| ئومۇمى يازمىسى: |
ھوقۇق چېكى: 1 |
| جۇغلانمىسى: 3737 |
تۆھپىسى: سەر |
|
ئەسسالامۇ ئەلەيكۇم
مانچىستىرنىڭ بۇ پەسىلىك مۇسابىقىدىكى ئىپادىسى ۋە باشقىلارنىڭ بۇنىڭغا قارتا ئىنكاسى توغۇرلۇق بىر تېما يېزىش ئۇيۇم بارتى ، بۈگۈن يېزىپ پۈتتۈردۈم (خەنلەرنىڭ تور بەتلىرىدىن پايدىلانغان يەرلىرىممۇ بار) ...
فۇ بوۋاي پىنسىيىگە چىققاندىن بۇيان ، بۇ پەسىل باشلىنىپ تا ھازىرغىچە نۇرغۇن ئىسسىق سوغۇقنى بېشىمىزدىن ئۆتكۈزۈپتىمىز ، توختىماي مانچىستىرنىڭ نەتىجىسىنىڭ ياخشىلىنىشىنى ئۈمۈد قىلىپ يۈردۇق ، بىراق 11 مەيدان يېڭىلمەسلىكتىن كېيىن ، ئۇدا 4 مەيدان يېڭەلمەسلىكنىڭ يىتىپ كېلىشىنى ئويلاپمۇ باقمىغان ئىدۇق . بۇلۇپمۇ نۇرغۇن شانلىق رىكورىتلارنىڭ بىر بىرلەپ بۇزۇلۇپ كېتىۋاتقانلىقىغا ئىچىمىزنى ئېچىشتۇرۇپ قاراپ ئولتۇرماقتىن باشقا ئامال بولمىدى .
نىۋكاستىل بىلەن بولغان مۇسابىقە تۈگەپ بولغۇچە ئۆز كۈزۈمگە ئىشەنمەيلا قالدىم ، مانچىستىرنىڭ « ئالۋاستى روھى » يۇقۇلىش گىردابىغا بېرىپ قاپتۇ . ئىسىمنى بىلىپ مانچىستىرغا مەستانە بولغىلىمۇ 10 يىلچە بۇلۇپ قاپتۇ ، مانچىستىرنىڭ نۇرغۇن شانلىق نەتىجىلىرىگە شاھىد بۇلۇپ ئىچ ئىچىمدىن خۇشال بۇلۇپ تەلۋىلەرچە سەكرەپ بېقىپتىمەن شۇنداقلا مانچىستىرنىڭ ئىنتايىن ئېغىر كۈنلىرىگە بىرگە ھەمراھ بۇلۇپ بەزىدە ئازاپتىن نى نى كىچىلەرنى ئۇيقۇسىز ئۆتكۈزۋىتىپتىمەن . بىراق ھىچقاچان تىرانفۇرىد مەيدانىدىكى مەستانىلەرنىڭ مۇسابىقە ئاياغلىشىشقا 10 مىنۇت قالغاندىن باشلاپ مەيداندىن ئايرلىغىنىنى كۈرۈپ باقمىغان ئىدىم ، بۇرۇن مەستانىلەر 10 مىنۇت ئەمەس ئاخىرقى مىنۇتلارغىچىمۇ « فۇرگىسىن ۋاقتى » نىڭ مۆجىزە ئېلىپ كىلەلەيدىغىنىغا ئىشنىپ ، مەيداندا « چىمپىيۇنلۇق » ناخشىسىنى توۋلىشىپ ، توپچىلارغا ئاخىرىغچە مەدەت بىرەتتى . مەيداندىن بۇرۇن ئايرىلىدىغان ئىش بۇلۇپ باقمىغان ئىدى .
