قىزىل ئالۋاستى رىۋايىتىنى ياراتقۇچىلار(ئاخىرلاشتۇرغۇچى)

ئاخىرلاشتۇرغۇچى

ئۆزۈم بىر قىزىل ئالۋاستى مەستانىسى  بولۇش سۈپىتىم بىلەن ئەڭ ئالدى بىلەن ئالۋاستى رىۋايتىنى مۇشۇ كۈنگىچە داۋاملاشتۇرۇپ كەلگەن ،تېخى ئەمدىلا پېنسىيەگە چىققان سېر ئالىكىس فورگىسىنغا رەھمەت ئېيتىمەن ،ئۇنىڭ كېيىنكى كۈنلىرىگە ئامەت تىلەش بىلەن بىرگە يېڭى تېرىنىر مويىسنىڭ سېرنىڭ ئىزىنى بېسىپ  مېڭىشىنى ئۈمىد قىلىمەن
.ئاۋال مانچېستېر توغرىلىق قىسقىچە چۈشەنچە بېرىپ ئۆتسەم .ئېنگىلاند بىرلەشمىسىنىڭ سەركىسى ياۋروپادىكى داڭلىق زەردارلارنىڭ بىرى بولغان قىزىل ئالۋاستى مانچېستېر بىرلەشمە كوماندىسى 1878- يىلى قۇرۇلغان،ساھىبخان مەيدانى كونا تىراففورد-چۈش تىياتىرخانىسى.

مانچېستېر بىرلەشمىسى يۇقىرى دەرىجىلىك بىرلەشمىدە 1908يىلى تۇنجى قېتىم چېمپىيون بولغاندىن باشلاپ  جەمئىي 20 قېتىم(1908-1911-1952-1956-1957-1965-1967-1993-1994-1996-1997-1999-2000-2001-2003-2007-2008-2009-2011-2013-يىللىرى،دەرىجىدىن تاشقىرى بىرلەشمە قۇرۇلغاندىن كېيىن 13قېتىم)
ياۋروپا ئۇزغۇنلۇق لوڭقىسىدا 3 قېتىم چېمپىيون بولغان(1968،1999،2008يىللىرى)
ياۋروپا دەرىجىدىن تاشقىرىلار لوڭقىسى بىر قېتىم(1991-يىلى)
ياۋروپا غالىبىيەتچىلەر لوڭقىسى بىر قېتىم(1991-يىلى)
دۇنيا كۇلۇپلار لوڭقىسى بىر قېتىم (2008-يىلى)
ئېنگىلاند بىرلەشمە لوڭقىسىنى 4قېتىم (1992-2006-2009-2010-يىللىرى)
ئېنگىلاند رايونلار لوڭقىسنى 20قېتىم(1908-1911-19521956-1957-1965-1967-1977-1983-1990-1993-1994-1996-1997-2003-2007-2008-2010-2011-2013-يىللىرى)
ئېنگىلاند ئۇيۇشما لوڭقىسىنى 11قېتىم(1909-1948-1963-1977-1983-1985-1990-1994-1996-1999-2004-يىللىرى)ئالغان بولۇپ ئېنگىلاند تارىخىدا ئەڭ ئۇتۇق قازانغان كۇلۇپ ھېسابلىنىدۇ.

مىيۇنخىندىكى قارا چۈش
1958-يىلى 2-ئاينىڭ 6-كۈنى مانچېستېر كوماندا ئەزالىرى بېلگىراد قىزىل يۇلتۇز كوماندىسى بىلەن ئەمدىلا ئۇزغۇنلۇق لوڭقىسى مۇسابىقىسىنى تۈگىتىپ ئېنگىلاندقا قايتىدىغان چاغدا مىيۇنخېن ئايرودورومىدا ئايروپىلاندىن چاتاق چىقىپ سوقۇلۇپ كەتكەن ،بۇ ۋەقەدە جەمئىي 23 ئادەم قازا قىلغان بولۇپ مانچېستېر كوماندا ئەزالىرىدىن 8نەپەر ۋە كۇلۇپ خادىملىرىدىن 3 نەپەر ئادەم مۇشۇ ۋەقەدە قازا قىلغان.  مىيۇنخىن ئايروپىلان ۋەقەسى بولمىغان بولسا مانچېستېرنىڭ لوڭقا سانى بەلكىم بۇنىڭدىنمۇ كۆپ بولغان بولاتتى،چۈنكى شۇ ۋەقەدە مانچېستېرنىڭ ئاساسلىق ئەزالىرى تالاپەتكە ئۇچرىغان بولۇپ ،مانچېستېر كوماندىسى تاكى 1965-يىلغىچە ئەسلىگە كېلەلمىگەن.

مانچېستېر ئەزالىرىدىن ئاشۇ ئايروپىلان ۋەقەسىدە قازا قىلغانلارنىڭ تىزىملىكى:
روج بېرنى(28ياش) ئەيدى كېرمان(21ياش)ماك جونىس(24ياش)داۋىد پېج(22ياش)تام تايلور(26ياش)،جىيوف بېنت(25ياش)،ۋېليام ۋېلىن(22ياش)ۋە 21ياشلىق دانكېن ئېدۋارد قاتارلىقلار بولۇپ بۇلار گىراف باسبىنىڭ ئەمدىلا پىشىپ يېتىلگەن بالىلىرى بولۇپ مېۋە بېرىشكە ئۈلگۈرمەيلا بۇ ۋەقەنىڭ قۇربانى بوپ كەتكەن .بۇلار مانچېستېر ئۈچۈن كۆپ دېگىدەك تۆھپە قوشۇشقا ئۈلگۈرەلمىگەن بولسىمۇ مانچېستېر مەستانىلىرى بىلىپ قېلىشقا ھەم ئەسلەپ قويۇشقا تېگىشلىك،چۈنكى ئۇلار مانچېستېر رىۋايتىنىڭ باشلىنىشى.
ھەممىسى مانچېستېرنىڭ شانلىق تارىخىنى ياراتقۇچىلار بولۇپ، مەن پەقەت ئۆزەم تاپالىغان ھەم بىلدىغان ماتېرياللارغا ئاسان يازدىم شۇڭا ئىلگىرى كېيىنلىك تەرتىپى بولىشى مۇمكىن.
گەرچە مانچېستېردا بۇلاردىن باشقا نۇرغۇنلىغان تۆھپىكارلار چىققان بولسىمۇ بۇ تېمىدا تىلغا ئېلىغانلىرىنىڭ ھەممىسى بىر مانچېستېر مەستانىسى بولۇش سۈپىتىمىز بىلەن بىلىپ قېلىشقا تېگىشلىك  قەھرىمانلار،ئۇلار مانچېسېردا تارىخى خاراكتېرلىك يېڭىلىق ،ئۆزگرىش ۋە شانلىق نەتىجىلەرنى ئېلىپ كەلگەن .كوماندىدىن بۇلارنىڭ چىقىشى كوماندىغا ئۆزگىچە ھۆسۈن قوشۇش بىلەن بىرگە مۇشۇ چولپانلار مانچېستېرغا تېخىمۇ كۆپ مەستانىلەرنى جەلىپ قىلىپ كوماندىنىڭ تەسىر كۈچىنى يەنىمۇ يۇقىرى كۆتۈرگەن[

گىراف باسىبى

20نەچچە يىل كوماندىنىڭ نەتىجىسى ياخشى بولسۇن ياكى يامان بولسۇن ئاشۇ كوماندىنى باشتىن ئاخىر يېتەكلىيەلەيدىغان تېرىنىر پەقەت مانچېستېردىلا مەۋجۈت بولىشى مۇمكىن .فورگىسىندىن ئاۋال دەل شوتلاندىيىلىك تېرىنىر مارت-باسپى مانچېستېردا 26يىل تېرىنىرلىق ۋەزىپىسىنى ئۆتىگەن.
ئىسىم فامىلىسى :مارت-باسىبى
تۇغۇلغان ۋاقتى:1909-يىلى 5-ئاينىڭ 26-كۈنى
\يۇرتى:شوتلاندىيەنىڭ ئوربىستون دېگەن يېرى
باسىبى مانچېستېرغا 1945-يىلى 1-ئاينىڭ 10-كۈنى كەلگەن ،مانچېستېردا تېرىنىرلىق قىلغان 26 يىل جەريانىدا مانچېستېرنى يېتەكلەپ بىر قېتىم ياۋروپا چېمپىيونلۇق لوڭقىسىنى ،4 قېتىم ئا دەرىجىلىك بىرلەشمە لوڭقىسنى ،2 قېتىم پۇتبولچىلار بىرلەشمە لوڭقىسنى،3 قېتىم رايونلار لوڭقىسنى ئالغان.
باسىبى توپ تېپىۋاتقان مەزگىلىدە ئىلگىرى كېيىن بولۇپ لىۋېرپول،مانچېستېر شەھەر كوماندىلىرىدا توپ تەپكەن،2-دۇنيا ئاخىرلاشقاندىن كېيىن 1945-يىلدىن باشلاپ تاكى 1969-يىلىغىچە مانچېستېرنىڭ شانلىق تارىخىنى ياراتقان.ئۇ مانچېستېر تارىخىدىكى ئەڭ يۇقىرى شەرەپكە ئىگە زاتلارنىڭ بىرى بولۇپ 1972-يىلى ئۇنىڭغا گىرافلىق ئۇنۋانى بېرىلگەن.1980-يىلغا كەلگەندە ئۇ مانچېستېرنىڭ رەئىسى قاتارىدىن ئورۇن ئالغان ،1993-يىلى ئۇنىڭ ئۆچمەد تۆھپسىنى خاتىرىلەش ئۈچۈن مانچېستېر كۇلۇبنىڭ ئالدىدىكى يولنىڭ نامىنى باسىبى يولى دەپ ئۆزگەرتكەن.1994-يىلى 1-ئاينىڭ 20-كۈنى مانچېستېرنىڭ بۇ رىۋايەتلىك تېرىنىرى ئالەمدىن ئۆتكەن،نەچچەئون مىڭلىغان ئادەم ئۇنىڭ دەپنە مۇراسسمىدا يولنىڭ ئىككى تەرىپىدە تۇرۇپ ئۇنىڭغا تەزىيە بىلدۈرگەن.گىراف باسپى ئالەمدىن ئۆتۈپ توپتوغرا بەش يىلدىن كېيىن مانچېستېر بىرلەشمىسى 2-قېتىملىق ئۇزغۇنلۇق لوڭقىسىنى كۆتۈرگەن(1999-يىلى) ئۇ چاغدا باسىبى ھايات بولسا توپتوغرا 90ياشقا كىرگەن بولاتتى.[/color]

ئېنگىلاند تارىخىدىكى ئەڭ تالانتلىق توپچى.

