- تىزىملاتقان
- 2011-4-24
- ئاخىرقى قېتىم
- 2014-3-10
- ھوقۇقى
- 150
- جۇغلانما
- 2982
- نادىر
- 9
- يازما
- 2982
|
ئەنگىلىيە «كۈندىلىك پوچتا گېزىتى» نىڭ ئەڭ يېڭى خەۋىرىگە ئاساسلانغاندا، بېھكىخام نۆۋەتتە جىددىي قۇرىۋاتقان ئامىرىكا كەسپىي بىرلەشمىسىدىكى يېڭى قوشۇن مىئامى كوماندىسى ئۈچۈن كەلگۈسى بىر نەچچە يىلدىن كېيىن C رونالدو بىلەن توختام ئىمزالاشنى ئۈمىد قىلدىغانلىقىنى بىلدۈرگەن، شۇنىڭ بىلەن بىرگە بېھكىخام يەنە بارسىلونا كوماندىسىنىڭ يادىروسى شاۋىنىمۇ تەكلىپ قىلدىغانلىقىنى بىلدۈرگەن. ئەگەر بېھكىخامنىڭ بۇ نىشانى راستىنلا ئەمەلگە ئېشىپ قالسا شاۋىنىڭ رونالدوغا ياردەمچى پاس بەرگەن كۆرۈنۈشلىرى ئامىرىكا بىرلەشمىسىدە زاھىر بولىدۇ.
مۇشۇ ئاينىڭ باشلىرىدا بېھكىخام مىئامى شەھىرىدە كوماندا قۇرۇش ئىشىنى رەسمىي باشلىغانلىقىنى جاكارلىغان بولۇپ، بۇ كوماندىنىڭ ئەڭ بالدۇر دېگەندىمۇ 2017-يىلى ئامىرىكا كەسپىي بىرلەشمىسى مۇسابىقىلىرىگە قاتنىشىش مۇمكىنچىلىكى قىياس قىلىنغان. بېھكىخام بۇ يېڭى كوماندىنىڭ خوجاينى بولۇش سۈپىتى بىلەن نۆۋەتتە تەخمىنەن 15 مىليۇن فونىستىرلىڭ چىقىم قىلىش بەدىلىگە 25 مىڭ تاماشىبىن سىغىمىغا ئىگە بىر يېڭى توپ مەيدانى سېلىش قۇرۇلۇشىغا تەييارلىقنى جىددىي باشلىۋەتكەن بولۇپ، بۇ يېڭى توپ مەيدانى NBA بىرلەشمىسىدىكى مىئامى قىزىق (热火) كوماندىسىنىڭ ساھىبىخان مەيدانىنىڭ يېنىغا جايلاشقان.
بېھكىخام يەنە كوماندىسى ئۈچۈن پۇتبول سەھنىسىدىكى يۇقىرى سەۋىيلىك تېرنىر ۋە چولپانلار بىلەن توختاملىشىشىنى پىلانلاۋاتقان بولۇپ، يەنە 3 يىلدىن كېيىن C رونالدونى قوشۇۋېلىشنى ئۈمىد قىلدىغانلىقىنى بىلدۈرگەن. نۆۋەتتىكى ئەنگىلىيە نوپۇزلۇق ئاخبارات ئورگىنى «كۈندىلىك پوچتا گېزىتى» نىڭ خەۋىرىدە كۆرسىتىلىشىچە، بارسىلونا كوماندىسىنىڭ چولپىنى شاۋىمۇ بېھكىخامنىڭ نىشانىغا كىرگۈزۈلگەن.
مۇشۇ ھەپتىدىكى مانچېستېر شەھىرى بىلەن بارسىلونا ئوتتۇرسىدا ئوينالغان ياۋروپا چېمپىيۇنلۇق لوڭقىسى مۇسابىقىسى شاۋىينىڭ كەسپىي ھاياتىدىكى 144-مەيدان ئۇزغۇنلۇق لوڭقىسى مۇسابىقىسى بولۇپ، ئۇنىڭ بارسىلونا بىلەن بولغان توختامى 2016-يىلى 6-ئاينىڭ 30-كۈنى توشىدۇ، ئۇ ۋاقىتتا شاۋى 36 ياشقا كىرىدۇ. گەرچە نۇرغۇنلىغان كوماندىلار شاۋىنى قوشۇۋېلىشنى ئۈمىد قىلىپ كېلىۋاتقان بولسىمۇ، ئەمما بۇ توپچىنىڭ ئۆزى بارسىلونادا كەسپىي ھاياتىنى ئاخىرلاشتۇرۇشنى تېخىمۇ ئۈمىد قىلىشى مۇمكىن.
بۇ يىلنىڭ بېشىدا شاۋى نىيۇيورىك قىزىل كالا كوماندىسىنىڭ تەكلىپنامىسىنى تاپشۇرۋالغان بولۇپ، ئۇ كوماندىدا شاۋىنىڭ ئىلگىرىكى سەپدىشى ھېنىرى بار، ئەمما شاۋى يەنىلا توختاملىشىشنى چىرايلىقچە رەت قىلغان. شۇنداقتىمۇ بېھكىخامنىڭ نەزىرىدە شاۋى 2016-يىلى توختام ۋاقتى توشقاندىن كېيىن يەنە داۋاملىق توختام ئۇزارتالماي قالسا، ئۇنداقتا ئۇنى قايىل قىلىپ مىئامىغا ئېلىپ كېلىشتە ئۈمىد زور ئىكەن. كەلگۈسى بىر مەزگىل ئىچىدە بېھكىخام شاۋى بىلەن ئالاقىلاشماقچى ئىكەنلىكىنى ئېيىتقان.
|
|
يوللىغان ۋاقتى 2014-2-22 17:09:17
تېما كۆتۈرۈش
تېما چوققىلاش
تېما تاقاش
تېما رەڭلەش
يوللىغان ۋاقتى 2014-2-22 17:17:49