بېكھام كەتتى ، مانچىستىر يەنىلا قىزىل رەڭدە . ۋەنىستىرلوي كەتتى ، مانچىستىر يەنىلا قىزىل رەڭدە . رونالدو كەتتى ، قىزىل رەڭ ئۆزگەرمىدى . نېۋىل ، سىكولىس ، ۋەندرىسارلار كەتتى ، مانچىستىر ئوخشاشلا قىزىل رەڭگىنى ئۆزگەرتىمىدى . ئاخىرىغا كەلگەندە سىر ئالىكىس فۇرگىسىن كەتتى ، بىراق بۇ قېتىم ئۇ قىزىل رەڭنى بىللە ئېلىپ كەتكەندەك قىلاتتى ، مانچىستىرنىڭ قىزىل رەڭگى سۇسلىشىپ قالغان ئىدى .
ئىلگىرى بىرلەشمە باشلىنىپ 15 ئايلانما تۈگىكەندە ، بىز بىرلەشمە نۇمۇر رەت تەرتىپىگە قارىماي تۇرۇپمۇ ئۆزىمىزنىڭ سەپنىڭ بىرنجىسى بولمىساقمۇ چۇقۇم ئالىدنقى 2 نىڭ بىرسىنىڭ ئۆزىمىز ئىكەنلىكىگە ئىشنەتتۇق ، بىرلەشمە لوڭقىسىغا ئۈمۈد بىلەن قارايتتۇق . ھازىرغا كەلگەندە سىز مانچىسترنىڭ بىرلەشمە رەت تەرتىپىنى كۆرسىڭىز چۈچۈپ كېتىسىز ، ئالدىنقى 2 ئەمەس ، ئالدىنقى 10 نىڭ ئىچىدىكى ئاخىرقى رەتتىن ئاران تاپالايسىز . بۇ ئەمەلىيەتكە قەتتى ئۇيغۇن كەلمىدى .
ھېلىھەم ئېنىق ئىسىمدە 2008-يىلى ئالىي مەكتەپ ئىنتاھانىغا ئۇزۇن قالمىغان ۋاقىتتا « موسكىۋا كېچىسى » نى (مانچىستىر چىلسى ئۇزغۇنلۇق ھەل قىلغۇچ جېڭى) كۆرىمەن دەپ ، ئەتىسى مەكتەپكە ۋاق قېلىپ مۇئەللىمىدىن خېلى دەشنام يىگەنتىم ، بىراق شۇ ۋاقىتتىكى خۇشاللىقىمدا مۇئەللىمنىڭ تىل ئاھانەتلىرىگە مىت قىلىپ قويمىغانتىم . مانچىستىر ماڭا مۇشۇنىڭغا ئوخشاش نۇرغۇنلىغان ئۇنتۇلغۇسىز ھاياجانلىق مىنۇتلارنى سوۋغا قىلغان ئىدى ، شۇڭا كۈندىن كۈنگە ئۆزەمنى كونتىرول قىلالمىغىدەك دەرىجىدە مانچىستىرغا ئاجايىپ مەستانە بۇلۇپ قېلىۋاتىمەن ، مەيلى ئۇنىڭ نەتجىسى قانداق بوپ كەتسۇن ، ئۇنىڭغا بولغان ئەسەبى « خۇمارىم » ئازراقمۇ بېسقىپ قالغىنى يوق ...
ئۇنداقتا مانچىستىرنىڭ مۇشۇ كۈنگە قېلىشىغا زادى نىمە سەۋەپچى ؟ مويىس ؟ ياق ، ئۇ ئاللىبۇرۇن ئېۋىرتوندا ئۆزىنى ئىسپاتلاپ بولغان ، شۇڭا مانچىستىر ئۇنى فۇرگىسىننىڭ ئىز باسارى قىلىپ تاللىغان . ئۇنىڭدا كەمچىل بۇلىۋاتقىنى تاكتىكا ئەمەس ، ئۇنىڭدا كەمچىل بۇلىۋاتقان ئەڭ مۇھىم نەرسە تەۋەككەلچىلىك ، ئەلۋەتتە فۇرگىسىن 26 يىل تۇتقان مانچىستىرنى زەردار كوماندىنى يىتەكلەپ باقمىغان بىر تېرنىرنىڭ تۇنجى پەىسلدىلا تەۋەككۈلچىلىك بىلەن كوماندىنى جەڭگە باشلىيالىشى بەك بەك تەس ئىش . بۇنداق تەۋەككۈلچىلىككە ئازراق ۋاقىت كېرەك ئىشقىلىپ مەن شەخسەن مويىسنى ئىقتىدارسىز تېرنىر دەپ قارىمايمەن .