جورجى بېسىت .1946-يىلى 5-ئاينىڭ 22-كۈنى تۇغۇلغان.دۆلەت تەۋەلىكى ئېنگىلاند،مەيداندىكى ئورنى ھۇجۇم.چېكىنگەن ۋاقتى 1974-يىلى 1-ئاينىڭ 2-كۈنى.
ئەگەر سىز پۇتبول مەستانىسى بولسىڭىز پېلىنىڭ نامىنى چوقۇم ئاڭلىغان بولسىز ،بىراق نۇرغۇنلىغان راست گەپلەرمۇ چاقچاق يوسۇنىدا دېيىلىپ قالىدۇ (مەسىلەن نۇرغۇنلىغان بىرازىليىكلەر نەزىرىدە گاررىنكا  بېلىدىن يامان)شۇنىڭغا ئوخشاش ئىنتايىن ئاز ساندىكى ئەنگىلىيىلىكلەر جورجى بېسىتنى ئېنگىلاند تارىخىدىكى ئەڭ تالانلىق پۇتبولچى دېسە قارشى تۇرىشى مۇمكىن.سۈئەت،تەڭپۇڭلۇق،كۆزىتىش ئىقتىدارى،ئىنتايىن يېقىن ئارلىقتىن توپ كونتىرول قىلش،پۇرسەت يارىتىش،ئوخشىمىغان ئورۇندىن نومۇر ئېلىش ئىقتىدارىغا ئىگە بۇ توپچى پۇتبول شاھى بېلىنىڭ نەزىرىدە ئەڭ ئۇلۇغ پۇتبولچىلار قاتارىدا 7-ئورۇنغا تىزىلغان.
1965-يىلى ئۇ دەننىس لاۋ،بوبى چارلىتون،داۋىد خېرد قاتارلىقلار بىلەن بىرلىكتە مىيۇنخىن ۋەقەسىدىن كېيىنكى تۇنجى بىرلەشمە لوڭقىسىنى قولغا كەلتۈرگەن.كېيىن توپ مەستانىلىرى ئۇنىڭغا قاسراقلىق قۇرۇت دېگەن نامنى قويۇپ قويغان.(بۇنىڭ نېمە مەنىسى بارلىقىنى مەنمۇ بىلمىدىم).ئۇ  مانچېستېردا جەمئىي 361 مەيدان مۇسابىقىگە قاتىنىشىپ 136 توپ ئۇرغان،تەكىتلەپ ئۆتۈشكە ئەرزىيدىغان يېرى شۇكى ئۇ ھازىرغىچە مانچېستېر كوماندىسىنىڭ تاق مەيداندا توپ ئۇرۇش رېكورتىنى ساقلاپ كەلمەكتە.1970-يىلى بىرلەشمە مۇسابىقىدە شىمالىي ئامپىتون كوماندىسى بىلەن بولغان مۇسابىقىدە ئۇ ئۆزى يالغۇز 6توپ ئۇرغان ،شۇ مەيداندا مانچېستېر 8:2نەتىجە بىلەن غەلبە قىلغان.

مىيۇنخېن ۋەقەسى بىر قارا چۈش بولسا ئۇنىڭ ھايات قېلىشى مانچېستېرنىڭ ئامىتى.

بوبى چارلىتون.1937-يىلى 10-ئاينىڭ 11-كۈنى تۇغۇلغان،دۆلەت تەۋەلىكى ئېنگىلاند،مەيداندىكى ئورنى ھۇجۇم.
مانچېستېرنى پەقەت بىر توپچى ئارقىلىق سۈپەتلمەكچى بولساق بۇنىڭغا بەلكىم بوبى چارلىتوندىن باشقا ئادەم مۇۋاپىق كەلمەسلىكى مۇمكىن.17يىللىق كەسپى ھاياتىدا ئۇ 754قېتىم مەيدانغا چىققان 247 توپ كىرگۈزگەن.مىيۇنخىن ۋەقەسىدە ئۇ يارلانغان بولسىمۇ ئەمما خۇشاللىنارلىق يېرى بوبى چارلىتون ھايات قالغان ئۇ باسىبىنىڭ مىيۇنخىن ۋەقەسىدىن كېيىن كوماندىنى قايتا قۇرۇش يولىدىكى كوزورى ئىدى،ئۇ خۇددى ئاشۇ ئۆلۈپ كەتكەن سەبداشلىرى ئۈچۈن توپ تېپىۋاتقاندەك بارغانسېرى يۇقىرى پەللىگە ئۆرلىگەن.ئۇ ئاشۇ يىللاردىكى مانچېستېر ۋە ئېنگىلاند دۆلەت كوماندىسىنىڭ شەرەپ قازىشىنىڭ مۇھىم تۆھپىكارى.1973-يىلى ئۇ پۇتبولدىن رەسمى چېكىنگەن،1984-يىلى 6-ئايدىن باشلاپ تاكى ھازىرغىچە مانچېستېرنىڭ مۇدىرلىق ۋەزىپىسى ئۆتەۋاتىدۇ،1994-يىلى ئۇ باسىبىغا ئوخشاش گىرافلىق ئۇنۋانىغا ئېرىشكەن.مانچېستېرنىڭ ،ئېنگىلاندنىڭ شۇنداقلا دۇنيانىڭ پۇتبول ئەلچىسى بولۇش سالاھىيتى بىلەن ئۇ مانچېستېر كوماندىسىنىڭ ئۆتمۈشى ۋە ھازىرىنى باغلاپ تۇرغۇچىسى ۋە گۇۋاھچىسى.

1968-يىلى مانچېستېر بىرلەشمىسى بېنفىكانى يېڭىپ كۇلۇپ تارىخىدىكى تۇنجى ئۇزغۇنلۇق لوڭقىسىغا ئېرىشكەن.كۆپچىلىك بۇنى ئەسلىسە بەلكىم بوبى چارلىتون ،دەننىس لاۋ،جورجى بېسىت قاتارلىقلار ئېسىگە كېلىشى مۇمكىن ،بىراق شۇنى ئۇنتۇپ قالماسلىق كېرەككى پۇتبولدا ھۇجۇملا ئەمەس مۇداپىيەمۇ ئىنتايىن مۇھىم، بىئېر فوكىس،18يىل جەريانىدا ئۇ مانچېستېرنىڭ ۋە ئېنگىلاند دۆلەت كوماندىسىنىڭ پولات قالقىنى بولغان،ئۇ مانچېستېرنىڭ باسبى دەۋرىدىكى ۋەكىل خاراكتېرلىك شەخىسنىڭ بىرى،ئۇ كانچىلار ئائىلىسدىن كېلىپ چىققاچقىمىكىن ئىنتايىن قاۋۇل ھەم تەمبەل بولۇپ بەدەن قارشلىقى ئارقىلىق مۇداپىيە قىلىشنى ۋايىغا يەتكۈزگەن ،ئۇ قارشى تەرەپ ئوتتۇرا مەيدان ۋە ھۇجۇمچىلىرىنىڭ قارا چۈشى ئىدى.1954-يىلى 1-ئايدىن 1967-ئايغىچە ئۇ بىرمۇ مەيدان ئارام ئۇدا 61مەيدان ئاسالىق ئەزا بولۇپ تۆمۈر ئادەم دېگەن نامغا ئېرىشكەن.ئۇ يەنە مانچېستېر تارىخىدا گىگىس ۋە بوبى چارلىتون ۋە سىكولىستىن  قالسىلا مەيدانغا چىقىش قېتىم سانى ئەڭ كۆپ بولۇپ جەمئىي 688 قېتىم مەيدانغا چىقىپ 9 توپ كىرگۈزگەن ،ئەمما بۇ 9توپنىڭ قىممىتى ئىنتايىن يۇقىرى.مىيۇنخېن ۋەقەسىدىن ئامان قالغانلارنىڭ بىرى ھەم مانچېستېرنىڭ كاپىتانى بولۇش سۈپىتى بىلەن ئۇ شۇ ۋەقە بولۇپ ئىككى ھەپتىدىن كېيىنلا مانچېستېرنىڭ كىيىمىنى كىيىپ داۋاملىق جەڭ قىلغان،1968-يىلى يېرىم ھەل قىلغۇچ مۇسابىقىدە مانچېستېر بىلەن مادىرىد تۇتۇشقان بولۇپ تۇنجى ئۇچرىشىشتا مانچېستېر 1:0 غەلبە قىلغان ،بىردىبىر توپنى فوكىس كىرگۈزگەن،كېيىنكى ئۇچرىشىشتا مانچېتسېر 2:3 ئارقىدا قالغان ۋاقىتتا يەنە فوكىس بىر توپ كىرگۈزۈپ مانچېستېرنى غەلبىلىك ھالدا ھەل قىلغۇچقا ئەكىرگەن.مانچېستېر ھەل قىلغۇچتا غەلبە قىلغاندىن كېيىن باسىبى بوبى  چارلىتون ۋە فوكىس بىلەن يىغلاپ تۇرۇپ قۇچاقلاشقان،چۈنكى ئۇلار 10يىل بۇرۇن قازا قىلغان سەبداشلىرىغا قىلغان قەسىمىنى ئۇنتۇپ قالمىغان ئىدى،باسىبى شۇ مەيداندا لوڭقىنى قولىغا ئېلىپ ئارقا ئارقىدىن 8 قېتىم كۆتۈرگەن،ھەر بىر قېتىم كۆتۈرگەندە قازا قىلغان ھەر بىر توپچىنىڭ ئىسمىنى ئاتاپ چىققان ،چارلىتون،فوكىس قاتارلىقلار بولسا ئوتتۇرا بارمىقىنى كېسىپ قېنىنى يېشىل چىملىققا ئېېقىتىپ تۇرۇپ بۇ لوڭقىنى مىيۇنخېن ۋەقەسىدە قازا قىلغان ئاشۇ سەبداشلىرىغا تەقدىم قىلغانلىقىنى بىلدۈرگەن.10 يىل بىر نىشان ئۈچۈن كۈرەش قىلىش ھەقىقەتەن ئاسان ئەمەس،قىزىل ئالۋاستىلارنىڭ مەڭگۈ بوشاشماسلىقتەك روھىغا ئەڭ دەسلەپ مۇشۇلار ئاساس سالغان.

