ئېنگىلاند بىرلەشمىسىدىكى ئېھتىماللىقى يۇقىرى 10 چوڭ يۆتكىلىش !!!~

nayil

ئەسسلامۇ -ئەلەيكۇم !! قىشلىق يۆتكىلىش بازىرىنىڭ ئېچىلىشىغا بىر ھەپتىدىن ئارتۇق ۋاقىت قالغان مۇشۇ پەيىتلەردە ، ئېنگىلاند زەردارلىرى ھېچقانداق تىۋىش چىقارمىدى . بەلكىم خۇددى بۇرۇنقىدەك خوشاللىق ئىشلار كەينىدىدۇ ! خۇددى بۇلتۇر ئارسىنال بازار تاقىلىشىغا ئازلا قالغاندا 42مىليون 500 مىڭ فونىستېرلىڭلىق يۇقىرى باھا بىلەن ئۆزىلنى قوشۇۋېلىپ ، پۇتۈن ئېنگىلاندنى زىل-زىلگە سالغاندەك . بۇ مۇسابىقە پەسلىدە ئېنگىلاند زەردارلىرىنىڭ نەتىجىسى بولتۇرقىغا سېلىشتۇرغاندا تازا كۆڭۈلدىكىدەك بولمىدى . شۇڭا بۇ قېتىملىق قىشلىق بازاردا ئېنگىلاند زەردارلىرى بەلكىم بۇ بازارنىڭ ئەڭ چوڭ خېرىدارلىرى بولۇپ قېلىشى مۆمكىن . ئېنگىلاند ‹‹ ئوفسايىت كۈزىتىش ›› ئاخباراتى يۆتكىلىش ئېھتىماللىقى ئەڭ يۇقىرى بولغان 10 چوڭ يۆتكىلىشنى باھالاپ چىققان . قېنى دېققىتىڭلار تۆۋەندىكى مەزمۇنلاردا بولسۇن !!!

   1 . دىمارىيا   
  
   سېتىۋېلىش ئېھتىماللىقى يۇقىرى كۇلۇب   :   مانچىستېر بىرلەشمىسى

   دىمارىيا بولسا بېلنىڭ خانلىق مادرېدقا قوشۇلۇشى بىلەن بىۋاستە مۇناسىۋەتلىك بولغان قۇربانلىق . گەرچە مەيدانغا چىقىشى خېلى تۇراقلىق بولۇپ ، بۇ پەسىل 24 مەيدان مۇسابىقىغا قاتنىشىپ 6 توپ ئۇرۇپ 8 ياردەمچى پاس بەرگەن بولسىمۇ ، لېكىن رىقابەت كۈچى ئالدىنقى پەسىللەرگە قارىغاندا خېلىلا كۈچلۈك . ئىسپانىيە بىرلەشمىسىدە 16 مەيدان مۇسابىقىغا قاتنىشىپ ،12 مەيدان مۇسابىقىدە ئاساسلىق ئەزا بولۇپ مەيدانغا چىققان بولسىمۇ ، 8 قېتىم مەيداندىن ئالماشتۇرۇپ چۈشۈرىۋېتىلدى ، 4 قېتىم زاپاس ئەزا بولۇپ مەيدانغا چىقتى . بۇ ئارگېنتىنانىڭ يان ھۇجۇمچىسىغا نىسبەتەن ئېيىتقاندا ، ئەمدى ئۆزىنىڭ كەسپى ھاياتىدىكى كېيىنكى قەدىمىنى قانداق بېسىشنى ئويلىشىدىغان ۋاقىت كەلدى . دىمارىيا ئەمدىلا 25 ياشقا كىردى ، ئەڭ ئېسىل ئالتۇن دەۋرىدە تۇرۇۋاتقان بۇ پەيىتلەردە ، ۋاقىتنى مادرېدتا بۇنداق ئىسراپ قىلىۋېتىش ئاقىلانىلىك ئەمەس . ئىگەللىنىشىچە ، يان يولنى تازىلاشىقا تەييارلىق قىلىۋاتقان مانچىستېر بىرلەشمىسى دىمارىيانىڭ كېيىنكى ئائىلىسى بولۇپ قېلىشى مۆمكىن .