ئاشۇ قىزىل رەڭنى ياخشى كۈرۈپ تا ھازىرغىچە ئۇ بىزنى بۇ قېتىمقىدەك ئۈمۈدسىزلەندۈرۈپ باقمىغان ، ئىلگىرى مانچىستىرنىڭ قولغا كەلتۈرگىنى شان شەرەپ لوڭقىلاردىن باشقا ئەڭ مۇھىمى باشقىلارنىڭ ھۆرمىتىنى قولغا كەلتۈرگەن ، ئاخىرغىچە ۋاز كەچمەيدىغان ئالۋاستى روھىنى قولغا كەلتۈرگەن ، ھەر قانداق رەقىبلىرىنى قورقۇتالىغۇدەك جاسارەتنى قولغا كەلتۈرگەن . بىراق ھازىرچۇ ؟ مانچىستىر قولغا كەلتۈرگەن نەرسىلىرنى بىر بىرلەپ يۇقىتىپ قۇيىۋاتىدۇ . ھەممىمىزنىڭ كاللىسىدا ئەجىبا فۇرگىسننىڭ پىنسىيىگە چىقىشى ئۆزىنىڭ قانچىلىك « ئۇلۇغ » ئىكەنلىكنى يەنە بىر قېتىم ئىسپاتلاپ بىرشىمىدۇ ؟ دىگەن سۇئال ئەگىپ يۈرۈيدۇ .
نۇرغۇن مەستانىلەر يېقىنقى بىر نەچچە يىلدىن بۇيان مانچىستىر توپچىلىرى ئۇنچىلىك سەر خىل ئەمەس ، ئۇلارنىڭ قولغا كەلتۈرگەن نەتىجىلىرى ئاسالىقى فۇرگسىننىڭ دەرىجىدىن تاشقىرى قوماندانلىق قىلىش ئىقتىدارى دەپ قاراپ كەلگەن . بۇ تەرىپىگە شەكسىز ئىشىنىمەن ، چۈنكى فۇرگىسننىڭ قانداق تېرنىر ئىكەنلىكنى دۇنيادىكى بارلىق مەستانىلەرنىڭ ھەممىسى بىلىدۇ . شۇڭا بۇنداق مانچىستىر باشقا تېرنىرغا نىسبەتەن ئانچە «كۈچلۈك» مانچىستىر ئەمەس ، مويىسقا نىبسەتەن تېخىمۇ شۇنداق ، شۇڭا ئۇنىڭدىن تۇنجى پەسىلدىلا بەك كۆپ ئۈمۈد كۈتۈش ئۆزىمىزگە ئازاپ ئېلىپ كىلىشتىن باشقا نەرسە ئەمەس . مانچىستىرنىڭ سەپ شەكلىگە قارىساق دەرۋەقە مانچىستىردارونى + ۋەن پىرىس دەك ئەڭ قورقۇنۇچلۇق ھۇجۇم سېپى بار ، ھەتتا دەرىجىدىن تاشقىرى سەپلىمە ئەزا ئېرنەندىسمۇ نۇرغۇن بېكلەرنىڭ بېشىنى ئاغىرتىدىغان ھۇجۇمچى . ۋېلبېك كالامپاي ، دەلتى بولغىنى بىلەن قارشى تەرەپنىڭ مۇداپىئە سېپىنى قالايمىقان قىلشىقا خېلى ئېپى بار . مانچىستىرنىڭ ئوتتۇرا مەيدانى ئەزەلدىن نۇرغۇن كىشىلەر تەرىپىدىن ئەڭ ئاجىز ئۇرۇن دەپ قارلىپ كەلگەن . دىمسىمۇ مانچىستىردا ئادەمنى خاتىرجەم قىلغۇدەك ئوتتۇرا مەيدانچىدىن كارىكتىن باشقا ھىچكىم يوق ، بىراق مۇشۇنداق ھالىقلىق ۋاقىتتا كارىكنىڭ يىقىلىپ چۈشىشى بىلەن مانچىستىرنىڭ نىمە كۈنگە قالغانلىقىنى دەپ يۈرمىسەممۇ ھەممىڭلار كۈرۈپ تۇرىۋاتىسىلەر . فىلاينى مانچىستىرغا تېخىچە تۇلۇق سىڭىپ كىرىپ بۇلالمىدى ، كاگاۋاغا كەلسەك مويىس ئۇنى قانداق ئىشلىتىشتە تېخىچە بىر قارارغا كىلەلمەي ، ئۇنى ئىسراپ قىلىۋىتىۋاتىدۇ (فۇ بوۋايمۇ بۇ مەسلىنى ھەل قىلالمىغان ) . ئىككى قاناتقا قارىساق ئىپادىسى ئەڭ تۇراقلىق بۇلىۋاتقىنى ۋالۈنسىيە ، بىراق ئۇنىڭ تېخنىكىسى بەك ئاددىي ، بېكلەر ئۇنىڭ نىمە قىلماقچى ئىكەنلىكىنى ئاسانلا بىلىپ قالىدۇ ، ئۈنۈم تۆۋەن . نانى تېخىچە ئادەمنى رازى قىلغۇدەك بىرەر مەيدان مۇسابىقە ئويناپ باقمىدى . ئاشىلى ياڭ سۇغا سەكرەشتىن باشقىنى بىلمەيدۇ ، تېزرەك سېتىۋەتسە دەپ ئۈمۈد قىلىپ ئولتۇرۇپتىمىز . جانۇزاج بەك كىچىك ، ئۇنىڭىغلا تايىنىپ بۇ پەسىللىك مۇسابىقىنى مۇۋاپىقىيەتلىك تاماملىغىلى بولمايدۇ ئەلۋەتتە . فۇ بوۋاي ئەتىۋارلاپ سېتىۋالغان زاخا مويىسنىڭ ئىشەنچىسىگە ئىرىشەلمەي ، مەيدانغا چىققۇدەك پۇرسەت يوق يۈرۈيدۇ . كىلەۋىر ، جونىس دىگەنلەرمۇ بەزىدە ياخشى بولمىسا مەيداندىن تاپقىلى بولمايدۇ . ئارقا سەپكە قارىساق فىردىنەنىد قېرىپ قالدى ، ۋىدىچ ئېغىر يارلانغاندىن كېيىن بەدەن سۈپەت بۇرۇنقىدەك ياخشى ئەمەس ، بىراق ھەر ھالدا خېلى ئىشەنچىلىك . ئوتتۇرا بېك ئوينىغان سىمولىن لاياقەتلىك بېك بىراق ئوڭ بېكقا بولمايدۇ . ئىۋانىس ئالدىنقى پەسلدىلا ئۆزىنى ئىسپاتلاپ بولغان ، مېنىڭچە ئۇ ھازىرقى ئوتتۇرا بېكلەر ئىچىدە ئىشەنچىلىكراقى . ئېۋرا چىكىنىش بەك ئېغىر ، ئۇنىڭغا ماسلىشىپ بېرەلىگۈدەك سول قانات يوق بەك يالغۇز كەپ قالدى . بۇتىنار بەك كىچىك ، تەجىربىسىز ، ھۇجۇم ئېڭى كۈچلۈك ، بىراق مۇداپىئەسى ئاجىز . رافائىل مەيدانغا چىققان مۇسابىقىلەردە ئوڭ تەرەپتىن ئەنسىرەپ باقمىدىم . دېھىياغا گەپ كەتمەيدۇ . مۇشۇ ئەزالارغا نىسبەتەن مويىس سەپ شەكلىنى ئالماشتۇرۇپ سىناپ باقسىمۇ بوپتىكەن دەپ ئويلاپ قالدىم مانچىستىرنىڭ پىشانىسىگە 244 ئويناش پۈتۈلۈپ كەتمىگەندىكىن .