شوتلاندىيىلىك دەننىس لاۋ1940-يىلى2-ئاينىڭ 4-كۈنى تۇغۇلغان.مەيداندىكى ئورنى ھۇجۇم.  16ياش ۋاقتىدىن باشلاپلا كەسپى پۇتبولچىلىق ھاياتىغا قەدەم قويغان،1960-يىلى مانچېستېر شەھەر كوماندىسدا توپ تەپكەن،كېيىن ئىتالىيە تورېن كوماندىسغا يۆتكەلگەن،1962-يىلى 8-ئايدا گىراف باسىبى ئەينى ۋاقىتتىكى ئەنگىلىيىدە يۆتكىلىش باھاسى رېكورتىنى بۇزۇپ 115مىڭ فوندسىتىرلىڭلىق باھا بىلەن ئۇنى مانچېستېر بىرلەشمسىگە يۆتكەپ كەلگەن.ئۇ جورجى بېسىت،چارلىتون بىلەن مانچېستېرنىڭ قورقۇنۇچلۇق ھۇجۇم سېپىنى شەكىللەندۈرگەن.ئۇ مانچېستېرغا كېلىپ كېيىنكى پەسىللىك مۇسابىقىنىڭ 5 مەيداندا 3تىن توپ كىرگۈزگەنئۇ ئىسمى جىسمىغا لايىق توپ كىرگۈزۈش ماشىنىسى ئىدى،1965-يىلى بولسا مانچېستېرنىڭ ئېلىپ باقمىغىلى 8يىل بولغان بىرلەشمە لوڭقىسىنى ئېلىشغا چوڭ تۆھپە قوشقان.1967-يىلى بىرلەشمە لوڭقىسىنى يەنە بىر قېتىم ئالغان .1968-يىلى مانچېستېر ئۇزغۇنلۇق لوڭقىسىغىمۇ ئېرىشكەن،بىراق دەننىس لاۋ يارلىنىش سەۋەبىدىن بۇ مۇسابىقىنىڭ يېرىم ھەل قىلغۇچ ۋە ھەل قىلغۇچ مۇسابىقىسگە قاتنىشالمىغان،بەلكىم بۇ ئۇنىڭ ھاياتىدىكى ئەڭ ئەپسۇسلىنارلىق ئىش بولسا كېرەك.ئۇ ئۆزىنىڭ ئەڭ يۇقىرى پەللىگە يەتكەن 11 يىلىنى مانچېستېرنىڭ شانلىق تارىخىنى يېزىش ئۈچۈن سەرپ قىلغان بولۇپ جەمئىي 404مەيدان مۇسابىقىگە قاتنىشىپ 237 توپ كىرگۈزگەن .كېيىن ئۈچىدىن تۈزۈلگەن ھۇجۇم سېپى يېشىنىڭ چوڭىيىشىغا ئەگىشىپ مانچېستېرنىڭ نەتىجىسىمۇ كۆرۈنەرلىك تۆۋەنلەيدۇ،ئۇمۇ تولا يارلىنىش سەۋەبىدىن ئىپادىسى تۇراقلىق بولمايدۇ.بۇرۇنقى دەننىس لاۋنى قوغدايدىغان ئۇنىڭغا ئامراق تېرىنىر چېكىنگەچكە ئۇ يېڭى تېرىنىر بىلەن كېلىشەلمەيدۇ ،يېڭى تېرىنىرمۇ ئۇنى قەتئىي ياقتۇرمىغاچقا ئۇ ئاچچىغىدا مانچېستېرنىڭ بىر شەھەردىكى دۈشمىنى مانچېستېر شەھەر كوماندىسىغا يۆتكىلدۇ.
1974-يىلى 4-ئاينىڭ 28-كۈنى مانچېستېر مەستانىلىرى ۋە دەننىس لاۋ ئۈچۈنمۇ ئىنتايىن ئۇنتۇلغۇسىز كۈن ،ئۇ كۈنى مانچېستېر شەھەر كوماندىسى بىلەن مانچېستېر بىرلەشمە كوماندىسى مۇسابىقىلىشىدىغان بولۇپ بىر تەرەپتە ئۆزىنىڭ بۇرۇنقى شەرەپ قارانغان كوماندىسى يەنە بىر ھازىرقى كوماندىسى يەنە مەيدان ئىچىدە ئۇنى قىزغىن سۆيىدىغان توپ مەستانىلىرى(ئەينى ۋاقىتتا ئۇ كونا تىراففوردتا ئەڭ قارشى ئېلىنغان توپچى ئىدى) شۇنىڭ بىلەن ئۇ بىر ھازىر ئويلانغاندىن كېيىن مەيدانغا چىقىش قارارىنى چىقىرىدۇ ھەمدە مۇسابقىدە پۇتنىڭ ئارقا قىسمى بىلەن ئىنتايىن چىرايلىق توپتىن بىرنى كىرگۈزۈپ مانچېستېر بىرلەشمىسىنى ب دەرىجىگە ئۇزىتىپ قويىدۇ(مانچېستېر شۇ مەيدان ئۇتتۇرسىلا دەرىجە چۈشەتتى).
1974-يىلى ئۇ رەسمىي ھالدا پۇتبول ساھەسىدىن چېكىنگەن
2012-يىلى 11-ئاينىڭ 29-كۈنى دەننىس لاۋ مانچېستېرنىڭ ئوبراز ۋەكىلى بولۇپ سايلاندى
.

ئالىكىس سىتېپنىي

تۇغۇلغان ۋاقتى:1942-يىلى 9-ئاينىڭ 18=كۈنى
دۆلىتى: ئېنگىلاند   
مەيداندىكى ئورنى :ۋاراتار
مەيدان قېتىم سانى :539      كىرگۈزگەن توپ :2
1968-يىلىدىكى ئۇزغۇنلۇق ھەل قىلغۇچ –مانچېستېر بىرلەشمىسى بىلەن بېنفىكا ئۇچراشقان،مۇسابىقە دەل 1:1 بولغان ۋاقىتتا ئالىكېس پورتىگالىيەنىڭ رىۋايەتلىك چولپىنى يوشىبئونىڭ ئىنتايىن بىر خەتەرلىك توپنى توسۇۋالغان،شۇنىڭ بىلەن مانچېستېر بىلەن بېنفىكا تەڭلىشىپ قالغان،قۇشۇپ بېرىلگەن ۋاقىتتا مانچېستېردىن جورجى بېسىت،بوبى چارلىتون،براين كىد قاتارلىقلارنىڭ توپ ئۇرىشى بىلەن 4:1 نەتىجە بىلەن بېنفىكانى مەغلۇپ قىلىپ مانچېستېر تارىخىدىكى شۇنداقلا ئېنگلاند كۇلۇپلىرى تارىخىدىكى تۇنجى ئۇزغۇنلۇق لوڭقىسىنى قولغا كەلتۈرگەن.ئەلۋەتتە بىز توپ ئۇرغانلارنىلا ئەمەس ئالىكىسنىڭ ئاشۇ توپنى توسۇۋالالمىسا قوشۇپ بېرىلگەن ۋاقىتقا كىرىشنىڭ مۇمكىن ئەمەسلىكىنىمۇ بىلىشىمىز كېرەك.1966-يىلى 6-ئايدا ئالىكىس 52مىڭ فوندسىتىرلىڭ باھا بىلەن چېلسى كۇلۇبىغا يۆتكەلگەن.بىراق ئۈچ ئايدىن كېيىنلا باسىبى ئۇنى 55مىڭ فوندسىتىرلىڭلىق باھا بىلەن مانچېستېرغا ئەكىلىۋالغان،بۇ باھا ئەينى ۋاقىتتا قاپقىچىلارنىڭ يۆتكىلىش جەھەتتە يېڭى دۇنيا رېكورتى ئىدى.
مانچېستېردا تۇرغان 12يىل جەريانىدا ئۇ ئىزچىل ياخشى ئىپادىسى بىلەن مانچېستېرنىڭ شانلىق تارىخىنى ياراتقان.1978-يىلى ئۇ مانچېستېردىن ئايرىلغان.

[color=Blue]
باسبىدىن كېيىنكى ئالۋاستى قوماندان

دۇنيا بويىچە ئەڭ ئۇتۇق قازانغان تېرىنىر –سېر ئالىكىس فورگىسن
2013-يىلى 5-ئاينىڭ 18-كۈنى مانچېستېر بىرلەشمە كوماندىسىلا ئەمەس ،ئېنگىلاند بىرلەشمىسى شۇنداقلا دۇنيا پۇتبولچىلىقى ئۈچۈن قايغۇلۇق بىر كۈنى چۈنكى بۇ كۈندە قىزىل ئالۋاستى رىۋايىتىنىڭ يېڭى دەۋرىردىكى رەھبىرى ،دۇنيا بويىچە ئەڭ ئۇتۇق قازانغان تېرىنىر سېر ئالىكىس فورگىسىن پۈتۈن دۇنياغا ئۆزىنىڭ چېكىنگەنلىكىنى ئېلان قىلدى،ھەتتا پۈتۈن تەنتەربىيە قاناللىرىدا فورگىسىننىڭ چېكىنگەنلىك خەۋىرىنىڭ قويۇلىشى ھەتتا  پۇتبول مۇسابقىسىدىنمۇ بەكرەك ئەۋجىگە چىققان ئىدى( فورگىسىننىڭ ئابرويى شەرەپلىرى توغرىلىق جىق سۆلىمىسەكمۇ ھەممڭلارغا ئايان شۇڭا قىسقىچە بايان قىلىپ ئۆتىمەن.قىزىقدىغانلار تانكىچاقنىڭ رەھمەت ساڭا فورگسىىن دېگەن تېمىسىنى ياكى بۇ  ئادرېستىن  تەپسىلىي  كۆرۈۋالغايسىلەر.  http://baike.baidu.com/view/3270 ... edirected=seachword
تۇغۇلغان ۋاقتى:1941-يىلى 12-ئاينىڭ 31-كۈنى
دۆلەت تەۋەلىگى:شوتلاندىيە
فورگىسىن 1986-يىلى 11-ئاينىڭ 6-كۈنى رەسمى ھالدا مانچېستېرنى قولىغا ئالغان ۋە 26يىللىق مانچېستېر ھاياتىدا 13قېتىم بىرلەشمە لوڭقسىنى 2قېتىم ياۋروپا ئۇزغۇنلۇق لوڭقىسىنى قولغا كەلتۈرۈپ لىۋېرپولدىن ئېنگىلاندنىڭ ھۆكۈمرانلىق ئورنىنى تارتىۋالغان.
2012-يىلى 9-ئاينىڭ 2-كۈنى مانچېستېر بىرلەشمە كوماندىسى مېھمان مەيداندا جەنۇبى ئامپىتون كوماندىسى بىلەن مۇسابىقىلشىدۇ ،ئىككى قېتىم ئارقىدا قالغان ئەھۋالدا مانچېستېر بىرلەشمىسى كەينى كەينىدىن توپ ئۇرۇپ ئاخىرىدا 3:2 نەتىجە بىلەن غەلبە قىلىدۇ،بۇ دەل فورگىسىننىڭ مانچېستېر ھاياتىدىكى 1000-مەيدان مۇسابقىسى ئىدى ،مۇشۇنداق تارىخىي خاراكتېرلىك بىر مەيدان مۇسابقىدە فورگىسىن شاگرىتلىرىنىڭ قىممەتلىك سوۋغىسىغا ئېرىشىدۇ.1000مەيداندىن كېيىن فورگسىننىڭ نەتىجىسى بولسا 599 مەيدان غەلبە،ئەلۋەتتە بۇ ئادەتتىكىدەك نەتىجە ئەمەس.
تىراففورد پۇتبول مەيدانىدا ئىككى داڭلىق كۆرۈش سۇپىسى بار .بىرىنچىسى غەربى كۆرۈش سۇپىسى ،بۇ سۇپىدا مانچېستېرنىڭ ئەڭ سادىق مەستانىلىرى ئولتۇرىدۇ.2011-يىلى 11-ئاينىڭ 5-كۈنى مانچېستېرنىڭ ساھىبخان مەيداندىكى ساندېرلاند بىلەن بولغان مۇسابقىسىدىن بۇرۇن فورگىسننىڭ مانچېستېردىكى 25-يىللىق خاتىرە كۈنىنى مانچېستېر رەھبەرلىرى تەبرىكلەپ شىمالى كۆرۈش سۇپىسغا ئالىكىس فورگىسىن كۆرۈش سۇپىسى دەپ نام بېرىلگەنلىكىنى جاكارلايدۇ.(شىمالى كۆرۈش سۇپىسى بۇ مەيدانكى ئەڭ چوڭ كۆرۈش سۇپىسى)  .
كونا تىراففوردتا ئەسلى ئىككى داڭلىق ھەيكەل قاتۇرۇلغان،بىرى بولسا گىراف باسىبىنىڭ ھەيكىلى يەنە بىرى بولسا جورجى بېسىت،دەننىس لاۋ ۋە بوبى چارلىتون ئۈچنىڭ بىرلەشتۈرۈپ بىر گەۋدە قىلىنغان ھەيكىلى.2012-يىلى 11-ئاينىڭ 23-كۈنى بۇ ھەيكەللەر قاتارىغا يەنە بىرى قوشۇلدى ،ئۇ بولسىمۇ ئالىكىس فورگىسننىڭ ھەيكىلى بولۇپ خۇددى مۇسابىقە مەيدانىدا قوماندانلىق قىلىۋاتقانغا ئوخشىتىپ ياسالغان.
ئۇنىڭ ئەڭ داڭلىق شاگرىتلىردىن برايىن روبىسون،92-يىلنىڭ ئالتۇن ئۆسمۈرلىرى(گىگىس،نېۋىل،سىكولىس...قاتارلىقلار)مانچېستېر ۋە ئېنگىلاند تارىخىدىكى ئەڭ مۇنەۋۋەر قاپقىچى شۇمىچېر،ئېنگىلاند شاھزادىسى بېكخام.پادىشاھ كانتوننا،مانچېستېرنىڭ روھىي تۈۋۈركى بولغان كاپىتان روي كىئىېن.ئېنگىلاند بىرلەشمە تارىخدىكى تۇنجى دۇنيا پۇتبول ئەپەندىسى كىرسىتىيانو رونالدو.ۋاندېرسار قاتارلىقلار بار.
ساڭا ئامەت تىلەيمەن ئالۋاستى قوماندان !سېنىڭ مانچېستېرغا قوشقان تۆھپىلىرىڭنى ،مۇسابىقە مەيدانىدىكى سېغىز چايناۋاتقان ھالىتىڭنى شۇنداقلا سېنىڭ مۇسابىقە تۈگىمىگىچە ئۇتتۇرغانغا تەن بەرمەيدىغان روھىڭنى ئېسىمىزدە چىڭ تۇتىمىز .رەھمەت ساڭا سېر ئالىكىس فورگىسىن.

برايىن روبسون
تۇغۇلغان ۋاقتى:1957-يىلى 1-ئاينىڭ 1-كۈنى
دۆلەت تەۋەلىگى:ئېنگىلاند
مەيداندىكى ئورنى :ئوتتۇرا مەيدان  مەيدانغا چىققان قېتىم سانى 461
كىرگۈزگەن توپى :99
تۇنجى ئېنگىلاند دەرىجىدىن تاشقىرى بىرلەشمە لوڭقىسى،ئېنگىلاد پۇتبولچىلار بىرلەشمىسىنىڭ ئا دەرىجىلىك بىرلەشمىنىڭ نامىنى دەرىجىدىن تاشقىرى بىرلەشمىگە ئۆزگەرتىشى مانچېستېرنىڭ يەنە بىر قېتىملىق باھارىنىڭ باشلانغانلىقىدىن دېرەك بەرگەندەك قىلاتتى.  كاپىتان بىرايىن روبسون دەل مانچېستېرنى يېڭى بىر شانلىق دەۋىرگە باشلىغۇچىلارنىڭ بىرى شۇنداقلامانچېستېرنىڭ 7-نومۇر رىۋايىتىنى يېقىنقى زامانغا ئۇلىغۇچى.
بىراق نۇرغۇنلىغان كەسپى پۇتبولچىلارغا ئوخشاش ئۇنىڭ ھاياتىدىكى ئەڭ چوڭ دۈشمىنى يارلىنىش بوپقالغان.بولۇپمۇ كۇلۇپ كوماندىسى ۋە دۆلەت كوماندىسى ئۇنىڭغا ئەڭ ئېھتىياجلىق ۋاقىتلاردا يارلىنىش ئۇنىڭ كەسپى ھاياتىغا ئېغىر تەسىر كۆرسەتكەن .مانچېستېردا تۇرغان 13يىل جەريانىد مانچېستېر ئېرىشكەن نۇرغۇن لوڭقىلارنىڭ ساھىبى بولغان،ا ئۇ مانچېستېرنىڭ ئالتۇن دەۋرىگە باشلاپ كىرگۈچى تۆھپىكار شەخىس .1994-يىلى مانچېستېردىن ئايرىلىپ مىدلىسبۇرگ كوماندىسىدا 3 يىل توپ تەپكەندىن كېيىن چېكىنگەن،چېكىنگەندىن كېيىن ئىلگىرى كېيىن بولۇپ مىدلىسبۇرگ،بۇلادفورد،غەربى بىرومىۋىچ،شېفىرىد بىرلەشمىسى ،تايلاند دۆلەت كوماندىسى قاتارلىق كۇلۇپ ۋە دۆلەتلەرنىڭ باش تېرىنىرلىق ۋەزىپىسىنى ئۆتىگەن.ھازىر مانچېستېرنىڭ ئىچكى قاتلىمىدا كۇلۇپ خىزمىتى بىلەن شۇغۇللىندۇ
.

