مادىرىد يەنە رېكورىت يارىتىش ئالدىدا تۇرماقتا

بېرنابۇ

بۈگۈن كەچ شىنجاڭ ۋاقتى سائەت 9:00 دا خان جەمەتى مادىرىد كوماندىسى ئۆز مەيدانىدا گىرانادا كوماندىسى كۈتىۋالماقچى. كىرىستىيانو رونالدو تېخى يېقىندا ئالتۇن توپ مۇكاپاتىغا ئېرىشىپ پۈتۈن دۇنيانىڭ دىققەت نەزىرىنى ئۆزىگە قارىتىۋاتقان پەيىتتە، خان جەمەتى مادىرىد كوماندىسى يەنە بىر تۈردە رېكورىت يارىتىش ئالدىدا تۇرماقتا. ھازىرغا قەدەر خان جەمەتى مادىرىد كوماندىسى ئۇدا 6 مەيدان مۇسابىقىدە بىرمۇ توپ كەتكۈزمىگەن. ئەمما مادىرىد كۇلۇبىنىڭ تارىخىدا بۇ تۈردىكى رېكورىت 1994-1995-يىللىق مۇسابىقە پەسلىدە 7 مەيدان مۇسابىقە ئويناپ بىرمۇ توپ كەتكۈزمەسلىك بىلەن يارىتىلغان.

بۇ مۇسابىقە پەسلىنىڭ ئالدىنقى يېرىمىدا خان جەمەتى مادىرىد كوماندىسىنىڭ مۇداپىيەسى دېگەندەك ياخشى بولمىغان. ھەتتا روژىستىۋا بايرىمىدىكى قىسقىغىنە ئارام ئېلىشنىڭ ئالدىدا ئوساسۇنا ۋە ۋالىنسىيە كوماندىلىرى بىلەن ئوينىغان مۇسابىقىدە يەككە مەيداندا ئىككى توپ كەتكۈزگەن. ئەمما 2014-يىلى كىرىش بىلەنلا مادىرىد كوماندىسىنىڭ مۇداپىيە سەۋىيسىدە تۇيۇقسىزلا زور ئىلگىرلەش بولدى. مادىرىد كوماندىسى 2014-يىلىنىڭ بېشىدىكى 6 مەيدان مۇسابىقىنىڭ ھەممىسىدە رەقىپلىرىنى بىرمۇ توپ ھوسۇل ئالغۇزماي يولغا سېلىپ قويدى. ئەگەر بۈگۈن كەچتىكى گىرانادا بىلەن بولغان مۇسابىقىدىمۇ مادىرىد كوماندىسى توپ كەتكۈزمىسە، ئۇ چاغدا بۇ نەتىنجە كۇلۇپ تارىخىدىكى ئۇدا ئەڭ كۆپ مەيدان توپ كەتكۈزمەسلىك رېكورتى (7 مەيدان) بىلەن تەڭلىشىدۇ شۇنداقلا ئەنچىلوتتىنىڭ ئىسمىمۇ كۇلۇپنىڭ شەرەپلىك تارىخىدىن ئورۇن ئالىدۇ.
خان جەمەتى مادىرىد كوماندىسىنىڭ ئۇدا 6 مەيدان توپ كەتكۈزمەسلكىدە ئالدى بىلەن دىيېگو لوپېز بىلەن كاسىللاسقا رەھمەت ئېيتىش كېرەك. دىيېگو لوپېز بىرلەشمىدىكى 3 مەيدان مۇسابىقىدە، كاسىللاس بولسا شاھلىق لوڭقىسىدىكى 3 مەيدان مۇسابىقىدە مەيدانغا چىقىپ بىرمۇ توپ كەتكۈزمىدى. ھازىرغىچە دىيېگو لوپېز ئۇدا 289 مىنۇت بىرمۇ توپ كەتكۈزمەي كەسپىي ھاياتىدىكى ئەڭ ياخشى نەتىنجىنى ياراتتى.
يەنە تەكىتلەشكە ئەرزىيدىغىنى شۇكى، تۈنۈگۈن دىيېگو لوپېزنىڭ خان جەمەتى مادىرىد كوماندىسىغا قايتىپ كەلگەنلىكىگە دەل بىر يىل توشقانلىقىنىڭ خاتىرە كۈنى. دىيېگو لوپېز مادىرىد ياشلار بازىسىدىن تەربىيلىنىپ چىققان بولۇپ، مادىرىد 1-سەپ كوماندىسىدا پۇرسەتكە ئېرىشەلمىگەن، ئاندىن ۋىللارېئال كوماندىسىغا قوشۇلۇپ كەتكەن، «سۇ ئاستى كېمىسى» قوشۇنىدىكى ۋاقىتلىرىدا ئىسپانىيە دۆلەت كوماندىسىغىمۇ تاللانغان. كاسىللاس ئۆتكەن يىلى 1-ئايدا يارلانغانلىقتىن، مادىرىد يۇقىرى قاتلىمىدىكىلەر شۇ چاغدا مويا ياكى سەيسارنى قوشۇۋېلىشنى ئويلاشقان، ئەمما مورىنھو ھېچكىم ئويلىمىغان يەردىن چىقىپ دىيېگو لوپېزنى قايتۇرۇپ كەلگەن. ئېسىمىزدە بولسا شۇ ۋاقىتتا دىيېگو لوپېز تېخى سېۋىللا كوماندىسىنىڭ سوغۇق ئورۇندۇقىنى بېقىپ ئولتۇرۋاتاتتى.
دىيېگو لوپېز خان جەمەتى مادىرىد كوماندىسىغا قايتىپ كەلگەندىن كېيىن، ئادان ئۆتكەن يىلى 1-ئاينىڭ 27-كۈنى ھېتافى بىلەن ئوينالغان مۇسابىقىدە ئاساسلىق ئەزا بولۇپ مەيدانغا چىققان، ئۇنىڭدىن كېيىن مورىنىھو ئالدىنقى پەسىللىك مۇسابىقىلەرنىڭ ھەممىسىنى تولۇق دېگۈدەك لوپېزغا ئويناتقان، ئادان ۋە كاسىللاسقا بولسا ھېچقانداق پۇرسەتمۇ بەرمىگەنىدى. مادىرىد كوماندىسى بۇ پەسىلدە تېرنىر ئالماشتۇرغاندىن كېيىنمۇ ئەنچىلوتتى ئاخپارات ۋاستىلىرى پەرەز قىلغاندەك كاسىللاسنى ئاساسلىق ئەزا ئورنىغا ياندۇرۇپ كەلمەكتە يوق، يەنىلا لوپېزنى بىرلەشمىدە ئىزچىل ئاساسلىق ئەزا قىلىپ مەيدانغا چۈشۈرگەن.

