- تىزىملاتقان
- 2012-1-15
- ئاخىرقى قېتىم
- 2013-10-25
- ھوقۇقى
- 1
- جۇغلانما
- 984
- نادىر
- 2
- يازما
- 984
|
بۇ يازمىنى ئاخىرىدا nayil تەھرىرلىگەن. ۋاقتى 2013-8-6 13:49
ئىتالىيە زەردارى ئېنتېرنىڭ يېقىندىن بۇيانقى نەتىجىسى ئانچە كۆرۈنەرلىك ئەمەس ، شۇنداقلا يېقىنقى بىر نەچچە پەسىللىك مۇسابىقىلەردە قانائەتلىنگۈدەك نەتىجە ھاسىل قىلالمىدى . لېكىن ، شۇنى ئىنكار قىلالمايمىزكى ، ئېنتېر يەنىلا دۇنيا پۇتبولچىلىقىدىكى ھۆرمەتكە سازاۋەر زەردار كوماندا . دۇنيا پۇتبولچىلىقىغا قارايدىغان بولساق ، ئېنتېردەك نۇرغۇنلىغان ئەستىن چىقماس پۇتبول چولپانلىرىنىڭ ماھارەت سەھنىسى ، تارىخى ۋە نەتىجىسى شانلىق كوماندا ئازدىن-ئاز تېپىلىدۇ .
ئېنتېر قۇرۇلغاندىن تا ھازىرغىچە ساناقسىز پۇتبول چولپانلىرى بۇ ئائىلىدە ئۆسۈپ يېتىلدى ۋە تونۇلدى . بۇ چولپانلار ئىچىدە قايسىسىنىڭ ئەڭ مۇنەۋۋەر ئىكەنلىكىنى تاللاش بىز ئۈچۈن ئەڭ قىيىن بولغان مەسىلىلەرنىڭ بىرى . بۇنىڭ ئىچىدىن ئەڭ مۇنەۋۋەر 5 چولپاننى تاللاش تېخىمۇ تەس ئەلۋەتتە . يېقىندا ئامرېكا تەنتەربىيە ئاخباراتى ‹‹ bleacher report ›› ، ئېنتېر تارىخىدىكى ئەڭ مۇنەۋۋەر 5 چولپاندىن تەركىب تاپقان بىر رەت تەرتىپىنى ئېلان قىلدى . ئەمسە تۆۋەندە بۇلار بىلەن تونۇشۇپ چىقايلى !! قېنى كەتتى ئەمسە !!!~~~~
1 . جوسسېف . مېئاززا
ئېنتېر تارىخىدا نۇرغۇن كىشى قەلبىدىن چوڭقۇر ئورۇن ئالغان مۇنەۋۋەر چولپانلار كۆپ بولسىمۇ ، ھېچكىم مىئاززا دىگەن بۇ ئىسىمدىن ھالقىپ ئۆتەلمەيدۇ . ھەم سىز ۋە مەنمۇ بۇنى ئىكار قىلالمايمەن . چۈنكى ئېنتېرنىڭ پۇتبول مەيدانىنىڭ ئىسىمى دەل بۇ چولپاننىڭ ئىسمى بىلەن ئاتالغان . بۇنىڭدىن ئۇنىڭ ئېنتېر تارىخىدىكى ئورنىنى كۆرۈۋالغىلى بولىدۇ .
مىلاندىن ئايرىلغاندىن كېيىن ، مىئاززا ئېنتېردىكى ئەڭ مول-ھوسۇللۇق ھۇجۇمچى بولۇپ قالدى . ئۇ ياراتقان نۇرغۇن توپ ئۇرۇش رېكورتلىرى ھازىرغىچە بۇزۇلغىنى يوق . ئۇ ئېنتېر تارىخىدا 288 توپ بىلەن مەرگەنلەر قاتارىدا ھازىرغىچە شاھلىق ئورنىنى ئىگەللەپ كەلمەكتە . ھەمدە تاق پەسىلدە 31 توپ ئۇرۇپ ، تاق پەسىللىك مەرگەنلىك رېكورتىنىمۇ ساقلاپ كەلمەكتە .