مەڭگۈلۈك شاھ

ئىسمى:ئېرىك كانتوننا  
تۇغۇلغان ۋاقتى:1966-يىلى 5-ئاينىڭ 24-كۈنى
دۆلىتى:فىرانسىيە    مەيداندىكى ئورنى ھۇجۇم
سىز باشقىلاردىن 18 يىل ئاۋۋال ئەنگىلىيەدە يۈز بەرگەن ئەڭ چوڭ ئىشنى بىلەمسىز دىسىڭىز بەلكىم باشقىلار جاۋاب بىرەلمەسلىكى مۇمكىن ، لىكىن سىز بۇ ئىش كانتونا بىلەن مۇناسىۋەتلىك دىسىڭىزلا ھەممىنىڭ جاۋابى ئوخشاش .... كانتونا قۇملۇق پۇتبولىنىڭ، مانچىستىرنىڭ شۇنداقلا جۇڭگۇ گۇمپىسىنىڭ  ياۋرۇپادىكى  شاھى ، شۇنداقلا  بۇ  فىرانسىيلىكنىڭ  سۈر-ھەيۋىسىمۇ  پەقەت  ئۆزىگىلا  خاس ( تەبرىكلەش ھەركىتى ھەقىقەتەن ئادەمنىڭ مەستلىگىنى كەلتۈرىدۇ ) 1995 - يىلى كانتونا خىرۇستال ئودا كوماندىسىنىڭ مەستانىسىنى لى شياۋ لۇڭدەك ئۇچۇپ چىقىپ تەپكىنىدە پۈتكۈل دۇنيا ئاغزىنى ئېچىپلا تۇرۇپ قالغان ( شۇ سەۋەبلىك 8 ئاي مۇسابىقىدىن توختىتىلغان) ، ئارقىدىنلا فىرانسىيە دۆلەت كوماندىسىدىن چېكىنگەنلىكىنى ئېلان قىلىۋىدى ، فىرانسىيلىكلەرنىڭ ھەممىسى قۇلىقىنى قايتا كوچىلاشقا مەجبۇر بولدى چۈنكى ئۇ بۇ قارارىنى ئېلان قىلغاندا تېخى24 ياشقا كىرگەن ، مەستانىنى ئۇرۇشىنىغۇ توغرا چۈشەنسەك ( چۈنكى زەخمىلەنگۈچى ئۆزى باشتا كانتونانى ھاقارەتلىگەن ) دۆلەت كوماندىسىدىن چېكىنىشىنى نېمە دەپ چۈشەنسەك بولا ؟ سەۋەبى ناھايتى ئاددى ، فىرانسىيە كوماندىسىنىڭ بىر مەيدان دوستلۇق مۇسابىقىسىدە تېرىنىر ئۇنى زاپاس ئەزا قىلىپ قويغاچقا ،فىرانىسىيەنىڭ مۇسابىقىدە ئۇتالماسلىقىنى ئۆزىنىڭ زاپاس ئەزا بولۇپ قالغانلىقىدىن كۆرگەن كانتونا دۆلەت كاماندىسىنىڭ كىيىمىنى سېلىپ يەرگە تاشلىۋىتىپلا قالماي يەنە شۇ چاغدىكى تېرىنىر ھىنرىي.مىشىرغا ئاغزاكى ھۇجۇم قىلغانلىقتىن فىرانسىيە پۇتبۇل بىرلەشمىسى ئۇنى مۇسابىقە ئويناشتىن چەكلىگەن شۇ چاغنىڭ ئۆزىدىلا كانتونا دۆلەت كوماندىسىدىن چىكىنىشنى قارار قىلغان . بۇ ئۇنىڭ تۇنجى مۇسابىقىدىن چەكلىنىشى ئەمەس ، ئىلگىرى توپ تەپكەن مونتېپىليېر ، نىمىس كوماندىلىرىدا سەپدىشى بىلەن سوقۇشۇش، رېپىرغا توپنى ئىتىپ نارازىلىقىنى ئىپادىلەش قاتارلىق ئۆلچەملىك ھەركەتلىرى ئارقىلىق داۋاملىق مۇسابىقىدىن توختىتىلىپ تۇرغان .
كانتونانى پەرىشتە بىلەن ئىبلىسنىڭ يۇغۇرۇلمىسى  دېيىشكە بولىدۇ ، مانچېستىرلىقلارنىڭ نەزىرىدە ئۇ مەڭگۈلۈك پادىشاھ ،پەقەت كانتونالا مانچىستىردا يەتتە يىلدا توققۇز قېتىم چېمپىيون بولالايدۇ (90~ 97) ، بۇ نەتىجىلەرنى ياراتقۇچى مانچېستىرغا پەقەت 160 تۈمەن فوندستىرلىڭ بىلەن كىرگەن ( ئەينى چاغدىكى توتتىنھام كۇلۇبىنى چىمپىيون قىلغان كانتونا ، تېرىنىر بىلەن چىقىشالماسلىق سەۋەبىدىن كۇلۇپتىن ئاشۇنداق ئەرزان باھا بىلەن ھەيدىلىدۇ ، كېيىنكى مۇسابىقە پەسلىدە توتتىنھامنىڭ قولىدىن لوڭقىنى تارتىۋالىدۇ ) ، ئەكسىچە فىرانسىيە ۋە باشقا مەستانىلەرنىڭ نەزىرىدە ئۇ بىر ھاكاۋۇر ئىبلىس ( فىرانسىيلىكلەر 94 دۇنيا لوڭقىسىغا قاتنىشالماسلىقىنى كانتونانىڭ كوماندىدا بولماسلىقىدىن كۆرىدۇ ) ، كانتونا ئۆزىمۇ فىرانسىيە سەن مىنى ئالمىساڭمۇ بولىدۇ ، لىكىن ساڭا دۇنيا لوڭقىسى كىرەك بولمىسىلا ئىختىيار ئۆزۈڭدە ، توتتىنھام سەن مىنى ھەيدىدىڭ ، مىنى ھەيدىگىنىڭ لوڭقىنى ھەيدىگىنىڭ  دىگەن .
مەشھۇر سۆزى: مىنىڭ ھاياتىمدا  پەخىرلىنىپ تۇرۇپ ئەسلىگىدەك دەقىقىلەر نۇرغۇن ، ئەڭ ئۇنتۇلمايدىغىنى ھېلىقى پۇتبول لۈكچىكىنى پۇخادىن چىققىچە تەپكىنىم دېگەن
.

مانچېستېرنىڭ روھىي تۈۋرىكى-ئۇ مەيداندا بولسىلا كوماندا ئەزالىرى ئىنتايىن خاتىرجەم
ئىسىم –فامىلىسى:روي كىئېن
تۇغۇلغان ۋاقتى:1971-يىلى 8-ئاينىڭ 10-كۈنى
دۆلەت تەۋەلىكى:ئېرلاندىيە
مەيداندىكى ئورنى:ئوتتۇرا مەيدان
مەيدانغا چىققان قېتىم سانى 480    كىرگۈزگەن توپى:51
روي كىئېن مانچېستېر تارىخىدىكى ئەڭ ياخشى ئوتتۇرا مەيدانلارنىڭ بىرى،كانتوننا كەتكەندىن كېيىن ئۇ مانچېستېرنىڭ كاپىتانلىق ۋەزىپىسىنى ئۈستىگە ئالغان.ئۇ مانچېستېر تارىخدىكى ئەڭ قالتىس كاپىتان.2005-يىلى9-ئاينىڭ 18-كۈنى لىۋېرپول بىلەن بولغان مۇسابىقىدە ئۇنىڭ پۇتى ئېغىر يارلانغان ،11-ئاينىڭ 19-كۈنىگىچە بولغان ئىككى ئاي داۋامىدا داۋالىنىپ ئەسلىگە كېلەلمىگەن بولغاچقا پۇتبول ساھەسىدىن چېكىنگەنلىكىنى ئېلان قىلغان.
كېئىن ئەڭ ئادەتتىكى ناھەقچىلىققمۇ چىدىمايدۇ ، مەيلى ئۇ پۇتبولچى ياكى رېپىر ، مەيلى ئۇ سەپدىشى ياكى تېرىنىر ، مەيلى ئۇ خوجايىن ياكى تاماشىبىن بولسۇن ناھەقچىلىققا ئۇچىرىغان ھامان رەددىيە بېرىدۇ ، ئۇ مۇخپىرلارغا مەن ھەرگىزمۇ كىشىلەر دىگەندەك لۈكچەك ئەمەس ، شۇنداق دىگەنلەر ئىشنىڭ يەنە بىر تەرىپىدىكى ماھىيتىنى بىلمەيدۇ دىگەن . ئۇنىڭ كەسپى ھاياتىدا قانچە قىزىل تاختا ئىلىپ ، قانچە مەيدان مۇسابىقىدىن توختىلغانلىقى ماڭا نامەلۇم ، مەن پەقەت ئاشۇ تاختتىلارنىڭ ئارسىدىن ، بىر - قانچىلىرىنى تونۇشتۇرماقچى .
1.تۇنجى قىزىل تاختا : 1995-يىلى 4-ئاينىڭ 12- كۈنى ، مانچىستىر بىلەن خىرۇستال كۇلۇبىنىڭ ئوتتۇرسىدا ئىلىپ بىرىلىۋاتقان ھەل قىلغۇچ مۇسابىقىدە ، كىئىن قارشى تەرەپ بىكىنىڭ تىزىغا دەسسەيدۇ ۋە قائىدە سۆزلىمەكچى بولغان پاتسون بىلەن سوقۇشۇپ تۇنجى ئولجىسىنى ئىلىپ مەيداندىن ئايرىلىدۇ .
2.ئۆيى ئالدىدىكى تۇنجى قىزىل كارتا : 95-يىلى 10-ئاينىڭ 28-كۈنى كىئىن تىراففورد پۇتبۇل مەيدانىدا ئۆزىنىڭ تۇنجى قىزىل كارتىسىغا ئىرىشىدۇ ، شۇ ۋاقىتتىكى رەقىبى مىدلىسبۇرگ كۇلۇبى بولۇپ ، بۇ كىئىننىڭ 6 ئاي ئىچىدىكى 3 قىتىملىق قىزىل تاختىسى ئىدى .
3.مەغلۇبىيەت ئىچىدىكى قىزىل كارتا :96-يىلى10-ئاينىڭ-26كۈنى مانچىستىر تارىخىدىكى خورلۇق تارتقان بىر مەيدان مۇسابىقە ، مانچىستىر مىھمان مەيداندا جەنۇبى ئامپىتون كوندىسىغا 6-3 نەتىجە ئۇتتۇرۋىتىپ ، شۇنىڭدىن كىيىن مانچىستىرمۇ مۇشۇ مۇسابىقىدە كەيگەن كۈلرەڭ كىيىمنى كىيىشنى توختىتىدۇ ، بۇ مەيداندىمۇ كىئىن ئالدىنقى يىرىم مەيداندا قىزىل تاختا ئىلىپ مەيداندىن چۈشۈرۋىتىلىپ ، قىزىل تاختا ئالماسلىقنىڭ بىر يىللىق رىكوتىغا يىتەلمەيدۇ ( ئىككى كۈن قالغاندا )
ئەڭ بەخىتىلىك قىزىل كارتا :99-يىلى 9- ئاينىڭ 14- كۈنى قىزىل كارتا ئالمىغىلى ئىككى يىرىم يىل بولغان كىئىننىڭ كونا كىسىلى يەنە تۇتىدۇ ، لىكىن ئۇنىڭ بۇ قىزىل كارتىسى مانچىستىر تارىخىدىكى ئەڭ ئۇلۇغ غەلبىنىڭ بىرسى بولغان ئارسىنالنىڭ قولىدىكى لوڭقىنى تارتىۋىلىش جىڭنىڭ غەلبىسى بىلەن ئاياقلىشىدۇ .( گىگىسنىڭ ئەڭ ئاخىرقى مىنۇتلاردا ئۇرغان دۇنياۋى توپى)
5.ئەڭ مەشھۇر قىزىل كارتا : 2001-يىلى8-ئاينىڭ21-كۈنى مانچىستىر دىربىسىدا جىئىن مانچىستىر شەھەر كوماندىسىدىكى خالاندنى توپنى تەپكەندەكلا تىپىپ بىشىنىمۇ بۇراپ قويماستىن مەيداندىن ئايرىلىدۇ ، كىيىن ئۆزىنىڭ تەرجىماھالىنى ئىلان قىلغاندا بۇنىڭ بىر پىلانلىق يارلاندۇرۇش ئىكەنلىكىنى ئىتىراپ قىلىدۇ .
مەشھۇر سۆزى : خالاندىنى يارلاندۇردىغان پۇرسەتنى كۈتكۈنىمگە بەك ئۇزاق بولغان ، مۇشۇنداق قىلغاندىلا ئۇ يارىماسنىڭ يەنە يالغان يىقىلىشىنىڭ ئالدىنى ئالغىلى بولىدۇ.
كانتوننا بىلەن روي كېننىڭ ماتېريالى پورلىنىڭ ساراڭ بولساڭ مۇنداق بول ناملىق تېمىسدىن ئوغىرلاندى

