- تىزىملاتقان
- 2012-1-15
- ئاخىرقى قېتىم
- 2013-10-13
- ھوقۇقى
- 1
- جۇغلانما
- 964
- نادىر
- 2
- يازما
- 964
|
ئىسىم - فامىلىسى : جېرراردو . دانىئېل . مارتېنو
تۇغۇلغان ۋاقتى : 1962-يىلى 11-ئاينىڭ 22- كۈنى
بوي ئېگىزلىگى : 1 مېتىر 73 سانتىمېتىر
ئېغىرلىقى : 74 كېلوگىرام
تۇغۇلغان ئورنى : روسارىئو
دۆلەت تەۋەلىكى : ئارگېنتىنا
كەسپى : پۇتبول تېرىنېرى
بۇرۇنقى مەيداندىكى ئورنى : ئالدى بەل
توپ تەپكەن كۇلۇبلىرى : نېۋېل قېرى يىگىتلەر كوماندىسى ، تېنىرېففى كوماندىسى ، رانوس كوماندىسى
پۇتبولچىلىق ھاياتى
جېرراردو . دانىئېل . مارتېنو بولسا ئالدى بەل توپچىسى بولۇپ ، نېۋېل قېرى يىگىتلەر كوماندىسى ، تېنىرېففى كوماندىسى ۋە رانوس كوماندىسى قاتارلىق كوماندىلاردا توپ تەپكەن . ئاساسلىق ئۆزىنىڭ ئانا يۇرت كوماندىسى نېۋېل قېرى يىگىتلەر كوماندىسىدا توپ تەپكەن . ئۇ نېۋېل قېرى يىگىتلەر كوماندىسىغا ۋەكالىتەن 505 مەيدان مۇسابىقە ئوينىغان بولۇپ ، كۇلۇب تارىخىدا مەيدانغا چىقىش سانى بويىچە 4- ئورۇندىكى توپچى ھېسابلىنىدۇ . ئۇ نېۋېل قېرى يىگىتلەر كوماندىسىدا ھەقىقى تۈردە ئۆزىنى نامايان قىلغان ۋە تۆھپە قوشقان ئاساسلىق توپچى . 1991 \ 1990 يىللىق مۇسابىقە پەسلىدە ئىسپانىيە تېنىرېففى كوماندىسىغا ۋەكالىتەن 15 مەيدان مۇسابىقىغە قاتنىشىپ 1 توپ ئۇرغان . 1995 \ 1994 مۇسابىقە پەسلىدە ئارگېنتىنا رانوس كوماندىسىغا ۋەكالىتەن 30 مەيدان مۇسابىقىغە قاتنىشىپ 3 توپ ئۇرغان . بۇ ئارىلىقىتىكى ئىككى پەسىلنى ھېسابقا ئالمىغاندا 1980-يىلىدىن 1996-يىلىغىچە ئارگېنتىنا نېۋېل قېرى يىگىتلەر كوماندىسىدا توپ تەپكەن .
تېرىنېرلىق تارىخى
2007-يىلى پاراگۋاي پۇتبولچىلار جەمىئىيىتى 2006-يىلدىكى گېرمانىيە دۇنيا لوڭقىسى تالىشىش مۇسابىقىسىدىكى پاراگۋاي كوماندىسى تېرىنېرى جون . روئېزنىڭ كوماندا تېرىنېرلىقىدىن قالدۇرۇلغانلىقىنى ئېلان قىلغاندىن كېيىن ، يەنە بىر قېتىم چەت ئەللىك تېرىنېرغا كۆز تىكتى . ئەڭ ئاخىرىدا ، ئالدى-كەينى بولۇپ پاراگۋاي دۆلەت ئىچىدىكى زەردار كېررو . پورتىنو كوماندىسى ۋە ئەركىنلىك كوماندىسىنى يېتەكلەپ چىمپىيون بولغان ئارگېنتىنالىق چىمپىيون تېرىنېر مارتېنو ، پاراگۋاي پۇتبولچىلار جەمئىيىتى رەئىسى ئوسكار . خاررېسوننىڭ تەكلىپ قىلىشىغا نائىل بولىدۇ . 7-ئاينىڭ 23-كۈنى بارسىلونا ئورگان تورىدا كىشىنى ھەيران قالدۇرىدىغان بىر خەۋەر ئېلان قىلىندى ، ئۇ بولسىمۇ ئارگېنتىنالىق تېرىنېر مارتىنو بارسىلونا كوماندىسىغا تېرىنېر قىلىپ بەلگىلەنگەنلىكى ، ھەمدە ئۇنىڭ بىلەن 2 يىللىق توختام ئىمزالىغانلىقى ئىدى .
