كاكانىڭ 10 داڭلىق سەبدېشى !!!~

nayil

   كاكانىڭ مىلاندىكى 100 توپىنى ئۇرۇپ ، بۇ ئۆتكەلدىنمۇ ياخشى ئىپادىسى بىلەن ئۆتۈپ كەتتى . بۇ 100 توپنىڭ بارلىققا كېلىشى ئۇنچە ئاسان بولمىدى ، شۇنداقلا بۇنى كوماندىدىكى سەبداشلىرىنىڭ ياردىمىدىن ئايرىپ قارىغىلى بولمايدۇ ئەلۋەتتە ! كاكانىڭ پۇتبولچىلىق مۇساپىسىدە ، مەيلى دۆلەت كوماندىسدا بولسۇن ، مەيلى مىلاندا بولسۇن ۋە مەيلى خانلىق مادرېدتا بولسۇن دۇنياۋى داڭلىق سەبداشلار كەم بولغان ئەمەس . تۆۋەندە مەن كاكانىڭ 10 داڭلىق سەبدىشىنى تونۇشتۇرۇپ ئۆتىمەن !! قېنى كەتتى ئەمسە ...

   1 . كاكا ۋە شېفچېنكو



   كاكا بىلەن شېفچېنكو 3 يىل سەبداش بولۇپ بىرلىكتە جەڭ قىلغان . 2004 \ 2003 -يىللىق مۇسابىقە پەسلى كاكا ۋە شېفچېنكونىڭ ئەڭ يۇقىرى پەللىسىدىكى ۋاقىتلىرى ئىدى . شۇ پەسىلدە مىلان ئىتالىيە بىرلەشمە چىمپىيونى ۋە ئىتالىيە دەرىجىدىن تاشقىرى لوڭقىسى چىمپىيونى بولغان . كاكا ۋە شېفچېنكو ئىككىلىسى ئۆز ئالدىغا مۇكاپاتقا ئېرىشكەن . كاكا بۇ پەسىلدە ئىتالىيە بىرلەشمىسى ئەڭ مۇنەۋۋەر توپچى ۋە ئەڭ مۇنەۋۋەر چەتئەللىك ماھىر مۇكاپاتىغا ئېرىشكەن . شېفچېنكو بولسا 24 توپ كىرگۈزۈپ بىرلەشمە مەرگىنى ئالتۇن ئاياق مۇكاپاتىغا ئېرىشكەن . شۇ پەسىلدە بۇ ئىككى سەبداش بىرلىكتە مىلان ئۈچۈن 43 توپ كىرگۈزگەن . شۇ يىلى شېفچېنكو ياۋروپا ئالتۇن توپ مۇكاپاتىغا ئېرىشكەن .

   2 . كاكا ۋە ئىنزاگى



   كاكا بىلەن ئىنزاگى مىلان ئۈچۈن بىرلىكتە 2003-يىلىدىن 2009-يىللىق مۇسابىقە پەسلىگىچە كۈچ چىقارغان . ئىككىسى بىرلىكتە مىلاننىڭ بىر ئىتالىيە بىرلەشمە چىمپىيونى ( 04 \ 03 مۇسابىقە پەسلى ) ، بىر ئىتالىيە دەرىجىدىن تاشقىرى لوڭقىسى چىمپىيونى ( 04 \ 03 مۇسابىقە پەسلى ) ، بىر ئۇزغۇنلۇق چىمپىيونى ( 07 \ 06 مۇسابىقە پەسلى ) ، ياۋروپا دەرىجىدىن تاشقىرى لوڭقىسى چىمپىيونى ( 2007-يىلى ) ۋە دۇنيا كۇلۇبلار لوڭقىسى چىمپىيونى ( 2007 -يىلى ) قاتارلىق شەرەپلەرگە ئېرىشىشىگە زور تۆھپىلەرنى قوشقان . 2007-يىلى كاكا بىلەن ئىنزاگى ئۆزلىرىنىڭ ئەڭ يۇقىرى پەللىسىگە قەدەم قويدى . 07 \ 06 يىللىق ئۇزغۇنلۇق بىرلەشمىسىدە كاكا 13 مەيدان مۇسابىقىدە 10 توپ ئۇرۇپ ، مىلاننىڭ ھەل قىلغۇچ مۇسابىقىگە كىرىشىگە زور تۆھپە كۆرسەتكەن . ھەل قىلغۇچ مۇسابىقىدە بولسا ئىنزاگى 2 توپ ئۇرۇپ ، مىلاننىڭ 7-ئۇزغۇنلۇق لوڭقىسىنى ئېلىشىغا زور تۆھپە كۆرسەتكەن . بۇنىڭ ئىچىدىكى ئىنزاگىنىڭ 2-توپى دەل كاكانىڭ ياردەمچى پاس تاشلىشىنىڭ نەتىجىسى ئىدى .

