بارسېلونا شىرى - پۇيۇل

ماھىرچاق

  ئەسسالام - ئەلەيكۇم ھۆرمەتلىك مۇنبەر ئەھلى كەمىنە ماھىرچاقتىن ھەر قايسىڭلارغا ئوتلۇق سالام ، بۇ يازمىنى تەييارلاپ قويغىلىمۇ ئۇزۇن بولغان لېكىن يوللاشقا ۋاقىت چىقىرالمىغان ئىدىم بۈگۈن يولاشقا نىسىپ بولغان ئوخشايدۇ ، بۇ يازمىنى بارسېلونانىڭ شانلىق دەۋىرنىڭ شاھىدى ھەم تۆھپىكارى بولغان سابىق كاپىتان پۇيۇلغا بېغىشلايمەن .

  
                                
   
                                         شىر پادشاھ - پۇيۇل
                     
                                

  1.  شەخسى تەرجمھالى
ئسىمى : كارلېس . پۇيۇل . سافوكاردا
لەقىمى : تارزان ، شىر پادىشاھ
تۇغۇلغان ۋاقتى : 1978-يىلى 4- ئاينىڭ 13- كۈنى
يۇرتى : ئىسپابىيە كاتولونىيە
توپ تېپىۋاتقان كۇلۇبى : ئىسپانىيە بارسېلونا كۇلۇبى  
مەيداندىكى ئورنى : ئوتتۇرا بېك . ( كۇلۇپ ۋە دۆلەت كوماندىسدىكى ئورنى ئوخشاش ) .
ھازىرقى باھاسى : 28مىليۇن
كىيم نۇمۇرى : دۆلەت كوماندىسدا ۋە كۇلۇپتا ئوخشاش 5- نۇمۇرلۇق جەڭ ساۋۇتىنىڭ ئىگىسى .
ئۇ ھازىرغا قەدەر دۆلەت كوماندىسىغا ۋاكالتەن 94 قېتىم مەيدانغا چىقىپ ، 5 توپ كىرگۈزگەن .  
ياۋرۇپا ئۈچ چوڭ لوڭقىسدا 117 قېتىم مەيدانغا چىقىپ 3 توپ كىرگۈزگەن .
ياۋرۇپا چېمپىيۇنلۇق لوڭقىسدا 101 قېتىم مەيدانغا چىقىپ 3 توپ كىرگۈزگەن .

                             

      
     2. كەسپى ھاياتى

كۇلۇپ ھاياتى
              
پۇيۇلنىڭ پۇتبولچىلىق ھاياتى ئۇنىڭ تۇغۇلغان يۇرت بولغان بولغان بىر كىچىك بازاردىن باشلانغان ، ئۇنىڭ تەبئىي تالانتى ناھايتى تېزلا باشقىلارنىڭ دىققىتىنى قوزغىغان . 7 يېشدىن باشلاپلا بارسېلونا كۇلۇبىنڭ لامايسىيە ياشلار بازىسدا مەخسۇس سېستىمىلق مەشقنى قۇبۇل قىلشقا باشلىغان .
                           