نۇرغۇنلىغان مانچىستىر مەستانىلىرى بۇرۇندىن مانچىستىرىنىڭ غەلبىسىگە كۈنۈپ قالغان ، كۈچلۈك مانچىستىرنىڭ مۇسابىقىسنى كۈرۈپ كۈنۈپ قالغان ، شۇڭا ھازىرقى نەتىجىسىنى قۇبۇل قىلىش تەسكە توختاۋاتىدۇ . بۇ تەرىپنى ئەلۋەتتە توغرا چۈشىنىمىز . بىراق ئۇنتۇپ قالماڭ پۇتبول دەل كىشلىك تۇرمۇشقا ئوخشايدۇ ، ھەر قانداق نەرسە مەڭگۈ شۇ پېتى تۇرىۋەرمەيدۇ ،خۇددى يەر شارى توختماي ئايلانغاندەك ھەر قانداق نەرسە توختىماي ئايلىنىدۇ ، مەيلى سىز كۈچلۈك بۇلۇپ ياكى ئاجىز بۇلۇڭ بۇ ھەقىقەتتىن ھەرگىزمۇ قېچىپ قۇتۇلالمايسىز . كۈچلۈكلەرنىڭمۇ ئاجىزلاپ باشقىلار بايقىيالمىغۇدەك دەرىجىگە چۈشۈپ قالىدىغان ۋاقتى بۇلىدۇ ، ئاجىزلارنىڭمۇ كۈچىيىپ ھەر قانداق كۈچلۈكلەرگە خىرىس قىلالىغۇدەك بۇلىدغان ۋاقتى كېلىدۇ ، ئىلگىرى مانچىستىر مەستانىلىر ئىنتايىن بەخىتلىك ئىدى ، بىراق فۇرگىسىن پىنسىيىگە چىققان شۇ دەقىقىدىن باشلاپ مانچىستىرنىڭ ھەر قانداق نەتىجىسىنى قۇبۇل قىلىشقا تەييارلىق قىلىش كېرەك ئىدى ، ئەگەر شۇنداق قىلالىغان بولسا ھازىرقىدەك ئازاپلىنىۋالمىغان بۇلاتتى . لىۋېرپولغا قاراپ بېقىڭلار ، ئۇلار قانچە يىل سەۋىر قىلدى ، قانچە يىل ساقلىدى ؟ رىمغا قاراپ بېقىڭلار ؟ كونىلاردا سەۋىرنىڭ تىگى ئالتۇن دەيدىغان گەپ بار ، بۇ گەپكە شەكسىز ئىشىنىڭ ، چۇقۇم شۇنداق بۇلىدۇ .
