- تىزىملاتقان
- 2012-1-15
- ئاخىرقى قېتىم
- 2013-10-13
- ھوقۇقى
- 1
- جۇغلانما
- 964
- نادىر
- 2
- يازما
- 964
|
ۋاڭيى تەنتەربىيە تورى 8-ئاينىڭ 3-كۈنى خەۋىرى :
48-قېتىملىق گامبو لوڭقىسىنى تالىشىش مۇسابىقىسىدا ، بارسىلونا ئۆز مەيدانىدا بىرازىلىيە بىرلەشمىسىدىكى زەردار ، نېيمارنىڭ ئانا كوماندىسى سانتوس كوماندىسىنى 0 : 8 چوڭ نومۇر پەرقى بىلەن ئۇتتى . يېڭى مەشقاۋۇل ماردېنو ، توپچىلاردىن نېيمار ، پۇيول ، بارتېلا ۋە كۇلۇب يۇقىرى قاتلىمىدىكىلەر بايانات ئېلان قىلدى .
مۇسابىقە باشلىنىشتىن بۇرۇن ، بارسىلونا كوماندىسىنىڭ يېڭى مەشقاۋۇلى ماردېنو كامپ نودىكى پۇتبول مەستانىلىرىغا سۆز قىلىپ : ‹‹ مېنىڭ بۇ يەردە تۇرالىشىمغا مەدەت بىرگەن بارلىق پۇتبول مەستانىلىرىغا رەھمەت ! ۋېلانوۋا ھەممىزنىڭ يۈرىكىمىزگە مەڭگۈلۈك ئورناپ كەتتى ! بارسىلونانىڭ مەشقاۋۇلى بولۇشتا بېسىم ھەقىقەتەن چوڭ ، لېكىن بۇ يەردە داۋاملىق قېلىش مېنىڭ ئەڭ زور بەختىم ! ›› دەپ ئىپادە بىلدۈردى . كوماندا كاپىتانى پۇيول توپچىلارغا ۋەكالىتەن سۆز قىلىپ : ‹‹ ئالدى بىلەن ، بىز ۋېلانوۋانىڭ شانلىق نەتىجىلىرىنى ئۇنتۇپ قالمايمىز ! ھازىر بىزنىڭ جاسارىتىمىز ئۇرغۇپ تۇرىدۇ ، كوماندىمىزدىكىلەرمۇ ئىنتايىن ئىتتىپاق ، بارلىق قىيىنچىلىقلارنى يېڭىپ شەرەپ قۇچىشىمىزغا ئىشەنچىمىز زور ! ›› دەپ ئىپادە بىلدۈردى .
مۇسابىقىدىن كېيىن ماردېنو ئاخبارات ئېلان قىلىش يىغىنىغا قاتنىشىپ : ‹‹ مەن بىرىنچى كۈندىن باشلاپلا ئىنتايىن تىنىچ ۋە راھەت ھالەتتە . بۈگۈن مەن جاسارەت ، كۈچ ۋە ئۇمىدكە ئېرىشتىم . ›› دەپ ئىپادە بىلدۈردى . ئۇ يەنە نېيمار ئۈستىدە توختۇلۇپ : ‹‹ مېسسى ، پېدرو ۋە سانچېسلار كونا ھەمكارداشلار ، شۇڭا مەن نېيمارنى كېيىنكى مەيداندا چىقىشقا ئورۇنلاشتۇردۇم . كۆنۇش ئۈچۈن ۋاقىت كېرەك . بۇگۇن كۆپچىلىك چىرايلىق ئوينىدى . ›› دەپ ئىپادە بىلدۈردى . ئۇ يەنە : ‹‹ مەن بارسىلونانىڭ ئەسلىدە بار بولغان ئويناش ئۇسۇلىنى ئېتراپ قىلىمەن . مېنىڭ قىزىقىدىغىنىم ، كوماندىنىڭ ئەسلىدىكى يوقىرى بېسىملىق ئويناش ئۇسۇلىنىڭ ئەسلىگە كېلىشى ، خۇددى بىز بۇگۇن ئالدىنقى ۋە كېيىنكى مەيداندا ئىپادىلىگەندەك . مەن كوماندىنىڭ مۇشۇ ئىپادىسىنى داۋاملىق ساقلىشىنى ئۈمىد قىلىمەن ، مانا بۇ بولسا كوماندىنىڭ بۇندىن بۇرۇنقى بايلىقى ! ›› دەپ ئىپادە بىلدۈردى .
