ئىراق پۇتبولچىلىقىدىكى قەھرىمان : يۇنىس . مۇھەممەد !!!~

nayil

   ئەسسالامۇ-ئەلەيكۇم !! بۇندىن بۇرۇن مېسسى 2 ئىراق پۇتبولچىلىقىنى تونۇشتۇرۇپ ئۆتكەن . بۇ تېما ھەممىمىزگە ئىراق پۇتبولچىلىقىنىڭ تەسىر كۈچى ۋە جەڭگىۋارلىقىنى تولۇق ئەكىس ئەتتۈرۈپ بەرگەن ئىدى . مەن تۆۋەندە مۇ ئېراق كوماندىسىنىڭ كاپىتانى ، داڭلىق پۇتبولچى يۇنىس . مۇھەممەدنى تونۇشتۇرۇپ ئۆتمەكچىمەن . قېنى دېققىتىڭلار تۆۋەندىكى تېمىدا بولسۇن !!!

                                          

     ئىسىم - فامىلىسى             :       يۇنىس . مۇھەممەد
     تۇغۇلغان ۋاقتى                  :       1983-يىلى 2-ئاينىڭ 3-كۈنى
     مەيداندىكى ئورنى             :       ھۇجۇمچى
     بوي ئېگىزلىكى                  :       1مېتىر 86 سانتىمېتىر
     ئېغىرلىقى                         :       86 كېلوگىرام
     تۇغۇلغان ئورنى                 :       ئىراق كوركوك
     دۆلەت تەۋەلىكى               :       ئىراق
     دىنى ئېتىقادى                  :       ئىسلام دىنى
     دۆلەت كوماندىسىدا          :       56 مەيدان مۇسابىقىغە قاتنىشىپ 25 توپ ئۇرغان .
     توپ تېپىدىغان كۇلۇبى      :       قاتار ئەل ساد كۇلۇبى
     توپ تەپكەن كۇلۇبلىرى      :       ئال گاراففا كۇلۇبى ، ئال ئارابى كۇلۇبى ، ئال ۋاھرا كۇلۇبى
     
                                

   ئېرىشكەن نەتىجىلىرى  

   2007-يىللىق ئاسىيا لوڭقىسى چىمپىيونى ، 2007-يىللىق ئاسىيا لوڭقىسى تالىشىش مۇسابىقىسى ‹‹ ئەڭ مۇنەۋۋەر پۇتبولچى ›› ، 2007-يىللىق ئاسىيا لوڭقىسى تالىشىش مۇسابىقىسى ‹‹ ئەڭ مۇنەۋۋەر مەرگەن ›› ، 2007-يىلى ‹‹ فىرانسىيە پۇتبولى ›› گۇرۇپپىسى سايلىغان ‹‹ ئالتۇن توپ مۇكاپاتى ›› سايلىمىدا ، يۇنىس 29-ئورۇنغا تىزىلغان . 2007-يىلى ‹‹ فاچېتتى مۇكاپاتى ›› غا ئېرىشكەن .

                              

   كەسپى پۇتبول ھاياتى

   2002-يىلى 3-ئايدا ، يۇنىس بىرىنچى قېتىم ئىراق دۆلەتلىك ئەرلەر پۇتبول كوماندىسىغا چاقىرتىلدى ، بىراق مەيدانغا چىقىش پۇرسىتى بولمىدى . 1 ئايدىن كېيىن سۈرىيە دۆلەت كوماندىسى بىلەن بولغان مۇسابىقىدە مەيدانغا چىقىپ ، ئۆزىنىڭ دۆلەت كوماندىسىدىكى تۇنجى مەيدان مۇسابىقىسىنى ئوينىدى . شۇنىڭدىن كېيىن ، يۇنىسىنىڭ دۆلەت كوماندىسىغا ۋەكالىتەن ئوينىغان مۇسابىقىلىرى بارا-بارا كۆپىيىپ ، ئىراق دۆلەت كوماندىسىدا كەم بولسا بولمايدىغان موھىم ھۇجۇمچى بولۇپ قالدى .