ئۇ بارسېلونا ياشلار بازىسدا تېزلا كۆزگە كۆرۈنگەن ھەمدە كوماندىنىڭ 2- سەپ كوماندىسدا توپ تېپىشكە باشلىغان ئۇنىڭدىكى يېڭلمەس ئىرادە ۋە قەيسەر روھ ئۇنى 2- سەپ كوماندىسدىمۇ تېزلا تۇنۇتقان ھەمدە كۇلۇپ بىلەن رەسمى توختام ئىمزالاپ 1- سەپ كوماندىسغا رەسمي قېتىلدى . 1999-يىلى 10- ئاينىڭ 2-كۈنى ئۇ تۇنجى قېتىم 1-سەپ كوماندىسغا ۋاكالىتەن مەيدانغا چىقىپ ، ئىسپانىيە ئا دەرىجلىكلەر مۇسابقىسنىڭ تەمىنى تېتىدى . كېيىن ئۇنىڭدىكى يېڭلمەس ئىرادە ئۇنى تېخمىۇ كۆپ مەيدانغا چىقىش پۇرسىتىگە ئىگە قىلدى . ئۇ بارا - بارا ئۆزنىڭ مەيداندىكى ئورنىنى مۇستەھكەملىدى .
پۇيۇلنىڭ مەيداندىكى ئەسلى ئورنى ئوڭ مۇداپىئە بۇلۇپ ، ئۇ بارا -بارا  تەرەققىي قىلىپ ھازىرقى دەۋىر پۇتبولچىلق ساھەسدكى دەرىجىدىن تاشقىرى ئوتتۇرا بېكىقا ئايلانغان ، ئۇنىڭ بەدەن سۈپىتى ۋە مەيداننى كونتىرول قىلشى ئىنتايىن كۆرۈنەرلىك . ئۇ كوماندىدا باشقا سەپداشلىرنىڭ ئۈلگىسى ، ئۇنىڭ قارشى تەرەپنىڭ ھۇجۇمىغا قارشى تۇرۇش ۋە ئۇنى بتچىت قىلىش ئىقتىدارى ئىنتايىن كۆرۈنەرلىك ھەم ئىنتايىن قالتس . ئۇ ئۆزنىڭ ئورنىنىڭ ھۆددىسدىن چىقپلا قالماستىن بەلكى يەنە تېرنىرنىڭ ئورۇنلاشتۇرشى بۇيىچە سول مۇداپىئە ئورنىنى ناھايتى ياخشى ئوينايدۇ ، گەرچە ئۇنىڭ بوي ئېگىزلىكى ئاران 178 سانتېمېتر بولسىمۇ ، ئۇنىڭ بەدەن سۈپىتى ئىنتايىن ياخشى بۇلۇپ ، ئۆزدىن ئېگىز ھۇجۇمچىلارنىمۇ ناھايتى ئۈنۈملۈك مۇداپىئە قىلالايدۇ.
ئۇ كوماندا ئىختيارى توپ ۋە كورنېر توپ تېپىش پۇرستىگە ئېرىشكەندە ھۇجۇمغا ماسلىشىدۇ .  پۇيۇل مەيلى دۆلەت كوماندىسدا بولسۇن ئارقا مۇداپىئە سېستمىسدىكى كەم بولسا بولمايدىغان ئەزا ھەم كوماندىنىڭ ئارقا مۇداپىئە سېستىمىسدىكى چوڭ مېڭە .  
ئۇنىڭ قارشى تەرەپ ھۇجۇمىغا بۇزغۇنچىلىق قىلشى ، قارشى تەرەپنىڭ پاسلىرنى ئۈزۈپ قۇيۇشى ۋە بوشلۇقتن كەلگەن تولارنى كومتىرول قىلشى ئىنتايىن كۆرىنەرلىك . بىر ھۇجۇمچىغا نىسبەتەن پۇيۇلنىڭ مۇداپىئەسدىن ئۆتۈشنىڭ ئۆزى بىر باش قېتىنچىلىق .

                                

2004-2003-مۇسابىقە پەلسىدە ، ئۇ كوماندىنىڭ 3-كاپىتانلىقىغا تەيىنىلىنىپ ، كوماندىنى باشلاپ بىرلەشمىدە 2-لىككە ئېرىشتى ، ئۇ بۇ بىر يىلدا 27 قېتىم بىرلەشمە مۇسابىىسگە 7 قېتىم ئىتتپاق لوڭقىسغا قاتناشتى .
2005-2004-مۇسابىقە پەسلىدە كوماندىنىڭ 1- كاپىتانى بولدى ، ھەم شۇ يىلى پەسىل ئاخىرىدا بىرلەشمە چېمپىيۇنلىقنى قولغا كەلتۈرۈپ ، نۇكەمپۇدا چېمپيۇنلۇق لوڭقسنى ئېگىز كۆتۈردى ھەمدە ئۆز ئارزۇسىنى ئاخىرى  ئەمەلگە ئاشۇردى .  

                              

  دۆلەت كوماندىسدىكى ھاياتى

1999-يىلى ئىسپانىيە 21 ياشتىن تۆۋەن ياشلىقلار كوماندىسنىڭ ئەزاسى بولغان ، ھەم ياۋرۇپا  u21 ياشلىقلار لەۋە تالشىش مۇسابقىسدە 3- بولغان .
2000-يىلى سېدنىي ئولمپىك تەنھەرىكەت مۇسابقىسدە ئىسپانىيە ئولمپىك كوماندىسنىڭ ئەزاسى بولغان ھەمدە شۇ قېتمىلق ئولمپىىك مۇسابقىسدە ئىپسانيە ئولمپىك كوماندىسىنىڭ ئەرلەر پۇتبول تۈرى بۇيىچە 2-لىككە ئېرشىىشگە كۈچ چىقارغان .
2008-يىلى ئىسپانيە دۆلەت كوماندىسى تەركىبدە ياۋرۇپا لوڭقىسدا چېمپىيۇنلۇققا ئېرىشكەن .
2010-يىلى ئىسپانىيە دۆلەت كوماندىسى دۇنيا لوڭقىسى پۇتبول مۇسابىقىسدە چېمپىيۇن بولغان . تەكىتلەشكە تېگشىلك بولغىنى شۇكى يېرىم ھەل قىلغۇچ مۇسابىقدە گېرمانىيە كوماندىسغا ھالقىلىق كاللا توپتىن بىرنى ئۇرۇپ شۇ نۆۋەتلىك مۇسابقىنىڭ غەلبىسىگە ئاساس سالغان .

