- تىزىملاتقان
- 2012-1-15
- ئاخىرقى قېتىم
- 2013-10-13
- ھوقۇقى
- 1
- جۇغلانما
- 964
- نادىر
- 2
- يازما
- 964
|
ۋاڭيى تەنتەربىيىسى خەۋىرى
يېڭى پەسىل ، يېڭى تېرىنېر گۇاردىئولانىڭ يېتەكلىشىدە ، زەردار بايرېن مىيونخېن كوماندىسىدا ئاز بولمىغان ئۆزگىرىشلەر بولدى . بۇنىڭ ئىچىدىكى ئەڭ كۆرۈنەرلىك ئۆزگۈرۈش سۆزسىز كوماندا سەپ شەكلىدىكى ئۆزگىرىشتۇر . گۇاردىئولا بايرىننى قولغا ئالغاندىن كېيىن ، ئۆزىنىڭ ئۇزۇن ۋاقلاردىن بۇيان ئىشلىتىشكە ئادەتلەنگەن 4231 سەپ شەكلىگە ئۆزگەرتىش كىرگۈزۈپ ، تاق ئارقا بەللىك 4141 سەپ شەكلىنى قۇرۇپ چىقتى . بىرلەشمىنىڭ 2-ئايلانما مۇسابىقىسىدە ، گۇاردىئولانىڭ تاق ئارقا بەللىك سەپ شەكلى بىر ئاز قىيىنىچىلىققا ئۇچرىدى ۋە قارشى تەرەپنىڭ ئاز بولمىغان قايتۇرما ھۇجۇمىغا سەۋەبچى بولۇپ قالدى . بۇ سەپ شەكلى گېرمانىيە پۇتبول باياناتچىلىرىنىڭ گۇمانىنى قوزغاپ قويدى . بۇنىڭغا قارىتا گۇاردىئولا : ‹‹ مەن تاق ئارقا بەللىك سەپ شەكلى ئىشلىتىشنى ياخشى كۆرىمەن ، ئىشىنىمەنكى ، كوماندىمىز بۇ سەپ شەكلىگە تېزلا كۆنۈپ كېتىدۇ ! ›› دەپ ئىپادە بىلدۈردى .
بىرلەشمىنىڭ 1-ئايلانمىسىدا بايرېن مىيونخېن كوماندىسى 1 : 3 نەتىجە بىلەن غەلبە قىلغان بولسىمۇ ، لېكىن ئاز بولمىغان قىيىنچىلىقلارغا دۇچ كەلدى . تاق ئارقا بەلدىكى ‹‹ چوشقىچاق ›› مۇداپىيەدە ئاز بولمىغان قىيىنچىلىقلارغا دۇچ كەلدى ۋە رەقىبىگە ئاز بولمىغان قايتۇرما ھۇجۇم پۇرسىتىنى يارىتىپ بەردى . 2- ئايلانمىدىكى فىرانكىفورىت كوماندىسى بىلەن بولغان مۇسابىقىدە ، بايرېننىڭ ئوتتۇرا مەيداندىكى ئىپادىسى كۆرۈنەرلىك بولسىمۇ ، ھۇجۇم قاتلىمىدا بىر ئاز ئاجىزلىق كۆرۈلدى . مۇسابىقىدىن كېيىن ، بايرېن توپچىلىرىمۇ بۇ ئىپادىسىدىن ئەنسىرەپ قالدى .
ھازىرقى ئەڭ موھىم مەسىلە ، كوماندىنىڭ ئارقا بەلدە پەقەت شىۋىنسىتايگېرلا بار ، ئۇنىڭ ئۈستىگە ئۇ مۇداپىيىچى ئارقا بەل ئەمەس . شۇ سەۋەبتىن ئارقا سەپتىكى مۇداپىيەگە كۈچ ئېلىپ كېلەلمىدى ، چۈنكى ، ئۇ ھەم مۇداپىيەگە قاتنىشىپ ، ھەم كوماندىنىڭ ھۇجۇمىنى تەشكىللەشتەك ئېغىر ۋەزىپىنى ئۈستىگە ئالغانىدى . گېرمانىيە ئاخبارات ۋاستىلىرى : ‹‹ شىۋېنسىتايگېرغا بىر ياردەمچى سەپلەش كېرەك ، ھازىرقى بايرېننىڭ مۇداپىيە سېپىدىكى ئۆزگىرىشنىڭ ھايكېنىس دەۋرىدىكى بىلەن بولغان پەرقى چوڭ بولۇپ كەتتى !›› دەپ قارىدى . بىراق گۇاردىئولا 2 ئارقا بەل ئىشلىتىشنى رەت قىلدى ۋە خۇددى بارسىلوناغا ئوخشاش نومۇر ئارقىدا قالسىمۇ ، رەقىبىنى مۇھاسىرىگە ئېلىپ ئۇلارغا تېخىمۇ چوڭ بېسىم ئېلىپ كېلىشىنى ئۈمىد قىلىدىغانلىقىنى بىلدۈردى .
ئۇ مۇخبېرلارنىڭ زىيارىتىنى قوبول قىلغاندا ، ئۆزىنىڭ سەپ شەكلىنى ئۆزگەرتىشى توغرىلىق : ‹‹ بىز يەنە ۋاقىتقا مۇھتاج ، سەپ شەكلىنى ئىسلاھ قىلىش ئاسان ئەمەس ، بۇ بىر مۈشكۈل ئىش . مەن كوماندىمىزنىڭ مەيداندىكى كونتىروللىقىدىن بەك رازى ، ھەمدە توپچىلىمىزدىن ھەرگىز ئەنسىرىمەيمەن . مەن ئىشىنىمەنكى ، ئۇلار تېزلا بۇ سەپ شەكلىگە كۆنۈپ كېتىدۇ !! ›› دەپ ئىپادە بىلدۈردى .
|
|
يوللىغان ۋاقتى 2013-8-22 13:57:08
يوللىغان ۋاقتى 2013-8-22 14:55:28
ياخشى باشلىنىش