|
ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن !
ئەسسالامۇ ئەلەيكۇم !
تارىخ تەكرارلىنىپ رېئال مادرىد چىمپيۇن بولامدۇ ؟
ئىسپانىيە بىرلەشمە مۇسابىقىسى ھېكايىسى ئاياغلاشتى ، قايتىدىن كۈچلەنگەن مادرىد ئاتلېتكا ئىسپانىيەنىڭ ئەنئەنىۋى زەردارلىرى بارسىلونا ، رېئال مادرىدلارنى قارىتىپ قويۇپ تۇرۇپ چىمپيۇنلۇق تەختىگە ئولتۇردى ، بۇ ئۇلارنىڭ ئىسپان بىرلەشمىسى شاھلىق تەختىگە ئولتۇرغانلىقىنىڭ 10-قېتىملىقى بولدى ، يەنە بىر تەرەپتىن ئىسپانىيە بىرلەشمە مۇسابىقىسىنىڭ رەت تەرتىپ نۇمۇرىغا قارىساق خانلىق بېيتىسنىڭ دەرىجە چۈشۈپ كېتىشى ئېنىق مۇقىملاشتى .
بۇ قاتارلىق ئىشلار كىشىلەرگە ئىختىيارسىز بۇندىن 49 يىل مۇقەددەم ( 1965~1966 ) يۈز بەرگەن بىرلەشمە مۇسابىقىدىكى ھالەتنى ئەسلەتتى ، ئەجەبا تارىخ يەنە شۇ پېتى تەكرارلىنارمۇ ؟؟؟
1965~66-يىللىق ئىسپان بىرلەشمە مۇسابىقىسىدە مۇشۇ مادرىد ئاتلېتكا شۇ يىللاردىمۇ ئىسپان بىرلەشمىسىنى مونوپول قىلىۋالغان رېئال مادرىد ۋە بارسىلونالارنى مەغلۇپ قىلىپ ئىسپانىيە بىرلەشمە چىمپيۇنلۇقىغا ئېرىشكەن ، شۇ يىلىمۇ رېئال بېيتىس كوماندىسى دەرىجە چۈشۈپ كەتكەن ئىدى ...
ئوخشاشلىق بۇنىڭ بىلەنلا توختاپ قالغىنى يوق ، دەل شۇ مەۋسۇمدە راكىرونىيە كوماندىسى دەرىجە ئۆرلەپ ئىسپانىيە ئا دەرىجىلىكلەر بىرلەشمىسىگە چىققان ، ئەمدى راكىرونىيەنىڭ ھازىرقى ھالىتىگە قارايدىغان بولساق ئۇلار ئىسپان ب دەرىجىلىك بىرلەشمىسىنىڭ بىرىنجىلىك ئورنىنى بېسىپ ياتماقتا ، يەنە ئۈچ مەيدان مۇسابىقىنى ئوڭۇشلۇق ئاخىرلاشتۇرالىسا ئا دەرىجىلىك بىرلەشمىگە قايتىپ كېلىدۇ .
مۇشۇنداق ھالەتلەرنىڭ تەكرارلىنىشى ئەڭ ئاخىرقى بىر نۇقتىغا باغلىق بولۇپ قالدى ، ئۇ بولسىمۇ رېئال مادرىد دەل شۇ 1965~1966 يىلىدىكى مۇسابىقە پەسلىدە ياۋروپا چىمپيۇنلۇق بىرلەشمىسىنىڭ ھەل قىلغۇچ مۇسابىقىسىگە كىرگەن ھەمدە سېربىيەنىڭ پارتىزان كۇلۇبىنى مەغلۇپ قىلىپ كۇلۇب تارىخىدىكى 6-نۆۋەتلىك ئوزغۇنلۇق لوڭقىسىنى كۆتۈرگەن . بۇ يەردىكى قىزىق نۇقتا بولسا تارىخ تەكرارلىنىپ رېئال مادرىد بۇ نۆۋەتلىك ياۋروپا چىمپيۇنلۇق لوڭقىسىنىڭ ساھىبى بولالامدۇ ياكى مادرىد ئاتلېتكا ئۇ تارىخنىڭ قىسمەن جايلىرىغا ئۆزگەرتىش كىرگۈزۈپ خاتىمىنى باشقا شەكىلدە چۈشۈرەمدۇ ؟؟؟ بۇنىڭ جاۋابى ئاللاھ خالىسا پات ئارىدا چىققۇسى ... | 
ۋاقتى: 2014-5-22 07:51:04
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2014-5-22 11:40:34