                             

   ئولىمپىك كوماندىسى

   2004-يىلى يۇنىس مۇھەممەد ئىراق دۆلەت كوماندىسىنى يېتەكلەپ ئافىنا ئولىمپىك تەنھەرىكەت يىغىنىغا قاتناشتى ۋە پۇتبول تۈرىدە تۆتىنچى بولۇپ ، ئولىمپىك پۇتبول تۈرىدە ئىراق دۆلەت كوماندىسىنىڭ ئەڭ ياخشى نەتىجىسىنى ياراتتى . بۇ مۇسابىقىدىكى ئىراق كوماندىسى پۇتۇن دۇنيا خەلقىنى ھەيران قالدۇردى . ئۇلارنىڭ جەڭگىۋار ، جۇشقۇن پۇتبول روھى ھەممىنى قايىل قىلدى . يۇنىس پورتۇگالىيە بىلەن بولغان مۇسابىقىدە بىر توپ ئۇرۇپ ، خەلىقئارا سەھنىدە رەسمى تۈردە چاقنىدى . 2006-يىلى يۇنىس يەنە بىر قېتىم ئىراق ئولىمپىك كوماندىسىنى بىلەن دوھا ئاسىيا ئولىمپىك مۇسابىقىسىغا قاتناشتى . يۇنىس ئېسىل ئىپادىسى بىلەن 3 توپ ئۇرۇپ ، كوماندىنى ھەل قىلغۇچ مۇسابىقىغە ئېلىپ كىردى ، بىراق ئاساسلىق ئەزالىرىنىڭ يارىلىنىشى تۈپەيلى رەقىبىدىن مەغلۇپ بولۇپ 2- بولۇپ قالدى . 2006-يىلى يۇنىس ‹‹ ئاسىيا ئەڭ مۇنەۋۋەر ياش پۇتبولچى ›› بولۇپ باھالاندى .

                              

   ئاسىيا لوڭقىسى

   يۇنىس مۇھەممەد 2007-يىللىق ئاسىيا لوڭقىسى تالىشىش مۇسابىقىسىدە تېخىمۇ چاقناپ كەتتى ۋە ھەر مەيدان مۇسابىقىدە ئېسىل ئىپادىسىنى جارى قىلدۇرۇپ ، ئىراق كوماندىسىنى تارىخى خاراكتىرلىك ھەل قىلغۇچ مۇسابىقىغە ئېلىپ كىردى . بۇ جەرياندا ئۇ 4 توپ ئۇرۇپ بولغان ئىدى . ھەل قىلغۇچ مۇسابىقىدە ، ئىراق كوماندىسى يۇنىسىنىڭ ئۇرغان بىر توپى بىلەن رەقىبىنى يېڭىپ ، ئىراقنىڭ تۇنجى ئاسىيا لوڭقىسىنى قولغا كەلتۈردى .
   يۇنىس . مۇھەممەد ئىراق كوماندىسىنى ھەل قىلغۇچ باسقۇچىغا كىرىشىدىكى ئەڭ موھىم شەخىس بولۇپ قالدى . بىرىنچى مەيدان تايلاند دۆلەت كوماندىسى بىلەن بولغان مۇسابىقىدە بىر توپ ئۇرۇپ نەتىجىنى تەڭلەشتۈرۈپ ، كوماندا ئۈچۈن ئەڭ موھىم بولغان بىر نومۇرنى قولغا كەلتۈردى . 8 كۈچلۈك ھەل قىلغۇچ باسقۇچىغا كىرگەندە ، ۋېيىتنام كوماندىسىغا 2 توپ ئۇرۇپ كوماندىنى يېرىم ھەل قىلغۇچغا ئېلىپ كىردى . ھەل قىلغۇچ مۇسابىقىدىكى يۇنىسىنىڭ ئۇرغان بىردىن - بىر توپى ئىراق كوماندىسىنى چىمپىيونلۇققا نائىل قىلدى . يۇنىس 4 توپ ئۇرۇپ، ياسېر ۋە تاكاخارا قاتارلىقلار بىلەن مەرگەنلەر قاتارىدا 1-ئورۇنغا تىزىلدى .
   