   2 . دېمبابا

   سېتىۋېلىش ئېھتىماللىقى يۇقىرى كۇلۇب   :   غەربى ھام كۇلۇبى

   بۇ يىل 28 ياشقا كىرگەن دېمبابا يان ھۇجۇمچى ، سېنگال دۆلەت كوماندىسىنىڭ غوللۇق ئەزاسى ، ئۇ خوفېنھامدا ھەقىقى تۈردە تونۇلۇشقا باشلىغان . 2011-يىلى 1-ئايدا ئىجارە شەكلىدە غەربى ھام كۇلۇبىغا قوشۇلۇپ ، ئىنگىلاندقا قەدەم باسقان . لېكىن كۇلۇبىنىڭ دەرىجە ساقلاپ قېلىشىغا ئامال قىلالمىغان . شۇ يىلى يازدا نېۋكاستېل ئەركىن توپچى ھالىتىدىكى دېمبابانى ھەقسىز قوشۇۋالغان . بۇ سېنگاللىق ھۇجۇمچى نېۋكاستېلغا قوشۇلۇپ 54 مەيداندا 29 توپ ئۇرۇپ ، قايتا تىرىلگەن . بۇ ھالەت چېلسىنى قىزىقتۇرغان ،ھەمدە بۇلتۇر 1-ئايدا چېلسىغا قوشۇلغان . ئىلگىرى مۇنەۋۋەر ھۇجۇمچى قارىلىپ كېلىۋاتقان دېمبابا سىتانفورتقا كېلىپلا كارغا كەلمەي قالدى . ھازىرغا قەدەر چېلسىغا ۋەكالىتەن 22 مەيدان مۇسابىقىغا قاتنىشىپ ئاران 3 توپ ئۇردى . بۇ ھالەت چېلسىنىڭ تېرىنېرى مورىنھونى قاتتىق ئۈمىدسىزلەندۈردى . بۇ يىل قىشلىق يۆتكىلىش بازىرىدا دېمبابا غەربى ھام كۇلۇبىغا قايتىشى مۆمكىن .

   3 . موراتتا

   سېتىۋېلىش ئېھتىماللىقى يۇقىرى كۇلۇب   :   ئارسىنال

   ئارسىنالدا ھازىر ئەڭ كەم بولۇۋاتقىنى دەل ھۇجۇمچى . ھۇجۇمچىنىڭ قەدرى تازا ئۆتۈلىۋاتقان مۇشۇ كۈنلەردە ۋالكوتنىڭ يارىلىنىشى ۋېنگېرنى تېخىمۇ چوڭقۇر ئويغا پاتتۇردى . شۇ سەۋەبتىن بۇ قېتىملىق قىشلىق يۆتكىلىش بازىرىدا ۋېنگېر ھۇجۇمچى سېتىۋالمىسا بولمايدىغان ھالەت شەكىللەندى . ھازىر قوشۇلۇش ئېھتماللىقى ئەڭ يۇقىرى ، ۋېنگېرنى ئەڭ قىزىقتۇرۇۋاتقان ھۇجۇمچى بولسا دەل خانلىق مادرېد ئۈمىد يولتۇزى دەپ قارىلىۋاتقان ئارۋالو . موراتتا . موراتتا بۇ يىل 21 ياش ، خانلىق مادرېد ياشلار مەشىق بازىسىدىن چىققان تالانتلىق ھۇجۇمچى . 2011-يىلى مورېنھو بىرىنچى كوماندىغا تاللاپ چىققان . بۇ پەسىل موراتتانىڭ مەيدانغا چىقىشى كۆپىيىپ قالغان بولسىمۇ ، بىرلەشمە ۋە ئۇزغۇنلۇقتىكى 12 مەيدان مۇسابىقىدە 2 توپ ئۇرۇپ 1 ياردەمچى پاس بەرگەن . رىقابەت كۈچى ئىنتايىن كۈچلۈك بولۇۋاتقان خانلىق مادرېدتا موراتتا پەقەت كوماندىدىن ئايرىلىشنى تاللىشى مۆمكىن .

