىدىكەن كۈنلە. تىخى مۇشۇ قىتىملىق خىيالى بىرلەشمىلەنىڭ خۇلاسسى چىققاندا 1-2-3-دەرىجىگە ئىرىشكەنلەگە مىدال بىرىلىدۇيەي دەپ ئالاھىدە تىما يىزىلغان. قىنى شۇ مىدال؟ مەن 2-بولغان.لىكىن مىدال قىنى؟ سۈرۈشتۈرۈپ ھىرىپ قالدىم. ئاخىرى بولدىلا دىدىم. بەزىلەدە مەسئۇليەت ئىڭى بەك تۆۋەندەك تۇرىدۇ.تىمىلىرىنى ھەممە ئادەم ياقتۇرىدىغان ئامرىكىنىڭ بوينىمۇ تاقىر تۇرىدۇ. تۈزۈك تىمىلىرىنىڭ تاينى يوقلانىڭ بوينى تاس قاپتۇ مىداللانى كۆتۈرەلمەي سۇنۇپ كەتكىلى. بولدى قاقشىماي. ئىشقىلىپ مىنىڭ ھىچقانداق مىدالدىن تامايىم يوق. مىداللا كىمگە بىرىلسە بىرىلىۋەرسۇن. بەرىبىر ئەرىز تىڭشايدىغان باشلىقلىنىڭ تاينى بوممىغاندىكىن.

tarimi

ئەمىلىيەت مۇنبەرنىڭ تېما سۈپىتى رەڭدارلىقى يۇقىرى بولسا، چوڭلاردىن تارتىپ كۆرگۈدەك بولۇپ، ئېقىم مىقدارى ئاشسا، چېمپىيون كىيىملىرى ۋە باشقا ئۇيغۇر شىركەتلىرىنىڭ ئېلانلىرىنىمۇ قويۇپ ، گۇگۇلنىڭكىدىن  باشقا  كىرىم يوللىرىمۇ بولاپ ، مۇلازىمېتىرنىڭ  چىقىمىنى  كۆتىرەلەپ ئۆزىگە ئاشسا،
مىدالنى ھەقسىز  بەرسىمۇ ، نۇرغۇن  باشقا كۆڭۈللۈك  پائالىيەتلەرنى ئۆتكۈزسىمۇ،
مەستانىلەر  يىغىلىشى  قىلىسىمۇ  بولىۋېرىدۇ.
ئەرگۇڭدىكى  مۇسابىقىگە  پۇتبول  سن  مۇنبىرى  مەستانىلىرى  سۈپىتىدە  توپ  بولۇپ ئورتاق  مەستانىلەر  كىيىمى  كىيىپ  بارسىمۇ  بولىدۇ.
نىجات مۇنبەر قۇرۇپ قويغانغا يارىشا مۇلازىمېتىرنىڭ پۇلىسىنى  تۆلىگەندىن  باشقا  يەتتە يىل بولاپتۇ  كىرىم  قىلمىسا  بولماس...
ئۆي باھاسى  مال باھاسى  ئۆسىۋاتىدۇ. مۇنبەر كىرىمى  ئۆسىۋاتامدۇ...
سىزنىڭ  ئۆزىڭىز مەستانە كۇلۇپ غەلبە قىلسا باشقا كوماندا، تېرىنېرلارنى تىللاشقا يەنە مۇنبەر لازىم بولار.
ئەنچىلوتتىنى تىللامسىز، مادىرىد ئاتلىتكىنى تىللامسىز، مىلان، بايرېن، بارسىلونا، مېسسى، رونالدو  قايسىنى تىللامسىز تىللىسىڭىز بولىۋېرىدۇ.
ئىنكاسىڭىزغا پۇل تۇتمايدۇ.
لىكىن مۇلازىمىتېرغا  پۇل تۆلىمىسە  بولماس، نىجات  كىرىم قىلسا ياخشى  بولار.