                              

   يۇنىسنىڭ ئىراق كوماندىسىدىكى تۆھپىسى ئۇنىڭ ھەيران قالارلىق تالانتى ، ئالداپ بۆسۈپ كىرىشى ۋە توپ ئۇرۇشىنىڭ ئۈنۈمدارلىقىنىڭ يۇقىرىلىقى بولۇپلا قالماي ، ئەڭ موھىمى ئۇنىڭ مۇسابىقە مەيدانىدىكى ھارماس جەڭچى روھى ۋە ئېسىل ئىپادىسى . ئىراق كوماندىسى ئەڭ قىيىن شارائىتتا قالغاندىمۇ ئۇنىڭ مەيداندىكى بوشاشماس قەيسەر روھى ، بوشاشماي توپ قوغلىشى ۋە ۋارتارغا يۇقىرى بېسىم بىلەن ئۇرغان توپلىرى سەبداشلىرىغا تېخىمۇ چوڭ مەدەت ۋە ئىلھام ئېلىپ كېلىدۇ . شۇنداق ، مۇسابىقە مەيدانىدا بىز يۇنىسنىڭ ‹‹ ھېچقانچە ئۈمىد يوق ›› دەپ قارىغان توپلارنىمۇ بوشاشماي قوغلاۋاتقانلىقىنى كۆرىمىز .
   بۇ يىل 30 ياشقا كىرگەن يۇنىسنىڭ بوي ئېگىزلىكى 1 مېتىر 86 سانتىمېتىر ، ئېغىرلىقى 80 كېلوگىرام بولۇپ ، قاتار بىرلەشمىسىدە توپ تېپىدۇ . 07 \ 06 مۇسابىقە پەسلىدىكى بىرلەشمىدە ئۇ 19 توپ ئۇرۇپ ، بىرلەشمە مەرگىنى بولىدۇ . ئۇ يەنە 2003-يىلى ‹‹ ئاسىيادىكى ئەڭ مۇنەۋۋەر يېڭى پۇتبولچى ›› نامزاتى ئىچىگە كىرگەن .
   ئىراق كوماندىسى ئاسىيا چىمپىيونلۇق لوڭقىسىنى كۆتۈرگەن بىلەن ، كوماندىنىڭ يادرولۇق ھۇجۇمچىسى يۇنىس ‹‹ ئالتۇن ئاياق ›› نى كىيەلمىدى . گەرچە يۇنىس ، ياسېر ۋە تاكاخارالار بىلەن ئوخشاش 4 توپ ئۇرۇپ بىرىنچى ئورۇنغا تىزىلغان بولسىمۇ ، ئاسىيا پۇتبولچىلار بىرلەشمىسى ياسېرنى مەرگەن قىلىپ بېكىتتى . يۇنىس بولسا ‹‹ ئالتۇن توپ ›› نى ئېلىپ ئۈيىگە قايىتتى .
   ھەل قىلغۇچ مۇسابىقىدىن بۇرۇن ياسېر بىلەن تاكاخارا 4 توپ بىلەن مەرگەنلەر قاتارىدا 1- ئورۇنغا تىزىلغان بولسىمۇ ، ھەل قىلغۇچ مۇسابىقىدە يۇنىس بىر توپ ئۇرۇپ ، توپ سانىنى 4 توپقا يەتكۈزدى ۋە ئۇلارنىڭ يەنە بىر مەرگەنلىك تالىشىش رەقىبى بولۇپ قالدى . گەرچە ئېراق كوماندىسى ياسېر باشچىلىقىدىكى سەئۇدى ئەرەبىستان كوماندىسىنى ئۇتۇپ لوڭقىنى كۆتۈرگەن بولسىمۇ ، ‹‹ ئالتۇن ئاياق ›› نى تارتۇقلىغاندا ، سەھنىدىكى ئۇ بولماي بەلكى ياسېر بولۇپ قالدى .

                             