دانىيىلىك گىگانت  ئادەم
ئىسمى فامىلىسى:پېىتر شۇمىچىئېر
تۇغۇلغان ۋاقتى:1963-يىلى11-ئاينىڭ 18-كۈنى
دۆلەت تەۋەلىكى:دانىيە    مەيداندىكى ئورنى :ۋاراتار
1991-يىلى 8-ئايدا فورگىسىننىڭ كۆزى ھەقىقەتەن مال تونۇيدۇ، ئىككىنچى دەرىجىلىك بىرلەشمە بولۇشقىمۇ ئاران سالاھىيىتى توشىدىغان دانىيە بىرلەشمىسىنىڭ  بىر كۇلۇبىدىن  500مىڭ فوند سىتىرلىڭلىق تۆۋەن باھا بىلەن شۇمىچىئېرنى مانچېستېرغا ئەكەلگەندە بەزى كىشىلەرگە بۇ كۈلكىلىك تۇيۇلغان بولۇشى مۇمكىن ،بىراق ئۇلار بۇ گىگانىت ئادەمنىڭ مانچېستېر كۇلۇبى ۋە شۇنداقلا ئېنگىلاد بىرلەشمە تارىخىدىكى ئەڭ مۇنەۋۋەر ۋاراتارنىڭ قىزىل ئالۋاستىلار قاتارىغا كىرىپ كەتكىنىنى،ئۆزىنىڭ بۇندىن كېيىنكى كۈنلىرىنىڭ تەسكە چۈشىدىغانلىقىنى ئويلاپمۇ يېتەلمىگەن ئىدى.ئۇنىڭ مانچېستېردىكى بىرىنچى مەيدان مۇسابىقىسى مېھمان مەيداندا نوۋىچ كوماندىسى بىلەن ئوينالغان بولۇپ ئۇ كەينى كەينىدىن قارشى تەرەپنىڭ خەتەرلىك توپلىرىنى توسۇۋالغان،كېيىنكى 3مەيدان مۇسابىقدىمۇ بىرمۇ توپ كەتكۈزمىگەن،چەتئەللىك ماھىرلار ئانچە ئېتبارغا ئېلىنىپ كەتمەيدىغان شۇ مەزگىلدە ئۇ كىشىلەرنى كۆزىنى ئۇۋىلىۋېتىپ يەنە بىر قاراشقا تېگىشلىك ئىكەنلىكىنى ئۆز ئىپادىسى بىلەن بىلدۈرۈپ قويدى.ئۇنىڭ دۆلەت كوماندىسىدىكى ئىپادىسمۇ ئادەتتىن تاشقىرى ياخشى بولغان.1992-يىلى ياۋروپا لوڭقىسدا ئىچكى ئۇرۇش سەۋەبىدىن سالاھىيىتى ئېلىپ تاشلانغان يۇگۇسلاۋىيە كوماندىسنىڭ ئورنىغا قاتناشقان دانىيە كوماندىسى دەسلەپ كىشلەرنىڭ ئانچە بەك ئېتۋارىغا ئېلىنىپ كەتكمىگەن ،نىلسون باشچىلىقىدىكى بۇ كوماندا ئۇنىڭ ئالاھىدە ئىپادىسى بىلەن بىر يولىلا يېرىم ھەل قىلغۇچقىچە يېتىپ كەلگەن،يېرىم ھەل قىلغۇچتا ئۇچراشقىنى بولسا ئۈچ قىلىچۋازدىن تەشكىل تاپقان ھۇجۇمى ئالاھىدە كۈچلۈك بولغان گوللاندىيە كوماندىسى ئىدى.پۈتۈن مەيداندىكى كۆرۈنۈش ئاساسەن گوللاندىيە ھۇجۇمچىلىرىنىڭ ۋارتارغا قارىتىپ توپ تەپكەن كۆرۈنۈش بىلەن شۇمىچىئېرنىڭ ئوڭ سولدىن كەلگەن توپلارنى بىرلەپ بىرلەپ توسۇپ چىقىرۋېتىشىدىن ئىبارەت بولدى.مۇسابىقە ئاخىرقى باسقۇچقا كەلگەندە ۋان باستىن ۋارتارنىڭ كاللىسدىن ئاتىلدۇرۇپ بىر ئاسماق توپ تەپتى ،ھەممىلا ئادەمنىڭ ئاغزى ئېچىلىپلا قالدى ئۇلار پەقەت شۇ توپنىڭ ۋارتارغا كىرىپ كېتىشگە شاھىت بولىدىغاندەك تۇراتتى،ھەتتا گوللاندىيە كوماندىسنىڭ زاپاس ئەزالىرىمۇ ئورۇنلىرىدىن تۇرۇپ بۇ توپنى تەبرىكلەشكە تەييارلىق قىلىپ بولغان ئىدى .دەل مۇشۇ دەقىقىدە ئادەمنى ھەيران قىلدىغان بىر كۆرۈنۈش پەيدا بولدى،توپ ۋارتارغا قاراپ كېتىۋاتقاندا تۇيۇقسىز بىر قول تەرىپىدىن ئۇرۇپ چىقىرۋېتىلدى ئۇ قول دەل شۇمىچىئېرنىڭ ئىدى،ۋان باستىن ھەتتا شۇمىچىئېرغا قاراپ باش بارمىقىنى چىقىرىپ قويغان(قارشى تەرەپ ھۇجۇمچىسنىڭ ۋارتارغا  قايىللىق بىلەن باش بارمىقىنى چىقىرىشغا ھەقىقەتەن ئادەتتىكى ئادەملەر نايىل بولالمايدۇ)،مۇسابىقە نۇقتا توپ جېڭىگە كىردى ،بۇ قېتىممۇ باستىندەك بىر ھۇجۇمچىنىڭ نۇقتا توپىنى توسۇپ قويغىنى يەنىلا شۇ شۇمىچىئېر ئىدى.ئاخىرىدا دانىيە گېرمانىيە كوماندىسنىمۇ يېڭىپ چېمپىيون بولدى.شۇنىڭدىن كېيىن كىشىلەر تۈزۈك نامىمۇ بولمىغان بۇ دانىيىلىكنىڭ ئىسمىنى ئېسىدە چىڭ ساقلىۋالغان ئىدى-شۇمىچىئېر.ئۇ شۇنىڭدىن كېيىن دۇنيادىكى ئالدىنقى قاتاردىكى ۋاراتارلار قاتارىدىن ئورۇن ئالدى.
نۇرغۇنلىغان كىشىلەر1999-يىلى مانچېستېر ئۈچ شاھ بولغاندا ،بولۇپمۇ مۇسابىقىنىڭ ئەڭ ئاخىرقى مىنۇتىدا ئىككى توپ ئۇرۇپ بايرىننى مۆجىزىلەرچە يېڭىپ كۇلۇپ تارىخىدىكى 2-قېتىملىق ئۇزغۇنلۇق لوڭقىسىنى كۆتۈرگەنلىكىنى ئەسكە ئالسا بەلكىم ئاخىرقى مىنۇتلاردا توپ ئۇرغان سۇرسىكىيا ۋە شېرىنھامنى ۋە بەلكىم بېكھامنى ئەسلىشى ،ئۇيۇشما لوڭقىسدا چېمپىيون بولغىنىنى ئەسلىسە گىگىسنىڭ دۇنياۋى توپىنى ئەسكە ئېلىشى مۇمكىن ،بىراق شۇ پەسىلدە شۇمىچىئېرنىڭ ئالاھىدە ئىپادىسى ىبولماي نۇرغۇنلىغان خەتەرلىك توپلارنى مۆجىزىلىك توسۇۋالالمىغان بولسا بەلكىم مانچېستېر ئۇنچە ئۇزۇنغا ماڭالىشىمۇ ناتايىن ئىدى.ئۇ  مانچېستېردا تۇرغان سەككىز يىل جەريانىدا 5قېتىم بىرلەشمە لوڭقىسغا ،بىر قېتىم ئۇزغۇنلۇق لوڭقىسغا ئېرىشكەن ،چوڭ- كىچىك لوڭقىلار قوشۇلۇپ جەمئىي 12لوڭقىغا ئېرىشكەن.