   4 . لوك . دېرون

   سېتىۋېلىش ئېھتىماللىقى يۇقىرى كۇلۇب   :   نېۋكاستېل

   لوك . دېرون بۇ يىل 23 ياش . مەيداندىكى ئورنى ھۇجۇمچى بولۇپ ، گوللاندىيە بىرلەشمىسىدىلا تونۇلۇشقا باشلىغان . 2012-يىلى يازدا ، گىرمانىيە بىرلەشمىسى مېنشىن گېلادباخ كۇلۇبىغا قوشۇلغان . ئالدىنقى پەسىلدە دېرون 23 مەيدان مۇسابىقىدە 6 توپ ئۇرغان . ئىپادىسىنىڭ ئانچە كۆڭۈلدىكىدەك بولماسلىقى بۇ تالانتلىق ھۇجۇمچىنى گوللاندىيە دۆلەت كوماندىسىدىن بارا-بارا يىراقلاشتۇرۇۋەتتى . بۇ پەسىلمۇ دېروننىڭ ئىپادىسى ئانچە كۆڭۈلدىكىدەك ئەمەس . 13 مەيدان مۇسابىقىدە 0 توپ ئۇرۇش ، 0 ياردەمچى پاس بېرىشتەك ناچار نەتىجە ياراتتى . ئەگەر مۇشۇنداقلا ماڭسا دېروننىڭ بىرازىلىيە دۇنيا لوڭقىسى مۇسابىقىسىغا قاتنىشىش ئارزۇسى كۆپۈككە ئايلىنىدۇ . دېرونغا نىسبەتەن ئېيىتقاندا ، مېنشىن گىلادباخ كۇلۇبىدىن ئايرىلىش ئەڭ ياخشى تاللاش بولۇشى مۆمكىن . نېۋكاستېلنىڭ تېرىنېرىمۇ دەرھال ھۇجۇمچى سېتىۋېلىپ ، كۇماندىنىڭ رېمېيغا تايىنىۋېلىشىنى يېنىكلەتمەكچى .

   5 . جېكسون . مارتېنىس

   سېتىۋېلىش ئېھتىماللىقى يۇقىرى كۇلۇب   :   ئارسىنال

   ئارسىنال ھازىر ھۇقۇمچى كىرگۈزۈشكە بەكلا ئالدىراۋاتىدۇ . ۋېنگېرنىڭ ھۇجۇم سېپىنى كۈچلەندۈرۈشىدىكى يەنە بىر نامزات دەل جېكسون . مارتېنىس . بۇ ھۇجۇمچى ياۋروپادا ئىنتايىن قىززىق نوقتا بولۇۋاتقان پۇتبولچىلارنىڭ بىرى . ئۇ بۇ يىل 27 ياش بولۇپ ، كولۇمبىيە دۆلەت كوماندىسى ئەزاسى . 2012-يىلى يازدا بورتۇ كۇلۇبىغا قوشۇلغان . شۇندىن كېيىن بىراقلا پارتىلاپ ، يېقىنقى 65 مەيدان مۇسابىقىدە 50 توپ ئۇرۇپ ، توپ ئۇرۇشتىكى يۇقىرى ئۈنۈمى بىلەن كىشىلەرنى ھەيران قالدۇرغان . بۇنىڭ ئىچىدە بۇ پەسىل 23 مەيدان مۇسابىقىدە 16 توپ ئۇرۇپ 1 ياردەمچى پاس بەرگەن . مارتېنىس ۋېنگېرنىڭ دېققىتىنى تارتقىلى خېلى بولۇپ قالدى . بىراق يۆتكىلىش سوممىسى ۋېنگېرنىڭ ئادىدىكى بىر تاغ . چۈنكى بۇ كولۇمبىيەلىك ھۇجۇمچىنىڭ يۆتكىلىش باشلانغۇچ باھاسى 30 مىليون فونىستېرلىڭ ، بۇ باھاغا ئارسىنال سېتىۋالامدۇ-يوق ؟ بۇ تېخى نامەلۇم .