                                   

   3 . ئېرىشكەن شەرەپلىرى  

كۇلۇپتا ئېرىشكەن شەرەپلىرى

                                 

2006-2005-مۇسابىقە پەسلى ئىسپانىيە بىرلەشمىسى چېمپىيۇنى
2006-2005-مۇسابىقە پەسلى ياۋرۇپا چېمپىيۇنلۇق بىرلەشمىسى چېمىپيۇنى
2006-2005-مۇسابىقە پەسلى ئىسپانىيە دەرىجدىن تاشقىرىلار لوڭقىسى چېمىپيۇنى
2006-2005-مۇسابىقە پەسلى دۇنيا كۇلۇپلار لوڭقسى چېمىپيۇنى
2009-2008-مۇسابىقە پەسلى ئىسپانىيە بىرلەشمىسى چېمىپيۇنى
2007-يىلى پۇيۇل 87750 بېلەت بىلەن بارسېلونا تارىخدىكى ئەڭ قارشى ئېلىنغان چولپان بۇلۇپ باھالانغان .
2009-2008-مۇسابىقە پەسلى ئىسپانىيە شاھلىق لوڭقىسى چېمپىيۇنى
2009-2008-مۇسابىقە پەسلى ياۋرۇۇپا چېمپىيۇنلۇق بىرلەشمىسى چېمپىيۇنى
2009-2008-مۇسابىقە پەسلى ياۋرۇپا دەرىجدىن تاشقىرىلار لوڭقىسى چېمپىيۇنى
2009-2008-مۇسابىقە پەسلى ئىسپانىيە دەرىجدىن تاشقىرىلار لوڭقىسى چېمپىيۇنى
2009-2008-مۇسابىقە پەسلى دۇنيا كۇلۇپلار لوڭقىسى چېمپيۇنى
2009-2008-مۇسابىقە پەسلىدە بارسېلونا 6 شاھ بولدى ، بۇ جەرياندا پۇيۇل ئۆزنىڭ قالتىس ئىپادىسنى جارى قىلدۇرۇپ كۇلۇپنىڭ 6 شاھ بۇلشىغا غايەت زور تۆھپە قوشتى .
2010-2009-مۇسابىقە بەسلى ئىسپانىيە بىرلەشمىسى چېمىپيۇنى
2010-2009-مۇسابىقە پەسلى ئىسپانىيە دەرىجىدىن تاشقىرىلار لوڭقىسى چېمىپيۇنى
2011-2010-مۇسابىقە پەسلى ئىسپابىيە بىرلەشمىسى چېمىپيۇنى
2011-2010-مۇسابىقە پەسلى ياۋرۇپا بىرلەشمىسى چېمپىيۇنى
2011-2010-مۇسابىقە پەسلى ئىسپانىيە دەرىجدىن تاشقىرىلار لوڭقىسى چېمىپيۇنى
2011-2010-مۇسابىقە پەسلى ياۋرۇپا دەرىجدىن تاشقىرىلار لوڭقىسى چېمىپيۇنى
2011-2010-مۇسابىقە پەسلى دۇنيا كۇلۇپلار لوڭقىسى چېمىپيۇنى
2012-2011-مۇسابىقە پەسلى ئىسپانىيە شاھلىق لوڭقىسى چېمىيۇنى
2013-2012-مۇسابىقە پەسلى ئىسپانىيە بىرلەشمىسى چېمىپيۇنى
2013-2012-مۇسابىقە پەسلى كاتولونىيە لوڭقىسى چېمىپيۇنى

                                   

   دۆلەت كوماندىسدا ئېرىشكەن شەرەپلىرى
2000-يىلى سېدنىي ئولىمپىك تەنھەرىكەت مۇسابىقسدە ئەرلەر پۇتبول تۈرى بۇيىچە 2-لىككە ئېرىشكەن .
2008-يىلى ياۋرۇپا لوڭقىسى چېمىپيۇنى بولغان .
2010-يىلى جەنۇبى ئافىرىقا دۇنيا لوڭقىسى پۇتبول مۇسابقىسدە چېمىپيۇن بولغان .