مارتېنو پاراگۋاي بىرلەشمىسىدە ، 112 مەيدان مۇسابىقىدە تېرىنېرلىق قىلىپ ، ئۇتۇش نىسبىتى %67.5 گە يەتكۈزۈشتەك ياخشى نەتىجىلەرگە ئېرىشكەن بولسىمۇ ، 2005-يىلى ئارگېنتىنا بىرلەشمىسىگە قايتىپ كېلون كوماندىسىغا تېرىنېرلىق قىلغان نەتىجىسى تازا كۆڭۈلدىكىدەك بولمىغان ئىدى . ھەتتا ئۆزىمۇ بۇ نەتىجىسىگە قارىتا : ‹‹ قارىغاندا مەن يەنىلا پاراگۋاي پۇتبولىغا ئەڭ ماس كېلىدىغان ئوخشايمەن ! ›› دەپ ئىپادە بىلدۈرگەن ئىدى . پاراگۋاي پۇتبولچىلار جەمئىيىتى مارتېنونىڭ پاراگۋاي دۆلەت كوماندىسىنىڭ تېرىنېرى بولغانلىقىنى ئېلان قىلغاندا ، پاراگۋاي دۆلەت ئىچى ئاخبارات ۋاستىلىرى : ‹‹ بۇ قارار پاراگۋاي پۇتبولچىلىقىنىڭ تېخىمۇ تەرەققى قىلىشىغا تۈرتكە بولىدىغان بولدى ! ›› دەپ ئىپادە بىلدۈرگەن ئىدى .
شۇنداق ، كىشىلەرنىڭ ئويلىغىنىدەك ، مارتېنو پاراگۋاينى قولىغا ئېلىشى بىلەن يېڭىچە بىر پاراگۋاي كوماندىسى مەيدانغا كەلدى . ئارگېنتىنا ئاخبارات ۋاستىلىرىمۇ مارتېنونىڭ پاراگۋاي كوماندىسىدىكى تېرىنېرلىق مۇساپىسىنى مەخسۇس پىروگرامما قىلىپ تونۇشتۇردى . ئۇلارنىڭ قارىشىچە ، مارتېنو پاراگۋاي كوماندىسىدا ئەزەلدىن بولغان كۈچلۈك مۇداپىيەنى نامايان قىلىپلا قالماي ، ھۇجۇم جەھەتتىمۇ يېڭىچە بىر ھۇجۇم ئەندىزىسى ھاسىل قىلغان ئىدى . شۇنداق ، پاراگۋاي كوماندىسى جەنۇبى ئامرىكىدا ‹‹ مۇداپىيىسى ئەڭ قاتتىق كوماندا ›› دەپ مەشھور ئىدى . 2002 يىللىق كورىيە-ياپونىيە دۇنيا لوڭقىسى مۇسابىقىسىدە قېرى مالدىنىنى كوماندىغا تەكلىپ قىلغان ئىدى ، مەقسەت ، تېخىمۇ قاتتىق مۇداپىيە سېپىنى تۈزۈش ئىدى . شۇ سەۋەبتىن ، پاراگۋاي كوماندىسى كىشىلەر تەرىپىدىن ‹‹ جەنۇبى ئامرىكىدىكى ئىتالىيە كوماندىسى ›› تەرىپلەنگەن . لېكىن مارتېنو كوماندىغا تېرىنېر بولغاندىن كېيىن ، پاراگۋاي كوماندىسىنىڭ مۇداپىيىگە بەكلا ئېتىبار قىلىشى ئىدىيە جەھەتتىكى خاتالىق دەپ قارىدى ، ئۇ : ‹‹ جەنۇبى ئامرىكىدا ، پاراگۋاي كوماندىسىنىڭ مۇداپىيىسى يېتەرلىك قاتتىق ، بىراق دۇنياغا نەزەر سالىدىغان بولساق ، بولۇپمۇ ياۋروپادىكى بېتۇن مۇداپىيىگە سېلىشتۇرغاندا پەرىق چوڭ . توپچىلىرىمىزنىڭ تېخنىكىسى ئۈستۈن تۇرۇقلۇق ، بىز نېمىشقا ھۇجۇمغا كۈچ سەرپ قىلمايمىز ، كوماندىمىزنى نېمىشقا ھۇجۇم ۋە مۇداپىيە بىردەكلىكىدە ئەڭ نوچى كوماندا قىلالمىغۇدەكمىز ؟؟ ›› دىگەن ئىدى .