   3 . كاكا ۋە پېرلو



   كاكا بىلەن پېرلونىڭ مىلاندىكى سەبداشلىقىمۇ 2003-يىلىدىن 2009-يىلىغىچە بولغان . بۇ ئىككىسىمۇ ھەم يۇقىرىدا ئىنزاگى بىلەن ئېرىشكەن شانلىق نەتىجىلەرگە شاھىد بولغۇچىلار ۋە شۇ شەرەپلەر ئۈچۈن ئاداققىچە جەڭ قىلغۇچىلار . يۇقىرى پەللىدىكى مىلان دەۋرىدە ، كاكا بىلەن پېرلو مىلاننىڭ قوش يادروسى ئىدى . بۇ ئىككىسىنىڭ بولۇشى مىلاننىڭ كۈچىنى ھەقىقى تۈردە نامايان قىلغان ئىدى .

   4 . كاكا بىلەن سىدروف



   كاكا بىلەن سىدروفمۇ ھەم 2003-يىلىدىن 2009-يىلىغىچە سەبداش بولغان ۋە يۇقىرىدىكى شانلىق نەتىجىلەرنى تەڭ ياراتقان . 2007-يىلىدىكى ئۇزغۇنلۇق ھەل قىلغۇچ مۇسابىقىسىدىكى كاكا ۋە سىدروفتىن تەشكىللەنگەن مىلان ئالدى بەل سېپى لىۋېرپولنى مەغلۇپ قىلىپ چىمپىيون بولۇشتىكى خەنجەر بولغانىدى .

   5 . كاكا بىلەن نېستا



   كاكا بىلەن نېستامۇ ھەم بىرلىكتە مىلاننىڭ ئەڭ شانلىق دەۋرىنى ياراتقان تۆھپىكارلار ھېسابلىنىدۇ . 2007-يىلىدىكى شانلىق نەتىجىلەر نېستانىڭ مۇداپىيەدىكى جەڭگىۋارلىقى بىلەن زىچ مۇناسىۋەتلىك ئەلۋەتتە . شۇ يىلىدىكى ئەڭ مۇنەۋۋەر سەپ شەكلىگە كاكا بىلەن نېستا ئىككىلىسى تاللانغان ئىدى . بۇ ئىككى چولپان نەچچە قېتىم ئەڭ مۇنەۋۋەر سەپ شەكلىگە تاللانغان بولسىمۇ ، بۇ قېتىمقىسى بۇ ئىككىسىنىڭ بىرلىكتە تاللىنىشى ھېسابلىنىدۇ .

   6 . كاكا بىلەن مالدىنى



   كاكا بىلەن مالدىنى ئوخشاشلا سان-سېرو شاھزادىلىرى بولۇپ ، بۇ ئىككى شاھزادە سان-سېرودىن 2009-يىلى تەڭلا ئايرىلغان . مالدىنى ئۆزىنىڭ 24 يىللىق باھارىنى مىلان ئۈچۈن قۇربان قىلغان . كاكانىڭ سان-سېروغا قايتىپ كېلىشى ئۇنىڭ سان-سېروغا بولغان مۇھەببىتىنىڭ ئۈزۈلمىگەنلىكىدىن دېرەك بېرىدۇ . مالدىنى چېكىنىشتىن ئاۋال كاكانىڭ ئۇنىڭ ئورنىغا كاپىتان بولۇشىنى ئۈمىد قىلغان بولسىمۇ ، كاكامۇ ھەم مالدىنى بىلەن تەڭلا مىلاندىن ئايرىلدى . كاكا خانلىق مادرېدقا قوشۇلغان بولسىمۇ ، مالدىنىنىڭ كاكاغا بولغان ئىشەنچىسى ئۈزۈلمىگەنىدى . مىلان كاكانى سېتىۋەتكەندە مالدىنى : ‹‹ كاكانى قويۇپ بېرىش چوڭ يۇقىتىش بولدى . ئۇنىڭ ئايرىلىشى مىلاننىڭ بىر دەۋرىنىڭ  ئاخىرلاشقانلىقىدىن دېرەك بېرىدۇ شۇنداقلا تارىخى بۇرۇلۇش بولۇشى مۆمكىن . كاكا بولمىغان مىلاننىڭ ئۇزغۇنلۇق چىمپىيون بولمىقىى تەس ! ›› دەپ ئىپادە بىلدۈرگەنىدى .

