|
تۈركىيە دەرىجدىن تاشقىرى بىرلەشمىسىنىڭ 33-ئايلانما مۇسابىقىسىنىڭ نەتىجە ئەھۋالى تۆۋەندىكىچە:
فەنەرباغچە 4 - 0 قارابۈك تەنتەربىيسى
تۈركىيە زەردارى فەنەرباغچە ئۆز مەيدانى شۈكرۈ ساراجئوغلى پۇتبول مەيدانىدا قارابۈك تەنتەربىيسىنى كۈتىۋالدى. فەنەرباغچە ئۆز مەيدان ئەۋزەللىكدىن پايدىلىنىپ كۈچلۈك ھۇجۇم قوزغاپ مۇسابىقە باشلىنىپ 14 مىنۇت بولغاندا فەنەرباغچە توپچىسى موسسا سوۋ بىر توپ ئۇردى. مۇسابىقە داۋاملىشىپ 41 مىنۇت بولغاندا پورتىگلىيەلىك توپچى مېرىلىس بىر توپ ئۇرۇپ ئۈستۈنككە ئۆتتى. 2 مىنۇتتىن كىيىن فەنەرباغچە توپچىسى ئەمرە بەلەزئوغلى بىر توپ ئۇرۇپ ئالدىنقى مەيدان مۇسابىقە ئاياقلاشتى. كىيىنكى مەيدان مۇسابىقە باشلىنىپ 90 مىنۇتقا قەدەم قويغاندا فەنەرباغچە توپچىسى ۋېبو بىر توپ ئۇرۇپ يۇقىرى پەرىق بىلەن قارشى تەرەپنى مەغلۇپ قىلدى.
قاسىم پاشا 1 - 1 چايقۇر رىزە تەنتەربىيسى
بىرلەشمىدىكى يەنە بىر كۈچلۈك كوماندا قاسىم پاشا ئۆز مەيدانى رەجەپ تايىپ ئەردوغان پۇتبول مەيدانىدا رىزە تەنتەربىيىسىنى كۈتىۋالدى. ئالدىنقى مەيدان مۇسابىقىدە ھەر ئىككى تەرەپ كۈچەپ ئوينىغان بولسىمۇ توپ كىرمەي مۇسابىقە ئاياقلاشتى. كىيىنكى مەيدان مۇسابىقە باشلىنىپ 60 مىنۇت بولغاندا رىزە تەنتەربىيىسى بىر توپ ئۇردى. بىر مىنۇتتىن كىيىن قاسىم پاشا كوماندىسى بىر توپ قايتۇرۋالدى. شۇنىڭ بىلەن كىيىنكى ۋاقىتلاردا مۇسابىقە نەتىجىسىدە ئۆزگىرىش بولماي مۇسابىقە ئاياقلاشتى.
ئەلازىغ تەنتەربىىيسى 0 - 1 بەشىكتاش
بىرلەشمىدىكى يەنە بىر زەردار بەشىكتاش كوماندىسى مېھمان مەيداندا ئەلازىغ تەنتەربىيسىسى بىلەن مۇسابىقىلەشتى. مۇسابىقە باشلىنىپ 39 مىنۇتقا بارغاندا بەشىكتاش توپچىسى گۆكخان تۆرە بۇ مەيدان مۇسابىقىدىكى بىردىن بىر توپنى ئۇرۇپ بەشىكتاش كوماندىسى غەلبە قىلىپ قىممەتلىك 3 نومۇرنى ئالدى.
تىرابىزۇن تەنتەربىيىسى 1 - 4 گالاتاساراي
بىرلەشمىدىكى كۈچلۈك كوماندا تىرابىزۇن ئۆز مەيدانىدا بىرلەشمىدىكى زەردار گالاتاساراينى كۈتىۋالدى. ھەر ئىككى تەرەپ كۈچەپ ئوينىغان بولسىمۇ ئالدىنقى مەيدان مۇسابىقىدە ھەر ئىككى تەرەپتىن بىرمۇ توپ كىرمىدى. كىيىنكى مەيدان مۇسابىقە باشلىنىپ 51 مىنۇت بولغاندا گالاتاسارايدىن سىنىيدىر بىر توپ ئۇرۇپ تىرابىزۇننىڭ دەرۋازىسىنى ئاچتى. 5 مىنۇتتىن كىيىن گالاتاساراي كاپىتانى سەلچۇق ئىنان بىر توپ ئۇردى. يەنە 5 مىنۇتتىن كىيىن تىرابىزۇن بىر توپ قايتۇرۋالدى. مۇسابىقە داۋاملىشىپ 73 مىنۇت بولغاندا گالاتاساراي توپچىسى ئۈمۈت بۇلۇت بىر توپ ئۇردى. 83 مىنۇت بولغاندا سىنىيدىر يەنە بىر توپ ئۇرۇپ گالاتاساراي قارشى تەرەپ مەيدانىدا غەلبە قىلدى.
باشقا مۇسابىقىلەر:
ياشلار بىرلىكى 1 - 2 ئانتالىيا تەنتەربىىيسى
گازىئەنتوپ تەنتەربىيىسى 1 - 1 كونا شەھەر تەنتەربىيسى
ئەرجىيەس تەنتەربىيسى 1 - 1 بۇرسا تەنتەربىيسى
توركو كونيا تەنتەربىيسى 3 - 0 قەيسەرى تەنتەربىيىسى
يۇرتقا بېرىش مۇناسىۋىتى بىلەن تورغا چىقالماي، مۇسابىقىنىڭ ئەھۋالىنى ۋاقتىدا يوللىيالماي قالدىم. مۇنبەردىكى دوسىتلاردىن سەمىمىي كەچۈرۈم سورايمەن. ۋاقىتنىڭ قىسلىقى ۋە ئالدىراشچىلىقتا بۇ تېمىنى تۇلۇق يوللىيالماي بىر قىسىمىنىلا يوللىدىم. تورغا چىقىش قولايسىزلىقتىن تورخانىغا كىرىپ ئۇشبۇ تېمىنى يېزىپ ئولتۇرۇپتىمەن. تۈركىيە بىرلەشمىسىنىڭ مۇسابىقە ئەھۋالىنى تۇلۇق يوللاي دېگەن نىيەتتە يوللىغانكەنمەن، چۇقۇم ئاخىرىنى چىقىرش مەقسىتىدە كەم ياكى ۋاقتى ئۆتكەن بولسىمۇ يوللاپ قويدۇم. | 
ۋاقتى: 2014-5-21 20:03:00
تېما كۆتۈرۈش
تېما چوققىلاش
تېما تاقاش
变色卡
ئىگىسى