   ئۇرۇش ئوتى ئىچىدىكى ئىراق كوماندىسىنىڭ جاسارىتى قايىللىقىمىزنى قوزغىماي قالمايدۇ ، ئەلۋەتتە . ئىراق كوماندىسى ھەل قىلغۇچ مۇسابىقىدە ، كوماندا كاپىتانى يۇنىسنىڭ ئۇرغان كاللا توپى بىلەن ئاسىيا لوڭقىسى چىمپىيونى بولدى . مۇسابىقىدىن كېيىن ، ئاسىيا پۇتبولچىلار بىرلەشمىسى يۇنىسنى ‹‹ ئەڭ مۇنەۋۋەر توپچى ›› قىلىپ بېكىتتى .
   مۇسابىقىدىن كېيىن ، داغدۇغىلىق مۇكاپاتلاش مۇراسىمى ئېلىپ بېرىلدى . ئاسىيا پۇتبولچىلار بىرلەشمىسى ئالدى بىلەن ‹‹ ئەڭ مۇنەۋۋەر پۇتبولچى ›› نامزاتىنى ئېلان قىلدى . يۇنىس مۇكاپاتلاش سەھنىسىگە چىققاندا ، ئىراق دۆلەت بايرىقىنى يېپىنچاقلىۋالغان ئىراق كوماندا ئەزالىرى خوشاللىقىنى ئەۋجىگە چىقاردى . كەينىدىنلا ‹‹ ئەڭ مۇنەۋۋەر مەرگەن ›› نى ئېلان قىلغاندا ، يۇنىس سەھنىگە چىقىشقا تەمشىلىپ بولغان ئىدى . ئەپسۇس ، ئېلان قىلىنغىنى ئۇ بولماستىن ، ياسېر ئىدى . بۇ دەمدە ، مەيدان قىسقىغىنا سۈكۈتكە چۆمدى . بۇ قارار يۇنىسقا تەسىر قىلدى بولغاي ، چىراي ئىپادىسىدە بايىقى خوشاللىقلار نەلەرگىدۇر ئۇچۇپ كەتكەن ئىدى . ئارقىدىنلا ، مۇكاپات سوممىسى 25 مىڭ دوللار بولغان مۇكاپاتنى يۇنىسنىڭ قولىغا بېرىشى بىلەن يۇنىسنىڭ چىرايىغا ئازراق كۈلكە يۈگرىدى .
   
                             

   تاماشىبىنلارنىڭ ئالقىش سادالىرى ۋە چۇقان-سۈرەنلىرى ئىچىدە ، تارىخ ياراتقان ئىراق كوماندىسى مۇكاپاتلاش سەھنىسگە چىقتى . ئۇلارغا بۇ لوڭقىنى تارقاتقۇچى خەلىقئارا پۇتبولچىلار بىرلەشمىسىنىڭ رەئىسى بىلاتېر ئىدى . ئىراق كوماندىسىنىڭ كاپىتانى يۇنىس لوڭقىنى ئېگەز كۆتۈرگەن ۋاقىتتا مەيدان ئىچى قاينام-تاشقىنلىققا چۆمدى . ئىراق كوماندا ئەزالىرىنىڭ كۆزلىرىگە خوشاللىق ياشلىرى لىق تولدى . ‹‹ بىز چىمپىيون ›› مىلودىيىسىنىڭ ياڭرىشى كەيپىياتنى تېخىمۇ جانلاندۇرىۋەتتى .
   غەلبە شاتلىقى ئىچىدىكى يۇنىس : ‹‹ ئىراق خەلقى مېنىڭ توپ ئۇرۇشىمغا مۇھتاج ، چىمپىيونلۇققا مۇھتاج !! بىز بىر مۆجىزە ياراتتۇق . ئېراق خەلقىنىڭ قوللىغىنىغا كۆپتىن-كۆپ رەھمەت !! ›› . ‹‹ ئالتۇن كەشنى ئېلىش ئالماسلىقىم موھىم ئەمەس ، موھىمى بىز ۋە ئىراق خەلقى بىرلىكتە مۆجىزىنى بارلىققا كەلتۈردۇق !! گەرچە ھازىر دۆلىتىمىزنىڭ ئىچكى ئەھۋالى ئانچە ياخشى بولمىسىمۇ ، بىراق ئىراق پۇتبول كوماندىسى دۆلەت ئىچىدە يەنىلا زور قوللاش ۋە ئالقىشلارغا ئېرىشىدۇ . بىز پۇتكۈل ئىراق خەلقى ئۈچۈن بۇ جەڭگە ئاتلاندۇق ، بىزنىڭ غەلبىمىز ئىراق خەلقىغە مەنسۇپ !! ›› دەپ ئىپادە بىلدۈردى .
   
                              

   2007-يىلى ، يۇنىس ‹‹ فىرانسىيە پۇتبولى ›› گۇرۇپپىسى سايلىغان ‹‹ ئالتۇن توپ مۇكاپاتى ›› سايلىمىدا 29-ئورۇنغا تىزىلىپ ، ئىراق خەلقىنىڭ ، جۈملىدىن پۇتكۈل ئاسىيا خەلقىنىڭ پەخرىگە ئايلاندى ۋە پۇتكۈل ئاسىيا پۇتبولى ئۈچۈن غۇرۇرىنى نامايان قىلدى .