   7 . كاكا بىلەن رونالدو



   2002-يىلى دۇنيا لوڭقىسى مۇسابىقىسىدە سىكولارى كاكانى دۆلەت كوماندىسىغا تاللىغانىدى . ئۇ پەقەت 25 مىنۇتلا مەيدانغا چىققان بولسىمۇ رونالدو ، رىۋالدو ۋە رونالدىنھولارنىڭ ئېسىل ماھارىتىدىن ھوزۇرلانغان ۋە ئۆرنەك ئالغان . بولۇپمۇ رونالدونىڭ 8 توپ ئۇرۇپ بىرازىلىيەنى چىمپىيون قىلىشى ئۇنىڭغا چوڭقۇر تەسىرلەرنى قالدۇرغان . 2006-يىلىمۇ رونالدو بىلەن كاكا دۇنيا لوڭقىسىغا مېھمان بولۇپ كەلدى . گەرچە فىرانسىيە تەرىپىدىن شاللىۋېتىلگەن بولسىمۇ ، كاكا كىرودىيە بىلەن بولغان مۇسابىقىدە ئۆزىنىڭ دۇنيا لوڭقىسىدىكى بىرىنچى توپىنى ئۇرۇپ كىرگۈزدى . رونالدو بولسا 3 توپ ئۇرۇپ دۇنيا لوڭقىسىدىكى 15 توپلۇق رېكورتىنى ياراتتى . 2007-يىلى 1-ئايدا رونالدو مىلانغا قوشۇلدى ۋە كاكا بىلەن كۇلۇبتىكى سەبداشلىق قەدىمىنى باستى .

   8 . كاكا بىلەن رونالدىنھو



   2008-يىلى 7-ئايدا ، رونالدىنھو مىلان بىلەن 3 يىللىق توختام تۈزدى . شۇنداقلا كاكا بىلەن سەبداش بولۇپ قالدى . رونالدىنھو سان-سېرودىكى 95 مەيدان مۇسابىقىسىدە 25 توپ ئۇرۇپ 29 ياردەمچى پاس بەردى . كاكا بىلەن ئىككىسى بۇ بىر يىللىق كۇلۇب شەبداشلىق ھاياتىدا ھېچقانداق لوڭقىغا ئېرىشەلمىدى . دۆلەت كوماندىسىدا بولسا ،نۇرغۇن مۇسابىقىلەردە ئەڭ چاقنىغان چولپان بولۇپ ، بىرازىلىيە توپ مەستانىلىرىغا ھوزۇر ئاتا قىلدى .

   9 . كاكا بىلەن كىرىستىيانو . رونالدو



   كاكا پۇتبولچىلىق ھاياتىدا ئۈچ ‹‹ رونالدو ›› نىڭ ھەممىسى بىلەن سەبداش بولۇپ بېقىپتۇ . 2009-يىلى كاكا 68مىليۇن 500مىڭ ياۋرولۇق يۇقىرى باھا بىلەن خانلىق مادرېدقا قوشۇلۇپ ، كېرىستىيانو . رونالدونىڭ ھەمكاردېشى بولۇپ قالدى . كىشىلەر بۇ ئىككى ‹‹ ئالتۇن توپ ›› ساھىبىدىن بەك چوڭ ئۈمىدلەرنى كۈتكەنىدى . لېكىن ئويلىغىنىدەك بولمىدى . گەرچە بۇ ئىككىسى 2011 \ 2010-يىللىق ئىسپانىيە شاھلىق لوڭقىسى ، 2012 \ 2011-يىللىق بىرلەشمە چىمپىيونى ۋە 2012-يىللىق دەرىجىدىن تاشقىرى لوڭقىسى چىمپىيونى بولغان بولسىمۇ ، كاكانىڭ قايتا -قايتا يارىلىنىشى بۇ ئىككى ئالتۇن توپ ساھىبىنىڭ خانلىق مادرېدتا بىرلىكتە مۆجىزە يارىتىشىغا مۆمكىنچىلىك يارىتالمىدى .