تىلۋىزىيەدە ئېلان بەرسە  قىممەت، ھېچ بولمىسا  پۇتبولغا خاس مەھسۇلاتلارنىڭمۇ ئېلانىنى جەلىپ قىلسا  بولاتتى ئەسلى مۇشۇ يەتتە يىل ئىچىدە.
پۇتبول  مۇنبىرى قۇرۇلغان يەتتە يىلدىن  بۇيانقى باغداش، ئەلكۈيى دىگەنلەرنى ھېسابقا ئالمىغاندىمۇ ، باشقا يېڭى قۇرۇلغان ۋە پۇتبول مۇنبىرىدىن كېيىن قۇرۇلغان مۇنبەرلەرگە قاراپ بېقىڭلار...

tarimi

مۇنبەردە قاقشاش  ھوقۇقىڭىز  بولسىمۇ  قۇرۇق  پىسپاس پاراڭنى ئاز قىلسىڭىز، سۈپەتلىك ، رەڭدارلىققا تولسا، مۇنبەرنىڭ تەرەققىيات يولى ئېچىلسا  ياخشى نادىر تېما يازغانلارغا ئازراق ھەق بەرسىمۇ  بولىدۇ.
ياكى دائىملىق سۈپەتلىك  تېما يازغۇچىلارغا ھەق بېرىپ تېما  يازغۇزسىمۇ  بولىدۇ.

مادىرىدنىڭ ماركا گېزىتى ياكى بارسىلونانىڭ  ئاس  گېزىتى تۈكرۈك ئۇرۇشى قىلغان يالغان يۆتكىلشى  خەۋىرى يازغان، خەنزۇلارنىڭ سىنا باشقا تورلىرى  شۇنداق  جىدەل  تۈكرۈك  ئۇرۇشىغا تولغان مىدىئا بولغان بولسا
ئۇلار دەل  شۇ يەردىن  سېتىش كىرىمىگە ئېرىشىدۇ.
لىكىن سىز مەستانە بولۇش  سۈپىتىڭىز  بىلەن  قاقشىسام  سېنىڭ نىمە كارىڭ  سەن مەستانە كوماندىنى ئۇتىۋالغانغا چىدىمىدىڭ  دىگەن بىلەن
سىزنىڭ قاقشىشىڭىز  مۇنبەرنىڭ  رەڭدارلىقى  ئۇنۋېرساللىقىغا تەسىر يەتكۈزىدۇ . ھېچقانداق ئىقتىسادى مەنپەئەت ئېلىپ كەلمەيدۇ.
ياشقا چوڭلار ئۆزىنى تۇتىۋالغانلار مۇنبەرگە كىرمەس  بولىدۇ  خالاس.
بۇ مۇنبەر قانداق قىلغاندا  چېمپىيون ۋە باشقىلارنىڭكىدەك  ئۇيغۇر شىركەتلىرىنىڭ ئېلانىنى قوبۇل قىلىپ  ئىقتىسادى كىرىم  قىلىپ تەرەققىيات يولىغا ماڭالايدۇ.