ماردېنو فابرىگاسنىڭ كوماندىدىن ئايرىلىش ياكى قېلىشىغا قارىتا سورالغان سوئالغا : ‹‹ مەن ئۇنىڭ بىلەن سۆھبەتلەشتىم ، ھەم ئۆزۈمنىڭ قارىشىنى ئۇنىڭغا بىلدۈردۈم . مەن ئۇنىڭدىن ئايرىلىشنى ئويلاشقا ئامالسىز ، ئۇ بارسىلونادىكى ئەڭ مۇنەۋۋەر توپچىلارنىڭ بىرى . ھەمدە بۇ ئىشقا ئۆزى قارار چىقىرىدۇ . ئۇنىڭغا نىسبەتەن ، مەندە ئۇنىڭ ئورۇن باسار نامزاتى يوق ، مېنىڭچە ئۇ چوقۇم كوماندىدا قالىدۇ ، ھەم ئۇنى ئېلىپ قېلىشنى ئۈمىد قىلىمەن . كېسىپ ئېيتالايمەنكى ، ئۇ كوماندىدا قالىدۇ ! ›› دەپ ئىپادە بىلدۈردى .
بارسىلونانىڭ ئوتتۇرا بېك كىرگۈزۈش ئىشىغا قارىتا ماردېنو : ‹‹ بۇنىڭغا قارىتا بىزنىڭ ئوتتۇرا بېك تاللاش ھوقۇقىمىزنىڭ بار يوقلىقىغا قارايمىز ، مەن ھازىرقى سەپ شەكلىنى ساقلاپ قېلىشنى ئۈمىد قىلىمەن . ئەگەر توپچى سېتىۋالساق ، ئەڭ ياخشىسى رىقابەت كۈچى ۋە ئىقتىساد بىرلىكىگە قارىشىمىز كېرەك ! ئوتتۇرا بېك سېتىۋېلىش مۇداپىيە سېپىمىزنىڭ كۈچىنى زورايتىدۇ ، ئەگەر سېتىۋېلىپ قالساق بۇ بىر ياخشى ئەھۋال ، ئەگەر سېتىۋالالمىساق مەن ھازىرقى سەپ شەكلىدىنمۇ ئىنتايىن مەمنۇن ! ›› دەپ ئىپادە بىلدۈردى .
ماردېنو سانچېز بىلەن دونگونىڭ مەيداندىكى ئىپادىسىنى ئالاھىدە ماختىدى ، ئۇ 18 ياشلىق كامېرونلۇق دونگونى ئالاھىدە تىلغا ئېلىپ : ‹‹ كوماندىدا 9-نومۇرلۇق ھۇجۇمچىنىڭ بولۇشى ياخشى ئىش ، ھۇجۇم سېپىدە مېسسى ۋە فابرىگاسلارغا ئوخشىمايدىغان تىپتىكى بىر ھۇجۇمچىنىڭ بولۇشى تېخىمۇ ياخشى ئەھۋال . بىزنىڭ نەزىرىمىزدە ئۇ بىر ياخشى توپچى ، ئافرىقا سەپىرىدىكى سەپ شەكلىدە ئۇمۇ بار . ›› دەپ ئىپادە بىلدۈردى .
مۇسابىقىدىن كېيىن ئېككى ياردەمچى پاس بەرگەن نېيمار سۆز قىلىپ : ‹‹ مېنىڭ توپ كىرگۈزەلمەسلىكىم چوڭ مەسىلە ئەمەس ، يەنە نۇرغۇن مۇسابىقىلەر بار ، ھامىنى كېلىدۇ . بۇنداق نۇرغۇنلىغان چولپانلار بىلەن توپ تەپكەن ھېسىياتىم ئىنتايىن ئېسىل ، فابرېگاس ، شاۋې قاتارلىقلار ، يەنە مەن ئەڭ ھەۋەس قىلىدىغان ۋە چوقۇنىدىغان مېسسىمۇ بار . بۇنداق ھېسىيات ھەقىقەتەن ئېسىل ! ›› دەپ ئىپادە بىلدۈردى .
ئوتتۇرا بېك بارتېلا سۆز قىلىپ : ‹‹ مەن ئىنتايىن خوشال ، بۇ بىر مەيدان يېڭى كوماندا ئەزالىرىنىڭ مۇسابىقىسى بولدى ، نېيمارمۇ بار ، توپ مەستانىلىرى مۇسابىقىدىن ھوزۇرلاندى دەپ قارايمەن . بىزنىڭ ئىپادىمىز ئىنتايىن ياخشى بولدى ! ›› دەپ ئىپادە بىلدۈردى .
كۇلۇب رەئىسى سۆز قىلىپ : ‹‹ ماردېنونى مەشقاۋۇللۇققا تەيىنلەش ئىنتايىن موھىم قارار ، بىز داۋاملىق توپ مەستانىلىرى ئۈچۈن خوشاللىق بەخىش ئېتىمىز ! ›› دەپ بىلدۈردى . سۇبسارېتا : ‹‹ بىز توپچىلىرىمىز ئارىسىدىكى چۈشىنىشنى كۆردۇق ، بۇ ئىنتايىن موھىم !! ›› دەپ ئىپادە بىلدۈردى .
|
-
|
يوللىغان ۋاقتى 2013-8-3 14:15:46
راستىنلا مىسسىنىڭ ئوت مەستانىسى ئىكەن بۇبالا...
، داۋاملىق تىرىشىڭلار. غەلبە چۇقۇم سىلەرگە مەنسۇن ، ئالغا مىسسى ، ئالغا نېيمار ، ئالغا باسىلونا .،