   10 . كاكا بىلەن بالوتېلى



   كاكانىڭ مىلانغا قايتا قەدەم بېسىشىدا بالوتېلى ئۇنىڭ ھەمكاردىشى بولۇپ قالدى . يۇقىرىدىكى كاكانىڭ سەبداشلىرىغا نىسبەتەن ئېيىتقاندا ، كاكا بىلەن بالوتېلىنىڭ ماڭىدىغان مۇساپىسى تېخى ئۇزۇن ، ئورۇندايدىغان ۋەزىپىسى تېخىمۇ مۈشكۈل . بالوتېلى بىلەن كاكانىڭ ھەمكارلىقىدىكى مىلاننىڭ ھازىرقى ھالىتى ئانچە كۆڭۈلدىكىدەك ئەمەس . كاكانىڭ ئىپادىسى بارا-بارا ئەسلىگە كېلىۋاتقان مۇشۇ پەيىتلەردە ، ھەممە بالوتېلى بىلەن كاكا ھەمكارلىقىدىكى مىلاننىڭ قايتا باش كۆتۈرۈشىنى تۆت كۆز بىلەن كۈتمەكتە .

dilmurat.

ئەجىرلىك تېما بوپتۇ

كاكانىڭ ئا س  مىلانغا كەلگەندىن بۇيانقى ئىپادىسى ياخشى بولۇۋاتىدۇ  ... مۇشۇ ئىپادىسى بىلەن ماڭسا دۇنيا لوڭقىسىدا كۆرەلىشىمىز مۇمكىن

ئەگەر كاكا ئاستىدىكى فىلىمدىكى 15- توپنى ئۇرۇش ئۈچۈن قالتىس ئۆتكۈر پاس بەرمىگەن بولسا بەكلىم بۇ فىلىمدىكى رىكورتمۇ بولمىغان بولاتتى . لىكىن 15-توپ ھەقىقى يۇقۇرى سەۋىيە بىلەن ئۇرۇلغاندە

nayil

dilmurat. يوللىغان ۋاقتى  2014-1-7 21:50
ئەجىرلىك تېما بوپتۇ

رەھمەت !!!~ ئەپەندوم .... كۆرۈنمەيسىزغۇ ؟؟؟

تەنتەربىيە

تىمىڭىزىغا رەھمەت قىرندشىم ،  مىلانىدا ھەقىيقەتەن دۇنياۋى گىگانىت  چولپان ئۈزۈلۈپ قالغان ئەمەس.
ھازىر كاكا بىلەن روبىنھومۇ ياخشى ماسلاشماقتا

WiRoS

  كاكا بېلەن ھەرقانداق توپچىنىڭ سەبداش بولغۇسى بار دەپ ئويلايمەن ... مىجەزى ياخشى ، شەخسىيەتچىلىكى يوق ...  

2007 دىكى كاكانىڭ ئەسلىگە كىلىشىنى ئۇمۇد قىلىمەن ....

نادىر تېما ...

قەشقەرىي

كاكا دۇنيا لوڭقىسغا قاتناشسا بولتى

9مۇرادىل

كاكا تىخىمۇ تىرىشقىن.  كاكانى كىرىستىيانو رونالدو بىلەن ئەڭ يىقىن دوسمىكىن دەيمەن

dilmurat.

nayil يوللىغان ۋاقتى  2014-1-7 06:51
رەھمەت !!!~ ئەپەندوم .... كۆرۈنمەيسىزغۇ ؟؟؟

باغۇ ھەر كۈنى ...
خوتەندە 11 كىشلىك چوڭ تىپتىكى مۇسابىقە ئۆتكۈزمەكچى شۇڭلاشقا ۋىلايەتلىك تەنتەربىيە مەركىزىنىڭ مەيدانىنى ئىلتىماس قىلغان  شۇ ئىشلار ، ۋە باشقا ئىشلىرىم قوشۇلۇپ ئالدىراش بولۇپ قالدىم ...

missi2

مىلاندىغۇ ياخشى ئويناۋاتىدۇ،ئەمما دۆلەت كوماندىسىدا ئۇنىڭغا ئورۇن قالمىغان بولۇشى ئېنىق  ،ھەي ئامال يوق

dolan7

كاكا  ھەقىقەتەن  بۇلۇدىغان  توپچى  جۇما  

باقاۋۇل

كاكا ئىپادىسىنى تىپىۋاتىدۇ !
ئالغا!