پالۋان

    بۇ تىما ھەقىقەتەن ياخشى ھەم ئەتىراپلىق بولۇپتۇ، دىمىگىراتىيەنى ھەقىقىي تۈردە ئىشقا ئاشۇرساق بولاتتى.ئۆز ئالدىمىزغا ئۇسلۇب ھەم يىڭىلىق ياراتساق، مىداللارنى كۆپەيتسەك، ھەرخىل پائالىيەتلەرنى ئېلىپ بارساق، مانا مەنمۇ 2008-2-ئايدا ئەزا بوپتىمەن، شۇ جەرياندىن باشلاپ، ئادەتتىكى ئەزادىن بارا-بارا ئىلگىرلەپ كەلگەن ئەمما 2013-يىلى بەزى ئىشلار تۈپەيلى مۇنبەرگە كىرەلمىگەنىدىم، مانا ئەمدىلىكتە قايتىپ كەلدىم. مېنىڭ بىرنەچچە مىدالىم بارتتى، ئىسلاھاتتىن كىين يوقاپ كېتىپتۇ ئەمما ئۆكۈنمىدىم، چۈنكى بىرمەزگىل يوق بولۇپ كەتكەندىن كىين ئەلۋەتتە مىدالنىڭمۇ بولمسالىقى نورمالدە......
بوپتۇ كۆپ سۆزلىمەي، ياخشى تەكلىپلەر چىقىۋاتىدۇ، مۇنبەرنىڭ تېخىمۇ ئۆزگىچە تېخىمۇ يىڭى قىياپەتتە ئۈزۈكسىز تەرەققىي قىلىشىنى چىن دىلىمىزدىن ئۈمۈد قىلىمەن ھەم قىلىمىز!

missi2

تەكلىپ -پىكىرلەر ياخشى ئوتتۇرىغا قويۇلۇپتۇ  بىر قىسىم مەسىلىلەرنى ھەل قىلمىسا بولمىغۇدەك
مېنىڭ بىر تېمام يوقاپ كەتتى،نېمە ئۈچۈن يېڭى تېمىلار قاتارىغا چىقمايدۇ؟ بۇ مەندىكى مەسىلىمۇ ياكى مۇنبەر سىستېمىسىدىكى مەسىلىمۇ؟

laqin1

ناھايىتى ياخشى  پىكىر بوپتۇ

بىنزىما9

پۇلنىمۇ جىق قىلساق شۇنداق ئۈزىمىز زاكاس قىلساق بۇلاتتى ياخشى تىما بۇپتۇ

hakan801

ھەممىسى بولىدىغان ئۇرۇنلۇق تەكلىپلەركەن،،،،قوللايمىز

ئەبرار

ئۇندىدار سالونى قۇرۇش ، ماۋۇ بەك ئورۇنلۇق پىكىر بولدى.

ئەبرار

بۇرۇن بىرلەشمىلەر ئاياغلىشىپلا ، بىر قېتىملىق خۇلاسلەش پائالىيەتلىرىمىز بار ئىدى.  شۇنىمۇ ئەسلىگە كەلتۇرسەك.

زېرەك

مەنچىمۇ مىدالنى تىللاغا ئېلىپ ئېسىش تازا ئاقىلانىلىك ئەمەس، بولسا مۇنبەر پۇلىغا ئالغىلى بولسا بولاتتى ئەسلى.

ئۇندىدار سالونى توغرىسىدا نىجاتمۇ ھەپىلشىۋاتقاندۇ بەلكىم، مۇنبەر سېستىمىسىنى ئۇندىدار سالونى بىلەن باغلىغىلى بولىدۇ، باشقىلارنىڭ قول تۇتۇپ تېما يوللىشى ھاجەتسىز (خۇددى مەندەك).

مۇنبەرنىڭ يانفۇن نۇسخىسى ۋە ئەپچىسىگە كۈچەپ قويسا بولاتتى نىجات باشلىق.

بۇرۇن خېلى پائالىيەتلەر ئۆتكۈزىلىپ تۇراتتى، ھازىر جىمىپ قلدىغۇ تاڭ.

نادىر تېمىلارغا ئۆلچەمنىڭ چوڭ قويىۋالمىساق، ئۇزۇن ھەجىمدىكى، ھەرخىل رەسىملەر بىلەنلا يېزىلغان تېمىلارلا نادىر بولۇپ قالمىسۇن، كىشىگە پايدىسى تېگىدىغان، بەزى ئاددى تېمىلارمۇ نادىرلىنىشقا ھەقلىق.

قالغىنىنى يەنە ئېسىمگە كەلسە يازىمەن.

turgunjan

بۇغدانىڭ ئوتتۇرغا قۇيغان پىكىرلىرىنىڭ ھەممىنى قوللايمەن .