ئوۋچى312

ئاران 280 مىنۇتما بىزنىڭ ۋاندىسارنىڭ 1380 مىنۇتتىن بەكلا ئازكەن

ronaldo10

ئالغا مادرىد يىڭى رىكورىتلار سىنى كۈتمەكتە

بېرنابۇ

ئوۋچى312 يوللىغان ۋاقتى  2014-1-25 21:22
ئاران 280 مىنۇتما بىزنىڭ ۋاندىسارنىڭ 1380 مىنۇتتىن بەكلا  ...

ۋاندېسار دېگەن ئۇزۇن يىللىق توپچى، لوپېزغا بولسا مادىرىدقا قايتىپ كەلگىنىگىمۇ ئاران بىر يىل بولدى، ھېساپتا بىز ئۇنىڭدەك بىر پۇتبولچىنى بىلگىلىمۇ ئاران بىر يىل بولدى. لوپېزمۇ بەلكىم كەلگۈسى نەچچە يىل ئىچىدە ئۇنىڭ رېكورتىنىمۇ بۇزۋېتىشى مۇمكىن، بۇنىڭغا ۋاقىت بىر نېمە دېسۇن.

مىراس

راموس ئۈزىنى تۇتىۋالسىلا توپ كەتكۈزمەسلىكى مۇمكىن بولمىسا بۇمۇ تەس مۇشۇ بالىدىن سەل ئەنسىرەيدىغان بۇلۇپ قالدىم

ئەبرار

ھازىر مانچستېر شەھرى جان جەھلى بىلەن لوپىزنى مادرىتتىن تالاشماقتا . ھازىرىقى ئەھۋالدا كاشىلياس ئەسلىگە كەلدى ، چۇقۇم بىرىسى كېتىش كېرەك ، شۇڭا مادرىد مانچىستېر شەھرىدىكى بىرەر توپچىنى كۆزلەپ بەلكىم لوپىزنى قويۇپ بېرىشى مۇمكىن .

سۈبھى

مادرىد غەيرەت قىل تاتتېبايو!

www11

ئالغا مادرىد

مەھمۇدىيە

ئەبرار يوللىغان ۋاقتى  2014-1-25 21:35
ھازىر مانچستېر شەھرى جان جەھلى بىلەن لوپىزنى مادرىتتى ...

ئەمدى  بولغاندەكما؟

78نۇر

رونالدو توپ ئۇرسا بولتى دەيمە.....

jabran

سۈبھى يوللىغان ۋاقتى  2014-1-25 21:41
مادرىد غەيرەت قىل تاتتېبايو!

نانى ؟

78نۇر

توردىن بىۋاستە كۆرسىتىش ئادىرسىنى دەپ بەرسەڭلا بولتى....