- تىزىملاتقان
- 2013-8-7
- ئاخىرقى قېتىم
- 2013-8-29
- ھوقۇقى
- 1
- جۇغلانما
- 15
- نادىر
- 0
- يازما
- 15
|
خان مادرىد سول بېكى كونتىراۋ كوماندىدىن ئايرىلىشنى ئىلتىماس قىلدى
بېيجىڭ ۋاقتى 8-ئاينىڭ 18-كۈنىدىكى خەۋەرلەرگە قارىغاندا خان جەمەتى مادرىد كوماندىسى يېڭى مۇسابىقە پەسلىدىكى تۇنجى مەيدان مۇسابىقىسىنى كۈتىۋېلىش ئالدىدىكى ئاخبارات ئېلان قىلىش يېغىنىدا مەشقاۋۇل ئانچېلوتتى بىرازىلىيەلىك چولپان كاكانىڭ قايتىدىن باش كۆتۈرەلەيدىغانلىقى ھەمدە سامان يولى جەڭ كېمىسىنىڭ 11-نومۇرلۇق كىيىمىنىڭ بىكار قالغانلىقىنى، ئۇنى ھېچكىم تالاشمىغانلىقىنى، ئۇنىڭدىن باشقا سول بېك كونتىراۋنىڭ كوماندىدىن ئايرىلىشنى ئىلتىماس قىلغانلىقىنى ئېيتقان.
مەشقاۋۇل ئانچېلوتتى ئىسپانىيە بىرلەشمىسى توغرىسىدا :«خان جەمەتى مادرىد كوماندىسى بىلەن بارسېلونا كوماندىسى ھەقىقەتەن كۈچلۈك، ئەمما بىرلەشمىنىڭ رىقابىتى يەنىلا كەسكىن، چۈنكى مادرىد رىقابەتكە ئوخشاش كوماندىلار يەنە ناھايىتى ياخشى سەپ شەكلىگە ئېگە» دېگەن. ئۇنىڭدىن كېيىن ئانچېلوتتى پېپېنىڭ يارىسىنىڭ ئېغىر ئەمەسلىكىنى، بېرتىس كوماندىسى بىلەن بولىدىغان مۇسابىقىدە مەيدانغا چىقىش ئېھتىماللىقى بارلىقىنى، ئالۇنسونىڭ ئەھۋالىنىڭ ئانچە ياخشى ئەمەسلىكىنى، ئەمما ھەپتىنىڭ تۆتىنچى كۈنى ئېلىپ بېرىلىدىغان بىرنابۇ لوڭقىسى مۇسابىقىسىدە مەيدانغا چىقالايدىغانلىقىنى ئېيتقان.
ئەڭ مۇھىم بولغىنى سول بېك كونتىراۋنىڭ مەسىلىسى بولۇپ، كونتىراۋ ئاللىقاچان مەشقاۋۇل ئانچېلوتتىغا كوماندىدىن ئايرىلىش ئىلتىماسىنى تاپشۇرغان، ئانچېلوتتىمۇ ئۇنىڭ ئەتىكى مۇسابىقىدە مەيدانغا چىقمايدىغانلىقىنى بىلدۈرگەن.
پورتىگالىيەلىك توپچىنىڭ يېقىنقى ئىپادىسى ئانچە ياخشى ئەمەس بولۇپ، خان جەمەتى مادرىد كوماندىسىدا ئۇ ئاللىقاچان ئۆزىنىڭ ئاساسلىق ئورنىنى يوقىتىپ قويغان. بۇ قېتىم خان جەمەتى مادرىد كۇلۇبى كونتىراېنىڭ باھاسىنى 25 مىليون ياۋرو ھېسابلاپ، ئۇنىڭ ئۈستىدىن يەنە 73 مىليون ياۋرو قوشۇپ توتىنھام كوماندىسىدىن بېلنى سېتىۋېلىشنى پىلانلىغان بولسىمۇ، ئەمما توتىنھام كۇلۇبى تەرەپ بۇنىڭغا قوشۇلمىغان، ھەمدە كونتىراۋنى پەقەت 20 مىليونغا يارايدۇ دەپ قارىغان.
گەرچە ھازىرقى ئىپادىسى ئانچە ياخشى بولمىغان بولسىمۇ، ئەمما كونتىراۋ ئالدىنقى مۇسابىقە پەسلىدە مارسېلو ئاغرىق ۋاقىتلاردا سول بېك ئورنىنى ناھايىتى ياخشى ئوينىغان، مارسېلونىڭ يوقلىقىنى چاندۇرمىغان ئىدى. بۇ قېتىم مارسېلونىڭ قايتىپ كېلىشى بىلەن كونتىراۋ يەنە زاپاس ئەزاغا ئايلىنىپ قېلىش خەۋپىگە ئۇچرىغاچقا ئۇ ئاكتىپلىق بىلەن كوماندىدىن ئايرىلىشنى ئىلتىماس قىلغان، بىراق ئۇنىڭ كېيىنكى ئائىلىسى قايسى ئۇ تېخىچە نامەلۇم.
|
|
يوللىغان ۋاقتى 2013-8-19 17:01:59
يوللىغان ۋاقتى 2013-8-19 18:23:37
