| ئومۇمى يازمىسى: |
ھوقۇق چېكى: 1 |
| جۇغلانمىسى: 1686 |
تۆھپىسى: سەر |
|
ۋاڭيى تورى 16-فېۋرال خەۋىرى، 2014-يىللىق دۇنيا لوڭقىسى مۇسابىقىسى ھاۋا كىلىماتى بىر قەدەر ئىسسىق بولغان بىرازىلىيىدە ئېلىپ بېرىلىدىغان بولۇپ، مۇسابىقە ئېلىپ بېرىلىدىغان ۋاقىتلار دەل بىرازىلىيىنىڭ تېمپىراتۇرا ۋە نەملىك دەرىجىسى جەھەتتە ئەڭ يۇقىرى ھالەتتىكى ۋاقىتلىرى بولۇپ ھېسابلىنىدۇ، بۇ خىل ھاۋا كىلىماتىنىڭ ماھىرلارنىڭ تەن سالامەتلىكىگە زىيان ئېلىپ كېلىشى مۇمكىنلىكى بولۇپمۇ بۇ خىل ھاۋارايى شارائىتىدا توپ تىپىپ باقمىغان ماھىرلارنىڭ بۇنىڭغا كۆنەلمەسلىك ھەم بىر قىسىم سالامەتلىك مەسىلىلىرى كېلىپ چىقىشنىڭ ئالدىنى ئېلىشنى كۆزدە تۇتقان ئاساستا خەلقئارا پۇتبول بىرلەشمىسى يېڭى بىر خىل پىلان لاھىيىسىنى ئوتتۇرىغا قويماقچى بولغان.
بۇ قېتىملىق دۇنيا لوڭقىسى مۇسابىقىسىدىكى چۈش سائەت 11 دە ئېلىپ بېرىلىدىغان 7 مەيدان مۇسابىقىنى ئالاھىدە كۆزدە تۇتقان ئاساستا، كەچقۇرۇنغا قارىغاندا خېلىلا پەرقلىق بولغان ئىسسىق ھاۋا كىلىماتى شارائىتىدا توپچىلارنىڭ سالامەتلىكىگە ۋە مۇسابىقىنىڭ ئوڭۇشلۇق ئېلىپ بېرىلىشىغا كاپالەتلىك قىلىش ئۈچۈن، مۇسابىقىنىڭ ئالدىنقى ۋە كېيىنكى يېرىم مەيدانى باشلىنىپ 30 مىنۇت بولغاندا توپچىلارغا 3 دىن 4 مىنۇتقىچە سۇ ئىچىپ ئارام ئېلىش ۋاقتى تەسىس قىلماقچى بولغان. بۇ خەۋەر خەلقئارا پۇتبول بىرلەشمىسى داۋالاش-سەھىيە ھەيئەت مەسئۇلى دېۋراكنىڭ ئېتىراپ قىلىشىغا ئېرىشكەن.بۇ قارارمۇ خەلىقئارا پۇتبول بىرلەشمىسى كاتىپى ۋالىكنىڭ تەستىقىدىن ئۆتتى.
ئۈرۈمچى ۋاقتى چۈش سائەت 11 دە ئېلىپ بېرىلىدىغان بۇ 7 مەيدان مۇسابىقە تۆۋەندىكىچە:
13-ئىيۇن، مېكىسكا بىلەن كامېرون
16-ئىيۇن، گېرمانىيە بىلەن پورتۇگالىيە
20-ئىيۇن، ئىتالىيە بىلەن كوستارىكا
24-ئىيۇن، ئىتالىيە بىلەن ئۇرۇگۋاي
25-ئىيۇن، بوسىنىيە بىلەن ئېران
26-ئىيۇن، ئامېرىكا بىلەن گېرمانىيە
يۇقىرىدىكى 6 مەيدان مۇسابىقىلەر كىچىك گۇرۇپپا مۇسابىقىلىرى بولۇپ ھېسابلىنىدۇ، يەنە بىر مەيدان مۇسابىقە بولسا بىرىنچى گۇرۇپپىنىڭ ئىككىنچىسى بىلەن ئىككىنچى گۇرۇپپىنىڭ بىرىنچىسى ئوتتۇرىسىدىكى 8 كۈچلۈكنى تالىشىش مۇسابىقىسى، مانا بۇ 7 مەيدان مۇسابىقىدە تاماشىبىنلار توپچىلارنىڭ مۇسابىقە ئارىلىقىدىكى (ئالاھىدە ئىمتىياز) دىن بەھرىمان بولغان ھالىتىنى كۆرىۋالالايدۇ. |
|
ۋاقتى: 2014-2-16 19:38:45
تېما كۆتۈرۈش
تېما چوققىلاش
تېما تاقاش
变色卡