   6 . ۋۇچىنېچ

   سېتىۋېلىش ئېھتىماللىقى يۇقىرى كۇلۇب   :   توتېنھام رېس

   بۇلتۇر يازدا ، بوئاس 100 مىليون فونىستىرلىڭ خەجلەپ بىر توپ يارىماسلارنى كۇلۇبقا قوشۇۋالدى . ھەم مۇشۇ يارىماسلارنىڭ ئىپادىسىنىڭ ياخشى بولماسلىقى بىلەن كۇلۇب نەتىجىسى تۆۋەنلەپ ، بوئاسنىڭ ئىشسىز قېلىشىغا سەۋەب بولۇپ قالدى . ( بۇ ئۆز پۇتىغا ئۆزى پالتا چېپىش دېسەك قانداق بولا ؟؟ ) . بوئاس يېتەچىلىكىدىكى توتېنھام رېس كوماندىسى ھۇجۇم كۈچى جەھەتتە ئېنگىلاند دەرىجىدىن تاشقىرى بىرلەشمىدىكى ئەڭ ناچار نەتىجىنى ياراتتى . پۇتكۈل كوماندىنىڭ ئومۇمى ئۇرغان توپى ھەتتا سۇئارېزنىڭ ئۇرغان توپىچىلىكمۇ بولدى . بوئاس تەخىتتىن چۈشكەندىن كېيىن ئادېبايور قايتا تىرىلدى ، ھەم سوردادونىڭ ئەسلىگە قايتىشى بىلەن ئۇرغان توپ سانىدا بارا-بارا ئېشىش بولدى . رېسقا نىسبەتەن بۇ كۇپايە قىلمايدۇ . رېس كۇلۇبى بىرلەشمە ۋە ئۇزغۇنلۇقتا ئۇتۇق قازىنىمەن دەيدىكەن چوقۇم قان تولۇقلىشى كېرەك . ۋۇچىنېچ بولسا ياخشى نامزات . ئۇ بۇ يىل 30 ياشقا كىرگەن بولسىمۇ ، رىم ۋە يۇۋېنتۇستىكى ئىپادىسى يەنىلا كىشىنى قايىل قىلغان ھەم قايىل قىلىدۇ . يۇۋېنتۇسقا لورېنتې ۋە تېۋېزلارنىڭ قوشۇلۇشى ئۇنى بارا-بارا چەتكە سۈرۈپ قويدى .

   7 . ھىگۇايىن

   سېتىۋېلىش ئېھتىماللىقى يۇقىرى كۇلۇب   :   چېلسى

   فالكاۋ ، كاۋانى ، ماتېنىس ؟؟؟ ياق ، مۇرېنھو ئەڭ پىششىق بىلىدىغىنى يەنىلا ھىگۇايىن . خانلىق مادرېدتىكى 3 پەسىل تېرىنېرلىق قىلغان مۇرېنھو ھىگۇايىننى قانداق ئىشلىتىشنى ئوبدان بىلىدۇ . ھىگۇايىن بۇ يىل 26 ياش . ئارگېنتىنا دەريا قېنى كوماندىسىدىن چىققان . 2007-يىلى 1-ئايدا خانلىق مادرېدقا قوشۇلغان . ھىگۇايىن خانلىق مادرېد ئۈچۈن 264 مەيدان مۇسابىقىغا قاتنىشىپ ، 122 توپ ئۇرۇپ 46 ياردەمچى پاس بەرگەن . بۇلتۇر يازدا كىشىنى ھەيران قالدۇرغان خەۋەرنىڭ بىرسى دەل مادرېدنىڭ ھىگۇايىننى ناپولى كۇلۇبىغا سېتىۋەتكەنلىكى بولدى . بۇ پەسىل ھىگۇايىن 23 مەيدان مۇسابىقىغا قاتنىشىپ 14 توپ ئۇرۇپ 7 ياردەمچى پاس بەردى .

   8 . ئادام . لاللانا

   سېتىۋېلىش ئېھتىماللىقى يۇقىرى كۇلۇب   :   مانچىستېر بىرلەشمىسى

   ئادام . لاللانا يېقىنقى ئىككى مۇسابىقە پەسلىدە كىشىلەر دېققەت قىلىشقا باشلىغان توپچى . بۇ يىل 25 ياش بولۇپ ، يان ھۇجۇمچى . شۇنداقلا ھۇجۇم خاراكتىرلىك ئوتتۇرا مەيدانمۇ ئوينايدۇ . ھەقىقى مانچىستېر ئېھتىياجىلىق تىپتىكى توپچى . ئۇ جەنۇبى ئامپىتون ياشلار مەشىق بازىسىدىن يېتىشىپ چىققان . ئۇ ئىزچىل كۇلۇبى ئۈچۈن كۈچ چىقىرىپ ، دەرىجىدىن تاشقىرى بىرلەشمىگە ئۆرلەپ چىقىشىغا زور كۈچ قوشقان . ھازىر ئېنگىلاند دۆلەت كوماندىسى كۈزۈتىۋاتقان نوتىنىڭ بىرسى . لاللانا بۇ پەسىل بىرلەشمىدە 20 مەيدان مۇسابىقىغا قاتنىشىپ 4 توپ ئۇرۇپ 6 ياردەمچى پاس بەرگەن . ئۇ بۇ پەسىلدىكى ئىپادىسى ياخشى بولغان ئېنگىلاند توپچىلىرىنىڭ بىرى .