پاراگۋايلىقلار ئىنتايىن ئېھتىياتچان ، بۇ ئېھتىياتچانلىق بۇ كىچىك نامرات دۆلەت ئىدىيىسى بىلەن مۇناسىۋەتسىزمۇ ئەمەس ئەلۋەتتە . شۇڭا پۇتبولغا نىسبەتەن چوڭ تۈردە ئىسلاھ ئېلىپمۇ بېرىپ باقمىغان . سەۋەب ، پاراگۋايلىقلار ئىسلاھ قىلىشقا جۇرئەت قىلالمايدۇ ، بىراق ، ئارگېنتىنالىق مارتېنو قىلالايدۇ . مارتېنو تېرىنېر بولغاندىن كېيىن ، پاراگۋاينىڭ ئەنئەنىۋى مۇداپىيە ئارتۇقچىلىقىنى كۈچەيتىپلا قالماي ، ھۇجۇم ئويناش ئۇسۇلىنى تەرەققى قىلدۇرۇشتەك ئېغىر ۋەزىپىنى زىممىسىگە ئالدى . دۇنيا لوڭقىسى مۇسابىقىسى جەنۇبى ئامرىكا تاللاش مۇسابىقىسىدە مارتېنو پاراگۋاي كوماندىسىنى يېتەكلەپ ، 18 مەيداندا 10 مەيدان ئۇتۇپ ، 3 مەيدان تەڭلىشىپ ، 5 مەيدان ئۇتتۇرۇشتەك نەتىجىنى ياراتتى . بولۇپمۇ دەسلەپكى 5 مەيدان مۇسابىقىدە 4 مەيدان ئۇتۇپ 1 مەيدان تەڭلىشىشتەك ياخشى نەتىجىنى ياراتتى .
ئۇندىن باشقا تىلغا ئېلىشقا ئەرزىيدىغىنى شۇكى ، جەنۇبى ئامرىكىدىكى كۈچلۈك رەقىب بىرازىلىيە كوماندىسى ۋە ئارگېنتىنا كوماندىسى بىلەن بولغان 4 قېتىملىق ئۇچرىشىشتا 2 مەيدان ئۇتۇپ ، 1 مەيدان تەڭلىشىپ ، 1 مەيدان ئۇتتۇرۇشتەك ئېسىل نەتىجىنىڭ ساھىبى بولدى .
سېھېرلىك تېرىنېر
ئەگەر بۇ يۇقىرى سەۋىيىلىك سېمفونىيەنىڭ ئۈنۈمدارلىقى ئالاھىدە بولغان بولسا ، ئەڭ ئالدى بىلەن ئالقىش ۋە تەشەككۈرىمىزنى سېمفونىيە دېرىژورىغا ياڭرىتىمىز ، ئۇ بولسىمۇ ئارگېنتىنالىق تېرىنېر مارتېنو . پاراگۋاي دۆلەت ئىچىدىلا ئەمەس سىرتىدىمۇ ، ھەممە بىردەك بۇ 10 يېشىدىلا چاقنىغان ئارگېنتىنالىق توپچى ‹‹ تاتا ›› ( مارتېنو دېمەكچى ) پاراگۋاي كوماندىسىنى يېڭى بىر دەۋىرگە باشلاپ كىردى دەپ قارايدۇ . شۇنداق ، بىر تېرىنېر بولۇش سۈپىتى بىلەن مارتېنو پاراگۋاينىڭ بەختى . بۇندىن بۇرۇن يېشىل چىملىقنى كەزگەن مارتېنو قابىل ئوتتۇرا مەيدان توپچىسى ئىدى . ئۇنىڭ ھۇجۇم پەلسەپىسى پاراگۋاي كوماندىسىغا يېڭىچە روھ ۋە ئىنتىلىش ئېلىپ كەلدى . ئۇ پاراگۋاي دۆلەت ئىچىدىكى زەردار كېررو . پورتىنو كوماندىسى ۋە ئەركىنلىك كوماندىسىنى يېتەكلەپ چىمپىيون بولغان ۋاقىتلاردىلا پاراگۋايلىقلارنىڭ ئىشەنچىسىگە ئېرىشكەن . ئۇ پاراگۋاينى يېتەكلەپ بىرازىلىيە ۋە ئارگېنتىنا كوماندىلىرىنى يەڭگەندە ، ئۇنىڭ قابىلىيىتى ھەممىنىڭ ئېتراپ قىلىشغا ئېرىشكەن .
دۇنيا لوڭقىسى تاللاش مۇسابىقىسىدىكى پاراگۋاي كوماندىسى ھەممىنى ھەيران قالدۇرغان ، مارتېنومۇ كەڭ پاراگۋاي توپ مەستانىلىرىغا زور ئۈمىدلەرنى ئېلىپ كەلگەن ئىدى . شۇنداق ، پاراگۋاي ئۈچۈن بۇ شانلىق ئالتۇن دەۋىر پاراگۋاي تارىخىدىن ئورۇن ئالدى .
مارتېنونىڭ بۇنىڭدىن كېيىنكى تېرىنېرلىق ھاياتىغا زور مۇۋاپىقىيەتلەر تىلەيمەن !!! بارسىلونادىكى ھاياتىنىڭ خۇددى پاراگۋايدىكىگە ئوخشاش شانلىق ۋە نەتىجىلىك بولۇشىنى ئۈمىد قىلىمەن .....
تۈگىدى
|
|
يوللىغان ۋاقتى 2013-8-15 16:20:09
ۋاي مەنمۇ تېخى 3 ئادەم تىرنىر بولغان ئوخشايدۇ دەپتىمە...