مېئاززانىڭ شانلىق نەتىجلىرى خەلىقئارا سەھنىلەردە يارىتىلغان . ئۇ ئىتالىيە كوماندىسى بىلەن بىرلىكتە 2 قېتىملىق دۇنيا لوڭقىسى چىمپىيونى بولغان ، شۇنداقلا دۆلەت ئىچىدە ئېنتېر بىلەن بىرلىكتە ئۇنتۇلماس نەتىجىلەرنى ياراتقان . مېئاززا ئېنتېرنىڭ بىر ئەزاسى بولۇش سۈپىتى بىلەن ، 1929-يىلىدىن 1930-يىللارغىچە ، 3 قېتىم ئىتالىيە بىرلەشمىسى چىمپىيونى ، 1 قېتىم ئىتالىيە لوڭقىسى چىمپىيونى ۋە 1 قېتىم مېدبور لوڭقىسى چىمپىيونى بولغان . مىئاززا ، دۇنيا پۇتبولچىلار بىرلەشمىسىدىكى نامدار تۆھپىكارلار قامۇسىنىڭ بىر ئەزاسى . شەك-شۇبھىسىزكى ، ئۇ ئېنتېر تارىخىدىكى بىرنچى ئورۇندىكى ھەقىقى چولپان .
2 . جاسېنتو . فاچېتتى
فاچېتتىنىڭ بۇ تىزىملىكتە 2- ئورۇنغا تىزىلىشقا تامامەن ھەقلىق . بۇ قىل سىغمايدىغان تاللاش . ئۇ دۇنيا پۇتبول سەھنىسىدىكى ئەڭ داڭلىق ۋە ئەڭ مۇنەۋۋەر مۇداپىيىچى ، شۇنداقلا مۇداپىيىچىلەرنىڭ ھۇجۇمغا قاتنىشىشنى ئىسلاھ قىلغۇچى . ئۇ ئېنتېرنىڭ پولات سول قانات مۇداپىيىچىسى ، ئۇ ئېنتېر ئۈچۈن 629 مەيدان مۇسابىقىغە قاتنىشىپ ، 75 توپ ئۇرغان .
فاچېتتى ئېنتېر بىلەن بىرلىكتە 4 قېتىم ئىتالىيە بىرلەشمە چىمپىيونى ، 2 قېتىم ياۋروپا ئۇزغۇنلۇق چىمپىيونى ، 1 قېتىم ئىتالىيە لوڭقىسى چىمپىيونى ۋە 2 قېتىم قىتئەلەر لوڭقىسى چىمپىيونى بولغان . سىتاتېسكىغا ئاساسلانغاندا ، ئۇنىڭ كەسپى ھاياتىدا پەقەت ۋە پەقەت بىر قېتىملا مەيداندىن ئالماشتۇرۇپ چۈشۈرۋېتىلگەن . ئۇ ئېنتېرنىڭ رىۋايەتلىك توپچىسىلا بولۇپ قالماي ، ئىتالىيەنىڭمۇ رىۋايەتلىك توپچىسى . ئۇ ئىتالىيە دۆلەت كوماندىسى بىلەن بىرلىكتە 1968-يىللىق ياۋروپا لوڭقىسى چىمپىيونى بولغان .
تاكى 2006-يىلى كۆز يۇمغىچە ، ئۇ ئېنتېر بىلەن قويۇق مۇناسىۋەت ئورناتقان . شۇبھىسىزكى ، ئۇ ئېنتېرنىڭ ئەڭ بۈيۈك پۇتبولچىسى .
3 . جاۋۋېر . زانېتتى
زانېتتىنىڭ سىماسىنى كۆرگەن ھەر بىر كىشىنىڭ كۆز ئالدىغا ئېنتېر كېلىدۇ . ئۇنىڭ جىسمى ۋە جەڭگىۋار روھى ئېنتېرغا ۋەكىللىك قىلىدۇ . ئۇ ئېنتېرنىڭ ھەقىقى كاپىتانى ۋە ئابىدىسى .
زانېتتى ئېنتېر ئۈچۈن 800 مەيداندىن ئارتۇق مۇسابىقىغە قاتنىشىپ ئېنتېر تارىخىدا يۈكسەك رېكورت ياراتتى . شۇنداقلا ھەر ھەپتىنىڭ ئاخىرىدىكى مۇسابىقىدە بۇ رېكورتىنى يېڭىلاپ كېلىۋاتىدۇ . ئۇ ھەرگىزمۇ قارام مۇداپىيىچى ئەمەس ، مەيلى قانداق بولۇشىدىن قەتئىينەزەر ، ئۇ ئەڭ ئاددى ئۇسۇل بىلەن ۋەزىپىسىنى ئادا قىلىدۇ . ئۇ ھەقىقى تۈردە پۇتبولغا جان كىرگۈزگۈچى ۋە پۇتبول بىلەن سۆز ئىپادىلىگۈچى . ئۇ ھازىرقى پۇتبول ساھەسىدىكى ھەر بىر پۇتبولچىنىڭ نەمۇنىچىسى .