   9 . مۇھەممەد . سالاھ

   سېتىۋېلىش ئېھتىماللىقى يۇقىرى كۇلۇب   :   لىۋېرپول

   لىۋېرپول سالاھ بىلەن بىرلىككە كېلىپ بولدى دىگەن خەۋەر ئۇچۇپ يۈرگىلى خېلى بولۇپ قالدى . بىراق تېخىچىلا ئەمىللەشمىدى . بۇ يىل 21 ياشقا كىرگەن سالاھنىڭ ‹‹ مىسىردىكى مېسسى ›› دىگەن چىرايلىق نامىمۇ بار . يان ھۇجۇمچى . 2012-يىلى يازدا باسېل كۇلۇبىغا قوشۇلغان . كېيىنكى پەسىلدىن باشلاپ چاقناشقا باشلىغان . ئۇ كۇلۇبىبىلەن بىرلىكتە شىۋېتسارىيە بىرلەشمە چىمپىيونى ۋە ئەڭ مۇنەۋۋەر ماھىر شەرىپىگە ئېرىشكەن . بۇ پەسىل سالاھ 6 مەيدان ئۇزغۇنلۇق مۇسابىقىسىدا 2 توپ ئۇرغان . بۇ ئىككىلى توپى چېلسى بىلەن بولغان مۇسابىقىدە ئۇرۇلغان . ساھىبخان ۋە مېھمان مەيداندا بىردىن ئۇرۇپ ، چېلسىنى ئىككىلا مەيداندا بوغۇزلاپ تاشلىغان . دۆلەت كوماندىسىدا سالاھنىڭ ئىپادىسى  ئوخشاشلا ئىنتايىن قالتىس بولۇپ ، 27 مەيدان مۇسابىقىغا قاتنىشىپ 17 توپ ئۇرۇپ 10 ياردەمچى پاس چقارغان .

   10 . كاسىللاس

   سېتىۋېلىش ئېھتىماللىقى يۇقرى كۇلۇب   :   مانچىستېر شەھەر

   خانلىق مادرېد ئىچىدىكى زىددىيەت تۈپەيلى ، مۇرېنھو كاسللاسنى ‹‹ پېچەتلىگەن ›› ئىدى . ھېچكىم بۇنىڭ خانلىق مادرېد كاپىتانىنىڭ قورقۇنۇشلۇق چۈشىنىڭ باشلىنىشى ئىكەنلىكىنى خىيالىغا كەلتۈرۈپمۇ باقمىغانىدى . گەرچە مۇرېنھو خانلىق مادرېدتىن ئايرىلغان بولسىمۇ ، كاسىللاس تېخىچىلا ئاساسلىق ئورنىغا چىققىنى يوق . ئەن دوختۇر كېلىپمۇ كاسىللاسنى ئۇزۇن مەزگىل ئورۇندۇققا بەنىت قىلدى . بۇندىن بۇرۇن ئىسپانىيە دۆلەت كوماندىسى تېرىنېرى بوسېك : ‹‹ كۇلۇبدا ئاساسلىق ئورۇندا ئوينىيالمايۋاتقان توپچىنىڭ دۆلەت كوماندىسىدا ئاساسلىق ئورۇنغا ئېرىشىش تەس ! ›› دەپ ئىپادە بىلدۈرۈپ ، كاسىللاسقا ئاگاھلاندۇرۇش بەرگەندەك قىلغانىدى . بىراق كاسىللاس يەنىلا دۆلەت كوماندىسىدىكى ئەڭ ئىشىنىشكە بولىدىغان توپچى . ئۇنىڭ ۋارتار ئالدىدىكى ئىپادىسى ئاللا بۇرۇن ھەممنى قايىل قىلىپ بولغان . جۈملىدىن بوسېكمۇ ھەم شۇ . كاسىللاس دۇنيا لوڭقىسىغا ئەڭ ياخشى ھالىتىدە قاتنىشىشنى ئۈمىد قىلىدۇ . ھازىر مانچىستېر شەھەر كوماندىسى ۋارتار ئالماشتۇرۇشنى پىلان قىلىۋاتىدۇ . پېللېرگىنىنىڭ نەزىرىدە ئەڭ ياخشى نامزات يەنىلا كاسىللاس . خارتنىڭ ئىپادىسنىڭ تازا كۆڭۈلدىكىدەك بولماسلىقى بۇ ئېنگىلاندنىڭ بىرىنچى نومۇرلۇق ۋارتارىنىڭ كۇلۇبتىكى ئورنىغا تەھدىد بولۇپ قالدى .

