رونالدو قايتىپ كېلىشكە تەييارلىنىپ بولدى

باھادىر

     

     ئۇ تولۇق ئەسلىگە كەلدى، بىراق بايرىن بىلەن بولىدىغان مۇسابىقىدە ئاساسلىق ئەزا بولماسلىقى مۇمكىن.


(بۈگۈنكى «ماركا گېزىتى»مۇقاۋىسى: كرىستىئانو بىلەن كۇرتۇۋا گۇاردىئولانىڭ بايرىن كوماندىسى بىلەن مورىنىيونىڭ چېلسى كوماندىسى مۇسابىقىلىرىگە قاتنىشالايدۇ.)

     كرىستىئانو رونالدو بايرىن ميۇنخىن بىلەن بولىدىغان مۇسابىقىدە مەيدانغا چىقىشقا تەييارلىق قىلىپ بولدى. ئۇنىڭ سول يوتىسىدىكى 1.5 سانتىمېتىرلىق يىرىق ئاساسەن ساقىيىپ بولدى. رېئال مادرىد مەستانىلىرىنىڭ يۈرىكى جايىغا چۈشىدىغان بولدى، ئۇلارنىڭ ئالتۇن توپ چولپىنى يېرىم ھەل قىلغۇچ مۇسابىقىدە كوماندىغا ياردەم قىلالايدۇ. بىراق ئۇنىڭ ئاساسلىق ئەزا بولۇپ مەيدانغا چىقالايدىغان چىقالمايدىغانلىقى يەنە كۆزىتىشكە مۇھتاج.

     ئۇنىڭ تىز ۋە مۇسكۇل يارىسى كەلتۈرۈپ چىقارغان پەي ياللۇغى ئاساسەن كوماندا دوختۇرىنىڭ كونتروللىقى ئاستىدا. رونالدونىڭ يەنە مەيدان سىرتىدا ياكى زاپاس ئەزالار قاتارىدا تۇرۇپ كوماندىسىنىڭ باشقا مۇسابىقىلىرىنى كۆرگۈسى يوق. ئۇنىڭ ئۆزىگىمۇ ئايانكى، ھازىرقىدەك چېمپيونلۇق بىرلەشمىسى ھەل قىلغۇچ مۇسابىقە باسقۇچى ۋە دۇنيا لوڭقىسى ھارپىسىدا، ھەر قانداق يارىلىنىشنىڭ ئىنتايىن ئىغىر ئاقىۋەت ئىلىپ كېلىدۇ.

     بەخىتكە يارىشا، بۇنداق خەتەرنىڭ ئېھتىماللىقى ھازىر بارا-بارا تۆۋەنلەشكە باشلىدى، رونالدو ھازىر كوماندىسى ئۈچۈن كۈچ قوشالايدىغان بولدى. بۇ توپچى قوراللىرىنى بەتلەپ مەيدانغا چىقىپ توپ ئۇرۇشقا تەييارلىق قىلماقتا. بۇ ئۇنىڭ ئۇدا تۆتىنچى قىتىم ياۋرۇپا چېمپيونلۇق بىرلەشمىسى يېرىم ھەل قىلغۇچ مۇسابىقىسىگە قاتنىشىشى، ئالدىنقى ئۈچ قىتىم ئۇنىڭ كوماندىسى دەل مۇشۇ يەردە يەر چىشلەپ يىتىپ قالغان، ئۇ ھەرگىزمۇ يەنە بۇنداق بولۇشىنى خالىمايدۇ.

     ئەگەر ھازىردىن باشلاپ چارشەنبە كۈنىگىچە باشقا ئالاھىدە ئەھۋال كۆرۈلمىسە، CR7 مۇشۇ ئاينىڭ 2-كۈنى بېرنابۇدا دورتمۇند كوماندىسى بىلەن بولغان مۇسابىقىدىن باشلاپ 21 كۈندىن كېيىن توپ مەيدانىغا قايتىپ كېلەلەيدۇ. شۇنداق بولغاندا ئۇ ئاۋۋال تىز يارىسى كېيىن مۇسكۇل يىرتىلىش سەۋەبلىك بولۇپ ئۈچ ھەپتە مۇسابىقىگە قاتنىشالمىدى. بۇ ۋاقىتتا كوماندا شاھلىق لوڭقىسى چېمپيونلۇقىنى قولغا كەلتۈرگەننى قوشۇپ ئۈچ مەيدان غەلبىگە ئېرىشتى، ۋە دورتمۇند بىلەن بولغان بىر مەيدان مۇسابىقىدە يېڭىلىپ قالدى.




مەنبە: «ماركا گېزىتى»

زېرەك

تېزراق قايتىپ كەلسە بولاتتى، مادرىد يەنىلا رونالدودەك قوماندانغا مۇھتاجكەن…

مىراس

دىربىدىكى شەخسىيەتچىلىكلەرگە قاراپ بۇنۇڭ بولمىغىنى بىر ھىساپتا ياخشىلىق ئېلىپ كەلمەيدىكەن

7RoNALDo

رونالدوبولمىسا بولمايدۇ.بىل نىڭ ئەمدى بەيرىن تەڭ كەلمىكە تەسرەك.ھەرھالدا يۈرەك جايىغا چۈشتى.

مىلەن

مەنمۇ تەييارلىنىپ بولدۇم ،بىرگە قايتايلى....

مىلەن

تىمىغا مۇناسىۋەتسىز بولسىمۇ سوراپ باقسام ،ئېنگىلاد دۆلەت كوماندىسىنىڭ 2014دۇنيا لوڭقىسى تىزىملىكىنى قالدۇرۇپ قويسىڭىز ،ئاۋارە قىلىدىغان بولدۇم

isyanqi

رونالدونىڭ ساقايغىنى ياخشى بولدى، ئەمما بايرىن بىلەن بولدىغان مۇسابىقىگە چۇقۇم چۇشسە بولاتتى....

سەنجەر

رونالدو بولمىسا بولمايدۇ ئەمدى ، ھۇجۇم ئاندىن تېخىمۇ ئۈنۈملۈك بولىدۇ ، رونالدو بولمىسا ھەممىسى قالايمىقان ۋارتارغا تېپىپ باقىدىكەن ...

يورۇق

رونالدو بەيرىن بىلەن بولغان مۇسابىقىدە كىينكى يىرىم مەيدان چۇشسە ياخشى دەپ قارايمە

مىراس

مىلەن يوللىغان ۋاقتى  2014-4-20 20:04
تىمىغا مۇناسىۋەتسىز بولسىمۇ سوراپ باقسام ،ئېنگىلاد دۆ ...

تېخى ھازىر چىقارمايدۇ ئۇ تىزىملىكنى بىر ئاي قالغاندا چىقىردىغۇ دەيمەن

باھادىر

مىلەن يوللىغان ۋاقتى  2014-4-20 20:04
تىمىغا مۇناسىۋەتسىز بولسىمۇ سوراپ باقسام ،ئېنگىلاد دۆ ...

دۇنيا لوڭقىسى كوماندىلارنىڭ ئەزالار تىزىملىكى 5-ئايدا ئېلان قىلىنىدۇ. ھازىر تېخى ئېلان قىلمىدى. بەزى كوماندىلارنىڭ 40-50 كىشىلىك تىزىملىكى ئېلان قىلىندى.

HAKKER

بايرىن بىلەن بولغان مۇسابىقىدە تۇماق كەيسە بولاتتى