                                                                                                                                                    تۈگىدى

missi2

يۇنۇس ئىراقنىڭ داڭلىق پۇتبولچىسى بولۇشقا مۇناسىپ،2007-يىلىدىكى ئاسيا لوڭقىسىدكى ئىپادىسى ھەقىقەتەن ياخشى بولغان، دۇنيا لوڭقىسى ئاسيا تاللاش مۇسابىقىسىدىمۇ جۇڭگوغا بىر توپ ئۇرغان ئىدى ،ھازىر قىرىپ قالغاندەك تۇرىدۇ بۇ

qolpan314

مانا بۇ رەسىم ھەممىنى ئىپادىلەيدۇ، ئىراقتىكى  ئۇرۇش ،قالايمىقانچىلىق ،خەلق بىرۋاق تاماق  يېسە ئىككى ۋاق يوق مۇشۇنداق شاراھىتتىمۇ نەتىنجە ناچار ئەمەس، مەسىلەن 2007-يىلى  ئىراق كوماندىسى .....

يەنە بىر دۇنياخەلقىنى تەسىرلەدۇرگەن مەشۇر رەسىم: ئامىركا ئەسكىرى ۋە ئىراقلىق كىچىك قىز(ئارتۇقچە قۇشۇپ قويدۇم) ئامىركا ئىراق ئۇرۇشى.

سۆرەتكە تارتقۇچى:Michael Yon

dilmurat.

بۇ تېمىنى 20 سائەت ئالدىدا يوللاپتىكەن ئەمدى تەستىقلىنىپتۇ .
ئىسىل تېما بوپتۇ

missi2

بەكلا كېچىكىپ تەستىقلىنىپتۇ بۇ تېما،  مۇشۇنداق ياخشى يېزىلغان ئەجىرلىك تېمىلارغا ئىنكاس بەك ئاز چۈشىدىكەن،

dilmurat.

missi2 يوللىغان ۋاقتى  2013-8-19 23:51
بەكلا كېچىكىپ تەستىقلىنىپتۇ بۇ تېما،  مۇشۇنداق ياخشى ي ...

تېما كىچىكىپ تەستىقلانغانلىقى ئۈچۈن شۇڭا ئىنكاس ئاز يېزىلغان گەپ .

missi2

dilmurat. يوللىغان ۋاقتى  2013-8-20 15:30
تېما كىچىكىپ تەستىقلانغانلىقى ئۈچۈن شۇڭا ئىنكاس ئاز  ...

ئۇنداقمۇ ئەمەس، بۇنىڭدىن كېيىن يەنە 3-4تېما تەستىقلىنىپتۇ،ئۇلارغا ئىنكاسلار كۆپرەك يېزىلىپتۇ،ئەمما بۇ تېمىغا

پەرۋەر

بۇ بالا 2006 يىلىمۇ ئىنىق ئىسىمدە يوق ئامرىكا بىلەن ئوينىغان مۇسابىقىدە كەينىگە مولاقچىلاپ بىر توپ ئۇرىۋەتكىنى مۇشۇ شۇ، پەقەت ئىسىمدىن چىقمايدۇ بۇ.

كەمپۈت

راستىنلا ئىراق كوماندىسىنىڭ نەتىجىلىرىگە كۆزيۇمغىلى بولمايدۇ.شۇنچىۋىلا ئورۇش قالايمىقانچىلىقى ئىچىدە تۇرۇپمۇ ئاسىيا پۇتبولچىلقىنىڭ سەركىسى بولالاپتۇ...كىيىنكى كۈنلىرىڭگە ئامەت تىلەيمەن يۇنىس . مۇھەممەد

zidani005

ئىپلاس يەھۇدىيلار ،

ماھىر

يونىس ئەمەس يۇنۇسقۇ دەيمەن ئىسمىنى

nayil

ماھىر يوللىغان ۋاقتى  2013-8-20 17:39
يونىس ئەمەس يۇنۇسقۇ دەيمەن ئىسمىنى

younis .  mahmoud   كەن .