تۇرپان بىرلەشمىسىنىڭ 3 – ئايلانما خەۋىرى (ئاتەش)

ئاتەش

تۇرپان بىرلەشمىسىنىڭ 3 – ئايلانمىسى 9 – مارت يەكشەنبە كۈنى، ۋىلايەتلىك تەجرىبە ئوتتۇرا مەكتەپ پۇتبول مەيدانىدا نورمال ئېلىپ بېرىلدى.

تۇنجى مەيداندا ئەلقىيا كوماندىسى بىلەن قاڭقىل كوماندىسى ئۇچراشتى.(1:1)


ئەلقىيا كوماندىسى
مۇسابىقە كەسىكىن ئېلىپ بېرىلدى. ئالدى بىلەن قاڭقىل كوماندىسى دەسلەپ قىلدى. قاڭقىل كوماندىسىنىڭ ھۇجۇمچىسى پەرھاتجاننىڭ يىراقتىن ئۇرغان توپى ئەلقىيا كوماندىسىنىڭ قاپقىچىسىدىن ئۆتۈپ تورغا كىردى.


قاڭقىل كوماندىسى

شۇنىڭدىن كېيىن، ئەلقىيا كوماندىسى قورشاۋ شەكلىنى قوللىنىپ شىددەتلىك ھۇجۇم قىلىپ، بىر توپ كىرگۈزۈپ، نەتىجىنى تەڭلەشتۈرىۋالدى. ئاخىرىدا ئىككى كوماندا بىردىن نومۇر ئېلىپ مۇسابىقە ئاخىرلاشتى.

ئىككىنچى مەيداندا سەرناز كوماندىسى بىلەن 2 – ئوتتۇرا كوماندىسى ئۇچراشتى. (1:4)


سەرناز كوماندىسى

سەرناز كوماندىسى تۇنجى مەيداندىكى مەغلۇبىيەتتىن كېيىن تاكتىكا ئورۇنلاشتۇرۇشنى ياخشىلاپ، ياخشى ئىپادىسى بىلەن مەستانىلەرنى قايىل قىلىپ كەلدى.


2- ئوتتۇرا كوماندىسى

2 – ئوتتۇرا مەكتەپ كوماندىسىنىڭ يەنىمۇ تىرىشچانلىق كۆرسىتىشىنى ئۈمىد قىلىمىز. تۇنجى قېتىم بىرلەشمىگە قاتناشقان بۇ كوماندا ئۈچۈن نەتىجە ئەمەس، تەجرىبە توپلاش، مەيدان كۆرۈش مۇھىم.



3 – مەيداندا كارۋانچى كوماندىسى بىلەن ياشلار بىرلەشمىسى ئوينىدى (0:4)
نەتىجە مۆلچەردىن يىراق ئەمەس


كارۋانچى كوماندىسى


ياشلار بىرلەشمىسى كوماندىسى

4 – مەيداندا ئەمەلىي كۈچ جەھەتتە كۆپ پەرقلەنمەيدىغان فارخان كوماندىسى بىلەن ئىتتىپاق كوماندىسى ئۇچراشتى (2:2)


ئىتتىپاق كوماندىسى

بۇ مەيدان مۇسابىقىگە ئېسىل بىر مەيدان مۇسابىقە دەپ باھا بېرىشقا بولىدۇ.
تولۇقسىز ئوتتۇرا مەكتەپ ئوقۇغۇچىلىرىدىن تەشكىللەنگەن فارخان كوماندىسى ھارماس، چاققانلىقى، ئورۇن ئېلىشىنىڭ ياخشىلىقى، پۇت ئاستىنىڭ پاكىزلىقى، بولۇپمۇ قاپقىغا ئۇرغان توپلىرىنىڭ خەتىرىنىڭ چوڭلىقى بىلەن ئىتتىپاققا ئېغىر خىرىس ئېلىپ كەلدى.


فارخان كوماندىسى

مۇسابىقە باشلىنىپ ئۇزۇن ئۆتمەيلا فارخان كوماندىسى ئىككى توپ كىرگۈزدى. ئىتتىپاق كوماندىسى ئۇزۇن يىللىق تەجرىبىلىرىگە ئاساسەن سەپنى قايتىدىن تەڭشەپ، مۇداپىئەنى كۈچەيتىپ، قايتا توپ كەتكۈزمەسلىك ئاساسىدا، ھەربىر كىچىك پۇرسەتلەرنىمۇ چىڭ تۇتۇپ قەدىرلەپ، ئىككى توپ قايتۇرىۋېلىپ، نەتىجىنى تەڭلەشتۈرىۋالدى. شۇنداق قىلىپ، ئىتتىپاق كوماندىسى ئىككى مەيدان ئۇتۇپ، بىر مەيدان تەڭلىشىپ، بىرلەشمىنىڭ 1 – لىك ئورنىنى ۋاقىتلىق مۇستەقىل ئىگىلىدى.

مۇسابىقە جەريانىدىكى بىر قىسىم كۆرۈنۈشلەر:

abdullah

ھەجەپ پۇرسەت بولمايۋاتىدۇ مۇشۇ مۇسابىقىنى كۆرىدىغانغا چۈشتىن كىيىن سائەت قانچىدە باشلىنىدۇ

turgunjan

ئالغا شىنجاڭ ئوغلانلىرى تىزراق بىزنىڭ جۇڭگۇ سەركىلىرى بولۇڭلا ئامەت يار بولسۇن يولۇڭلا ئوچۇق بولسۇن

ئاتەش

ئەتىگەن توققۇزدا، چۈشتىن كېيىن ئىككىدە (ئۈرۈمچى ۋاقتى)، ناۋادا مەكتەپنىڭ چۈشتىن بۇرۇن پائالىيىتى بولۇپ قالسا، بارلىق مۇسابىقىلەر چۈشتىن كېيىنگە ئورۇنلاشتۇرۇلۇپ، سائەت بىردە باشلىنىدۇ.

paherden

ئۇيغۇر  ئوغلانلىرمىز   ئالغا

bojian

ئاتەش يوللىغان ۋاقتى  2014-3-10 19:53
ئەتىگەن توققۇزدا، چۈشتىن كېيىن ئىككىدە (ئۈرۈمچى ۋاقتى) ...

مەن   بارغان  بىراق  كىرگۈزمىدى   ،  بوۋەن

WiRoS

قىززىغان مۇسابىقە بوپتۇ دە .

dilmurat.

تۇرپان بىرلەشمىسى ياخشى داۋاملىشىپ كېتىۋاتىدۇ
تۇرپان بىرلەشمىسىنىڭ ئىشلىرىغا ئۇتۇق تىلەيمەن

ronaldo5954

torga dimay baxkiqa dap yazsingiz bulgidak kirindixim

ronaldo5954

bojian يوللىغان ۋاقتى  2014-3-10 20:42
مەن   بارغان  بىراق  كىرگۈزمىدى   ،  بوۋەن

tuwa xundak ixlarmu bamu tehi

yuluqi328

تۇرپان بىرلەشمىسى ياخشى داۋاملىشىۋېتىپتۇ  سىلەرگە ئامەت يار بولسۇن

دۇل دۇل

بىر بېرىپ نەق مەيداندىن كۆرمىسەم....