ھەر قانداق مەستانىنىڭ ئۆزىنىڭ ئويلىغىنىنى ئوتتۇرغا قۇيۇش ھوقۇقى بار ، بىراق بىر ئىشنى چۈشەنمەي تۇرۇپ قارغۇلارچە مويىس يارىماسكەن ، ئۇ توپچى ئاخمىدى ، بۇ توپچى ساختا مالكەن ، ئۆزىلنى سېتىۋالغان بولسا ئۇنداق بۇلاتتى ، رونالدونى قايتۇرۇپ كەلسە بۇنداق بۇلاتتى ، مويىسنىڭ ئورنىغا مورىنىئو كەلگەن بولسا بۇنداق بۇلاتتى دىگەن گەپنى ئاز قىلايلى . بىر كوماندىنى شۇنچە ئۇزۇن چۆگىلىتىپ يۈرگەن يۇقىرى قاتلامدىكىلەرنىڭ ئەجىبا بىزچىلىك كاللسى ئشىلىمەسمۇ ؟ كوماندىغا قانداق توپچىنىڭ لازىملىقىنى تېرنىر بولغان ئادەم بىزچىلىك بىلمەسمۇ ؟
ئالدىنقى قېتىم مانچىستىرنىڭ مۇسابىقىسنى كۈرىۋېتىپ چۈشەندۈرگۈچىنىڭ مۇنداق بىر گىپىنى ئاڭلاپ ئويلىنىپ قالدىم : « كشىلىك تۇرمۇشتىكى ئازاپنىڭ ھەممىسى سېلىشتۇرۇشتىن كېلىپ چىقىدۇ ، شۇڭا مانچىستىر مەستانىلىرنىڭ ئازابىنىڭ كۆپ قىسىمى مويىس بىلەن فۇ بوۋاينى سېلىشتۇرۇشتىن كېلىپ چىقىۋاتىدۇ » . دىمىسىمۇ بۇ گېپى بەك ئۇرۇنلۇقكەن ، مويىس نىمىلا دىگەن بىلەن فۇرگىسىن ئەمەس ، ۋاقىت ھىچكىمىگە رەھىم قىلغان ئەمەس ، شۇڭا ئۇ بىزدىن فۇ بوۋاينى ئېلىپ كەتتى ، بىزدىن فۇ بوۋاينىڭ مانچىستىرىنى ئېلىپ كەتتى . بىزگە مويىسنى شۇنداقلا مويىسنىڭ مانچىستىرنى بەردى ھەرگىز ئۆزى ئېلىپ كەتكەن فۇرگىسىننىڭ مانچىستىرنى قايتۇرۇپ بەرمىدى ھەم قايتۇرۇپ بەرمەيدۇ . مويىس ھازىر بىزنىڭ تېرنىرىمىز ئۇ ھەقىقەتەن دۇنيا پۇتبول ساھەسىدىكى ئەڭ تەس خىزمەتنى تاپشۇرىۋالدى ، ئۇ كشىلىك تۇرمۇشىدىكى يېڭى جەڭنى ئەمدى كۈتىۋالدى . ھېلىقىدەك ئاتالمىش رىكورتىلار بۇزۇلۇپ كەتسە نىمە بوپتۇ ؟ فۇ بوۋاي تىكلىگەن « يۈز » مىز چۈشۈپ كەتسە نىمە بوپتۇ ؟ باشقىلار ئالدىدا ھۆرمىتىمىز ۋاقىتلىق يۇقالسا نىمە بوپتۇ ؟ فۇ بوۋاي تىكلىگە خاندانلىق ۋاقىتلىق گۇمۇرۇلۇپ چۈشسە نىمە بوپتۇ ؟ مانچىستىر بۇرۇندىن نىمشقا كۈچلۈكتى ، دەل ئۆزىگە ئىشنىش ، بەل قۇيىۋەتمەسلىك ، ئاخىرغىچە تىركىشىش شۇنداقلا ئېسىل مەستانىلىرى بىلەن كۈچلۈك بۇلۇپ كەلگەن ، ئەمدى بولغاندا بۇنچلىك نەتىجىلەرنى قۇبۇل قىلالماي ئۆزىمىزدىكى ئەڭ مۇھىم نەرسىلەرنى يۇقىتىپ قويساق قاملاشماس .
