بۇ يازمىنى ئاخىرىدا ئاتەش تەھرىرلىگەن. ۋاقتى 2014-3-4 17:45
تۇرپان بىرلەشمىسىنىڭ 2 – ئايلانما مۇسابىقىسى 2 – مارت، تۇرپان ۋىلايەتلىك تەجرىبە ئوتتۇرا مەكتەپ پۇتبول مەيدانىدا ئېلىپ بېرىلدى. چۈشتىن بۇرۇن مەكتەپنىڭ پائالىيىتى بولغاچقا، شۇ كۈنىدىكى تۆت مەيدان مۇسابىقىنىڭ ھەممىسى چۈشتىن كېيىنگە ئورۇنلاشتۇرۇلۇپ، ئۈرۈمچى ۋاقتى 1:00 دە مۇسابىقە رەسمىي باشلاندى.
تۇنجى مەيداندا قاڭقىل كوماندىسى بىلەن سەرناز كوماندىسى ئۇچراشتى.(1:1)
قاڭقىل كوماندىسى
قاڭقىل كوماندىسى بىرلەشمىدىكى سەردار كوماندىلارنىڭ بىرى بولغاچقا، ھەرقانداق رەقىب كوماندا ئېھتىيات بىلەن ئوينايتتى.
سەرناز كوماندىسى
بۇ مەيدان مۇسابىقىدىكى يورۇق نۇقتا شۇ بولدىكى سەرناز كوماندىسى ئىنتايىن ئۇستىلىق بىلەن تاكتىكا جېڭى قىلدى. ھەربىر ئورۇنغا قويغان ئادىمى ئۆزىنىڭ ئالاھىدىلىكى بويىچە تەڭشىلىپ، مۇسابىقە جەريانىدا قىلچىمۇ پاسسىپ ئورۇنغا چۈشۈپ قالمىدى. كوماندىنىڭ كاپىتانى خالمۇرات ئىختىيارى توپ پۇرسىتىدىن پايدىلىنىپ، بىر توپ ئۇرىۋالغان بولسىمۇ سەرناز كوماندىسى قىلچىمۇ بوشاشمىدى. كېيىنكى يېرىم مەيداندا بىر توپ قايتۇرىۋېلىپ نەتىجىنى تەڭلەشتۈرىۋالدى. ئەمەلىي كۈچ جەھەتتە سەرناز كوماندىسىدىن يۇقىرى ئورۇندا تۇرىدىغان قاڭقىل كوماندىسى بىر نومۇرنى قولغا كەلتۈرگەن بولسىمۇ بۇ قېتىم ئۇلارنى مەغلۇپ بولدى دېيىشكە بولىدۇ، چۈنكى ئۇلار ئېلىشقا تېگىشلىك بولغان ئۈچ نومۇرنى ئالالمىدى. مۇسابىقە جەريانىدىمۇ ۋاي دېگۈدەك چىرايلىق پۇرسەت يارىتالمىدى. دېمەك ئۇلار سەرناز كوماندىسىنىڭ ئۆزىنى چۆچۈتۈپ قويغىنىغا رەھمەت ئېيتىپ، توغرا بولغان روھى ھالەت تىكلەپ، كەيپىياتىنى مۇقىملاشتۇرمىسا ئەھۋالى خەتەرلىك بولۇپ قالىدۇ.
ئىككىنچى مەيداندا ئەلقىيا كوماندىسى بىلەن كارۋانچى كوماندىسى ئۇچراشتى (3:0)
كارۋانچى كوماندىسى
بۇ مەيدان مۇسابىقىدە ئەلقىيا كوماندىسىنىڭ ئوتتۇرا مەيدان تەشكىللىگۈچىسى ئەلقەمجان (چوڭ) ۋەزىيەتنى قاتتىق كونترول قىلدى، توپ كۆپىنچە ھاللاردا ئەلقىيا كوماندىسىنىڭ پۇت ئاستىدا بولدى، بىراق كارۋانچى كوماندىسى مۇداپىئەنى ئاساس قىلىپ قايتۇرما ھۇجۇم قىلدى. نەتىجىدە ئەلقىيا كوماندىسى ئالدىنقى يېرىم مەيداندا ئىككى توپ، كېيىنكى يېرىم مەيداندا بىر توپ كەتكۈزۈپ 3:0 نەتىجە بىلەن كارۋانچى كوماندىسىغا ئۇتتۇرۇپ قويدى.
ئۈچىنچى مەيداندا ئىتتىپاق كوماندىسى 0:2 نەتىجە بىلەن 2- ئوتتۇرا كوماندىسىنى يەڭدى
ئىتتىپاق كوماندىسى
2 - ئوتتۇرا كوماندىسى
مۇسابىقە نورمال ئېلىپ بېرىلدى. نەتىجە پەرىزىمىزدىن كۆپ يىراق ئەمەس.
تۆتىنچى مەيداندا فارخان كوماندىسى 0:6 نەتىجە بىلەن ياشلار بىرلەشمىسىنى يەڭدى
فارخان كوماندىسى
ياشلار بىرلەشمىسى كوماندىسى
پۈتۈنلەي تولۇقسىز ئوتتۇرا مەكتەپ ئوقۇغۇچىلىرىدىن تەشكىللەنگەن فارخان كوماندىسى گەرچە تۇنجى قېتىم بىرلەشمىگە قاتناشقان بولسىمۇ، بىراق ئىپادىسى ياخشى بولدى. ئالدىنقى ئايلانمىدا ئەلقىياغا ئۇتتۇرىۋەتكەن بولسىمۇ، لېكىن بۇ مەيداندا ئالدىنقى ئايلانمىدىكى مەغلۇبىيەتنى پۈتۈنلەي چۆرۈپ تاشلاپ يېڭىچە قىياپەتتە يۇقىرى نومۇر پەرقى بىلەن رەقىبىنى مەغلۇپ قىلىپ، ئۆزلىرىنى كۆرسىتىپ قويدى.
تەھلىل: بۇ ئايلانما مۇسابىقە ئەھۋالىدىن قارىغاندا سەردار كوماندىلاردا سەل قاراش خاھىشى ئېغىر. لېكىن يېڭىدىن قۇرۇلغان ياكى ئەمەلىي كۈچى سەل ئاجىز كوماندىلاردا تاكتىكا ئورۇنلاشتۇرۇش، ئادەم ئىشلىتىش جەھەتتە ئىلگىرلەش زور.
| 
ۋاقتى: 2014-3-4 17:43:04
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2014-3-4 22:51:46
ئىگىسى