ئېنگىلاند شاھزادىسى بېكھام
ئىسىم فامىلىسى :داۋىد بېكھام
تۇغۇلغان ۋاقتى:1975-يىلى 5-ئاينىڭ 2-كۈنى
دۆلەت تەۋەلىكى ئېنگىلاند    مەيداندىكى ئورنى :ئوتتۇرا مەيدان
ئىختىيارىي توپ دېگەن ئاتالغۇ چىقىسىلا نۇرغۇنلىغان پۇتبول مەستانىلىرىنىڭ ئېسىگە ئەڭ ئاۋال داۋىد بېكھام ئېسىگە كېلىشى مۇمكىن،چۈنكى بۇ كېلىشكەن چولپاننىڭ توپ مەيدانىدىكى داڭقىمۇ ئۆلچەملىك يايسىمان ئىختىيارىي توپ ۋە باشقۇرىلىدىغان بومبىغا ئوخشاش ئۇزۇن پاسلىرى بىلەن دۇنياغا تونۇلغان.ئۇ مانچېستېرنىڭ1999-يىلىدىكى ئۈچ شاھ بولىشىدىكى ئەڭ مۇھىم تۆھپىكارلارنىڭ بىرى،92-يىلنىڭ ئالتۇن ئۆسمۈرلىرىنىڭ بىرى بولۇش سۈپىتى بىلەن مانچېستېردىكى شانلىق ئىزلىرى ،7-نومۇر رىۋايىتىنى داۋالاشتۇرىغانلىقىدىن ئۇنىڭ قانچىلىك ئادەم ئىكەنلىكىنى بىلگىلى بولىدۇ (مانچېستېرنىڭ 7-نومۇرى ئەزەلدىن كوماندىنىڭ ئەڭ يارقىن نۇقتىسى بولۇپ كەلگەن).ئۇنىڭ دۇنيادىكى شۆھرىتى ۋە نامى پۇتبول ساھەسىدىكى نامىغا قارىغاندا نەچچە ھەسسە ئېشىپ كەتكەن بولۇپ،نۇرغۇن قېتىملاپ ئەنگىلىيە پادىشاھى ۋە باشقا دۆلەت باشلىقلىرىنىڭ تەكلىپ بىلەن كۆرۈشىشگە مۇيەسسەر بولغان.فورگسىن-بېكھام ئوتتۇرىسدا ئۇچار ئاياغ ۋەقەسى چىققاندىن كېيىن 2003-يىلى 6-ئايدا ئۇ فىلورىدىنئو بەرپا قىلغان سامانيولى جەڭ كېمىسگە چىقىپ يەتتە بۆرە قاتارىغا قېتىلغان.بىراق بۇ زىددىيەت بىلەن مانچېستېر توپ مەستانىلىرى ۋە بېكھام ئوتتۇرىسىدىكى مېھرى مۇھەببەتكە ھېچقانداق دەز كەتمىگەن،ئۇ ھېلىھەم تىراففورد مەيدانىدا ئەڭ قارشى ئېلىنىدىغان چولپانلارنىڭ بىرى.
2013-يىلى 5-ئاينىڭ 16-كۈنى ئېنگىلاند پۇتبولچىلار بىرلەشمىسى بېكھامنىڭ پۇتبول ساھەسىدىن رەسمىي چېكىنگەنلىكىنى ئېلان قىلدى.
قىزىقىدىغانلار ئۈچۈن تەپسىلىي ئارخىپى:http://baike.baidu.com/link?url= ... N7x8-NC3bCbxP2rz23q

دەرىجىدىن تاشقىرى زاپاس ئەزا

ئىسىم فامىلىسى:ئولى گاننار سولسىكىيار
تۇغۇلغان ۋاقتى :1973-يىلى 2-ئاينىڭ 26-كۈنى
دۆلەت تەۋەلىكى :نورۋىگىيە     مەيداندىكى ئورنى :ھۇجۇم
ئۇنىڭ ئاشۇ سەبىي چىرايى ھېلىمۇ نۇرغۇنلىغان مانچېستېر مەستانىلىرىنىڭ ئېسىدىن چىقىپ كەتكىنى يوق،چۈنكى ئۇ 1999-يىلدىكى ئۇزغۇنلۇق لوڭقىسىدا ئەڭ ئاخىرقى پەيىتتە ھالقىلىق توپنى كىرگۈزۈپ مانچېستېرنىڭ ئۈچ شاھ بولىشىدا ئىنتايىن مۇھىم رول ئوينىغان. سولسىكىيارنىڭ بالا چىراي قاتىل،دەرىجىدىن تاشقىرى زاپاس ئەزا دېگەندەك چىرايلىق ناملىرى بار.ئۇ ھەقىقەتەن دەرىجىدىن تاشقىرى،زاپاس ئەزا سالاھىيىتىدە مەيدانغا چىقىپ 12مىنۇتتا 4 توپ ئۇرۇش پەقەت ئۇنىڭلا قولىدىن كېلىدۇ ، سولسىكىيار نوردىنھام ئورمان كوماندىسى بىلەن بولغان بىر مەيدان بىرلەشمە مۇسابىقىدە زاپاس چىقىپ 12مىنۇتتا 4 توپ ئۇرغان،بۇنىڭدىن بۇرۇن زاپاس مەيدانغا چىقىپ بىر مەيداندا 4 توپ ئۇرغان توپچى چىقىپ باقمىغان ھەم ھازىرغىچە چىقمىدى.ئەينى ۋاقىتتا فورگىسىن بىر قاتىل ھۇجۇمچى بىلەن بىر ئوتتۇرا بېك ئىزدەۋاتقان بولۇپ ھۇجۇمچىغا ئالەن شېرىئرنى مۇداپىيەگە بولسا نورۋىگىيە دۆلەت كوماندىسىدىكى رونى جونسوننى ئويلاشقان ،مانچېستېردىن جىمى رىئان جونسوننىڭ مۇسابىقىسنى كۆزىتىش ئۈچۈن  نورۋىگىيە بىلەن ئەزەر بەيجاننىڭ مۇسابىقىسىنى كۆرۈش جەريانىدا ئۇنىڭ سولسىكىيارغا كۆزى چۈشىدۇ ۋە فورگىسىنغا ئۇنى ئەكىلىش تەكلىپىنى بېرىدۇ ،فورگىسىن بۇ نورۋىگىيىلىك ئالەن شېرىئېر دەپ نامى بار توپچىغا قىزىقىپ قالىدۇ ۋە سولسىكىيارنى 1مىليون 500مىليون فوندسىتىرلىڭلىق باھا بىلەن تىراففوردقا ئەكىلىدۇ ،بۇ ۋاقىتتا بۇ ساھەدىكىلەر بۇ سودىغا ئانچە قىزىقىپ كەتمەيدۇ،چۈنكى فورگىسىننىڭ ئەسلى نىشانى بولغان ئالەن شېرىئېر مانچېستېرنىڭ تەلىپىنى رەسمى رەت قىلىپ نېۋكاستىلغا كەتكەندىن كېيىنلا ئاندىن بۇ ناتونۇش يىگىت ئانچە مۇنچە كىشىلەرنىڭ دىققىتىنى تارتىدۇ،ئۇ مانچېستېر بىرىنچى كوماندىسىدا تۇنجى قېتىم زاپاس بولۇپ مەيدانغا چىقىپ بىر توپ كىرگۈزىدۇ  ،تۇنجى پەسىلدە بىرلەشمىدە 33قېتىم مەيدانغا چىقىپ 18توپ كىرگۈزۈپ مانچېستېرنىڭ شۇ پەسىلدىكى كوماندا مەرگىنىگە ئايلىنىدۇ.1998-يىلى مانچېستېر 12مىليون فوند سىتىرلىڭلىق باھا بىلەن داڭلىق ھۇجۇمچى يوركنى ئەكىلىدۇ ،شۇنىڭ بىلەن سولسىكىيار نىڭ دەرىجىدىن تاشقىرى زاپاس ئەزالىق ھاياتى باشلىنىدۇ،ئەينى ۋاقىتتا توتتىنھام كوماندىسى مانچېستېردا ئاساسلىق ئەزالىق ئورنى بولمىغان سولسىكىيارنى سېتىۋېلىش تەكلىپىنى ئەۋەتىدۇ ،ئىككى تەرەپمۇ كېلىشىم ھاسىل قىلىدۇ،بىراق سولسىكىيار مانچېستېردا قېلىشنى تاللايدۇ،ئۇ مۇنداق دەيدۇ :مەن شۇ ۋاقىتتا ئىككى تەرەپنىڭ كېلىشىم ھاسىل قىلغانلىقى فاكىسنى تاپشۇرۇپ ئالغان ،بىراق ئۇنى تاشلىۋەتتىم چۈنكى مېنىڭ كەتكۈم يوق ،بۇ يەر مېنىڭ ئائىلەم ،مەن بۇ يەردىكى توپ مەستانىلىرىنى سۆيىمەن ،بۇ دۆلەتتىكى ئەڭ ياخشى كۇلۇپتا توپ تېپىش مەن ئۈچۈن پەخىرلەنگۈدەك بىر ئىش ،مەن بۇ يەرنىڭ بىر قىسىمىغا ئايلىنىپ كەتسەم دەيمەن .شۇنىڭ بىلەن ئۇ مانچېستېردا قالىدۇ .
1999-يىلى مانچېتسېرنىڭ شانلىق بىر يىلى باشلىنىدۇ ، سولسىكىيار دەرىجىدىن تاشقىرى زاپاس ئەزا دېگەن نامىغا چۇشلۇق شۇ يىلى بايرىن بىلەن بولغان ھەل قىلغۇچ مۇسابىقنىڭ ئەڭ ئاخىرقى بىر مىنۇتىدا  ھالىقىلىق بىر توپنى ئۇرۇپ 2:1 نەتىجە بىلەن بايرىننى بوغۇزلۇپ مانچېستېر بىرلەشمىسى 31يىلدىن كېيىن يەنە بىر قېتىم ئۇزغۇنلۇق لوڭقىسغا ئېرىشدۇ.2001-2002-مۇسابىقە پەسلىدە ۋاننېستىرلوينىڭ مانچېستېرغا كېلىشى بىلەن سولسىكىيار بىر پەسىلدە ئىككىسى 61 توپ كىرگۈزۈپ ئەينى ۋاقىتتا ياۋروپادىكى ئەڭ ئۈنۈملۈك ھۇجۇم سېپىنى ھاسىل قىلىدۇ.كېيىن ئۇ كەينى كەينىدىن يارلىنىپ مۇسابىقىگە چۈشەلمەيدۇ ،تاكى ئۇ  قايتىپ كەلگۈچە ھەر مەيدان مۇسابىقىدە مانچېتسېرنىڭ سادىق مەستانىلىرىنىڭ ئولتۇرغان كۆرۈش سۇپىسىدا(سولسىكىيار سەن بىزنىڭ)دېگەن ناخشسى ياڭراپ تۇرىدۇ.
كېيىن ئۇ يارىسى ياخشىلىنىپ ئاۋال تەييارلىق كوماندىغا قايتىپ كەلگەندە شۇ 2-كوماندىنىڭ مۇسابىقىسىنى كۆرىدىغان تاماشىبىن سانى نەچچە ھەسسىلەپ ئېشىپ كۆرۈش نىسبىتىدە رېكورت ياراتقان  . ئۇ توپ مەستانىلىرىنىڭ كۆڭلىدىن شۇنچىلىك چوڭقۇر ئورۇن ئالغان ،ئۇنىڭ ئىپادىسى ئەخلاقى ھەر قايسى جەھەتتىن مۇكەممەل بىر پۇتبولچى ئىدى.06-07مۇسابىقە پەسلىگە كەلگەندە سولسىكىيار ئىككى يىلدىن كېيىنكى تۇنجى مەيدان مۇسابىقىسنى ئوينايدۇ ۋە بىر توپ كىرگۈزىدۇ.ئۇنىڭ ئاخىرقى مەيدان مۇسابىقىسى دەل چېلسى بىلەن ئوينىغان ئۇيۇشما لوڭقىسى ھەل قىلغۇچ مۇسابىقىسى بولۇپ قالغان.
2007-يىلى 8-ئاينىڭ 28-كۈنى مانچېستېردا 11يىل كۈرەش قىلغان  34ياشلىق سولسىكىيار پۇتبول ساھەسىدىن چېكىنگەن.2008-يىلى ئۇ مانچېستېرنىڭ تەييالىق كوماندىسىنىڭ تېرىنىرلىق ۋەزىپىسىنى ئۈستىگە ئالغان ھەمدە شۇ كوماندىنى ئېنگىلانددەرىجىدىن تاشقىرى بىرلەشمىسى تەييارلىق كوماندىلىرىنىڭ مۇسابىقىسىدە چېمپىيون قىلغان.2010-يىلى 11-ئايدا نورۋېگىيەدىكى ئانا كوماندىسى بولغان مورد كوماندىسنىڭ تېرىنىرلىق ۋەزىپىسىنى ئۈستىگە ئېلىش ئۈچۈن مانچېستېردىن ئايرىلغان ۋە شۇ كوماندىنى نورۋىگىيە بىرلەشمىسدە 2011ۋە 2012-يىللىق چېمپىيون قىلغان.مەن سولسىكىيارنىڭ بىر كۈنلەردە مانچېستېر كوماندىسنى يېتەكلەپ يەنە بىر شانلىق دەۋىرگە باشلىيالىشنى ئۈمىد قىلىمەن
.