زانېتتىنىڭ تەشكىللىشى ئاستىدا ، ئېنتېر جەمئىي 16 تۈردە چىمپىيون بولدى . ئۇنىڭ ئىچىدە 5 قېتىم بىرلەشمە چىمپىيونى ، 4 قېتىم ئىتالىيە لوڭقىسى چىمپىيونى ، 4 قېتىم ئىتالىيە دەرىجىدىن تاشقىرى لوڭقىسى چىمپىيونى ، 1 قېتىم ياۋروپا ئۇزغۇنلۇق چىمپىيونى ، 1 قېتىم دۇنيا كۇلۇبلار لوڭقىسى چىمپىيونى ۋە 1 قېتىم ياۋروپا ئىتتىپاقداشلار لوڭقىسى چىمپىيونى بولدى . ئۇ ھەقىقى ئېنتېر جەڭچىسى ، ئۇ بۇ شەرەپلەرگە ئېرىشىشكە ھەقلىق .
4 . رونالدو
گەرچە يارلىنىش سەۋەبى بىلەن ئېنتېردا پەقەت 6 يىل توپ تەپكەن بولسىمۇ ، رونالدو يەنىلا ئېنتېر پۇتبولچىلىق تارىخىدىكى ئۇنتۇلماس توپچى . ئۇ ئېنتېرغا ۋەكالىتەن پەقەت 99 مەيدان مۇسابىقىغە قاتناشقان ، باشقىلار بىلەن سېلىشتۇرغىلى بولمىسىمۇ ، ئۇنىڭ ئېنتېردىكى ھاياتى ئۇنى ئېنتېر تارىخىدىكى ئەڭ مۇنەۋۋەر توپچى قاتارىغا كىرگۈزدى .
رونالدو ئېنتېرغا كەلگەن بىرىنچى يىلىلا 25 توپ ئۇردى . ھەر قانداق بىر پۇتبولچى بىرىنچى قەدىمىدىنى ئۇنىڭدەك باسقان ئەمەس . ئۇ كوماندا بىلەن 1998-يىلى ياۋروپا ئىتتىپاقداشلار لوڭقىسى چىمپىيونى بولدى ، شۇنىڭ بىلەن بىرلىكتە ساناقسىز شەرەپلەرگە ئېرىشتى . رونالدو شۇ ۋاقىتتىكى ئىتالىيە بىرلەشمىسىدىكى ئەڭ مۇنەۋۋەر ھۇجۇمچى ، ھەقىقى تاشقى پىلانت ئادىمى . 3 قېتىملىق دۇنيا پۇتبول ئەپەندىسى ، كىشىلەر قەلبىنى لەرزىگە سالغان ، شۇنداقلا پۇتبولنى يۇقىرى پەللىگە كۆتۈرگەن تالانت ئىگىسى ھەم ئېنتېر تارىخىدىكى ئەڭ مۇنەۋۋەر ھۇجۇمچىلارنىڭ بىرى .
5 . لوئېس . سۇئارېز
ئېنتېردىكى سۇئارېز ئېنتېر تارىخىدىكى مۇنەۋۋەر توپچىلارنىڭ بىرى . مەيلى قانداق بولسۇن ، ئۇ ئېنتېر سەھنىسىدىكى موھىم شەخىس . ئۇ توپ تەپكەن ۋاقىتلاردا ، ئۇنىڭ بارسىلونادىن ئېنتېرغا يۆتكىلىشى شۇ مەزگىلدىكى ئەڭ قىممەت يۆتكىلىش رېكورتىنى ياراتقان ، شۇنداقلا ئېسىل ئىپادىسى ئۇنىڭ بۇ باھاغا لايىق ئىكەنلىكىنى ئىسپاتلىغان . ياۋروپا ئالتۇن توپ ساھىبى بولغان سۇئارېز 60-يىللاردىكى ئەڭ مۇنەۋۋەر ئوتتۇرا مەيدان توپچىسى ئىدى .
ئۇ پۇتبول ساھەسىدە كەڭ ئېتراپ قىلىشقا ئېرىشكەن ئىسپانىيىلىك مۇنەۋۋەر توپچى ھەم ئېنتېردا ئۇنتۇلغۇسىز ئىزلارنى قالدۇرغان چولپان . ئۇ 10 يىللىق ئېنتېر ھاياتىدا ، 3 قېتىم بىرلەشمە چىمپىيونى ، 2 قېتىم ياۋروپا ئۇزغۇنلۇق چىمپىيونى ۋە 2 قېتىم قىتئەلەر لوڭقىسى چىمپىيونى بولغان .
تۆۋەندىكىسى ئېنتېر ۋە مىلاننىڭ تۆھپىكار كاپىتانلىرىنىڭ ئامرىكىدىكى ئۇچراشقان سۈرەتلىرىكەن !!!~قوشۇپ قويدۇم !!~
|
|
يوللىغان ۋاقتى 2013-8-6 12:31:39
يوللىغان ۋاقتى 2013-8-6 14:33:26