مويىسقا ئىشىنەيلى ، ئۇنىڭغا ھىچ بولمىغاندا 2 يىل ۋاقىت بىرەيلى . بىر كوماندىنى ئۆزىنىڭ تاكتىكىسىغا چۈشكىدەك قىلىپ رەتلەپ چىقىش ئۇنداق ئاسان ئەمەس ، ئۇنىڭغا ۋاقىت كىرەك . مانچىستىرنىڭ ھەر قانداق نەتىجىسنى قۇبۇل قىلىشقا تەييارلىق قىلىپ قۇيايلى . مانچىستىرنى تۇلۇق چۈشەنگەن مەستانىلەر ئىشنىمەن ئۇنىڭغا داۋاملىق پۇرسەت بىرىدۇ ، گەرچە بۇ ھەپتە تىرانفۇرد مەيدانىدىكىلەر مەيدندىن بۇرۇن چىقىپ كەتكەن بولسىمۇ ، ئىشنىمەن ئۇلار كەيپىياتىنى تەڭلىشۋالغاندىن كېيىن كىيىنكى قېتىم يەنىلا تىرانفۇرىد مەيدانىغا كىلىپ دېھىيانىڭ كەينىدە تۇرۇپ ئۆز كوماندىسىغا مەدەت بىرىدۇ . فۇ بوۋاي مويىسنى تاللىغانىكەن مويس دەل بىزنىڭ « ئاتامان » مىز ، بۇنى سىز ، بىز ئۆزگەرتەلمەيمىز . شۇڭا ئۇنىڭغا ئىشىنەيلى ، ئۇنى ھۆرمەتلەيلى ، ئۇنىڭ مەسئۇلىيەتچان تېرنىر ئىكەنلىكىگە ئىشىنەيلى .
تۇرۇڭلار ئەزمەتلەر ، بۇ سىلەرگە ياراشمىدى ، ئوغۇل بالا دىگەن يىقىلغان يېرىدىن تۇرالىشى كېرەك . مانچىستىرنىڭ قىزىل رەڭگى سىلەرگە كەلگەندە ئۆڭۈپ قالمىسۇن ، ئالۋاستى روھى سىلەرگە كەلگەندە يۇقىلىپ كەتمىسۇن ، ئۇچاڭلاردىكى ئاشۇ كىيىمگە ، مەيدەڭلەردىكى ئاشۇ گىربىگە يۈز كېلەلىشىڭلار كېرەك ، مىليۇنلىغان مەستانىلەر سىلەرنى ھىچقاچان يالغۇز تاشلاپ قويغىنى يوق ، پەقەت سىلەرنىڭ ئورنۇڭلاردىن دەس تۇرۇشۇڭلارنى ساقلاۋاتىدۇ .
بۇندىن كېيىن مانچىستىر مەيلى قانداق كۈنگە قالمىسۇن ، مەيلى قاچانغىچە لوڭقا ئالالماي يۈرسۇن ، ئۆزەمنىڭ مانچىستىرنى تاللاپ مەستانە بولغىنىمغا ھەرگىز ئۈكۈنمەيمەن ، چۈنكى ئۇ بىزگە بەك كۆپ خۇشاللىقلارنى بەرگەن ، ئالىي مەكتەپ ھاياتىمغا تېخىمۇ رەڭدارلىقنى قوشقان بۇنداق كومانغا مەستانە بولغىنىم ئۈچۈن ھەرگىز پۇشايمان قىلمايمەن . مانچىستىرلىقلار ، مەيلى مانىچستىر قانداق بوپ كەتسۇن ، يۈرىكىڭىزدىكى ئاشۇ قىزىل رەڭ ئۆڭۈپ كەتمىسۇن ، ئۇنى چۇقۇم ياخشى ئاسىراڭ ...
|
باھالاش
-
باھا خاتىرىسى
|
ۋاقتى: 2013-12-9 19:25:55
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2013-12-9 19:40:52