totti

كاشىللىياس شەھەرگە يارىشىدۇ

يەركەنىت

كاشىللاس مۇمىكىن ئەمەس

مىراس

پەرىشتە ئۇچۇپ كىتىدىغاندەك تۇردۇ ،خىسەيمۇ ئۇنۇڭ ئورنىنى ئوينايدىكەن ئەمەسمۇ
مۇراتتانى ساتماي ئىجارىگە بىرىش كىرەك ،كاشىلياسنىڭ قارارىغا ھۆرمەت قىلىمەن

nayil

totti يوللىغان ۋاقتى  2014-1-8 20:40
كاشىللىياس شەھەرگە يارىشىدۇ

شەھەرگە كەلسىمۇ قورقۇش يوق !!~ بىزنىڭ توپچىلارغا كاسىللاس ئەڭ پىششىق !!!~

نېيمار

كاسىللاس كەتمەيدۇ…

nami

كاسىللاس دۇلەت كۇماندىسىغا تاللاندىما؟

WiRoS

موراتانى سېتىۋالساق بولاتتى   ۋىنگىرنىڭ مۇشۇنىڭدەك كىچىك نوتىلارنى تەربىيلەشكە بەك ئېپى بار ....\

كاسللاس 2014تە يەنە ئاساسلىق بۇلىمەن دەيدىكەن چۇقۇم كۇلۇپ يوتكۈلىشى كېرەك .شەھەرمۇ ياخشى نامزات .
دىمارىيا ....  .ئويلىسام ئىچىم ئاچچىق بۈلىدۇ ....  قەدىرىڭنى قىلغان كۈلۈلپقا  قېتىلىپ كەتكىن ..

totti

nayil يوللىغان ۋاقتى  2014-1-8 20:50
شەھەرگە كەلسىمۇ قورقۇش يوق !!~ بىزنىڭ توپچىلارغا كاسىل ...

ئوزغۇنلۇق چەك تارتىلغاندىن بۇيان مانچىستىر شەھرنىڭ گىپى بولسىلا بارسلوناغا باغلاپ تۇرۋالدىغان بوپ قالدىڭلىيا قورىققان ئاۋال مۇش كۆتۈرە دىگەن شۇمۇ يا

nayil

totti يوللىغان ۋاقتى  2014-1-8 21:02
ئوزغۇنلۇق چەك تارتىلغاندىن بۇيان مانچىستىر شەھرنىڭ گ ...

بارسىلونا تېخى بىرەرسىدىن قورقۇپ باقمىدىغۇ ؟؟ بىز تېخى بايرېندىن ئۆچىمىزنى ئالىمىز دەپ ئولتۇرساق ، نېمە دەيدىغانسىلە ؟؟؟

nayil

WiRoS يوللىغان ۋاقتى  2014-1-8 20:59
موراتانى سېتىۋالساق بولاتتى   ۋىنگىرنىڭ مۇشۇنىڭدەك ...

دىمارىيا ئەسىلى ھىگۇايىن بىلەن بىللە ئايرىلغان بولسا بولاتتى . يازدا مانچىستېر بوينىنى ئىچىگە تىقىپ تۇرۇۋالماي دادىللىق بىلەن پەرىشتىگە باھا قويغان بولسا ، بېلنىڭ كېلىشىگە مادرېدمۇ جىق تارتىشىپ كەتمەيىتتى .

bizqimpiyon

دىمارىيا بىلەن  ھەرىلەردىكى رويىسنى ئەكىلىۋالساق  ،ئاندىن بىر ئۇتتۇرا بېك ئېلىۋالساق مۇشۇنداق ئىش بولاتتى دە
  ئالدىدا ۋان پېرىس  كەينىدىلا  رونى ئىككى قانات رويىس بىلەن دىمارىيا