مەن مانچېستېرلىق بارلىقىم مانچېستېرغا مەنسۇپ
ئىسىم –فامىلىسى :گالى نېۋىل
تۇغۇلغان ۋاقتى:1975-يىلى 2-ئاينىڭ 18-كۈنى
دۆلەت تەۋەلىكى ئېنگىلاند   مەيداندىكى ئورنى:ئوڭ بېك
ئۇ پۈتۈن پۇتبولچىلىق ھاياتىنى قىزىل ئالۋاستىغا بېغىشلىغان.نېۋىل مانچېستېردا تۇغۇلۇپ مانچېستېردا چوڭ بولغان،گەرچە مانچېستېر شەھىرىدە ئىككى داڭلىق پۇتبول كۇلۇبى بولسىمۇ نېۋىل كىچىكىندىنلا قىزىل ئالۋاستىلارنىڭ مەستانىسى ئىدى،كېيىن ئۇ مانچېستېرنىڭ ئۆسمۈرلەر بازىسىدا تەربىيلنىپ ھەم شۇ يەردە يېتىلىپ 20-ئەسىرنىڭ ئاخىرى 21-ئەسىرنىڭ باشلىرىدىكى ئەڭ ياخشى ئوتتۇرا بېكلەرنىڭ بىرى بولۇپ يېتىشىپ چىققان.گىگىس،سىكولىس،بېكھاملارغا ئوخشاش 92-يىلنىڭ ئالتۇن ئۆسمۈرى بولۇش سالاھىيىتى بىلەن ئۇلارغا ئوخشاشلا مانچېستېردا ئىنتايىن ئۇتۇق قازانغان توپچىلارنىڭ بىرسى.نېۋىل 94-95مۇسابىقە پەسلىدىن باشلاپ كۆزگە كۆرۈنۈشكە باشلىغان بولۇپ 20ياش ۋاقتىدىلا مانچېستېرنىڭ ئوڭ بېك ئورنىدىكى بىرىنچى تاللاشقا ئايلانغان،ئاساسلىق ئەزا بولۇپلا كەينى كەينىدىن ئىككى يىل ئېنگىلاند دەرىجىدىن تاشقىرى بىرلەشمىسىنىڭ لوڭقىسغا ئېرىشكەن .1999-يىلى تېخىمۇ يۇقىرى پەللىگە چىقىپ ئۈچ لوڭقىنى بىراقلا ئالغان.2005-يىلىغا كەلگەندە روي كېئىننىڭ ئورنىغا كوماندىغا كاپىتان بولۇپ تاكى 2010-يىلىغىچە كىيىم ئالماشتۇرۇش ئۆيىنىڭ غوجىسى بولغان.2010-يىلى يازدا  يېشى چوڭىيىش ۋە يارلىنىش سەۋەبىدىن مەيدانغا چىقىش قېتىم سانى بەكلا ئازلاپ كەتكەچكە كاپىتانلىق يەڭ بەلگىسىنى ئىپادىسى ياخشى تۇراقلىق ھالدا مەيدانغا چىقالايدىغان ۋىدىكقا تاپشۇرۇپ بەرگەن.
نېۋىل مانچېستېردىكى 18يىللىق كەسپى ھاياتىدا 602مەيدان مۇسابىقىگە قاتناشقان ھەم 7 توپ ئۇرغان.8قېتىم دەرىجىدىن تاشقىرى بىرلەشمە لوڭقىسنى ،3قېتىم ئېنگىلاند ئۇيۇشما لوڭقىسنى ،ئىككى قېتىم بىرلەشمە لوڭقىسى چېمپىيونلىقىنى ،ئىككى قېتىم ياۋروپا ئۇزغۇنلۇق لوڭقىسىنى ،بىر قېتىم تويوتا لوڭقىسىنى ۋە بىر قېتىم دۇنيا كۇلۇپلار لوڭقىسنى كۆتۈرگەن.
2011-يىلى 2-ئاينىڭ 2-كۈنى مانچېستېرنىڭ بۇ رىۋايەتلىك چولپىنى رەسمى ھالدا پۇتبول ساھەسىدىن چېكىنگەن ،ئۇ 2012-يىلى 5-ئاينىڭ 14-كۈنىدىن باشلاپ ھازىرغىچە ئېنگىلاند دۆلەت كوماندىسىنىڭ ياردەمچى تېرىنىرلىق ۋەزىپىسىنى ئۆتەۋاتىدۇ.
ساقلىۋېلىشقا بىئەپ بولۇپ قالغاچقا تېمىنى يوللاپ تۇردۇم ،ئاخىرى داۋاملىق يوللىنىدۇ

سالىھ

Orun

sardar.bez

رەھمەت مانچىستىرنى  تىخىمۇ  چۈشەندىم ...ئالۋاستىلانىڭ  كىيىنكى نەتىجىلرىنىڭ ياخشى  بولىشىنى  مويېسنىڭ  فۇ بوۋاينىڭ ئىزىنى  بىسىشىنى  ئۈمىد قىلىمەن ...

بوتلاق

بىلىۋالدۇق رەھمەت سىزگە

نىدا

يەنە بىر نادىر تېما

بېرنابۇ

داۋامىنى تەققازار قىلمايراق يوللارسىز، تامغامنى سۇرۇققا چىلاپ كۈتۈپ تۇرىۋاتىمەن، ئىشىنىمەن، بۇ تېمىڭىزنىڭ داۋامىنى يازسىڭىز چوقۇم 9-ئايلىق نادىر تېما باھالاشتا مېنىڭ تېمام بىلەن رىقابەتلەشكۈدەك نادىر تېما بولۇپ چىقىدۇ.

بېرنابۇ

رەسىملەرنى قاق ئوتتۇرغا (居中) چىقىرىپ تەھرىرلەپ قويسىڭىز تېمىڭىز تېخىمۇ رەتلىك، كۆركەم كۆرۈنەتتى.

خۇشخۇي

ياخشى يىزىپسىز ، داۋاملىق تىرشىڭ ، مانچىستىرنىڭ مەيدانىنى كونا تىرانفۇرىت دەيمىز ، قېرى تىرانفۇرىت ئەمەس

سەۋدا

باسبىمۇ 26يىل تۇتۇپتىكەن، شۇڭا فۇرگېسىنمۇ 26يىلغا يەتكۈزۈپ پىنسىيىگە چىقىپتۇدە.

تەنتەربىيە

مانچستىر تارىخدىكى مەن بىردىنبىر قول قۇيدىغان پۇتبولچى --گىگىس

9مۇرادىل

رەھمەت   جاپا  تارتىپسىز