                              

   شەخىس مۇكاپات تۈرى
2008-يىلى خەلىقئارا  پۇتبولچىلار بىرلەشمىسى باھالاپ چىققان يىللىق ئەڭ مۇنەۋۋەر سەپ شەكىلىگە كىرگەن .
2010-يىلى خەىقئارا پۇتبولچىلار بىرلەشمىسى باھالاپ چىققان يىللىق ئەڭ مۇنەۋۋەر سەپ شەكىلىگە كىرگەن .
2002- 2005- 2008- 2009- 201- يىللىرى ئايرىم-ئايرىم ھالدا خەلىقئارا پۇتبولچىلار بىرلەشمىسى باھالاپ چىققان يىللىق ئەڭ مۇنەۋۋەر سەپ شەكىلىگە كىرگەن .
2010-يىلى جەنۇبى ئافىرىقا دۇنيا لوڭقىسى پۇتبول مۇسابقىسدە ئەڭ مۇنەۋۋەر سەپ شەكىلىگە كىرگەن .
2008-يىلى ياۋرۇپا لوڭقسىسد 10مۇنەۋۋەر ماھىرنىڭ بىرى بۇلۇپ باھالانغان . 23 كىشلىك ئەڭ مۇنەۋۋەر ماھىر تىزىملىكىگە كىرگۈزۈلگەن .

                        

مەن ئاخىردا بارسېلونانىڭ تۆھپىكارى بولغان شىر پادىشاھ - پۇيلنىڭ بۇنىڭدىن كېيىنكى ئىشلىرنىڭ ئوڭۇشلۇق بۇلشنى ئۈمىد قىلمەن . نۇكەمپۇ ۋەبارلىق بارسېلونا مەستانىلرى سېنى مەڭگۈ ئېسىدە ساقلايدۇ ھەمدە ئۈن -تىنسز ياد ئېتىدۇ ، سەن مەڭگۈ بارسېلونانىڭ پەخىرى ، نۇكەمپۇنىڭ مەڭگۈلۈك شاھزادىسى 《شىر پادىشاھ》-پۇيۇل .
بۇ يازمام مۇشۇ يەردە تامام ، تېما يېزىلىش جەريانىدا ئازدۇر - كۆپتۇر سەۋەنلىكلەردىن خالىي بولالمىغان بۇلشى مۇمكىن شۇڭا كەڭ تورداشلارنىڭ تەنقدىي پىكىر بېىرشىنى چىن قەلبىمدىن ئۈمۈت قىلىمەن .

missi0998

نادىر تىما     بىزدەك بارسلونا مەستانىلىرىغا ياخشى بىر پايدىلنىش ماتىريالى بوپتۇ     قولىڭىزغا دەرت كەلمىسۇن

laqin1

شەرەپلىرىڭغا بارىكاللا پويۇل

ajamjan

بارىسلونانىڭ ۋەكىل خاراكتىرلىك توپچىسى ئىدى ئەپسۇس  ، يىللار  بۇ شىرنىمۇ  چىملىقتىن  يىراقلاشتۇرۇش ئالدىدا .كىيىنكى ئىشلىرىڭ ئۇتۇقلۇق بولسۇن  

missi0998

باللا چەك تارتىش مۇراسىمى كۆرۈش ئادىرسى بولسا يوللىۋىتىڭلارچۇ ...............

sultan

كىچىك ۋاقتىدىمۇ شۇ چاچكەنتۇق ...قايىل

باقاۋۇل

شاۋى بىلەن پۇيۇلنىڭ بارسلوناغا قوشقان تۆھپىسى مەڭگۇ ئۇنتۇلمايدۇ !
ئۇلارنىڭ دۆلەت كوماندىسىدىكى رولىمۇ ناھايىتتى چوڭ ئىدى ، ئەپسۇس ، ئۇلارنىڭ چىكىنىدىغان ۋاقتى بوپ قالدى .

بىنزىما9

پۇيول شىر يامان جىمۇ

2mamatili

باقاۋۇل يوللىغان ۋاقتى  2014-3-21 18:24
شاۋى بىلەن پۇيۇلنىڭ بارسلوناغا قوشقان تۆھپىسى مەڭگۇ ئ ...

شاۋى بىلەن پۇيۇلنىڭ بارسلوناغا قوشقان تۆھپىسى مەڭگۇ ئۇنتۇلمايدۇ

بىنزىما9

ھى ھى شىر مۇ قىرىدى

XIRTAYJUN

باللا   چەك   تارتىش   نەخمەيدان    ئادرىسى  بولسا  يوللاپ بېرىڭلا