| ئومۇمى يازمىسى: |
ھوقۇق چېكى: 1 |
| جۇغلانمىسى: 898 |
تۆھپىسى: سەر |
|
ھەربىي ئالىملار: پۇتبول تىنچلىق دەۋرىدە دۆلەت بىلەن دۆلەت ئوتتۇرىسىدىكى قورال - ياراغ، توپ - زەمبىرەك ئىشلىتىلمەيدىغان، ئىس - تۈتەكسىز، قان تۆكۈلمەيدىغان بىر مەيدان دۇنيا ئۇرۇشى.
سىياسەتچىلەر: پۇتبول سىياسىي تۇرمۇشنىڭ بىر تېمىسى، شۇنداقلا بەزىدە تىنچلىق ئەلچىسى.
فىزىكا ئالىملىرى: پۇتبولنىڭ جەلىپ قىلىش كۈچى ناھايىتى يۇقىرى بولۇپ، ئۇ نەچچە ئون مىليون ئادەمنى بىر يەرگە يىغالايدۇ. پۇتبول مۇسابىقىسى ۋاراتا قولىنىڭ جەلىپ قىلىش كۈچى بىلەن باشقا كوماندا ئەزالىرىنىڭ كاللىسى ۋە پۇتى ئاستىدىكى تېپىش كۈچىنىڭ كۈچلۈك - ئاجىزلىق كۈچ سىنىشى.
جۇغراپىيە ئالىملىرى: دۇنيا لوڭقىسىنى تالىشىش پۇتبول مۇسابقىسى مەزگىلىدە كۈچلۈك بىر قېتىملىق يەر تەۋرەش، ئۇ يەر ياشىنىڭ ھەرقايسى بۇلۇڭ - پۇچقاقلىرىغىچە تارقىلىدۇ ھەمدە ئىنتايىن زور تەۋرەش پەيدا قىلىدۇ؛ دۇنيا لوڭقىسىنى تالىشىش پۇتبول مۇسابقىسى مەزگىلىدە چوڭ توپ (يەرشارى) كىچىك توپ (پۇتبول)نى دەۋر قىلىپ ئايلىنىدۇ.
ئەدىبلەر: پۇتبول كوماندا ئەزالىرى بىلەن پۇتبول مەستانلىرى ئوتتۇرىسىدىكى كاتتا ارومان، ئۇنىڭ ئىچىدە ئېيتىپ تۈگەتكىلى بولمايدىغان ۋەقەلىك بار.
تېببىي ئالىملار: دۇنيا لوڭقىسىنى تالىشىش پۇتبول مۇسابقىسى مەزگىلى - ھەر خىل كېسەللىكلەر كۆپ قوزغىلىدىغان ۋە پەيدا بولىدىغان خەتەرلىك مەزگىل، پۇتبول بۇ بالايىئاپەتنىڭ باش جىنايەتچىسى.
مۇزىكانتلار: پۇتبول -- ھەيۋەتلىك ۋە سەلتەنەتلىك، جاھاننىڭ زىلزىلىگە سالىدىغان دۇنياۋى ئومۇمىي خور. شۇنداقلا، يېقىملىق قەلب بىلەن خۇشاللىق ۋە ئازاب ھېس قىلدۇرىدىغان يېڭى «ھاياتلىق سىمفونىيەسى».
پەيلاسوپلار: پۇتبول -- ئىنسانىيەت ئۇقۇمىدىكى ھېسسىي كۆچمە ھادىسە.
ئېستېتىكشۇناسلار: پۇتبول ھەرىكىتى گەرچە شەپقەتسىز بولسىمۇ، لېكىن كىممۇ ئۇنىڭ گۈزەللىكىنى ئىنكار قىلالايدۇ. ئۇ، كۈچ بىلەن گۈزەللىكنىڭ ئورگانىك ھالدا بىرلەشتۈرۈلۈشى.
مائارىپچىلار: پۇتبولغا مەستانە بولۇپ قالسىڭىز، بالىلىرىڭىز ئالىي مەكتەپكە كىرىپ ئوقۇش پۇرسىتىدىن مەھرۇم قېلىشى مۇمكىن.
ئىقتىسادشۇناسلار: پۇتبول -- غايەت زور پايدا - مەنپەئەتنىڭ ئورتاق گەۋدىسى، ئۇنىڭ دومىلىشى ھەرقايسى تەرەپلەرگە زور پايدا ئېلىپ كېلىدۇ.
سەنئەتكارلار: پۇتبول -- مىسلىسىز، مەڭگۈ ئۆلمەيدىغان بىر تۈرلۈك دۇنياۋى سەنئەت، ئۇ نۇرغۇنلىغان كىشىلەرنى ئەلەڭ - سەلەڭ قىلىپ، ئېسىنى يوقىتىپ، ئۇيقۇ ۋە تاماقنىمۇ ئۇنتۇپ كېتىدىغان قىلىپ قويىدۇ.
تىلشۇناسلار: پۇتبول - دۇنيادا ئورتاق قوللىنىلىدىغان تىل. ئوخشاش بولمىغان ئىرق، ئوخشاش بولمىغان تىللاردىكى كىشىلەرنىڭ ھەممىسى ئۇنى ئاڭلاپ چۈشىنەلەيدۇ، ئوقۇيالايدۇ ھەمدە ئورتاق تېمىغا ئىگە بولالايدۇ.
مەنبە: «پۇتبول دۇنياسىدىكى ئىشلار» دېگەن كىتاب. |
|
ۋاقتى: 2013-9-28 11:45:14
تېما كۆتۈرۈش
تېما چوققىلاش
تېما تاقاش
变色卡
